سكريبت طيفي الجميل كامل
_ اتفضلي المفتاح
_ تسلم يا عم عبدو
_ الله يحفظك يا بنتي اقفلي على نفسك كويس وبلاش تطلعي من شقتك ب الليل العمارة ست أدوار وكل واحد فيها قاعد ف حاله شقتك ف الدور الرابع .
ساعدني في شيل الشنط وصلت قدام باب شقتي حسيت ب رعشة غريبة أما حطيت إيدي على الباب!
_ وأنت أهلك فين يا بنتي!
ابتسمت ب تشوش
_ اتوفوا من وأنا صغيرة
_ الله يرحمهم ويغفر لهم .. أومال كنت عايشة مع مين!
_ كنت عايشة مع خالتي و أول ما أتخرجت وأشتغلت قررت أحوش عشان أشتري شقة وأعيش لوحدي
هز رأسه بتفهم
_ ربنا يحميك يا بنتي أستأذن أنا بقا
ابتسمت ب أمتنان
_ اتفضل يا عم عبدو .. تعبتك معايا .
_ تعبك راحة يا ست البنات .
فتحت الباب و أول ما حطيت رجلي حسيت ب نسمة هواء شديدة بتقرب مني! غمضت عيوني ب سرعة وحسيت إن نسمة الهواء د واقفة قصاد وشي فضلت مغمضة عيوني ثواني ل حد ما حسيت إن نسمة الهواء أو الشيء الخفي د مشي أخذت نفسي ب هدوء ودخلت شنطي وقفلت الباب
بدأت ألف ف البيت وأنا مبتسمة وبكلم نفسي
_ عاااا أخيرا يا أموله بيت لوحدك من غير زن خالتك ومعاملتها الۏحشة يااااه يا جدع على الراحة .
الشقة كانت صغيرة ولطيفة عبارة عن صالون ومطبخ وتواليت وبلكونة كبيرة شويتين و أوضتين وضبت الشقة ومكنش فاضل غير أوضة واحدة فتحت باب الأوضة وحسيت ب رعشة غريبة أول ما لمست الباب و أول ما دخلت الأوضة حسيت ب نفس نسمة الهواء بتقرب مني ب سرعة غمضت عيوني ب خوف وأنا حاسة ب نسمة الهواء وكأنها بتتنفس قصاد وشي حسيت إنها مشيت! فتحت عيوني ب هدوء وبدأت
نمت ب هدوء وصحيت تاني يوم جهزت ونزلت شغلي في المستشفى اليوم كان متعب نوعا ما بس على قلبي ذ العسل
رجعت البيت وحسيت ب نفس الرعشة أول ما لمست باب البيت دخلت لقيت في أكل موجود على السفرة وأدوات المطبخ اللي فطرت فيها الصبح مغسولة ومرصوصة ف المطبخ تلقائي خۏفت وأنا بفتكر حكايات العفاريت اللي جدتي كانت بتحكيها ليا أنا وصغيرة لا لا عفاريت ايه! أكيد عم عبدو بعت حد ينضف الشقة ويعمل أكل بس ريحة الأكل نستني خۏفي بدأت أكل من غير ما أشغل بالي وحسيت ب رعشة وأنا بأكل و.. نسمة الهواء حسيت إنها قريبة مني!
_ الأكل عجبك!
سمعت صوت حد قدامي رفعت وشي و الأكل في بوقي و أكل في أيدي وبصيت على كرسي السفرة اللي قصادي وكان قاعد عليه شاب بيطلع منه ضوء أزرق حسيت كياني كله وقف عاوزة أضرخ بس لساني واقف أزاي .. د د
صړخت ب صوت عالي وأنا بجري
_ عفريييييت الحقوناااااااي
بدأت أجري ف الشقة وأنا پصرخ ب صوت عالي وهو لسا قاعد مكانه ومبتسم أوي والضوء الأزرق اختفى
_ أن...ت أنت مين
قام من مكانه
وابتسامته زادت وبدأ يقرب مني
_ أنت بتقرب لييه .. خليك بعيد بالله عليك
مسكت الشرشوبة و وجهتها ناحيته .. وقف
قصادي
قال ب صوت حان وما زال مبتسم
_ متخفيش مني
سبت الشرشوبة اللي في إيديا وبصتله وغمضت عيوني حسيت بنفس الأحساس أما نسمة الهواء كانت قريبة مني
بصتله بحذر و قولت
_ أن...ت مين!
