شرشريف فضل واقف مكانه
شريف فضل واقف مكانه ومش قادر يستوعب اللي حصل
بقاله شهور كاملة وهو بيحاول يسمع من ليلى كلمة واحدة ومفيش فايدة
حتى لما كان يدخل عليها كانت بتبص بعيد وكأن وجوده مش فارق معاها
لكن دلوقتي هي بنفسها طلبت منه حاجة
شريف بص لنادين وبعدين رجع بص لبنته
وقال بصوت أهدى
إنتِ عايزاها تفضل؟
ليلى هزت راسها ببطء
أيوه
شريف أخد نفس طويل وقال لنادين
كملي شغلك
نادين ما صدقتش اللي سمعته
قالت بتردد
حاضر يا فندم
خرج شريف من الأوضة وقفل الباب وراه
نادين رجعت قعدت جنب ليلى وقالت
هو حضرتك متأكدة إنك عايزاني أفضل؟
ليلى بصتلها وقالت
أيوه
وبعد لحظة صمت قربت منها وقالت بصوت واطي
بس لو سمحتي ما تقوليش لبابا على اللي هقولهولك
نادين اتوترت
ليه؟
ليلى بصت ناحية الباب كأنها خايفة حد يكون واقف وراه
وقالت
لأن بابا فاكر إني فقدت عقلي من بعد موت ياسين
نادين سكتت
ليلى كملت
أنا مش مجنونة
أنا فاكرة كل حاجة
نادين حسّت بقشعريرة في جسمها
كل حاجة إيه؟
ليلى بلعت ريقها وقالت
اللي حصل ليلة الحادث
نادين قربت منها أكتر
لكن ليلى فجأة سكتت
وحطت إيدها على صدرها وهي بتتنفس بسرعة
نادين قالت بقلق
إنتِ كويسة؟
ليلى هزت راسها
وبعدين قالت
ياسين ما ماتش بسبب حادث
نادين اتجمدت مكانها
يعني إيه؟
ليلى بصتلها في عينيها
العربية اتعمد حد يخبطها
نادين قامت من مكانها من شدة الصدمة
وقالت
إنتِ متأكدة؟
ليلى ردت
أنا كنت معاه
نادين حسّت إن الأرض بتتهز تحت رجليها
لكن قبل ما تسألها عن أي حاجة تانية سمعوا صوت خطوات في الممر
ليلى بسرعة مسكت إيد نادين
وقالت
محدش لازم يعرف إني قلتلك
الخطوات قربت
نادين بصت ناحية الباب
المقبض اتحرك
وبعدها الباب اتفتح
دخل شريف
وكان في إيده ظرف بني صغير
أول ما شاف ليلى ماسكة إيد نادين وقف لحظة
وبعدين قال
إنتوا كنتوا بتتكلموا في إيه؟
ليلى ردت بسرعة
ولا حاجة
شريف بص لنادين بنظرة طويلة
وبعدين حط الظرف على الترابيزة
وقال
نادين
أيوه يا فندم
أنا عايزك تعملي حاجة
بكرة الصبح هتروحي مع السواق تجيبي شوية حاجات من المخزن القديم
نادين هزت راسها
حاضر
شريف خرج تاني
نادين فضلت باصة على الباب
لكن ليلى كانت بتبص على الظرف
وفجأة وشها اتغير
وقالت
الظرف ده كان مع ياسين
نادين قربت من الترابيزة
إنتِ متأكدة؟
ليلى هزت راسها
أيوه
أنا شفته قبل الحادث بيوم
نادين بصت للظرف
وقالت
طب ليه أبوكي حاطه هنا؟
ليلى ما ردتش
لأنها هي نفسها ما كانتش عارفة
وبعد ثواني قالت
لازم نعرف جواه إيه
نادين بصت ناحية الباب
بس لو باباكي عرف؟
ليلى مسكت إيدها بقوة
لو الظرف ده فيه اللي أنا فاكرة
يبقى إحنا مش بندور على الحقيقة عشان نعرف مين ق/تل ياسين وبس
إحنا بندور على الحقيقة عشان نعرف مين في العيلة كان عايز يموته
