رواية الذي أحب العجوز كاملة جميع الأجزاء بقلم مريم سمير

يعني حضرتك عاوز تجوزني ابنك الي كان بيحب واحده اكبر منه ب سنه!!
رد بصوت خاڤت أيوه
والواحده دي توفت ودا أثر عليه فجاي عشان اتجوزه واساعده!!
بالظبط كده
دا هبل!!
انا.. انا اسفه مقصدش
ممكن اقعد معاها شويه لوحدنا
بابا وماما سابونا ودخلوا المطبخ رجعت بصتله ف ابتسمت لما لقيته مبتسملي
انتي هتعملي حاجه عمري مهنسناها ابدا..
بس..
ارجوكي يبنتي وافقي انا معنديش غيره نفسي يطلع من الحاله دي ويفوق لنفسه دا شاب يشرح القلب والله هو مكنش كده معرفش بقى ماله يمكن انشغالي في شغلي هو الي عمل كده بس انا بعمل كل دا عشانه والله انا ممكن اعملك الي تطلبيه و..
عمو جمال حضرتك ليك فضل كبير علينا بعد ربنا انت الي مشغل بابا وواقف جمبه دايما وعمرك محسستنا انك صاحب شركه وبابا مجرد موظف عند حضرتك بالعكس انت على طول بتعاملني وبتعتبرني على طول زي بنتك تفتكر انا بقى أرفض اول طلب انت بالذات الي بتطلبه تفتكر!!
ابتسم يعني اي يعني..
موافقه ايوهه موافقه
قام وباس راسي انتي احسن بنت في الدنيا وقلبك دا مفيش منه وربنا هيفرحك اكيد عشان طيبتك دي ربنا يخليكي يبنتي ربنا يخليكي
ابتسمت وماما وبابا جم
هستأذن انا عشان عندي شغل
اتفضل يعمو
مشي وماما وبابا قعدوا قصادي وبصوا لبعض وبصولي
ضحكت اي يجماعه في اي!!
عملتي اي
وافقت يبابا
ابتسم كنت عارف انك هتوافقي
بنتك بقى لازم اساعده لو انا مكانه كنت هحتاج حد معايا
عين العقل يبنتي ربنا يصلح حالك
ويبارك في عمرك يحبيبي
دخلت اوضتي وقعدت على السرير وخدت نفس وطلعته براحه يمكن انا بحب حنيتي اوي لازم احط مكاني مكان الي قدامي وأحس بنفس احساسه انا من صغري وانا كده
مش بحب حد زعلان الي هو بالله متزعل طب اقولك نكته وتضحك طيب نفسي اشوف كل الناس مبسوطه بتضحك مش شايله هم حاجه خالص و.. ثواني هو انا هتجوز!! طب هو عامل ازاي انا عمري مشوفته وازاي عقله يسمحله ان يحب واحده قد مامته دا على الاقل يعني! مريم انتي اتورطي صح ننام بقى
نمت وصحيت علي صوت ماما بتصحيني
لا جوزوني عشان اخلص من الصحيان كل شويه دا
الماذون برا !!
انتوا هتجوزوني بجد دا انا كنت بهزر والله
قومي البسي واطلعي
نعم ماما بطلي هزار
يبنتي اخلصي كتب الكتاب دلوقت
اصلا!!
قومت من مكاني بسرعه ولبست وطلعت لقيت ماما بتزغرط!! عززوني طيب احس اني فارقه لو ببصله من الي بتخرطوها دي! اكيد القله دي مش عشان تكسروها قبل ممشى!
جه عمو جمال سلم عليا الف مبروك يحبيبتي تعالي امضي يلا
هو فين! ابن حضرتك فين هو كتب كتابي مكتوب غيابي!!
خلاص والله انا راضيه هروح امضي
مسكت القلم وبصيت لماما وبابا وهما واقفين جمب بعض كان نفسي اتجوز عن حب كنت بتمنى دا اوي بس اكيد دا نصيبي مش كده اتمنى يطلع كويس اتمنى قلبي ياخد حقه عشان فضلت محافظه عليه كل دا اتمنى!
