سكريبت بقلم ريم خالد
مش هغيب والله ..
قولت كدا وأنا بدخل من البلكونه ومستنش أسمع رده نزلت في الشارع وبدأ المطر ينزل علي شعري وعلي لبسي وأنا مغمضة عيني بأستمتاع وحسيت بدموعي اللي بتنزل واللي بتمسحها مايه المطر بصيت علي بلكونتي لقيت تيته وجدو واقفين ساندين علي السور وهما بيضحكوا طلعت تلفوني وشغلت أغنية لفيروز وأنا بلف علي ألحان الأغنية ومغمضة عيني لحد ما خبطت في حد جامد فتحت عيني بخضه كان قدامي شاب شعره مبلول ونازل علي جبينه ولابس جاكيت جلد وماسكني وبيبصلي بأستغراب..
_ مش تأخدي بالك ..!
_ أنا أسفه مخدتش بالي والله ..
ضحك بهدوء وهو بيقولي_ حصل خير بتعملي أي في الجو دا تحت ..!
كنت متوتره وبصيت علي البلكونه لقيت تيته وجدو قاعدين علي الكراسي وبيتكلموا بهدوء وبدأ المطر يهدى..
_أنا بحب المطر ..
_ دا يا بخت المطر ولله..!
أبتسمت بتوتر وأنا بدخل العماره لفيتله كان واقف حاطط أيده في جيوبه وبيبصلي بهدوء ومتابعني سيبته وأنا بطلع بسرعة علي السلم خبطت علي الباب قابلتني تيته بفوطه وهي بتنشف شعري ودخلتني الأوضة بسرعة وهي بتقفل البلكونه وبتقولي بسرعة ..
_ يلا بسرعة غيري هدومك يا مجنونه قبل ما تأخدي برد ..
ضحكت وطلعت بيجامه تانية وغيرت لبسي وبدأ جسمي يهدي من السقعة ويدفى شويه رميت نفسي علي السرير وأنا بغمض عيني بتعب ومبتسمه من تفاصيل اليوم..
بعد مرور أسبوع الجو كان بدأ يهدي والمطر يخف شويه كنت قاعده في البلكونه أنا وتيته هي ماسكه السبحه وأنا ماسكة النوت بتاعتي بكتب فيها حاجه خبط الباب سيبت اللي في أيدي وأنا بقوم أفتح أول ما فتحت سمعت صوته..
_ وحشتيني..!
أتخضيت وأنا برجع لورا دخل وهو بيقفل الباب وراه.
_أنت أي اللي جابك هنا ..!!
رد بسخرية_ما قولت وحشتيني..!
_مين يا ريم ..
كان صوت تيته قرب منها
_طب والله أنتي كمان وحشتيني مشوفتكيش من زمان .
روحت شديته من القميص بتاعه وأنا بزقه ..
_ أطلع برا أنت عايز أي ..
بص علي أيدي اللي ماسكه قميصه وفجأة تناها ورا ضهري خلاني صړخت من الۏجع قرب مني وهو بيزعق .
_ أنتي أتهبلتي أنتي بتمدي أيدك عليا ..
حاولت أفك نفسي وتيته عماله بتضر..به علي كتفه جامد وهي بتزعق فيه ..
_ أبعد عنها وخلي عندك ډم ..
كل دا وهو عمال يزعق فيا وبيزق في أيد تيته اللي جرت فتحت الباب وهي بتنادي علي حد يلحقنا طلعوا الجيران علي صوتها أول ما دخلوا الشقة زقني بعيد عنه جامد وهو بيقول ..
_أسفين علي الإزعاج يا جماعه مراتي قليلة الأدب وبربيها ..
أتعصبت من كلامه قومت وقفت قدامه وأنا بلطشه بالقلم قدام الكل وخبطته في بطنه جامد وقع علي الأرض نزلت فوقيه بالاق لام بكل ڠضب جوايا والجيران بيحاولوا يشدوني من عليه وأنا مش حاسه بنفسي اللي شيفاه إهانته ليا كل الفتره اللي فاتت خربشته في رقبته وأنا
بقوم من عليه كان لسه هيمسكني وقف الجيران قدامه وهما بيزقوه برا الشقة لحد ما طلع سمعته وهو بيقولي..
_ اللي أنتي عملتيه دا مش هيعدي بالساهل وهدفعك التمن غالي يا ريم وهتشوفي ..!
مكنتش عارفه أخد نفسي من الأنفعال مش عارفه شديت أيدي من مين وأنا بدخل أوضتي قعدت علي السرير وأنا بحاول أخد نفسي بهدوء بصيت علي أيدي كان لونها أحمر من ضړبي ليه ضحكت وأنا ببص علي أيدي وحسيت
بليل كان جده جه وعرف من الناس اللي حصل..
