سكريبت كامل بقلم مريم سمير
_ انتي منزلة في موقع جواز تدوري علي عريس!
وانت عرفت منين حد من الحارة تاني عرف
_ امسحي الهبل دا الأول بعد اذنك دلوقتي
أيوة بس أنا لازم..
_ امسحيه يمريم وهنتناقش في أي حاجة بعدها
مسكت فوني ومسحت كل حاجة علي الموقع دا ومسحته سيبت الفون وحطيت أيدي علي راسي
قعد قدامي _ بس دي عمرها ماكانت أنتي!! واحدة زيك هي الي تدور علي عريس دا انتي اتقدملك نص المنطقة ومرضتيش
بس لازم اتجوز يا احمد لازم وبسرعة قبل ما اتم ال٣٠
_ ولي لازم
..
_ انا جاي اساعدك مش تطفل ولا حاجة
لو تميت ال٣٠ من غير جواز عمي الي
هيبقي واصي عليا وبالتالي ف هتجوز إبنه هما الاتنين عاوزين يكوشوا علي ورثي أنا وأمي من ابويا بعد ما دا يحصل هبقي أنا وهي تحت رحمتهم
_ أهدي طب ناوية تعملي اي
مش عارفه ملقتش طريقه غير دي عشان اتجوز اسرع
_ بس لازم تكوني بتحبيه يمريم! واحد متقبلاه وهتعرفي تعيشي معاه عمر قرار الجواز ما يتاخد كده
بصتله من فوق لتحت _ متقوليش الي جه في دماغك
ارجوك يا احمد ارجوك
_ مش هينفع
مش انت علي طول بتقولي انك زي اخويا واني لو طلبت منك اي عمرك ما هتتأخر عليا يرضيك أنا وأمي يحصل فينا كده
_ لاء يمريم بس..
لمدة
شهرين الورث يتنقل ب اسمي وتطلقني بعدها ارجوك وافق انت الوحيد الي عرفاك كويس أنا معرفش حد غيرك
_..
أنا عارفه أنه مش قرار تاخده في خمس دقايق بس دا جميل عمري في حياتي مهنسهولك وهعيش دايما احاول ارد ولو ربعه
_ أنا موافق
بجد أنا مش عارفه اقولك أي أنا كنت متأكدة انك مش هتسيبني لوحدي في موقف زي دا
بعد ما بابا اټوفي وانا الدنيا اسودت في عيني وانا عندي خمسه و عشرين سنه
الا بابا عشان كده كتب وصيه وادهاله واني لو متجوزتش بعد سن التلاتين هو يبقي واصي عليا ويخترلي الشاب المناسب بابا عمل كده عشان كان متأكد اني مش حاطة موضوع الجواز في دماغي لكن شاف إنه لازم يأمن حياتي قبل رحيله أحمد اول واخر حد وقف جمبي أنا وماما بعد ما العزا خلص والكل روح جه قعد جمبي علي كرسي في الصوان وقالي اني اعتبره اخويا منكرش أنه من بعد اليوم دا مقصرش في حقنا وكان أي مشكلة تحصل كان هو الي بيتصدرلها احمد شاب كويس مكافح ورغم وسامته فضل لغايه دلوقتي متجوزش! رغم أنه قدي يعني كسر لل٣٠ كنت محروجة جدا
افاتحه في الموضوع
ف اختارت ادخل علي موقع اكتب فيه
بياناتي علي الاقل الي هيجي هيكون هو كمان محتاج عروسه متوقعتش اسمي يجي قدامه في حاجة زي دي حاجة محرجة! بس انقذتني .
بعدها بيوم كان في صالون بيتنا مع ماما وعمي
_ انا جاي اطلب ايد مريم
مريم!! للاسف محجوزة فرصه سعيدة
_ محجوزة أي أنا عاوزها وهي عوزاني وبتهيقلي هي كبيرة كفايه عشان هي الي تختار
ورأيك أي يست مريم
أنا موافقه
احمم طيب هنعمل خطوبة الاول
_ الخطوبة بتتعمل للناس الي متعرفش بعض أنا عارف من خمس سنين! ف أنا عاوز اتجوزها علي طول
وانا موافقه بردو
امي قامت باستني مبروك يحبايبي ربنا يتمم بخير
شقه احمد كان مخلصها من زمان وقافلها
أهله كان مني عينهم يشوفوه عريس واليوم جه! عمري ما شوفت ناس فرحانة قد أهله وامي في اليوم دا
اتكتب الكتاب كتابي علي ميكانيكي الحارة صاحب الورشه
خد بالك منها يا احمد أنا مليش حد غيرها في الدنيا
_ بتوصيني علي مين يطنط دي في عنيا
حضنت ماما وانا بعيط متخيلتش اسيبها في يوم
عمي وابنه كانوا واقفين طول الفرح علي آخرهم حتي وهو بيشهد علي كتب الكتاب مبصش ل احمد
المعازيم روحوا فضلت أنا وهو بس
قفل باب الشقه وانا قعدت علي الركنة باصه في الأرض
_ اممم اه اي رأيك في الشقه
حلوة اوييي بس الوان الحيطان دي كنت سألتني عليها
قبل كده
_ ها تاكلي
..
