حكاية يونس
يعني أطلب منك كوباية شاي تطلعيلي حاړقة نفسك!
يا ماما أن
زعقت بلا ماما بلا زفت أنا هخلي يونس يشوفله صرفة معاكي بلا قرف
سابتني ودخلت أوضتها بعد ما خلصت زعيق وأنا أخدت بعضي وطلعت شقتي أنا حقيقي مش فاهمة أنا عملت إيه لكل دا! بقى كل دا علشان حړقت إيدي وأنا بعملها الشاي من غير ما آخد بالي!
فقت من تفكيري على صوت الباب انتبهت ل يونس اللي رجع من الشغل بدري فابتسمت وقربت منه
حمدلله على السلامة
اتنهد الله يسلمك أمي مالها! قالتلي إنك زعلتيها!
باستنكار أنا برضه اللي زعلتها!
اتنهد بتعب طب إيه اللي حصل!
بضيق مفيش يا نوح خش غير هدومك وتعالى اتغدى يا حبيبي
مردش ودخل يغير وأنا رحت أجهزله الأكل بعد ما نزلت جبته بغيظ دايما بتقلب كل حاجة لصالحها دايما بتقفلي على الغلطة على الكلمة على النفس بقيت حاسة إنها ضرتي مش حماتي!
سمك تاني!
قليتهولك النهاردة انت بتحب المقلي
اها
قعد على السفرة وأنا حطيتله الأكل وبدأ ياكل وهو سرحان!
يونس
نعم يا سمكة!
كنت عايزة أقولك حاجة
انتبه قولي يا حبيبي
بص اتنهدت بإرهاق ينفع تكلم مامتك وتخليها تهدى عليا شوية يا يونس! أنا مش فاهمة هي بتعاملني كدا ليه بس أنا بجد تعبت
أيوا أنتي عايزاني أعمل إيه يعني!
بصتله بتردد وخدت نفس عميق وأنا عارفة ان اللي هقوله دا ممكن يخليه يتجنن ويفقد أعصابه نوح راجل هادي جدا بس لو اتعصب عينك ما تشوف إلا النور!
أنا عايزة أعزل
أفندم!!!
رددت عايزة أعزل مش بقولك هنمشي من البيت وناخد شقة برا زي ما اخواتك عملوا بس مش عايزاها تتدخل في حياتنا يا يونس مش كل كبيرة وصغيرة ألاقيها بقدرة قادر عارفاها مش عايزة أحس إنها بتراقبني مش عايزاها تقفلي على الغلطة وكإنها
انتي عايزاني أنزل لأمي وأقولها معلش يا أمي مش عايز أشوفك في شقتي فوق تاني ولا عايزك تطلبي من أسماء تخدمك عشان الهانم مش عاجبها الحال!!
كان متعصب وأنا عذراه شوية بس أنا بقيت كارهة حياتي بجد على طول بتحسسني إنها مش راضية عني ودايما بتعاملني وحش فليه أضغط نفسي وأقبل على نفسي كل دا!
يونس أنا
وقف وزعق انتي تسكتي خالص وأقسم بالله يا أسماء لو سمعت منك الكلام دا تاني لأكون مرجعك لأبوكي تاني وماتلزمينيش
پصدمة هتطلقني!
أيوا كله إلا أمي فااهمة!!
مردتش فشدني عليه جامد وهزني وهو بيزعق
فاااهمة!
هزيت راسي جامد فزقني ومشى وأنا فضلت متجمدة مش مستوعبة اللي بيحصل نوح أول مرة يتعصب عليا بالشكل دا أول مرة يزعقلي كدا وأول مرة يهددني بالطلاق!
عملتي في يونس إيه يا وش النحس انتي! كان بيزعق وصوته عالى ليه
أنا معملتلوش حاجة دا هو
دا إنتي اللي عملنا الأسود بقى الواد جاي من الشغل تعبان تقومي منكدة عليه! يا شيخة روحي إلهي ما
زعقت مرة واحدة كفااية حرام عليكي اطلعي برااا براااا
اټصدمت من صړيخي زي ما هي اټصدمت بس مسكتش وقمت زقيتها برا وقفلت على نفسي وانهرت عمري ما عاملتها وحش وعلى الرغم من كرهها ليا إلا إني كنت بحترمها دايما وبعملها ألف حساب بس بجد خلاص معتش قادرة
يونس رد عليا
كنت هعيط بسبب تجاهله ليا يونس دا حبيبي وزعله كبير على قلبي أوي
بخنقة يونس عشان خاطري رد
نفخ عايزة إيه!
أنا آسفة
مردش عليا فاترميت مرة واحدة وبكيت وهو شوية ولقيته بدأ يطبطب عليا
أنا آسفة والله أنا مكنش قصدي حاجة أنا بس كنت عايزة
خلاص كفاية حصل خير
عياطي زاد وهو اتنهد
بتعملي أيه!
