رواية صاحب الشغل جميع الفصول

صاحب الشغل عرض عليا اتجوز بنته المعاقة ولما قبلت واتجوزتها حصلت مفاجأة
وقبل ما نبدأ حكايتنا اعرفكم على بطلنا اللي اسمه علي عنده 30 سنة بيشتغل في شركة وفي يوم قال لصاحب الشركة
انا كنت جاي وعايز حضرتك في موضوع ممكن نتكلم مع بعض شوية يا كمال بيه
كمال
خير يا علي في ايه انت عايزني في ايه اتكلم
على
في الحقيقة يا كمال بيه انا معايا أوراق كده اااا..
وفي اللحظة دي دخل عليهم هشام اخو كمال وقاله
ايه ده على انت بتعمل ايه هنا ياعلي في حاجة ولا ايه
كمال
مش عارف ياهشام ده على كان بيقولي على موضوع كده وانه معاه حاجة عايزني اشوفها قول ياعلي في ايه
على
ها لا لا ابدا يا كمال انا بس كنت عايز حضرتك تمضي لي على ورق الحسابات ده بس مش اكتر يعني
كمال
طيب وهي الامضا يعني محتاجة اننا نبقا لوحدنا والشغل اللي انت عملته ده وادي ياسيدي امضتي اهيه اي خدمة تانية
على
لا حضرتك مفيش حاجة تانية عن اذنكم
وخرج على وهشام قال لكمال
مش انا عملت ورق المناقصة الجديدة اللي احنا داخلين فيها عشان هي اللي هتظبط الشغل اللي جاي في الشركة ان شاء الله انا شغال عليها
كمال
تمام جدا خلاص انا معتمد عليك في المناقصة دي ياهشام خلي بالك انا مش عايز السوق يقع مننا ياخويا
هشام
اطمن ياكمال ياخويا انا مصحصح اوي متقلقش
كمال
وده العشم برضو يا هشام
هشام
طيب انا رايح مكتبي بقا مش عايز حاجة مني تاني
كمال
لا ياهشام روح انت على مكتبك
وخرج هشام وراح لعلي وقاله
انا عايز اعرف ياعلي انت كنت عايز تتكلم مع كمال اخويا في ايه هااا
على ارتبك وقال
ااا هكون يعني كنت هتكلم في ايه يا هشام بيه

اصلي الصراحة كده كنت عايز سلفه عشان امي كانت محتاجة شوية أدوية
هشام
طيب ومجتش تطلب مني انا ليه ياعلي هو احنا مش اصدقاء ولا ايه وبعدين يا راجل احنا في بينا اتفاق ولا انت نسيت
على
انا منستش ولا حاجة يا هشام بيه انا بس كنت عايز فلوس سلفه عشان امي مش اكتر من كده
هشام
انا هديك الفلوس اللي انت عايزها يا علي بس تنفذ بقا وتخلصني من موضوع الورق ده وانت عايز ترجع في كلامك ياعلي
على بلع ريقة وقاله
لا لا ابدا انا مش هرجع في كلامي ياهشام بيه عن اذنك انا عايز امشي عشان ارجع اطمن على امي لاني سايبها تعبانة زي ما قولت لحضرتك
هشام
طيب امسك دول ياعلي وروح هات للست الوالدة العلاج اللي ناقص يلا روح
على
ااه بس معلش الفلوس دي من سلفه مرتب مش اي حاجة تانية
هشام
الله جرا ايه ياعلي ما احنا في بينا شغل ولا انت نسيت ولا ايه حكايتك معايا
على
ياهشام بيه انا قولت لحضرتك خلاص مفيش حاجة جديدة يعني
هشام
اومال انا بقولك الفلوس دي من ضمن الفلوس اللي اتفقنا عليها انت بقا مش عايزها ليه ها
على
عشان مش عايز اجيب لأمي علاج من الفلوس دي انا مخلي الفلوس دي لحاجة تانية انما علاج امي من فلوس شغلي
هشام
أها هي بقت كده طيب ياهشام اللي تشوفه ماشي روح انت
ومشي على رجع البيت وكانت امه تعبانة وقال لها
ايه يا أمي مش انا قولت لك نروح المستشفى انتي اللي رافضة ياحبيبتي وبعدين معاكي تعالي اوديكي
الام
لا ياعلي انا هبقا كويسة يا حبيبي ان شاء الله متشغلش بالك انت المهم انت عامل ايه في شغلك
على
كويس يا أمي الحمد لله انا شغلي ماشي تمام في الشركة
الام
ربنا يوفقك ياعلي ياحبيبي ويعينك يا ابني انا عارفه ان
الحمل
