رواية الخائنة بقلم حمادة هيكل
بينا رجعت تاني لطبيعتها
بعد ساعة تقريبا لقيت رقم كريم بيتصل عليا
_أنت عارف أنا لو شوفتك أنا هعمل فيك..
_أهدى بس على نفسك..أنت أكيد صدقتها طبعا
بالفيلم اللي عملته عليك دا..
_قصدك ايه
_دي ممثلة بارعة يا أستاذ ..بس انت اللي شكلك غلبان وبتاكل من الكلام دا ..عايز اقولك أن الصورة اللي بعتهالك
قبل كدا هي صورتها فعلا .
خصوصا وانها كانت بتقولي انها مش عجباها وانا كنت حاببها عليها جدا
_أنت لو راجل قولي انت فين وانا اقسم بالله ما_هسيبك
_يا سيدي روق العصبية مش هتنفعك
_انا دلوقت هبعتلك اللي يأكدلك انها كدابة
_أنت لو..
قفل السكة في وشي وبعد دقايق وصلتني رسائل منه
فيها صور ليها ..صور عادية هي كانت بعتتها ليها
قبل كدا ..يعني مش فوتشوب ولا حاجة
لأني شوفتها قبل كدا ..والأهم أنه بعت فويس بصوتها وهي
بتقول أنا بحبك يا كريم بجد ونفسي اكمل عمري معاك
يتبع
الجزء_الرابع_والأخير
_انا دلوقت هبعتلك اللي يأكدلك انها كدابة
_أنت لو..
قفل السكة في وشي وبعد دقايق وصلتني رسائل منه
فيها صور ليها ..صور عادية هي كانت بعتتها ليها
قبل كدا ..يعني مش فوتشوب ولا حاجة
لأني شوفتها قبل كدا ..والأهم أنه بعت فويس بصوتها وهي بتقول أنا بحبك يا كريم بجد ونفسي اكمل عمري معاك
الصور صورها والصوت صوتها أنا واثق ومتأكد مليون في الميه إستحالة تقدر تنكر بعد كدا.. بس ليه هي بتعمل دا
هي لو بتحبه طب ما تتجوزه ولا يتحرقوا مع بعض
انا ليه تخدعني وتلعب بمشاعري
حسيت ساعتها بأني لو شوفتها قدامي أني ممكن اقتلها
وحمدت ربنا أني أكتشفت
لان وقتها كانت هتبقى الصدمة أقوى
بعدت عنها وقررت اني انساها خالص وأطلعها من حياتي
أستغربت طبعا من رد فعلي لما تجاهلت أتصلاتها
ورسايلها ..وكانت هتتجنن..ايه الي حصل وغيرني كدا
شكت أن كريم عمل حاجة تاني من وراها وأن دا أكيد السبب اللي غيرني من ناحيتها
مع الوقت دينا يأست مني وبعتت رسالة قالت فيها.
_واضح أني رخصت نفسي
تبعد وتقرب على مزاجك..انا معرفش ايه قلبك فجأة كدا من آخر مرة كنا فيها مع بعض واللي كنا قررنا فيها معاد عشان الخطوبة ..مبقتش مهتمة أعرف في ايه ..لأنك حابب تنهي اللي بينا وبتصدق أي حاجة واكيد كريم بعتلك رسايل هبلة تاني وصدقته ..زي ما صدقته قبل كدا..بس مش من الرجولة انك تنسحب وتخاف من المواجهه
رسالتها دي أستفزتني جدا ..فقررت ابعتلها الصور والفويس اللي بعته ليا كريم
واتصلت ليها بعدها وقبل ما تتكلم قولتلها
_أنا مش عايز اسمع منك ولا نفس ..انا كنت هنهي علاقتنا وفي شوية أحترام جوانا لبعض ..بس واضح انك مصممة أجرحك ..ولو أن دا مش جرح..دي حقيقة
أنتي إنسانة حقيرة وكدابة وانا ندمان على كل دقيقة عرفتك فيها واتمنى لو يرجع بيا الزمن عشان مكنتش هبصلك حتى
أنتي خلاص ملكيش مكان في حياتي ..
_صلاح لو سمحت
_مش هسمعك..كل حاجة واضحة ومفيش مجال لأنك تمثلي دور البريئة من تاني..ربنا يسامحك على اللي عملته فيا
قفلت
السكة في وشها وفضلت مخنوق طول الليل
لأني للاسف صوتها كان واحشني وهي كمان وحشاني أوي
بس لازم ادوس على قلبي ومشاعري وانساها خالص
مهما حصل
عدت فترة وانا مش هقول نسيت لاني كنت بحبها بجد
بس كنت بوهم نفسي أن نسيتها وللأسف كنت بغيب وأراقب الاكونت بتاعها ع الفيس من وقت للتاني
لكن هي كانت قافله ومش بتشير حاجة ولا بتعلق عند من صحباتها أوقرايبها زي الاول ..
أنشغلت جدا عليها بس مكنتش اقدر أسال عنها
وبلوم
نفسي أني لسه مهتم بأمرها زي ما أنا
غريب القلب دا ..مبنقدرش نسيطر عليه بسهولة
قولت لنفسي أكيد هنسى مع الأيام
وفي يوم وانا في الشغل لقيت غادة صاحبتها بتتصل بيا
وقالت انها مستنياني تحت..وعايزة تشوفني ضروري
نزلت بسرعة وقابلتها ..كانت لابسة أسود
_خير يا غادة في ايه
كنت خايف يكون حصل حاجة ل دينا
قالتلي عايزاك في موضوع مهم
أخدت أذن من الشغل وقعدنا في مكان عام
_أيه الموضوع المهم دا بقى وليه لابسة أسود
_ماما
_لا حول ولا قوة الا بالله ..البقاء لله يا غادة
_الحمدلله أهي أرتاحت وسابتني لوحدي
بس مش دا الموضوع اللي عايزاك فيه
_خير ..أتكلمي
_دينا يا صلاح..