مضيت وعمو جمال قالي اني ادخل احضر شنطتي عشان هروح معاه الفله دخلت وحضرت هدومي وطلعت ودعت بابا وماما احنا اه ناس على قد حالنا بس بيتنا دافي بالحب الي بين ماما وبابا بالبساطه في المعامله بلطف بابا على قلب ماما دايما ماما تقول انه عوضها اتمنى يكون هو عوضي هو كان اسمه اي!!
نزلت ولقيت عربيه كبير مستنيه تحت البيت ركبت مع عمو جمال ومشينا
هو اسمه اي
احمد اسمه احمد
اه تمم
ندمانه
لا طبعا متشغلش بالك بحاجه انا مبسوطه وكويسه
دايما يبنتي
وصلنا الفله
ووقفت

قدامها من جمالها قد اي هي جميله في شكلها اتنهدت واتمنيت حياتي الجديده تبقى مريحه وحلوه
دخلت جوا وابتسامتي اختفت! قافلين الشبابيك في عز النهار فيه اضاءه بس على قد متشوفي كف ايدك! كان بيت كبير اه بس مېت مفهوش روح أكن السجاجيد تحت رجلي مېته بيت مفهوش مفهوش سعاده!!
مريم اوضتك فوق كوثر هدوديكي وهو فوق على فكره
ماشي يعمو
الي اسمها كوثر جت وشالت الشنطه وطلعت قدامي كنت بتخيله مع كل خطوهه يتري عامل ازاي طباعه اي طب هقدر أحقق الي جايه عشانه ولا ولا
طب انا عاوزه اكمل نومي طيب في ام الفله الكئيبه دي! رجعوني بيت اهلي كده بلاش خوته
طلعت وكوثر خبطت على الباب تلت خبطات ودخلت حطت الشنطه وطلعت وانا دخلت بعدها لقيت شاب ماسك كتاب وعطيلي ضهره ايوه هفضل اتخيل في شكلك يعن
احمم نحن هنا!
الټفت من هنا وانا تنحت من هنا كانت ملامحه جميله بشكل! بس تعبيرات وشه حاده الي هو اي الجمال دا اي دا استغفر الله!!
الټفت ليا ولفت حواليا وبصلي من فوق لتحت ورجع وقف قدامي تان وسكت
الي هيتكلم الأول امه رقاصه يعني!!
اختارك انتي!!
بتهيقلي مفيش واحده هتدخل اوضتك الا لما تكون هي الي وقع عليها الاختيار!!
وافقتي لي
نعم!!
زي مسمعتي وافقتي لي وانتي عارفه اني بحب واحده تانيه
رجعت خطوه لورا لما صوته بدأ يعلي
وانا اعرف منين!!
عاوزه تفهميني انك جايه مش فاهمه حاجه
افهم اي
اني مش عاوزك تمم
بصوت خاڤت لا انا الي مېته في دباديبك دبدوب دبدوب
بتقولي حاجه
انا عاوزه اغير هدومي عشان انام لو سمحت
نعم يختي! هو انتي هتنامي هنا عامله حسابك على بيات!
امال خفاشه انا
خدي شنطتك دي واطلعي برا اوضتي وحالا
ولو
مطلعتش اخرك هاته بقى في ام الليله الزرقا دي
لو مطلعتيش!
خدت خطوه لورا تاني لما قرب ها
مش انتي جايه هنا على اساس مراتي يبقى تبقى مراتي بجد بقي
الاوض هنا كتير ما شاء الله انا رأيي اطلع بكرامتي بطل مطلع من غيرها فسحلي بقى كده
خدتت شنطتي ووقفت برا وهو قفل الباب دا انت مدرستش يعني اي زوق! ولا اتربيت لحظه بصيت لقيت عمو جمال طالع بتسحب!! اكيد جاي يشوف اي الي حصل وانه اتقبلني ولا لا!