_ عفريت
مسكت الشرشوبة وكنت هصرخ بس رد ب سرعة
_ اوعي ټصرخي أنا مش هعملك حاجة
_ ينفع أدخل أوضتي
_ اتفضلي!!
دخلت الأوضة ب سرعة وقفلت الباب وفضلت أعيط .. أنا مخوفتش أما حسيت ب الرعشة ولا أما حسيت بنسمة الهواء كنت متأكدة إن في حاجة ف البيت بس الحاجة د كانت بتحسسني ب أمان بس د .. د ظهر فجأة! وطلع عفريت!
لقيته واقف قدامي و قال
_ ممكن تبطلي عياط أنا مش هأذيكي
قومت من على الأرض وأنا بزعق
_ ازاي تدخل أوضتي من غير أذن .. اطلع برا ل حد ما أخلص عياط واطلعلك عشان أشوف هتلبس ولا هقرأ عليك قرآن ولا هعمل ايه في أم اليوم اللي ملوش ملامح ده
لقيته اختفى مرة واحدة!! .. ايه فيلم الړعب اللي أنا فيه ده مسحت دموعي وقرأت كل سور القرآن اللي خطرت في بالي مكنتش خاېفة أوي لأني مقتنعة طلاما أنا مأذتكش عمرك ما هتأذيني اتنفست ب هدوء وطلعت أطباق الأكل اتشالت والمكان اتنضف .. أنا كد هتعود على النضافة يا جدعان كان واقف شاورلي اقعد على الكرسي مشيت ب هدوء وقعدت وأنا ب بص عليه وعلى الشرشوبة
ضحك وخلع قلبي من مكانه ب ضحكته
_ يعني الشرشوبة د ممكن تقتلني!
_ أن...ت مين!
_ أولا أنا مش عفريت أنا كنت بقول كد عشان اناغشك أنا خالد .. طيف من عشيرة الأطياف شبيهة البشر عشيرتنا مش بټأذي
رديت ب خوف وتوتر وفضول
_ ايه هيا المواقف د!
_ لو مثلا طيف حب بشړي ملك الأطياف بيأمر ب قتل البشري والطيف بيأخذ عقاپ بسيط لكن لو الطيف أعترض على قتل حبيبه البشري يبقى الحل إنهم لازم يفترقوا والطيف د يتحظر تماما من دخول عالم البشر ل الأبد وبيكون د عقابه والبشري لو ڤضح سر إن في أطياف .. بيتقتل عشان كد بيحفظوا السر وبينسوه مع الوقت .
_ وبتعمل ايه في شقتي و في أطياف موجودة هنا غيرك
_ مفيش أطياف هنا غيري لأن ممنوع أي طيف يدخل عالم البشر الفترة د بسبب شوية ظروف خاصة ب عالمنا مسموح ليهم حاليا يراقبوا عالم البشر من بعيد إنما يدخلوه لا
_ بس أنت!
ضحك ب مرح و قال
_ أنا أخترقت القواعد وبما أني أبن الملك ف لو اتكشفت عقاپي هيكون بسيط
وقفت قصاده وخۏفي اتلاشى
_ كوسة يعني! حتى عند العفاريت فيه كوسة!
_ أنا مش عفريت
_ بتعمل ايه في شقتي
بضحكه هقولك
_ كان لازم أختار مكان استخبى فيه بعيد عن حراس الملك اللي بيدورا على أي حد بيخالف القوانين والشقة د كانت المكان المناسب
بدأت ألف حواليه وأنا بسأل
_ والرعشة الغريبة ونسمة الهواء!
_ الرعشة اللي حسيتي بيها عند الباب حسيتي بيها لأن في مكان سري عند الباب بيوصل ل عالم الأطياف والرعشة اللي ف الأوضة كانت عشان أنا اللي مجهز الأوضة د بنفسي من عفش وألوان وأنا
ملمستش غير الباب والأوضة والأكل ف عشان كد حسيتي ب رعشة .. بس في حاجة غريبة
_ حاجة ايه!
_ محدش بيحس ب رعشة الأطياف غير شخص شاف الخۏف ب عينيه
_ ...
_ عجبك الأكل
_
_ نعم
_ هو ايه اللي نعم
اطلع برا .. د
