سكريبت بقلم ياسمين ورد
كنت واقفة أنا وابن خالتي في البلكونة بنتكلم ونغني ونهزر وفجأة افتكرت إن أحنا أول الشهر أكيد قبض فقولت أطلب منه اللي عايزاه بما إنه الحتة الجوانيا.
_ بقولك يا كيرو ممكن طلب
شاور على عيونه وقال لو تطلبي عينيا أديهملك.
ضحكت وقولت وهتشوفني إزاي بعد كده
قال وعينيه بتلمع أنا أصلا بشوفك بقلبي قبل عيوني ها يا ست البنات إيه الطلب
عملت وش الطفلة البريئة اللي مابيجيبش نتيجة غير معاه وقلت انت عارف إن الفترة دي صعبة بسبب امتحانات الثانوية المهببة دي.
وابتسمت وأنا بكمل وطبعا انت حبيبي وصحبي ونن عيني من جوا.
بص لي وهو قافل نص عينيه وقال مش مرتاحلك.
_ ليه بس !
حط ايدو على دقنو وقال متجيبي من الآخر طلباتك
بعدت شوية وقلت ببراءة مصطنعة هما يدوب بس ألف جنيه مش كتير يعني.
اټصدم وبرقلي عينيه وهو بيقول كااام!! ليه يختي إن شاء الله المبلغ ده هتهاجري ولا حاجه
قربت منه وقلت الشتاء جاي يا كيرو كل سنة وانت طيب.
رفع حاجبه وقال أيوة عايزة إيه يعني بردو
قلت برقة وأنا بلعب بطرحتي هجيب كام تيشيرت وفستانين على كام جيبة كده وحاجات لزوم التغيير.
مسك الجاكيت الجينز بتاعي وقال
شلت إيده من الجاكيت وقلتله ببرود خلاص شكرا يا ابن خالتي شكرا.
وأنا داخلة من البلكونة لقيته جاي ورايا.
لفيت وقلت وأنا حاطه إيدي على وسطي ماشي ورايا ليه إن شاء الله
حط ايدو في وسطه هو كمان وقال براحتي عندك مانع
ربعت ايدي وقولت أيوة مضايقني.
لقيته قعد على الكنبة وحط إيده في جيبه وطلع الفلوس وهو بيعدها وبص لي وعامل فيها مش واخد باله.
رفع حواجبه وقال بغيظ خلاص كنت هديكي اللي عايزاه بس الظاهر وجودي مش مرغوب فيه بقى.
قعدت جنبه وفضلت أهزر معاه عشان مصلحتي طبعا ياااه يا كيرو دايما بتاخد كلامي جد كده ده أنا بهزر يا جدع انت العين والنني بردو.
قفل عينيه شوية وقال دلوقتي بقيت العين والنني مش كنت ابن خالتك من شوية
ابتسمت وقلتله وأنا بضحك لا مين قال ده أنت حبيبي اللي عايش في القلب كده.
عمل نفسه مقموص وقال كل ده عشان مصلحتك ها
بصيتله وقولتله ليه سوء الظن بس يا كيرو دايما فاهمني غلط.
لقيتو طلع الفلوس وقالي خدي الفلوس يختي ويلا امشي.
فضلت أعد فيهم وقلتله حبيبي الغالي مش عارفة من غيرك هعمل
نفخ بضيق وقال خير تاني يا آخر صبري انت
مسكت ايديه عشان اقومو وقولتلو متيجي معايا نشتري زي بعض
ساب ايدي وقال لا يختي شكرا الفلوس هتخلص كده.
سيبتو وقولت خلاص انت الخسران أنا ماشية بقى.
وبعلو صوتي ندهت على خالتي عايزة حاجة يا خالتو أنا ماشية.
ردت عليا وقالتلي بالسلامة يا حبيبتي سلميلي
على مامتك وخليها ترن عليا.
شورتلها على عيني وقلت من عينيا.
لقيته بص لي وقال استني رايحة فين
لفيت وقلت بجدية مصطنعة هنزل أنا بقى أشتري حاجتي وأرجع البيت ولا الحوجة ليك.
قام وقف وقالي وهو بيشاوؤ على الباب انجري قدامي هنزل معاكي يختي.
قولت بصوت حنين لا أصل مش عايزة أتعبك معايا.
زعقلي وقال يلا قولت!
نفخت وقولت طب متزوقش بقى.
وقلت بصوت واطي وأنا ببعد باين عليه بيغير ولا إيه
سمعني ورد عليا وهو بيبتسم نص ضحكة سمعتك على فكرة ومش بغير! مين يغير أنا محصلش.
شورت على عينيه وقلتله كداب ده عينيك ڤضحاك.
شدني من الجاكيت وقال بغيظ طب يلا بقى قرفتيني.
شلت إيده من الجاكيت للمرة التانية وظبطت هدومي وأنا بقول يعم متزوقش بقى.
ل ياسمين ورد
نزلت انا وابن
نفخت وقولت بضيق يبني انت من امتى بتفهم في استايلات البنات عشان كل ما اقولك حاجه متعجبكش كده!
بقولك اي احمدي ربنا اني نزلت معاكي اصلا يا قصيرة انتي وكمان كل اللي بتختاريه فعلا مش حلو اسئليني انا.
بصيت في عينيه وقولتله واد يا كيرو اوعا تكون حبيت بنت قبل كده وكنت بتختارلها الهدوم الا كلامك ده مفيهوش غير كده!
مسك شعروا بإيديه عشان ميتعصبش وقال لا يختي محصلش اتنيلي بس من غير اصلا ما احب انتي فعلا استايلاتك مش قد كده افهمي يا غبية بصي تعالي معايا.
شدني من ايدي وخرجنا من المحل لقيتو دخلني محل تاني باين عليه غالي اوي.
همست وقولتله واحنا داخلين واد يا كيرو انت جايبني فين يواد ده باين عليه غالي!
لقيتو سابني ومردش عليا ودخل جوا فضل يدور ويشوف حاجات غريبة فضلت مستنياه وانا خاېفة حتى اشوف اسعار التيشرتات الي جمبي كام! بعدها جه وهو معاه كذا حاجه عجبوني بس السؤال بقى بكام القطعه.
خبطتو في كتفو وقولتله يا كيرو الحاجات دي بكام يولا ده كل الي اخدتهم الف جنيه بس!
بصلي ومردش الواد ده رخم ليه كده! هو