دخلت الاوضه بسرعه وسبت الباب موارب وروحت وقفت قدامه
وبعدين معاكي بقى!! انتي..
انتي ايه الي عملتيه دا
ايوه كده خضتني عليك كنت فكرتك بقيت هاديي!!
براحه ومن غير زعيق 
برئ!
اقسم بالله برئ وربنا
اطلعي برا !!
الاه! ممكن اقولك حاجه
مش عاوز اسمع منك حاجه قولت اطلعي برا
بصيتله بضيق وخدتت شنطتي وطلعت من اوضته ودخلت الاوضه الي قدامه على طول انا والله مشوفت رجاله كده والله مشوفت كنت فاكره انه بعد ميسمع كلامي قلبه هيحن اتضح انه انه معندوش قلب اصلا انا ل اول مره في حياتي اخاڤ من حد هو لي زعقلي دا انا حتى جايه عشان اساعده انا كنت مړعوبه ومتلخبطه ومش عارفه اجمع قدامه مسافه مبص في وشه ركبي بتخبط في بعض شكل الي انا جايه عشانه دا صعب يريت ميبقاش مستحيل!!
غيرت وقلعت الطرحه ونمت صحيت الساعه 12 الضهر على خبط في الباب
ايوه ايوهه!
لقيتك مفطرتيش يست هانم قولت اجي اقولك عشان تفطري
متشكره جدا يكوثر نازله حالا
كنت جعانه اوي عشان
مكلتش من امبارح سرحت شعري ونزلت لسه الضلمه سايده المكان مع اننا لسه في عز النهار
جيت جمب شباك
من
الشبابيك ومسكت ستارته وجيت افتحها كوثر مسكت ايدي
بلاش يست هانم دي تعليمات البيه الصغير
مټخافيش انا المسؤوله علي الي هعمله دلوقت
بدأت افتح الشبابيك كلها ووقفت وسط الصاله وخدت نفس ولفيت الصاله بضحكه وقفت وبصيت قدامي لقيته فشهقت
اي الي انتي بتعمليه دا
بدأت اتكلم وانا بترعش من صوته احمد انا بس..
مسك دراعي وشدني بقوه 
انتي من ساعه مجيتي هنا وانا بقيت بتعصب اكتر مش ملاحظه دا
متخوفنيش منك لو سمحت
سكتت وبصيت على الارض
انتي باباكي بيشتغل اي
رفعت وشي بعد مصوته وطي موظف في شركه والدك
ضحك عرفت بقى دلوقت باباكي وافق على الجوازه لي عشان باباكي..
ابتسمت ممكن متكملش انا بابايا أعظم راجل في الدنيا وأشرف حد ممكن تشوفه في حياتك بابا عينه مليانه وعمره مطمع في حد بابا معيشنا في بيت يبان صغير بس جواه حاجات عظيمه جدا جواه دفا نور امان بابا وافق عشان والدك صاحبه وبيعزه وانا وافقت عشان باباك راجل طيب وميستهلش مني اني اكسر بخاطره احنا عندنا على فكره حاجات كتير
زي
عندنا الرضا الحب الي جمع شخصين واثمر عن الشخص الي قدامك دلوقت شخص سوي وبيرضي وبيحمد انت لي مش عاوز نور ربنا يخش هنا الشمس لما تلمس كل ركن في البيت وتنوره هيبقى شكل البيت احلى بدل مهو مرعب كده!
انا راضي بيه كده تسمحي بقى متدخليش في حاجه
انا بس كنت..