_اللي حصل دا أنا مش هسكت عليه لازم يقف عند حده .!
_أهدي يا عبد الرحمن عشان السكر ميعلاش عليك ..!
_ يعني الحيوان جاي ېتهجم عليكي في البيت ..!
_ قومت أنا اللي اتهجمت عليه ..
ضحكت وأنا بقولها خليت جدو وتيته ضحكوا ..
_ دي أققل حاجه كانت لازم تحصل أنا لو كنت هنا مكنتش هسيبه يطلع من هنا عايش ..!
شهقت تيته وهي بتقولي_ وتروح في داهية عشانه ..!
أتنهد جدو وهو بيقولي_ ريم خدي بالك من نفسك الفتره دي ومتنزليش من البيت عشان دا مچنون..!!
_ لأ يا جدو أنا هنزل وهعيش حياتي عادي واللي عنده يعمله ..!
_ برده الاحتياط واجب يابنتي علي ما نشوف هنعمل معاه أي ..!
هزيت رأسي بعدم أقتناع كمل جدو كلامه ..
_ بقولك يا حياة معاكي رقم عمر الدهبي الظابط اللي ساكن فوقينا ..!
_ عايزه ليه ..!
_ عشان نحكيله اللي حصل دا وهو يقولنا نعمل أي.
قاطعته بهدوء_ جدو الموضوع مش محتاج كل دا ..!
رد بعصبية_لا يا ريم الموضوع محتاج وبطلي تمثلي البرود دا عشان أنتي عارفه معاذ مش سهل..
سكت وأنا بحط أيدي علي وشي وبتنهد فعلا مش سهل ومش هيسكت علي اللي حصل دا بس أنا خلاص مبقاش فارق معايا كتير يعمل اللي يعمله..
الصبح علي الفطار كونا قاعدين بنفطر بهدوء سمعت جدو وهو بيقولي .
_ريم هنروح أنهارده لعمر جهزي نفسك بعد الفطار.
_ هروح معاك ..
_ ايوه عشان نشوف هنعمل أي وتحكيله اللي حصل ..
_ تمام هروح ألبس أهو..
أتنهدت بضيق أول ما دخلت الأوضة لبست ونزلنا أنا وجدو مسكت في أيده وأحنا ماشين وبنتكلم
_ تأكلي آيس كريم ..!
بصيت علي الآيس كريم وضحكت..
_ مش محتاجه كلام دي ..
ضحكنا وروحنا طلبنا آيس كريم بعدها روحنا علي القسم وقفنا خمس ثواني قبل ما ندخل للي أسمه عمر دا دخلنا قام وقف ورحب بجدو جدا بأدب وبعدها بصلي وأبتسم بهدوء ..
_ أتفضلوا أقعدوا تشربوا أي ..!
_ الله يعزك يابني مش عايزين حاجه تسلم ..
فضلت بصاله كتير بحاول أفتكر أنا شوفته فين قبل كدا بس عقلي مش مجمع أوي بس حاسه أني شوفته قبل كدا وقريب ..
_ أي المشكلة في أي ..!
بصلي جدو بمعني أتكلم أخدت نفس عميق وبدأت أققوله اللي حصل أخر مره بعد ما خلصت ضحكت ضحكة بسيطة وهو بيقولي ..
_ برافو عليكي أخدتي حقك في نفس الوقت ..!
_ دا ميجيش ربع حقي حتى ..!
رفع عينيه ليا وهو مركز معايا خلاني أتوترت في قعدتي بعدها بص لجدو وهو بيقوله بهدوء ..
_ أحنا دلوقتي هنعمل محضر عدم تعرض وهنحكي أنه أتهجم عليهم في البيت ولو حضرتك عايز يبقي في حد قدام شقتك الفترة دي مفيش مشكلة لحد ما الموضوع يهدى ...
أتنهد جدو وهو بيقوله_ شوف أي الصح وأعمله المهم
ريم متتأذيش..!
بصيت لجدو وأنا ببتسم بحب علي تعبيرات وشه القلقانة علي تركيزه مع كل كلمه عمر بيقولها بيطمن نفسه بيها ويبصلي يطمني بنظراته.
_ متشكر جدا يا عمر باشا ..!
_ أي باشا دي لأ كدا أزعل ..!!
ضحك جدو وهو بيطبطب علي كتفه وصلنا لحد الباب قبل ما أخرج سمعته وهو بيقولي ..
_بطلي تلعبي تحت المطر عشان متأخديش برد ..
لفيتله بسرعة وأنا ببصله پصدمه ضحك وهو بيرفع حواجبه وبيغمزلي ضحكت بتوتر وأنا بجري من قدامه بمسك في جده قبل ما نخرج من القسم لفيت