تقيل عليك اوي ياضنايا معلش بكرة ربنا ياخدني ويريحني من اللي انا فيه ده
على
بعد الشړ عليكي ياحبيبتي والنبي يا أمي ماتقولي الكلام ده انا والله مش هستحمل عليكي اي حاجة ده انا هاروح فيها لو حصل لك حاجة
الام
بعد الشړ عليك ياضنايا انا اهم حاجة عندي انك تكون بتعمل الصح في شغلك يابني انا عارفة انك ماسك الحسابات يعني فلوس الناس في ايديك يعني تحافظ عليها يابني خاف ربنا يا علي عشان خاطري يابني
على بحزن
انا يا أمي الحمد لله بخاف ربنا كويس جدا وبعمل اللي بيمليه عليا ضميري متقلقيش خالص من اي حاجة
الام
طيب ياحبيبي ريحت قلبي ياعلي يابني
وبعدها بوقت على قال لأمه
انا نازل يا أمي رايح مشوار مهم جدا مش محتاجة مني حاجة وانا راجع من برة
الام
لا ياحبيبي خلي بالك من نفسك انت بس انا كويسة ياعلي
على
ماشي ياحبيبتي يلا سلام
ونزل على وراح علي فيلا كمال وقال للشغالة
من فضلك انا عايز اقابل كمال بيه قولي له على
الشغاله
حاضر يابيه اتفضل حضرتك لحد لما ادي له خبر
وبعد شوية كمال نزل وقاله
في ايه يا علي هو في حاجة حصلت ولا ايه
على
في الحقيقه يا كمال بيه انا معرفتش اتكلم معاك الصبح في الشركة وقولت اجي اتكلم مع حضرتك هنا احسن يعني هاكون على راحتي
كمال
امممم انا برضو حسيت انه في حاجة بالزات لما هشام اخويا دخل علينا واحنا بنتكلم خير ياعلي قول اللي عندك علطول في ايه
على
احم اصل الصراحة كده يا فندم في حاجات بتحصل في الشركة من وراك وكان لازم حضرتك تعرفها وانا مكنش ينفع اسكت اكتر من كده ولا ابيع الراجل اللي لحم كتافي من خيره
كمال
انا مش فاهم حاجة ما تدخل في الموضوع علطول انت مستني ايه
على
في الحقيقه يافندم انا وهشام بيه كنا متفقين انه هو يلعب في الأوراق بتاعت الحسابات لحسابه ويغير في الورق وهو لما قالي انا في الأول وافقت عشان كنت محتاج فلوس اعالج امي لكن بعد كده اكتشفت اني مش هينفع اعالج اني بفلوس حرام لما اخون حضرتك اللي اصلا ولي نعمتي
كمال
ااه يعني انت وافقت وبعد كده ضميرك صحي فقولت ايه تيجي تحذرني مش كده
على
صدقني يافندم انا مش عايز اعمل حاجة حرام ولا اعمل حاجة غلط عشان كده جيت لحضرتك بنفسي
كمال
وانا هسامحك عشان شهامتك دي ياعلي بس انا كان ليا عندك طلب واشوف بقا انت توافق عليه ولا لا
على
وانا تحت امرك يافندم طلب ايه ده
كمال
انا كنت عايزك تتجوز بنتي ياعلي بس هي ااا يعني أصلها معاقه وانا كنت عايزك تتجوزها بصراحة لقيتك شاب محترم وانا معجب باخلاقك جدا عشان انا قولت مش هلاقي واحد ااتمنة على بنتي غيرك قولت ايه
على
هو حضرتك عايزني اتجوز بنتك المعاقه طيب هو انا ممكن اعرف ايه هو نوع الإعاقة بالظبط
كمال
هي عندها اعاقه ذهنية وكمان مش بتمشي على رجليها ياعلي بس انا خاېف عليها اوي وقولت انت اكيد اللي هتحافظ عليها
على
هو انا يافندم يشرفني طبعا اني اناسب ساعتك بس يعني ااا انا اااا
كمال
انت ايه ياعلي على العموم انا ممكن اديك فرصة تفكر في الموضوع وترد عليا ايه رايك
على
ااا تمام يافندم ماشي اذا كان كده معنديش اي مانع انا افكر وهبقا ارد على حضرتك
كمال
تمام ياعلي وبالنسبة للكلام اللي انت قولته على هشام انا هعتبر نفسي مسمعتش حاجة ولا هجيب له سيرة خالص بس خليك انت بعيد عشان لما اجيبة في الخيه يبقا لوحده ماشى ياعلي
على
تحت امرك يافندم
ممكن امشي
انا بقا
كمال
اتفضل