كلمتي تتسمع مبحبش اتناقش مع حد
نده على كوثر وقالها تقفل الشبابيك من تاني وقفت وبصتله پغضب ومشيت دخلت اوضتي
كوثر يكوثر
ايوه يست هانم
هو فين الحمام الي هنا
مفيش في الاوض دي فيه واحد في اوضه البيه
ماشي يكوثر
هو في اي!! عاوزه اتحمم وقتي وهو متعصب ومش طايقني اصلا
خدتت هدومي
وفوطه وخبطت على الباب ودخلت قام من مكانه اول مشافني وجه وقف قدامي
بعد كده لما تخبطي تخبطي تلت خبطات وبعد كده تدخلي
تلت خبطات! لي هو انا هطبل في فرح احنا ولا اي
سمعتيني قولت اي
اوف حاضر ممكن استخدم الحمام بتاعك
ممكن
مشيت من قدامه ودخلت الحمام بعدها بشويه سمعت صوته وهو پيتألم فتحت الباب ابص فيه اي لقيته على الأرض فشهت ولبست قميص كان قدامي بسرعه وطلعت
انت انت كويس
انا وقعت كده ازاي!
قوم معايا قوم
سندت ايده حوالين رقبتي وقعدته على السرير
اي بيوجعك وقعت على اي بالظبط
ضهري من فوق
شيلت التيشيرت الي هو لابسه عشان اشوف ضهره من فوق بس مكنتش عارفه اشوف حاجه في الليله الي مش هتعدي دي
قام تاني وانا برقت هو اي الي حصل دلوقت!!
مالها ورمت
ها!! ايوه حمره فيه مراهم هنا
فيه في الدرج بتهيقلي
فتحت الدرج لقيت فيه علبه اسعافات أوليه جبتها وحطيتله مرهم كانت حمرا اوي زمانها بتوجعه اعيطلك طيب
قعدت جمبه أحسن!!
الۏجع مقلش طيب!
هو فيه اي!!
بصيت على نفسي هو انا لبست قميص بجد !! قومت بسرعه من مكاني ووقفت قدامه
انا انا والله مكنت اقصد ألبسه
خليكي على طول مش قاصده بعد كده
اي!
أي مبحبش حد يلبس هدومي
انت بتحب حد اصلا!! وبعدين انا اټخضيت عليك فلبست الي قدامي
يحنينه!
قام من مكانه وبدأ يقرب مني
شعرك وهو مبلول كده حلوه جامد
فضل يقرب مني وانا ابعد هو عيان مش هيزعق ولا اي!!
وفجأه باباه دخل علينا..
حاولت ابعد لكن هو كان محاوطني ولا أكن حد دخل علينا بصيت ناحيه باباه عشان ياخد باله ف ابتسملي وبص عليه
اهلا يبابا ازيك
الحمد لله يبني معلش دخلت من غير مخبط
بس كان الباب مفتوح
لا براحتك يحبيبي عادي
طب انا جاي اقولكم ان فيه حفله عشان الشركه خدت صفقه كبيره وفرصه تبقى حفله عشان جوازكم بردو
تمم يبابا النهارده يعني ولا اي
ايوه النهارده بليل
ضحك همشي انا بقى
مشي وانا رجعت بصتله
هو انت مش ملاحظ اننا كنا قدام باباك وانت لاصقني كده!!
زقني من قدامه ورجع قعد على السرير تان هو فيه اي معلش
وقفت قدامه واتكلمت بعصبيه
في اي!!
لقيته جاي فعملت الشويه دول مش انتي جايه هنا عشانه!!
يعني كل دا كانت مسرحيه الاستاذ عملها
بالظبط ممكن بقى تروحي تلبسي عشان تخرجي من الاوضه عاوز اقعد لوحدي شويه
نفخت ودخلت الحمام تاني ولبست بيجامتي وطلعت تاني
انا محدش عاملني زيك كده انت لي مبتعملنيش كويس!!