_ مريم أنا احمد هفضل اخوكي قومي ناكل
منكرش ان كلامه ريحني وقلبي ارتخي وبطلت خوف كلنا احنا الاتنين سوا زي ما كنا بنتغدي كل جمعة عندنا كان أقرب حد ليا الراجل الوحيد في حياتي .
انت بتعمل اي
_ باخد بطانية عشان اتغطي بيها
مش قصدي قصدي رايح فين بالبطانية
_ هنام برا
بس الجو برد اوييي!
_ أنا متعود نامي انتي ومتشغليش بالك
احمد ممكن تنام هنا عادي
_ بجد ايدا شكلها هتحلو ولا اي
احترم نفسك يا احمد
_ صدقيني هحاول
فرش ونام علي الارض وانا نمت علي السرير كنت نايمة متطمنة هو اكتر شخص انا بثق فيه
صحيت من النوم ف لقيته في وشي ف
صوتت وزقيته
_ بذمتك دا ريأكشن يعني
انت كنت قاعد تبصلي وانا نايمة!!!
_ مكنتش مصدق انك موجودة هنا
مش فاهمة!
_ عملت فطار عرايس إنما أي بقي جامد محرقتش البيض
انت كداب يا احمد
_ حمرته بجد مش حروق
ضحكت طب يلا نعمل غيره
عملت فطار وكلنا جه وقت الغدا لاء بس الشيف الشربيني لو دخل معايا تحدي خسران
_ بس انتي مبتعرفيش تطبخي يمريم
والله هو عشان عمري مدخلت المطبخ ابقي مبعرفش مش يمكن اجرب واطلع
_ أنا بقول نطلب دليفري
خلاص يا احمد انا قررت هطبخلك
بجد
هو بجد عاوز اي مش فيه حاجة اسمها زفت يوتيوب
_ مريم انتي طبختي اللحمه الي كانت في الفريزر
ابهرتك صح
_
طبختي التلاتة كيلو
يدوبك بجد
_ لي متجوزة اي متجوزة
مين انتي عشان ياكل تلاتة كيلو مش فاهم
اقعد كل بس علي قد ما تقدر
كل ف بصلي _ حسبي الله ونعم الوكيل
أيوة وانت قاعد كده عطر لسانك بذكر الله
_ حسبي الله ونعم الوكيل فيكي
ايدا في أي متهزرش
_ انتي عارفه دول بكام انتي طبختيهم ازاي
هادية غالب
_ بس هادية غالب بتاعت لبس
مهو طبخت مرة استني اكمل الفيديو
فتحت الفيديو وجبت آخره ف قالت في الأخر إن الأكلة باظت منها ف رجعت بصتله وابتسمت
احمد انت عارف أنه فدايا ولا اسيبلك البيت وامشي
_ مريم انتي عارفه انك لو مسكتيش هكسر عليكي الصالون ولا لاء
هو متعصب لي! دي لحمة يعني!! الواد دا طلع بخيل ولا اي
بيتزا في بيتي في
اوضه نومي علي سريري
_ بطلي يا اوفر بدل ما اقوملك
أنا جعانة يا احمد
_ أيوة اي مشكلتي يبتاعت اللحمة
مش انا مراتك حبيبتك
_ اممم بس انا مبديش حاجة ببلاش الصراحة
طب اتلم
_ خلاص خليكي جعانة
قعدت قدامه ف ضحك _ المشكلة انك مبتهونيش عليا امسكي
كنت عارفه انك كويس
_ اولها بتبقي شكرانية فيا خلي بالك شكلها هتحلو بجد بقي
احترم نفسك يا احمد
_ هحاول والله
بعدها ب اسبوع نزل شغله وانا كمان نزلت المستشفى علي عكس اغلب الممرضات هناك أنا بحب شغلي جدا محدش كان مصدق أني اتجوزت وفي أيدي الشمال دبلة حتي أنا مكنتش مصدقة المړضي وصحابي بدأوا يباركولي
ها
قصه حب
_
بس مين يصدق أنه عرف يوقعك! ربنا
يهنيكم
