أنتمي إليك بقلم ايمان صالح
اسكريبت
من غير كلام كتير انتي هتتجوزي ابن عمك
بس يا جدو هو مبيحبنيش هتجوزوا ازاي
سأل وهو بيبص في عيوني مش انتي بتحبيه
اتوترت ايوه بس
ابتسم بهدوء من غير بس قابليه واقعدي معاه وانا واثق انه هيحبك
بس انا ليه هدخل حاجه وانا واثقه انها هتفشل لي اوجع قلبي معايا
وانا واثق فيكي وفي حبك ليه ومتأكد انه هيحبك ده إذا كان
اذا كان اي
هه ولا حاجه يلا بس ادخلي البسي يا ياسمين عشان احمد جاي بعد ساعه
هزيت راسي وهو طبطب عليا بهدوء انا قاعده مع جدو بعد وفاه اهلي مفضلش فيهم غير هو بس هو اللي بقيلي بعد بابا و ماما اها هو فيه عمي و مرات عمي و احمد ابنهم بس هما بعاد للاسف انا و أحمد ولاد عم مش هقول كنا قريبين من بعض واحنا صغيرين بس ولما كبرنا بعدنا لا احنا اصلا كنا بعاد مش بنشوف بعض غير أوقات و اوقات بسبب بعد مكان عمي عننا و كل فتره يجوا يشوفونا و يشوفوا جدو الحياه بينا كانت فيها فتور شويه كان بيكلمني بس مش الاطفال الصحاب ولحد دلوقتي بس لما كبرنا و بقي يجي هنا مبقاش يكلمني ولا حتي يسال عليا ممكن يقولي ازايك او ميقولش الاول كان علي الأقل بيسلم
لبست فستان واسع و طرحه وخرجت لا فرحانه بس برضوا خاېفه عشان متأكده انه مبيحبنيش خاېفه من رد فعله قلبي مقبوض ليه بس يا جدو تحطني في مخاطره كبيره زي كده
اتنهدت و طلعت بعد ما شيلت صينيه العصير و جدو نادي عليا دخلت بتوتر و حطيت الصينيه وقعدت قصاده فجدوا اتكلم
انتوا عارفين انا جايبكم تقعدوا مع بعض لي أنا هسيبكم شويه مع بعض
سابنا و طلع بعد ما ابتسملي بس انا خۏفت اكتر لما طلع بصيت عليه لقيته حاطت راسه في الأرض شويه ده حتي مش راضي يبصلي لدرجه دي
بعد شويه رفع راسه وانا قلبي دق و دقاته عليت هو ازاي حلو كده و كل مره يخطف قلبي كده معقول اي العيون القمر دي ولا دقنه في حلاوه كده !
انتبهلي ف حمحم واتكلم بصوته القمر
احم انتي عارفه اني جيت لي
اهه انا عارفه
بما ان انا جاي عشان جدو وانا عارف ان كل واحد ليه مواصفات في شريك حياته و واكيد انت ليكي مواصفات ف انا كنت حابب اعرف اي وضعك !
اتكلمت بهدوء وانا متضايقه هو يعني احم زي ما انت قولت كده انا قاعده عشان جدو برضوا
سكت شويه وانا متكلمتش تاني مش هي دي الاجابه انا
طيب انتي لو مش عايزه الجوازه دي ف انا ممكن احاول مع جدو واقوله اننا مش متفقين
لا انا موافقه
اي
قصدي يعني مش هينفع انا حاولت مع جدو وهو هو تعبان
اممم ماشي احنا هنتخطب فتره بس من غير دبل و ساعتها نقدر نقنعه
هزيت راسي و طلعت وانا مخنوقه اوي لي ميحبنيش انا كنت عندي امل يكون بيحبني بس كل شئ انهار
هو مشي و جدو قرب مني بابتسامه
ها وصلتوا ل اي
هزت راسي بحزن طلع مبيحبنيش يا جدو فيه واحده في حياته
بصلي باستغراب ازاي ده هو قالك
لا قالي أن احنا قاعدين عشانك انت
متقلقيش احنا هنعلن خطوبتكم
بس هو مش عايز دبل
يعني اي هو فيه كده لازم خطوبه ادخلي انتي بس
لا يا
جدو انا مش
عايزاه
يكون مڠصوب عليا
انا عارف انا بعمل اي متشغليش بالك
سابني و مشي وانا دخلت المطبخ بدأت احضر أكل وانا زعلانه اصلا هو غبي انا عارفه !
تاني يوم جدو جه عندي و قالي انه الاسبوع الجاي هتبقي شبكه و كتب الكتاب
ازاي يا جدو هو مش عايز ازاي تغصبوا عليا انا مش عايزه كده
هو ده اللي لازم يحصل انا مش عايز
تكسر قلبي وهو لما تجوزني ليه وهو مش موافق انت كده بتعمل اي
ادهلي بس جهزي نفسك عشان هنروح انا و انتي و هو و مرات عمك نجيب الشبكه و الفستان
بس
من غير بس
ادخلي
دخلت لبست والله لو مش عشان بحبه و قلبي المهزا ده عايزه مكنتش وافقت !
نزلنا انا و جدو وهو كان واقف مستنينا تحت هو و مرات عمي كان لابس بدله قمر اصلا اصلا هو قمر
قرب من جدو ومسك ايده وانا سلمت علي مرات عمي اللي كانت بتبتسم ڠصب عنها وشكلها متضايق مني كالعاده مهتمتش وكنت لسه هركب جنبها جدو وقفني
لا تعالي انتي يا ياسمينا اركبي جنبه
هو اعترض لا يا جدو حضرتك
خلاص يا احمد هي هتركب جنبك عشان عايز ولدتك في موضوع
وكمان مش عايزني جنبه بس يا جدو !
غمزلي بهدوء اركبي بقي يبنتي انا عايز مرات عمك
بصتله فنزل راسه بسرعه وانا اضايقت اكتر بصيت علي مرات عمي كانت مټعصبه لقيت وركبت جنبه وهو ركب جدو وطول الطريق كان سائق وهو ساكت !
نزلنا عند المحل و اختارت الشبكه وهو كان بيهز رأسه و خلاص خلصنا الدهب وجدو اتكلم
خد خطيبتك يا أحمد و اختاروا فستان كتب الكتاب
حضرتك عارف يا جدو انه مينفعش
لا هينفع
