سكريبت بقلم هناء سلامة

بتقرب ليه يا شيخ خالد 
_ لا ما هو أنا خلوق مع الكل بس مع مراتي بقى أنا باد بوي !
_ الشيخ خالد عاوز يمسك إيدي ! 
إحنا كتبنا كتابنا و ده مش حرام. 
إتعصبت عليه و إحنا في نص الشارع و قولت بصوت عالي 
_ كل شويه هتقولي حلال و حرام ليه محسسني إنك ماشي مع كافره ما أنا بفهم في الدين زيي زيك. 
سكت فجأه لقيت الناس بتبص علينا إزاي أنا غبيه و متسرعه كده !! أنا و خالد جواز صالونات بحت بس هو متدين و إمام جامع رفض نعمل خطوبه و رفض يلبسني الدبله و خلى مامته إلي تلبسهاني حتى مقليش أي كلمه حلوه تبل ريقي من قبل كتب الكتاب ! لسه كاتبين كتب الكتاب من كام ساعه و طلب من ماما إنه يخرج معايا و هيرجعني قبل الساعه 10 ليه عندي مدرسه 
المهم إن عصبيتي دلوقتي قلة آدب و أنا مستنيه القلم ما هو أنا زعقت فيه وسط ناس كتير في الشارع ! 
همست پخوف من نظراته إلي كانت غضبانه 
آسفه. 
مسك إيدي و مشي وسط الناس و هو بيطبطب على راسي ! 
أول ما بعدنا عن الناس ساب إيدي

فتح باب العربيه ليا فركبت كان ماشي بهدوء تام و أنا مش بحب الهدوء جيت أشغل الكاسيت إيدي لمست إيده فسحب إيده و هو بياخد نفس عميق فتحت الكاسيت على أغاني كنت لسه هرقص لقيته طفاها إبن ال.. هو إبن حلوه الحقيقه لإن ملامحه جمدان.
إفردي العربيه إتقلبت بينا يا هنا ټموتي و أنت كنت بتعملي معصيه 
بعصبيه _ معصيه ! الأغاني معصيه !! انت إيه لا بجد أنت طبيعي انت عاوز تدخلني الڼار و خلااااص 
أنا شخصيه پتكره الإنتقاد پتكره إن حد يقولها ده صح و ده غلط حتى لو كلام خالد صح بس هو بينتقدني ! 
قلع الدبله من إيده و قال 
خدي يا بنت الناس. 
قال كده و غمض عينه و هو بيحط الدبله على الطبلوه حطيت شعري ورا وداني و حسيت إني هعيط غبيه و متسرعه و .. و فشله ضيعت خالد من إيدي !! 
_ آس.. 
جيت أقول آسفه حسيت الكلمه متعلقه في حلقي كبريائي مسمحش ليا أتأسف عشان أكمل خبيت وشي بعيد عنه و دموعي نزلت فقال بهدوء 
أنا آسف يمكن مكونش شخص مناسب ليكي دخلت عليكي زي الدخيل بس كنت حابب أكون شريك صالح ليكي و أحبك في الحلال أتمنى ليكي التوفيق في حياتك. 
أخد نفس عميق و مع النفس ده شهقت من العياط هو إستحمل كتير رفضته مره و المره التانيه لما وفقت كنت بعاند معاه و أزعقله قدام أهلنا يمكن يمل و يمشي .. أهو هيمشي فعلا طب
أنا بعيط ليه حد بيتوجع من ۏجع
 جبه لنفسه ! 
هبعتلك ورقه طلاقك في أقرب وقت يا هنا أتمنى تبقي إرتحتي. 
أرتاح ! أرتاح إزاي !! أنا .. أنا عاوزه أنهار  دلوقتي. 
طلعت البيت و أول ما دخلت صوت عياطي علي ماما جت جري عليا و . ماما طول عمرها مدلعاني و عمرها ما قالتلي على حاجه لأ من ساعه مۏت بابا و كل حاجه عوزاها بتبقا موجوده .. لأول مره تزعقلي و تقولي إني غلطانه ! و إني فعلا معرفش حاجه في الدين و إني قليلة الآدب مع خالد و إني متربتش !! دخلت أوضتي و فضلت أعيط أكتر لما ببقى غلطانه ببقى عاوزه حد يقولي إني مش غلطانه عشان يهون عليا الأمر لما بنغلط بنبقى عارفين غلاطنا لكن بننكره.
فضلت أعيط و أنا بقول و أنا بشهق من كتر العياط
_ يعني إيه معرفش حاجه في الدييين يعني إيه خالد يسيبني و يمشي كده !! ليه كل ما أتعلق بحد يسيبني و ميستحملنيش !! لييييه ليه يا رب ليه !! 
مسكت الموبايل و أنا إيدي بتترعش و قولت بعناد 
_ و الله لهوريهم إن هما أغبيه و متخلفين و هما إلي ميعرفوش حاجه في الدين أصلا.
بدأت أعمل بحث على جوجل عرفت إن الأغاني و الرقص حرام فعلا !! لبسي حرام شعري إلي باين ده كمان حرام لإني كبرت كفايه عشان ألبس الحجاب فضلت أعيط أكتر زي ما خالد قال عاوزه ټموتي على معصيه 
قفلت الموبايل و فضلت أعيط بهستيريه دماغي كانت هتتفرتك أخدت قرصين مهدىء و نمت .. نمت.
_ خالد ! 
كان قاعد جمبي و ماسك إيدي و ماما  أول لما فوقت ماما إطمنت عليا و طلعت و قفلت الباب إلتفت خالد ليا و قال بلوم 
من إمتى بتاخدي مهدئات 
بصيت على إيدي لقيت محاليل متركبه فيها جيت أقوم حسيت بۏجع في جسمي .. فكرى الۏجع ده كويس ده الۏجع النفسي إلي بيجيلي لما نفسيتي بتتعب و بنهار إتأوهت بۏجع مقدرتش أخفيه قرب