سكريبت طفلة ملكت قلب الفهد
غيري هدومك والبسي بيجامة يلا
لين بببرطمة حاضر ده انت مستفز ورخم
فهد برفعة حاحب سامعك علي فكرة
جريت لين ودخلت الحمام وقفلت عليها وفتح فهد الباب
ماجدة بحب صباحية مباركة يا ولاد ايه ده فين لين
فهد بضيق اهي جوة في الحمام والله منا عارف اشمعني الرخمة دي اللي جبتيها
ماجدة بخبث يا واد يا بكاش عاوز تفهمني انك مش طايقها غريبة بس مكنش باين عليك امبارح وانت منزلتش عينك من عليها طول الفرح
فهد اتوتر وبعدين اتصدم لما شاف لين خارجة من الحمام ولابسة بيچاما حرير وشعرها المبلول نازل علي وشها فكانت قمر اوي
فهد بتصنع الجدية احم تعالي سلمي علي ماما
ماجدة بحنان لا انا قولت اطمن عليكم بس الفطار هيبقي عندمم دلوقتي عم محسن الطباخ هيطلعه يلا هنزل انا بقي
مشيت ماجدة وقفل فهد الباب وبص للين اللي اتوترت لما لقته فبقت ترجع لورا بخوف
فهد بزمجرة قولتيلي بقي مين اللي رخم ومستفز
لين بتهتهة لا ده انا بتكلم عالباب اصله مكنش عاوز يتفتح انا هقول عليك كدة برضه لا طبعا
فهد برفعة حاجب اممم احسن حاجة انك بتقلبي قطة في الاخر
لين بتكشيرة انا قطة طب عاي فكرة بقي كنت بقول عليك انت ها وريني بقي هتعمل ايه
لين بخوف فهد انت كويس ايه اللي بيوجعك وريني
فهد كان مركز في تفاصيل لين وبيبصلها بتوهان وهي بتتكلم ومش واخدة بالها من نظراته
فهد بتلقائية خوفتي عليا
لين بتوتر احم انت كويس اعتقد يلا قوم بلاش دلع وعلي فكرة انت رقيق اوي مش عارف تجري ورايا اخس عالرجالة
فهد رفع عنيه بصدمة وقام بسرعة كمل جري ورا لين اللي كانت بتضحك وهي بتجري منه
بليل كانت لين نايمة عالسرير بس قامت وهي حاسة بوجع جامد في جمبها لدرجة انها مش قادرة تاخد نفسها منه فقامت بتعب وقربت من فهد اللي كان نايم عالكنبة
لين بتعب فهد قوم يا فهد انا مش قادرة اتكلم
فهد بفزعة ايه مالك لين انتي كويسة
لين بتعب ايه الذكاء ده يعني بصحيك وبقولك تعبانة تسألني انا كويسة ولا لا
فهد بصدمة حتي وانتي تعبانة لسانك طويل قولي مالك
لين بوجع جمبي وجعني اوي يا فهد مش قادرة اقف وحاسة اني دايخة و
ونيمها عالسرير لحد ما غير هدومه وجري بيها عالمستشفي
فهد بغضب وهو شايل لين عاوز دكتور حالا حد يلحقها
اخدوها منه الممرضين
فهد بقلق مراتي مالها يا دكتور
الدكتور بجدية متقلقش دي الذايدة ولازم تتشال دلوقتي ضروري وكان لازم ابلغ حضرتك
فهد بسرعة اعمل الازم اهم حاجة تبقي كويسة
مشي الدكتور وفضل واقف فهد وهو بيبص قدامه بشرود ولاول مرة يحس انه بيخاف علي حد اوي كدة بالرغم انه مشفهاش من فترة طويلة وانه لسة عارفها من كام يوم
بعد كام يوم كان داخل فهد اوضته وهو شايل الصنية اللي عليها الاكل وكانت متابعاه لين بابتسامة
فهد بابتسامة الاكل جاهز يلا عاوزك تخلصيه كله
لين بامتنان انا بجد مش عارفة اقولك ايه متشكرة اوي يا فهد انا اول مرة حد يهتم بيا اوي كدة واحس اني ليا قيمة
