حكاية مريم بقلم روني محمد
حكاية مريم بقلم روني محمد
بص انت هتروح دلوقتي تقولهم معجبتنيش مش بالموصفات اللي انا عاوزها
ده اللي هي ايه بس عشان ابقى عارف
هتطلع تقول لبابا كل شئ قسمة ونصيب بص قولهم مثلا انا كنت عاوز واحدة مش منتقبة قولهم ان أنا طلعت پخوف شكلي معجبكش اي حاجه قولهم اي حاجه المهم تبوظ الجوازه دي
طيب انا عاوز اشوف وشك
وشي ايه اللي تشوفه ده أنا اسيح دمك ولأني ارفع نقابي قدام راجل
أحم هو انا جيت غلط ولا ايه هو مش دي الرؤية الشرعية والمفروض اني جاي عشان اشوفك
انت عارف اخر واحد قالي عاوز اشوف وشك عملت فيه ايه!!
عملتي ايه وهو مين اللي اتجرأ وقالك كده اصلا
ده موظف
البنك بيقولي عاوز يشوف وشي قال ايه عشان يتأكد انه مطابق للصورة ولا لأ
صح ده طبيعي
يلا الله يرحمه ميجوزش عليه إلا الرحمة
لا ده قضاء وقدر البنك ډخله عصابة وهو كان من الضحايا
لا حول ولا قوة إلا بالله طب ده ايه علاقته بيه
طب انت عارف كان في عريس كان قاعد مكانك هنا من يومين
وطلب يشوف وشك بردو
لأ ما انا رفضت وهو صمم وكان جي مرة تانيه عشان الرؤية الشرعية
وبعدين!!
شوف سبحان الله يشاء القدر ان وهو ماشي تحت بلكونتنا بالصدفة تقع على دماغه اصيصة زرع
ماات بردو!!!
ما انا قولتلك لأ
جاله بس فقدان فالذاكرة
طيب الحمد لله
ها رأيك ايه هتطلع تقولهم كل شئ قسمة ونصيب ولا لسه مصمم تشوف وشي
احم طب مفيش اختيارات اصل انا مڠصوب بردو على الجوارة دي
ليه ان شاء الله كان ابوك هددك انه يقعدك من الكليه ولا هيحبسك فالبيت
لا
يا عيني يا ابني تصدق صعبت عليه
ده انا حالي يصعب على الكافر وافقي بس واتبني حالتي ولا اقولك احنا هنخليها خطوبه وكتب كتاب على طول
خطوبة ايه وكتب كتاب ايه انت مبتتعظش من الكلام اللي سمعته
ما انا مطلبتش اشوف وشك اهوه زيهم
انا هخدك زي ما انتي كده وابقي اشوفه بعدين
لا إله الا الله
محمد رسول الله نقول مبروك
مبروك ايه انت بتستعبط ولا انت مش فاهم انا مش عاوزة اتجوز
خلاص سهلة اطلعي قولي لهم انتي انك مش عاوزه تتجوزي واهي تبقى جت منك وينوبك ثواب فيا
ماهو لو كنت هقدر كنت عملتها من بدري ارجوك قدر موقفي
وانا مين يقدر موقفي طب دا انا وافقت اتجوزك من غير ما اشوفك
طب بص انا جتلي فكرة انت هتمشي دلوقتي وبعد ما تروح تتصل تقولهم كل شئ قسمة ونصيب وانا لو سألوني عن رأيي هقولهم بردو كل شئ قسمة ونصيب وتبقى جت مننا احنا الاتنين
ماشي موافق ديل
انت بتمد ايدك
ليه انا مبسلمش
استغفر الله لا ده
حكاية مريم بقلم روني محمد
الشيطان مش انا
مؤمن طلعت وحشة أوي يا ساتر يارب
هنا أخت مؤمن انت اتعميت يا ابني وحشة ايه دي قمر قمررر
مؤمن الجمال ده نسب يعني ممكن انتم تكونوا شيفنها حلوة بس انا معجبتنيش
هنا كداااب اذا كان انا بنت واتبهرت بجمالها
مؤمن اوووف ايه يعني معجبتنيش وخلاص
الاب حيث كده انا اتفقت انا وباباها على كل حاجه ويوم الخميس هنجيب الشبكة وتلبسوا الدبل
مؤمن طب مش كنتوا تعزموني ولا أنا مش معزوم !!
