سر الحماة ج1 .... منال علي

حماتي زعلت مني بسبب رز بايت ومشيت من غير ما تتغدى وبعدها عرفت سر زعلها الحقيقي!!!!!!
اليوم ده كان عادي جدًا في أوله.
كنت من الصبح في المطبخ بجهز الغدا، وجوزي هييجي من الشغل على العصر، والعيال كالعادة كانوا كل شوية يدخلوا المطبخ يسألوني ماما، الأكل خلص؟
وأنا أرد عليهم لسه يا حبايبي، استنوا شوية.
كنت عاملة فراخ ورز وسلطة، وحاطة الحلة على الڼار ومستنية الرز يستوي.
وأنا بفتح التلاجة عشان أطلع السلطة، عيني جت على طبق صغير فيه شوية رز من امبارح.
بصيت للطبق وقلت لنفسي حرام أرميه.
كان متشال في التلاجة، وشكله كويس، ومش أول مرة يحصل معايا كده.
طلعت الطبق وحطيته فوق حلة الرز الجديدة عشان يسخن بالبخار مع الرز اللي بيتعمل.
بالنسبة لي كانت حركة عادية جدًا.
لكن حماتي، اللي كانت قاعدة في الصالة، دخلت المطبخ في اللحظة دي.
أول ما شافتني، وقفت مكانها وقالت بصوت عالي إنتِ بتعملي إيه؟!
لفيت لها وقلت بسخن الرز ده يا ماما.
بصت للطبق وبعدين بصتلي، وقالت رز بايت؟!
قلت آه، كان في التلاجة.
اتغيرت ملامح وشها وقالت شيليه من هنا حالًا.
استغربت وقلت ليه؟
قالت بعصبية إنتِ مش عارفة إن الرز لما بيبات بيعمل أمراض وحاجات وحشة؟
ضحكت ضحكة بسيطة من غير ما أقصد وقلت يا ماما هو مش سايباه بره، ده في التلاجة من امبارح.
لكنها ما اقتنعتش. بقلم منال علي
قالت أنا بقولك ارميه.
بصيت للطبق وقلت بس حرام يا ماما، دي نعمة.
ردت بسرعة النعمة إنك تحافظي على عيالك، مش إنك توفري في الأكل على حساب صحتهم.
الجملة دي استفزتني.
حسيت إنها بتلمح إني ممكن أأذي ولادي عشان أوفر كام معلقة رز.
قلت لها هو أنا يعني مش بخاف على عيالي؟
قالت أنا ما قلتش كده.
قلت بس كلامك معناه كده.
سكتت شوية، وبعدين قالت أنا شايفة إنك بتستهوني بحاجات أنا شايفاها خطېرة.
هنا أنا كمان اتعصبت.
قلت وأنا شايفة إن الموضوع عادي، وطول عمري بسخن الرز اللي بيفضل ومحدش حصل له حاجة.
قالت يعني عشان عملتي حاجة غلط كذا مرة ومحدش تعب، يبقى صح؟
سكت.
مش عشان اقتنعت. حصري علي روايات واقتباسات
لكن عشان حسيت إن الكلام بدأ ياخد