فهد بتلقائية انتي مراتي يا لين ومن حقك عليا اني اراعيكي يعني ده شيئ طبيعي فمش محتاجة تشكريني ويلا كلي بقي
لين بتفكير طيب بص انا هاكل بس لو كلت معايا والا مش هحط ولا معلقة في بوقي ها
فهد برفعة حاجب لين بطلي دلع وبعدين انا مش تعبان وباخد علاج انتي اللي تعبانة ويلا كلي بقي
لين بتذمر طب مش واكلة ها بقي
فهد بقلة حيلة طب خلاص يلا هاكل اهو معاكي
لين باندفاع هو انت ليه كنت بتكرهني في الاول وبتعاملني كدة
فهد باستغراب اكرهك ليه بتقولي كدة انا بس كنت بكره لسانك الطويل ده
لين بتكشيرة وليه الغلط بقي منا مؤدبة اهو
فهد بضحك ده عشان بس لسة قايمة من عملية وتعبانة اصبري تفوقي ولسانك هيرجع تاني يخرف
لين ضحكت بتلقائية وفهد سرح في ضحكتها ومن وقتها اتفتحت صفحة جديدة بينهم وفتحت لين قلبها لفهد وحكتله كل حاجة عن حياتها وعن اللي مرت بيه من مرات اخوها لحد الجوازة دي اللي كانت السبب في تغيير حياتها وفهم فهد ان مرات اخوها هي سبب اثر العلامات اللي كانت في وش لين ومحبش يسألها عليها عشان ميحرجهاش
فهد بهمس تعرفي انك جميلة اوي يا لين اجمل من اجمل حورية
لين قلبها دق وبصت لفهد بخجل كلامك بيوترني علي فكرة وعيب كدة انا بنت ناس ومؤدبة
ضحك فهد بصوت عالي ضحكة سمعت في قلب لين اللي ابتسمت بتلقائية وسرحت فيه
فهد بخبث انا عارف اني حلو بس مش اوي كدة يعني مش لدرجة انك تسرحي فيا
لين انتبهت لنفسها فقالت بهروب انت واخد مقلب
رفع فهد حاجبه وهو بيبص للين بصدمة وهي خافت من نظرته فجريت من قدامه بهروب
لين بسرعة انا بقول اروح اشوف المعازيم
فهد بزمجرة لييين اياكي تتكلمي مع حد انتي فاهمة ومتبعديش من جمبي وكلامي يتسمع فاهمة
لين بخبث طبعا يا سلام انا لازم اسمع كلامك مش زوجي قرة عيني
ابتسم فهد بتلقائية من اعتراف لين الصريح بأنه زوجها وهي اتوترت لما قالت كدة واتفاجأت بفهد
بيمسك ايديها وبيشبكها في ايده وخرجو سوا
كان فهد واقف في قمة غضبه وهو عنيه علي لين اللي رايحة جاية بين المعازيم كأنها حورية فعلا وده خلي الناس اتقبلتها وكانو مبسوطين بيها جدا وكانت متابعة ده وفرحانة بيه ماجدة عكس زهيرة اللي كانت قاعدة بتبص للين بغيظ وغضب هي ونوران بنتها
فهد قبض علي ايديه بغضب وهو شايف شاب من المعازيم بيقرب من لين وبيتكلم معاها ولقاها بتشاورله عليه فقرب منه الشاب واتكلم باحراج
الشاب باحراج ازيك يا فهد بيه اولا مبروك عالجواز ومعلش انا محضرتش لاني كنت مسافر ثانيا انا يشرفني اني اتقدم لبنت خالة حضرتك انا فاتحتها وهي قالتلي انك انت المسئول عنها
فهد بغضب مكتوم هي قالتلك كدة وقالتلك تطلب ايديها مني انا
الشاب باستغراب ايوة هو في حاجة
فهد بزمجرة في ان اللي حضرتك بتطلبها مني مراتي ها ايه رأيك
الشاب بصدمة انا اسف حقيقي معرفش يا خبر بعد اذنك
مشي الشاب وفهد بص للين اللي بصتله وابتسمت بخبث بس فهد مقدر
ماجدة بابتسامة عملتي ايه بس يا لين شكله متعصب اوي
لين بخوف جالي عريس فقولتله يروح يطلبني منه
