أصعب أيام حياتي ج4 منال علي

الجزء الاخير 
بعد أيام من التفكير...

وافقت أقعد جلسة الصلح، لكن بشروط واضحة. حكايات منــال عـلـي 

قدام كل الكبير والصغير، حماتي وأخت جوزي اعترفوا إنهم غلطوا في حقي، واعتذروا قدام جوزي والعيلة كلها.

وجوزي كان أول واحد يتكلم، وقال بكل حزم: 

"مراتي ليها احترامها، واللي يمد إيده عليها مرة، يبقى خسرني قبل ما يخسرها. من النهارده بيتي له حرمته، ومحدش يدخل فيه أو يتصرف فيه من غير إذنها."

ولأول مرة...

حسيت إن صوتي مسموع.

وأخويا، أول ما عرف إن جوزي وقف معايا، وإن الاعتذار كان قدام الجميع،  وقال:

"أنا كل اللي كنت عايزه أطمن إن أختي حقها رجع."

وساعتها زعله راح، ورجع يكلمني كأنه عمره ما زعل.

 متوفره على روايات واقتباسات 

أما حماتي...

فاتغير أسلوبها معايا بالتدريج، ويمكن الأيام ما رجعتش كل حاجة زي الأول، لكن رجع الاحترام، وده كان أهم من أي حاجة.

وجوزي قضى إجازته كلها وسطنا، يعوض عياله عن شهور الغياب، والبيت رجع فيه الضحك بعد أيام كلها وجع.

متوفره على روايات واقتباسات 

وقفت آخر يوم وهو مسافر، بصلي وقال:

"وأنا بعيد... اطمني. طول ما أنا عايش، محدش هيكسرك."

ابتسمت وأنا ببص لعيالي بيلوحوا لأبوهم، وحسيت إن ربنا جبر خاطري بعد صبر طويل.

وساعتها أيقنت...

إن البيت مش بيقوم بالفلوس ولا بالسفر... البيت بيقوم براجل يعرف يحمي مراته، وست تعرف تحافظ على كرامتها من غير ما تخرب بيتها، وأهل لما يغلطوا تكون عندهم شجاعة الاعتذار.

والحمد لله... انتهت أصعب أيام حياتي، وبدأت بعدها صفحة جديدة كلها راحة وطمأنينة.