بطلي هزار ماسخ بقى ج3...... منال علي

الجزء الثالث والاخير 👇🏼 

ندى أخدت الظرف من إيد المحضر، وبصت لحسام.

كان وشه شاحب، وإيده بتترعش وهو بيحاول ياخده منها.

— هاته يا ندى... أنا هتصرف.

سحبت إيدها بهدوء وقالت:

— لا... المرة دي هعرف كل حاجة.

فتحت الظرف، وقعدت تقرأ. كل سطر كانت بتقراه كان بيكسر جزء من الصورة اللي كانت رسمها لجوزها طول السنين.

فعلاً... إيصال الأمانة بقيمة تلتمية ألف جنيه، وكريم رفع قضية بعد ما حسام ما التزمش بالسداد.

رفعت عينيها وقالت بصوت هادي:

— يعني كل اللي حصل... كان عشان تسدد دينك؟

حسام نزل راسه.

— غلطت... وخفت أقولك. كل مرة كنت بقول هعوضها، والخسارة كانت بتكبر.

ندى سكتت شوية، وبعدها قالت:

— لو كنت جيتلي من أول يوم وقلتلي الحقيقة، كنت هقف جنبك. لكن إنت اخترت الكدب، وجبت أصحابك يضغطوا عليا، وحاولت تاخد فلوس ورثي من غير ما أعرف السبب الحقيقي.

حسام دموعه نزلت لأول مرة.

— سامحيني... أنا كنت خايف أخسرك.

ابتسمت ابتسامة كلها وجع.

— للأسف... خسرت ثقتي قبل ما تخسرني. حكايات منــال عـلـي