ماجدة بصدمة انتي بتتكلمي جد وليه تعملي كدة هو في راجل يقبل علي مراته ان راجل تاني يطلبها منه
لين بتوتر ماهو انا كنت بهزر بس معرفش انه هيتعصب بجد
ماجدة بقلق طب اطلعي علي اوضتك وانا هحاول اهديه عشان ابني مجنون انا عارفة وممكن يتهور ويفضحنا هنا
لين سمعت كلام ماجدة وطلعت تجري علي فوق تحت نظرات فهد اللي كان متابعها بغضب اعمي وكان هيطلع وراها بس نفخ بغضب وراح لامها اللي كانت بتنادي عليه
كانت طالعة لين تجري
عالسلم
وقبل ما تدخل اوضتها وقفت لما سمعت صوت منال مرات اخوها
منال بسخرية اهلا يا عروسة طب ما تقولي ادي شوية من العز
لين بغضب انتي كمان ليكي عين تيجي هنا بعد ما بعتيني وخليتي اخويا يبيعني بالفلوس عاوزة ايه تاني
منال بغضب عاوزة حقي في العز اللي انتي عايشة فيه كلمي جوزك ابن الهانم يديكي فلوس والا زي ما جوزتهولك هطلقك منه وقدام الناس دي كلها اللي تحت هقول كل حاجة والاتفاق اللي كان بيني وبين الهانم الكبيرة
لين بدموع لا والنبي اوعي تعملي كدة ارجوكي لو سمحتي هعملك اللي انتي عاوزاه بس متعمليش كدة
منال بفرحة خلاص تعملي اللي قولتلك عليه واكيد ابن الهانم مش هيستخسر فيكي قرشين
لين بقهرة بس ممكن يفتكر اني بلعب عليه واني طمعانة فيه
منال ببرود مش مشكلتي ربع ساعة والاقيكي جاية تحت في الجنينة ومعاكي المطلوب والا انتي عارفة بقي
نزلت منال بعد ما خلصت كلامها مع لين اللي كانت منهارة ومش عارفة تعمل ايه وقبل ما تخرج من الڤيلا اتقاجأت بفهد بيقف قدامها
فهد بلهفة في ايه مالك يا لين ايه اللي حصل حد ضايقك
لين بشحتفة مرات اخويا يا فهد جاتلي هنا وقالتلي انها زي ما جوزتني منك هتخليك تطلقني لو ماخدتش منك فلوس واديتهالها انا والله مش طمعانة فيك ولا متفقة معاها اوعي تفتكر اني وحشة صدقني انا
لين بشحتفة انا كنت طالعة استخبي منك ولقتها هنا وهددتني انها هتخليني ارجع تاني ليها لو منفذتش بس انا مش عاوزة امشي من هنا ارجوك اوعي تسيبني يا فهد انا بحبك
فهد وقلبه بيدق جامد لين انتي قولتي ايه
لين بخجل ايوة بحبك يا فهد ومش متخيلة اني ممكن ارجع تاني لمرات اخويا وانساك بسهولة كدة
لين بلهفة بعد الشر عليك يا حبيبي
فهد بقلق يعني مش ممكن يجي عليكي يوم وتسيبيني يا لين عشان فرق السن اللي بينا
لين بابتسامة انا عمري ما حسيت بالفرق ده لانك طول الوقت قريب مني بقلبك وتصرفاتك ومواقفك معايا انا بحبك يا فهد ومش عاوزة اكتر من اني اكون معاك وجمبك
فهد براحة يبقي اللي فات تنسيه ومتخافيش من اي حاجة طول منا جمبك وبالنسبة لمرات اخوكي فانا فعلا شوفتها وخلاص مش هتضايقك تاني ابدا لاني اتصرفت معاها
لين بقلق فهد عشان خاطري متأذيهاش عشان اخويا
فهد بحب متخافيش يا قلب فهد انا بس وريتها الوش التاني وسيبتها تمشي
فهد برفعة حاجب تعالي بقي هنا بقي بتبعتيلي عريس يطلب ايدك
صرخت لين لما افتكرت وجريت قدام فهد اللي ضحك وجري وراها وبدأت حياتهم من جديد
تمت