اتكلم بزعيق عشان مش عاوزك ولا عاوز حد تمم هفضل اعاملك كده لغايه متطلبي الطلاق بنفسك ولحد ما دا يحصل حاولي تتجنبيني عشان هتلاقي ردود أفعال مش لطيفة ومش هتعجبك
انت انت اناني ومبتحبش الا نفسك فكرت انت اني بس جايه عشان اساعدك
قام ومسك اكتافي بقوه وانا مطلبتش منك دا انا مش عاجز ومستني مساعدتك
اه يا احمد سبني
سابني وانا عيطت وجريت من قدامه هو لي بيعمل فيا كده انا مأذتوش عشان كل موقف بينا يبقى وحش اوي كده! انا بس عوزاه كويس ويرجع زي الاول مش اكتر
دخلت اوضتي وعيطت من تاني يوم وهو كده امال بعد اسبوع مثلا هيحصل اي يجماعه اغيثونا وربنا
الباب خبط ومسحت دموعي وفتحته
ايوه يكوثر
الغدا يهانم
حاضر نازله
مشيت وانا بصيت قدامي على اوضته هو مش هينزل زمانه جعان بردو
جيت اخبط سمعت صوته وهو بتوجع فدخلت على طول
انتي ډخلتي هنا لي
ممكن متزعقش مالك!
شي ميخصكيش
وقفت قدامه وقولت بتلقائيه انا مراتك يا أحمد
يعني وجعك من ۏجعي دا المفروض يعني
بصيت على ضهره لقيته وارم
هي الوقعه لسه بټوجعك
طب ثواني هحطلك مرهم معايا كويس اوي لتخفيف الألم
طلعت من الاوضه وروحت من علي اوضتي وجبته كان هو لسه ملبسش التيشيرت بتاعه ف حطيت المرهم على طول
احسن
الف سلامه عليك
شكرا
ممكن اسالك سؤال
ماشي
انت وقعت ازاي اصلا!!
ملامحه اتغيرت هفضل اقولك كام مره متدخليش في حاجه متخصكيش!!
اناانا اسفه ونازله ومعتش هدخل حاضر
نزلت وانا بمسح دموعي انا مش هعرف اعيش كده لا مهو يا اما يتغير يا اما.. !
نزلت تحت وقعدت على الكرسي فقطع شرودي صوت باباه
مريم
ها!!
احمد فين!
اي اصل اه جيت اخد الاكل عشان ناكل فوق
ماشي يحبيبتي كوثر حضري الغدا للعرسان
كوثر جابت صنيه كبيره وطلعت فطلعت وراها كوثر خبطت تلت خبطات ودخلت وانا كنت واقفه وراها حطت الصنيه ونزلت تحت وفضلت واقفه مكاني
فيه حاجه
الغدا لازم تاكل عشان مكلتش من الصبح
انا الي اقول امتى لازم وامتى مش لازم تمم
زعقت انا جيت هنا مش فاهمه حاجه وانت لازم تفهمني ايوه لازم مين الست الي حبيتها ولي بتعمل كده
جيتي هنا وانتي مش فاهمه حاجه وقبلتي ب انك تيجي مش فاهمه حاجه يبقى تفضلي كده على طول انا معنديش كلام اقوله
بس..
والكلام خلص لحد هنا تعالي كلي
مش عاوزه اكل
مريم بطلي حركات عيال وتعالي كلي انتي مكلتيش من الصبح بردو
ملكش دعوه بيا
قولت تعالي بدل معمل حاجه مش عاوز اعملها
وانا قولت مش جعانه
قام ووقف قدامي وسكت وبعدين مسك ايدي وقعدني على السرير
لو مكلتيش مش واكل والصنيه زي ماطلعت زي مهتنزل
بدأت اكل وانا بصاله ازاي يكون بملامح جميله كده وبيعمل فيا كده انا ساعات بستغربه بخاف منه..
خلصنا اكل وهو نده
على كوثر وشالت الصنيه فضلت قاعده على السرير ايوه يجماعه انا لسه على ما يرام وربنا
كان قاعد وماسك علبه في ايده فيها ورق وبيقرأ
كل ورقه ويبتسم
مع كل ابتسامه كنت ببتسم انا كمان شكله حلو اوي وهو هادي لدرجه اني كنت بستنى يخلص الورقه الي في
ايده عشان ياخد ورقه تانيه