بيت مين ج1... منال علي

في الأربع أيام اللي فاتوا، الراجل ما سابش حاجة إلا وعلّق عليها.

الجزمة اللي عند باب الشقة.

الفوط اللي في الحمام.

ترتيب التلاجة.

حتى مكان السكر والشاي في المطبخ!

وفي مرة وقف قدام الدولاب وقال بكل ثقة:

ـ قمصان أحمد لازم تتكوي بالليل، مش الصبح.

ردت عليه بهدوء:

ـ أحمد راجل كبير... ولو احتاج حاجة يعرف يعملها.

هز راسه بأسف.

ـ هو ده اللي بوظ الجيل ده... كل واحد بقى يقول "يعرف يعملها". أمال الست دورها إيه؟

ساعتها منى ما ردتش.

لكن من جواها كانت بتغلي.