بعمل الغدا يا ماما
طب اعملي حسابك إن اخوات يونس جايين النهاردة
اټصدمت ايه! جايين! طب مقلتليش ليه من بدري!! هعمل إيه دلوقتي
زعقت مرة واحدة معرفش يختي اتصرفي
سابتني وطلعت وأنا وقفت مش عارفة أعمل إيه الدموع اتجمعت في عيوني وكنت هعيط بس مسكت نفسي لازم أتصرف
طلعت لحمة من الديب فريزر وحطيتها تحت المياه عشان تفك وبدأت أجهز بقية الأكل بسرعة
تسلم إيدك يا أسماء أكلك طعمه يجنن
تسلميلي يا سميرة
بقرف ما بلاش مبالغة طعمه عادي يعني
الكل سكت وأنا اتنهدت ورجعت أكمل أكلي بهدوء بصيت للتليفون واتضايقت أكتر لما لقيت الساعة عدت سبعة ويونس لسة مرجعش مش معقولة كل التأخير دا هو مش عارف إن
اخواته جايين ولا إيه!
بعد إذنكوا هرن على يونس أشوفه اتأخر ليه وهاجي
استأذنت وقمت أشوفه وأنا خاېفة يكون حصله حاجة
هو مش بيرد ليه!!
انتي كويسة يا أسماء
بړعب يونس مش بيرد
يا حبيبتي اهدي ممكن يكون تليفونه صامت ولا حاجة
بصتلها پخوف وهي حاولت تطمني شوية ولقيته رن عليا من تاني فرديت بسرعة
كنت فين!
التليفون كان صامت يا أسماء
قلقتني عليك
مټخافيش يا سمكة أنا في السكة أهو مش هتأخر وهاجي
تيجي بالسلامة يا حبيبي يلا لا إله إلا الله
محمد رسول الله
قفلت واتنهدت براحة وللحظة نسيت نفسي وابتسمت زي ما أكون مراهقة لسة قلبي بيدق مع كلامه
فقت على ضحك سميرة فاتوترت
احم سميرة
بضحك قلب سميرة لا دا يونس مأثر عليكي أوي يعني
اتكسفت ومردتش وهي ابتسمت
ربنا يصلح حالكوا يا حبيبتي ويبعد عنكوا شړ أمه
اتنهدت وآمنت على دعائها في سري ربنا يهديها ويحنن قلبها عليا شوية
الأكل كان طعمه حلو تسلم إيدك
حبيبي
بس
كويس إني لاقيتك هنا بقى يرضيك اللي مراتك عملته!!
أنا! وأنا عملت إيه!!
أسمااء
سكت لما اتكلم بصوت عالي وهي على طول بدأت تتكلم
بقى يا بني يرضيك عشان نسيت أقولها من بدري إن إخواتك جايين وقلتلها متأخر شوية تقوم المحروسة معلية صوتها عليا!!
پصدمة أنا عليت صوتي عليكي!
أيوا هتكذبي ولا إيه!
مكنتش عارفة أفكر مكنتش عارفة أستوعب كلامها أصلا أنا إمتى عملت كدا!
بصيت ل يونس وهزيت راسي بلأ وهو بصلي كتير وبعدين اتكلم
اعتذري ل أمي يا أسماء
نعم!
اتنهد بقول اعتذري
تنحت لثواني بس اتراجعت خطوة وبثبات
وأنا مش غلطانة عشان أعتذر يا يونس
بتحذير أسماء
بخنقة أنا مغلطش في والدتك عشان أعتذر ف انسى إني أعتذر
زعقت شايف بجاحتها وقلة أدبها!!
زعقت أنا كمان أنا مش قليلة الأدب
أسماااء وطي صوتك وانتي بتتكلمي
سكت ودموعي اتجمعت في عنيا پقهر وهو بص لأمه وبصلي و
اطلعي جهزي هدومك
ليه!
هاخدك ترتاحي يومين عند مامتك وهبقى أعدي عليكي تاني أجيبك
لاحظت ابتسامتها الشمتانة فيا وبصراحة قلبي وجعني أوي من كلامه عمر الأمور ما وصلت بينا ل كدا يااارب كفاية كدا هعمل إيه بس!
انت بجد هتوديني عند بابا!
بجمود أيوا جهزي نفسك يلا
انت مش بتهزر يا يونس!
ساب تليفونه اللي كان بيقلب فيه على حاجة لا مش بهزر يا أسماء ممكن تخلصي!
بخنقة كل دا عشانها!
بضيق دي أمي يا أسماء أمي
وأنا مراتك
بعد وشه وأنا دموعي نزلت بس كفاية لحد كدا
طلقني يا يونس
إيه!
بابتسامة إيه! انت مش كنت بتهددني من كام إسبوع إني لو جيت على مامتك تاني هتطلقني! أنا بقولك طلقني
نفخ أسماء مش ناقصة جنان على المسا اخلصي جهزي هدومك وكلهم يومين وهترجعي
وأنا
مردش واكتفى بإنه يسيبني ويمشي بس أنا رحت وراه وشديته جامد وزعقت في
