بنت الخدامة ج2

سلام.
سدرة في رعاية الله.
هشام ألو، مين؟
مي في إيه يا هشام؟ إنت مش عارف صوتي؟
هشام آسف، بس مشغول.
مي طيب أنا عايزاك معايا النهارده.
هشام ليه؟
مي هنشتري فستان الخطوبة.
هشام أنا ورايا شغل كتير يا مي ومش فاضي.
مي يعني إيه؟ هنزل لوحدي؟
هشام خلاص يا قمر، ما تزعليش. هحاول أخلص الشغل وأجيلك.
مي بجد؟ أنا فرحانة أوي إنك هتفضي نفسك علشاني.
هشام ولا يهمك، بس سبيني أشوف شغلي.
مي ماشي، سلام.
ثريا إيه يا محسن؟ جيت بدري يعني النهارده.
محسن مش بدري أوي يعني، دي ناقصة ساعة.
ثريا طيب احضر الغدا بسرعة.
محسن طيب وسدرة؟
ثريا سدرة على وصول على ما الأكل يجهز.
محسن خلاص ماشي، أنا كمان هغير هدومي.
ثريا بسرعة يا محسن، سدرة على وصول.
فون محسن رن.
ثريا مين اللي حماته بتحبه ده؟
محسن ده ابنك.
ثريا هشام؟ هو مش هييجي على الغدا؟
محسن استني بس.
ألو، أيوه يا هشام.
هشام كان بيكلمه عن مشواره.
محسن ابنك رايح يشتري فستان الخطوبة ومش هييجي على الغدا.
ثريا طيب ما تتكلمش قدام سدرة.
محسن لا طبعًا يا ثريا.
ثريا يظهر إن سدرة وصلت. مش هتغير هدومك إلا بعد الغدا.
محسن طيب هغسل إيدي.
ثريا ماشي.
ثريا أهلًا بحبيبة ماما.
سدرة إزيك يا ماما؟ عاملة إيه؟ وبابا جه من الشغل ولا لسه؟
ثريا جه، بيغسل إيده. وقوليلي، إنتِ عملتي إيه أول يوم في الجامعة؟
سدرة يا ماما عادي، هي أول سنة.
ثريا طيب ارفعي النقاب عندي، الجو حر.
سدرة ما ينفعش يا ماما.
ثريا ليه؟
سدرة يا ماما...
ثريا عمر، إنت هنا؟ أنا آسفة يا عمر.
عمر ولا يهمك يا طنط. أنا قولت أسلمك سدرة.
ثريا متشكرة أوي يا عمر.
عمر إنتِ تأمريني يا طنط.
ثريا طيب ادخل علشان تتغدى معانا.
عمر لا، أنا ورايا شغل مرة تانية.
ثريا طيب يا حبيبي.
ثريا اطلعي يا سدرة غيري والبسي طقم بيتي مريح كده، وانزلي علشان تتغدي.
سدرة مش هينفع يا ماما، إنتِ ناسية هشام؟
ثريا اطمني، هشام مش هيرجع غير بالليل، وبعدين هو بيطلع على الشقة اللي فوق.
سدرة ماشي يا ماما.
ثريا يلا بسرعة.
محسن أمال سدرة فين؟
ثريا بتغير ونازلة حالًا.
محسن هي تغير؟ طيب أنا أغسل إيدي بسرعة.
ثريا إنت هتغير قدام سدرة؟
محسن ضحك وقال ههههه.
ثريا أهي نزلت، يلا الأكل جاهز.
محسن هي مين دي؟
ثريا دي سدرة يا محسن، في إيه؟
محسن إيه الجمال ده؟
سدرة متشكرة يا بابا.
قعدوا كلهم واتغدوا، وبعدها شربوا الشاي.
محسن أنا تعبان جدًا، هطلع أغير وأنام.
ثريا وأنا كمان هقوم أخد علاجي.
سدرة هتسبوني أقعد لوحدي؟
ثريا نص ساعة وهنزل تاني.
ثريا ومحسن طلعوا، وفضلت سدرة قاعدة لوحدها.
سدرة أنا هعمل شوية رياضة علشان أهضم الغدا.
سدرة بدأت تعمل الرياضة، ومش حاسة بأي حد.
وفجأة هشام دخل.
هشام مين دي؟ إحنا عندنا ضيوف؟ بس دي واخدة راحتها على الآخر.
هشام بص لها كويس وقال
بس... شكلها مختلف تمامًا عن الصورة اللي كانت في دماغي.
سدرة وقفت مكانها، ولما شافت هشام اتصدمت.
هشام اهدي، ما تخافيش.
ثريا نزلت من فوق وشافت هشام.
ثريا سدرة، تعالى اطلعي أوضتك.
هشام مين سدرة؟
يتبع
هشام سدرة مين؟
ثريا سدرة مراتك اللي إنت رفضت تشوف وشها.
هشام يعني دي بنت زينب؟ طيب إزاي؟
ثريا أيوه، بنت زينب، مش بنت محمود المغربي. بس دلوقتي بقت بنتي أنا.
هشام أنا مش عارف إيه اللي بيحصل.