_متقوليش أنها مظلومة ..طبيعي أنك تدافعي عن صاحبتك
بس أنا مش هكدب عنيا اللي شافت صورها ولا وداني اللي سمعت صوتها وهي بتقول انها بتحب كريم
_للأسف انا مستحقش لقب صاحبتها
_مش فاهم
_هحكيلك واتمنى أنك تسامحني..دينا فعلا مظلومة
وانا السبب في كل اللي بيحصل دا..
_ازاي مش فاهم
_الصور فعلا صورها..بس مش هي اللي بعتتها لكريم
انا اللي بعتها
_أنتي بتقولي أيه
_لو سمحت سيبني أكمل كلامي
_دينا أقرب صاحبة ليا وبتثق فيا
_قصدك مين
_كريم ..أستغل ظروف تعب والدتي وانها محتاجة تدخل عمليات ضروري وقالي انه هيساعدني بس بشرط
أني أساعده يبوظ علاقتكم ببعض
_وانتي وافقتي
_للأسف أنا كنت مضطرة..عارفة أنه مفيش حاجة ممكن تشفعلي..لكن تعب امي واني بشوفها ببتعذب كل يوم قدامي خلاني معرفتش أفكر ..وهو عرف يلعب على الوتر الحساس
وبدون وعي كنت بوصله أخباركم اول بأول والصور بتاعتها أنا أخدتها من فونها من غير ما تعرف وبعتهم ليه
_طيب فرضا أن دا صح..وحقيقي والصوت بقى
الفيس بتاعها دا برضو كان ايه
_دا جزء من مكالمة ليها معايا ..وفي نص الكلام
عرفت أخليها تقول أنها كانت بتحب كريم فعلا وبتتمنى أنها تكمل عمرها معاه ..انا بعت المكالمة لكريم زي ما طلب مني وهو عرف
يعمل مونتاج لكلامها ويظهرلك أنها لسه بتحبه
ودي المكالمة كلها لسه عندي علشان تتأكد
سمعتني المكالمة وفعلا أتاكدت من صدق كلامها
_منك لله يا شيخة خلتيني أخسر الإنسان اللي بحبها وأجرحها واجي عليها..رغم اني وعدتها أن أكتر حد هيصونها وهيحافظ عليها
_عندك حق في اي كلمة ممكن تقولها ..انا ربنا عاقبني وخسرت أمي وفلوس كريم منفعتنيش..وندمت أشد الندم
وجيت اعترف بالحقيقة ..رغم أني هخسر دينا كمان
بس أنا اللي أستاهل كدا ودا عقاب ربنا ليا وانا راضية
مش مهم أنها
أنا الخاينة الحقيقية مش دينا
من يومها وانا فضلت أدور على الكلب كريم عشان انتقم منه
بسبب كل اللي عملة دا
عرفت مكان شركة والدة واستنيت لما رجع من السفر لانه كان برة مصر ..ودخلت الشركة وطلبت مقابلته لموضوع مهم
الكسرتيرة دخلتني ليه
واول ما شافني أبتسم وقال
_أهلا يا ابو الصلح طب مش تقول يا راجل انك جاي كنا فرشنا الأرض ور..
وقبل ما يكمل كلمته كنت ضربته بلكمة في وشه
طلع مسدس من الدرج وقال
_تعرف أني ممكن أقتلك هنا..وماخدش فيك يوم واحد
واقول انك جاي تتهجم عليا في مكتبي وفي شركتي
والكاميرات والموظفين كلهم هيشهدوا عليك
_أنت كلب وممكن تعمل أي حاجة وأنا مش هسيبك
مسكت فيه ووقعنا على الأرض وفضلت أضربه بغل في وشه لحد ما نزف من سنانه وبعدها دخل الأمن ومسكوني
وفضلوا يضربوا فيا وهو ضربني بقسوة وغل
قولته وأنا بتالم
_أنا عرفت الحقيقة من غادة وخطتك فشلت
_انا مش هخليك تتجوزها ابدا وهسجنك
فضل يضرب فيا هو والأمن لغاية مافقدت الوعي
ولما فوقت لقيتني في مستشفى وجنب مني أهلي
ومعاهم دينا اللي مسكت إيدي وهي بتعيط_وقالت
_حمدلله على سلامتك يا حبيبي
حاولت أقوم من الفرح ..لكن حسيت بألم شديد في جسمي
_خليك مرتاح متتحركش
أمي قالت
_حمدلله على سلامتك يا ابني..
_الله يسلمكم هو ايه اللي حصل
_والد كريم عرف باللي عمله ابنه ..وجابك على افضل مستشفى وخلى علاجك على حسابه واتأسف لينا عن كل اللي عمله كريم وانه بهدله بعد ما عرف باللي عمله
وقرر أن خطوبتكم تتم على حسابه في أفضل اوتيل في البلد
كنوع من الأعتذار عن اللي حصل من ابنه
_انا مش مصدق ..كل دا حصل في الكام ساعه اللي غبت فيهم عن الوعي
_كام ساعه ايه بس يا حبيبي
_انت بقالك يومين في الغيبوبة
_بجد..أنا أنضربت جامد بصراحة
بس
_أللي حصل مكنش سهل. .وانا عارفه أنها كان غصب عنك
وبعدين اعمل ايه منا بحبك بقى
تمت
حماده_هيكل