الأب انا قلت اللي عندي
هنا رقاصات
يالاهوي وهو انت يا مؤمن تعرف رقاصات !!
مؤمن رقاصات ايه بس يا حج هو انا وش كدة يعني
الأب أمال لما ألاقيك بتسهر لوش الصبح وجي ريحتك سجاير يبقى ايه !
مؤمن يبقى بلاستيشن يا حج بنسهر فالبلاستيشن
الأب ألعن يعني بتعد تتفرج على حاجات استغفر الله العظيم يا ابني انا لما كنت في سنك كنت متجوز امك ومخلفك كمان
مؤمن لنفسه الأسطوانة المشروخة بتاعت كل يوم
مؤمن من الأخر يا بابا عاوز مني ايه
الأب تتجوز مريم لأنك لو لفيت الدنيا مش هتلاقي زيها
عند مريم
مريم ده طلع حاجة كده استغفر الله عظيم يلا انا مش هغتابه ربنا يسهله
الأب خلاص يعني
ارد على الراجل واقوله تبقى شبكة وكتب كتاب مع بعض
مريم بقولك دمه تقيل ومش ملتزم ده كان عاوز يسلم عليه تخيل
الأب بكره ربنا يهديه وانتي معاه واحدة واحدة يا مريم وعلميه اصول دينه
مريم يا بابا انا مش مرتحاله
الأب ما انا لما جيت أخطب أمك مكنتش مرتحلها بردو
مريم يا بابا انا مش عاوزة اتجوز دلوقتي طب اديني فرصة اخلص دراستي
الأب أنا قلت اللي عندي يوم الخميس
هنقرا الفاتحة ونتفق على كتب الكتاب
يوم الخميس
مريم هو ده اللي اتفاقنا عليه!!
مؤمن ولله انا اتفاجأت زي زيك بالشيخ أبو عمه اللي قاعد ده
مريم خلاص أحنا لسه فيها قوله انك مش عاوز تكمل
مؤمن ومين قالك اني مش
عاوز اكمل انا خلاص تبت
مريم وانت
جي تكمله هنا ما تشوف واحده تانيه تكملهولك
مؤمن لأ ابويا مقتنع انك مفيش منك اتنين
مريم بغرور ماهو انا مفيش مني اتنين فعلا!!
مؤمن لا اله إلا الله ايه الغرور ده طب مش هشوف وشك قبل كتب الكتاب
مريم ولا هتشوفه بعده وحياتك
مؤمن أمال هشوف ايه!!
مريم هتشوف العجب معايا هتشوف اللي عمرك ما شوفته !!!
المأذون بارك الله لكما وبارك عليكما وجمع بينكما في خير
مريم بس بقى عشان نبقى على نور بما أننا اتفرضنا على بعض وخلاص الموضوع بقى رسمي ففي شوية حاجات لازم تعرفها
مؤمن ولله انا
كنت حاسس اني هقع على جدور رقبتي هو
حكاية مريم بقلم روني محمد
أنا كنت عملت ايه بس في دنيتي عشان يحصلي كده
مريم ششششش اسمع وانت ساكت متفكرش انك هتضحك عليه بكوبيتين العصير دول والبحر اللي انت مقعدني فيه لأ انا ولا كل ده هيأثر فيه
مؤمن انا ولا جايبك ولا نيلة ده أخويا اللي لقيته حجزلنا اليخت ده وقال يعملها مفاجأة
مريم روح يا شيخ ربنا يطمنك أصل جو البلالين والشموع دي بصراحة اثار القشعريرة في نفسي
مؤمن أصاب ايه يا اختي !!
مريم القشعريرة
مؤمن طيب كلي كلي خلينا نروح ونخلص من الليلة دي
مريم طيب
مؤمن هو أنا مش هشوف وشك بقى !!!
مريم اه يا عديم النخوة انا فكرت هتكون غيور عليه عاوزني أكشف وشي قدام الناس
مؤمن ناس مين ده أحنا في مركب ولوحدنا وفي
عرض البحر ده
حتى السمك طفش لما سمع صوتك
مريم مش عارفة ليه حاسة اني مش هكمل معاك
مؤمن سبحان الله القلوب عند بعضها بصي انا زهقت روحي لأبوكي وأنهي الموضوع
مريم
يمكن تيجي مني
مؤمن طب هقولك نروح أحنا الاتنين