ثريا دي اختارتك.
هشام اختارتني؟
ثريا وعلى فكرة، سدرة طلبت الطلاق.
هشام طلاق؟
ثريا أيوه، طلاق. مش ده اللي إنت عايزه؟
هشام ماشي.
محسن في إيه؟ أنا قومت من النوم على صوتكم.
ثريا لا أبدًا، أنا بقول لهشام إن سدرة طلبت الطلاق.
محسن خسارة البنت.
ثريا على فكرة، سدرة كانت بدأت تحبك، بس خسارة.
هشام تحبني أنا؟
محسن إنت كل ما نقولك كلمة تستغرب عليها. مش ده اللي إنت عايزه؟
هشام بس...
ثريا خلاص، مافيش بس.
هشام ساب باباه ومامته وخرج.
محسن هو راح على فين؟
ثريا راح لبنت محمود المغربي.
محسن مافيش فايدة.
ثريا إيه يا حبيبتي، مالك؟
سدرة أنا لازم أمشي من هنا يا ماما.
محسن هتروحي فين يا بنتي؟
سدرة هرجع بيتنا.
ثريا لا يا حبيبتي، ما ينفعش. إنتِ دلوقتي مرات ابني.
سدرة بس يا ماما، هشام شافني.
ثريا إيه يعني يا سدرة؟ ده جوزك.
محسن يعني هشام شاف وش سدرة؟
ثريا أيوه يا محسن.
محسن أيوه كده، وأنا أقول هشام ماله.
مي في إيه يا هشام؟ مالك؟
هشام أبدًا، بس لازم نأجل الخطوبة كام يوم.
مي ليه هشام؟ في حاجة؟
هشام لا يا حبيبتي، مشاكل في الشغل.
مي طيب حدد يوم يا هشام.
هشام الخميس اللي بعد الجاي كويس.
مي بس ده بعيد أوي.
هشام لا أبدًا، الأيام بتفوت بسرعة.
مي ماشي علشان بحبك بس.
هشام وأنا كمان، وإنتِ عارفة.
مي طيب ما تقول إنك بتحبني.
هشام إحنا كده هنتأخر.
مي هنتأخر على إيه بس يا هشام؟
هشام ورايا شغل.
مي يا دي الشغل!
ثريا أيوه يا عمر، إنت فين؟
عمر أنا في البيت يا طنط، في حاجة؟
ثريا أنا عايزاك هنا حالًا.
عمر هنا فين يا طنط؟
ثريا يلا يا عمر بسرعة، ما تتأخرش. تعال البيت.
عمر في حاجة جديدة يا طنط؟
ثريا لما تيجي هتعرف.
محسن إنتِ عايزة عمر ليه يا ثريا؟
ثريا هو اللي هيحرك قلب هشام.
ثريا بس أصل عمر وصل.
محسن بسرعة كده؟
محسن لا، ده هشام.
ثريا هشام جه؟ بسرعة؟ أنا كنت بقول هيتأخر.
محسن بس شكله زهقان.
ثريا ولا يهمك منه.
هشام السلام عليكم.
محسن وعليكم السلام.
ثريا إيه يا هشام؟ كنت فين؟
هشام أبدًا يا ماما، كان ورايا مشوار.
محسن عم صالح، افتح الباب لو سمحت.
عم صالح حاضر.
ثريا مين يا عم صالح؟
عم صالح ده عمر بيه.
محسن اتفضل يا عمر.
هشام عمر؟ في حاجة ولا إيه؟
عمر بذمتك ده موقف يقابله الواحد؟
ثريا في إيه يا هشام؟ اتفضل يا عمر.
عمر أمال فين سدرة؟
محسن سدرة فوق يا عمر، في حاجة؟
ثريا لا، مافيش. بس أنا اتصلت بعمر علشان يخرج سدرة، أصلها كانت زهقانة.
هشام يعني إيه؟
محسن طيب كويس، إحنا متشكرين يا عمر.
عمر أنا تحت أمر الآنسة سدرة.
هشام آنسة إيه؟ ما تحاسب على كلامك.
عمر أنا قلت حاجة غلط؟
هشام بصراحة، إنت كلك غلط.
محسن في إيه يا هشام؟ الرجل ما غلطش.
عمر خلاص يا عمي، أنا ما بزعلش من هشام.
ثريا خلاص يا عمر، أنا هنادي على سدرة.
عمر ماشي يا طنط.
سدرة خلاص يا ماما، أنا جاهزة.
ثريا إيه يا قمر؟ خلي بالك منها يا عمر.
محسن بصوت واطي إيه يا ثريا؟ إنتِ فعلًا هتخلي سدرة تخرج مع عمر؟
ثريا لا طبعًا، ما ينفعش، ولا سدرة هترضى.
محسن آه، بحسب.
ثريا أنا اتحايلت على سدرة على ما وافقت تكلم عمر أصلًا، بس علشان تاخد بالها.
سدرة في حاجة يا ماما؟
ثريا لا يا حبيبتي، يلا علشان ما تتأخروش.
عمر يلا يا سدرة.
ولسه هيخرجوا...
هشام على فين يا مدام؟
يتبع