لعبة إبليس بقلم حمادة هيكل

كاملة
في يوم كنت قاعد ع الفيس ووصلتني رسالة من أكونت واحده اسمها شيماء مسعد الاسم دا مش غريب عليا !
الرسالة كانت فيها لينك ! خۏفت اضغط عليه يكون هكر
لسه هحذف الرسالة بس قولت لما ادخل الاكونت بتاع شيماء دي
واشوف مين هي 
مش حاطه صور ليها ع الاكونت او مخصصاها لاصدقائها بس
لكن لاحظت انه مكتوب في بيناتها انها درست في نفس
المدرسه الثانوي اللي انا كنت فيها من 20 سنه
شيماء مسعد اااه افتكرتها البنت دي كانت معايا في الثانوي فعلا وكانت بتحبني اوي بس انا كنت شايفها زي
أختي واللي كان بېموت عليها بجد الواد طارق حسين صاحبي بس هي كانت مش بتحبه بس دي ايه فكرها بيا بعد السنين دي كلها
وياترى ايه اللينك اللي بعتهولي دا !!
مفيش قدامي الا اني افتحه واشوف في ايه 
ضغطت عليه ودخلني في موقع غريب كدا اول مره اشوفه
كان عباره عن خلفيه حمرا عليها علامة جمجمه وعليها إكس
وكان

في فيديو واحد فتحته
وظهرت لي عليه شيماء وهي في حالة تعذيب شديده
وأثر كدمات في وشها ورقبتها وقطع عند الحاجب 
وأثر ډم مكانه لسه منشفش وقالت وهي بتنهج
خالد أرجوك أسمعني كويس انا عارفه انك مستغرب من اللي بيحصل بس مفيش وقت أشرحلك كل حاجه
انا بعد الجامعه اتقدملي طارق حسين زميلنا في الثانوي 
اكيد فاكرة هو كان بيحبني جدا وكان يتمنى التراب اللي
بمشي عليه وقتها انا كنت لسه بحبك رغم انك قولتهالي صريحه اني زي أختك بس انا فضلت كاتمه حبك في قلبي
ولما اتجوزت طارق قررت انساك بجد واوهب حياتي 
ومشاعري لطارق لأن دا الصح بس هو كان بيغيرعليا جدا
وتصرفاته بقت غريبه بعد جوازنا بكام سنه
حصلت له حاډثه واتسببت في حالة عجز جنسي ليه
وأنا وقفت جنبه كتير ولفينا على دكاترة كتير عشان يتعالج
بس للأسف حالته كانت ميئوس منها قولتله معلش 
ولا يهمك الحمدلله ربنا رزقنا بولد وبنت زي القمر 
ومحرمناش من حاجه ورضيت واحتسبت وصبرت
لكن هو ابتدت حالته النفسية تسوء يوم بعد يوم 
لغاية ما في يوم كنا معزومين في حفلة عيد ميلاد 
ابن أحمد عبدالعال زميله في الشركه
وهناك
شافك بالصدفه وطبعا انت مخدتش بالك يومها من وجودنا
لأنه شدني من إيدي ورجعنا البيت واتخانقنا خڼاقه كبيرة
لانه كان متخيل اني عارفه انك هتكون هناك 
وحلفت له أن دا محصلش 
وهو قالي لا انتي صممتي نحضر الحفله رغم اني تعبان 
لانه اكيد مرات احمد عرفتك ان خالد معزوم
قولتله انت أكيد مچنون وانا صممت اننا نروح
عشان نغير جو وحالتك تتحسن 
انتي فاكراني اهبل عشان اصدقك بعدها نزل فيا ضړب
وپهدلة واهانه وقرر انه يراقبني ويتجسس على مكالماتي
لانه كان فاكر اني بخونه معاك
النهارده الصبح صحي زي المچنون 
وشافني واقفه مع الراجل اللي بيقرأ عداد الكهربا واتخيل انه انت مسكه وضربه بكل قوته لغاية ما أفقده الوعي
ولما حاولت ادافع عنه ضړبني انا كمان وحبسني في أوضة المكتب وبعد ساعتين فتح لي الباب وهو هدومه وايديه غرقانيم ډم واكتشفت انه قتل الراجل وقطعه حتت ومثل بجثته 
وفضل يعيط وهو بيقولي انا اسف متزعليش مني 
دا طلع مش خالد وانا ظلمتك
بس انا مش عاوزك تخافي انا هتخلص من الچثه دي 
وارجعلك فورا ولما سألته هتتخلص منها أزاي 
قالي هحطها جوه شقة خالد عشان يلبسها ونرتاح منه
حسيت بقلق جامد من كلامها
كملت وقالت
وهو خرج دلوقتي بالشنطه اللي فيها چثة الراجل
ومش عارفه جايلك ولا هيعمل ايه 
انا خاېفه ومړعوبه ولو حكيت لحد الكلام دا 
مش هيصدقني ولأني خاېفه عليك انك تتورط في 
حاجه ملكش ذنب فيها حبيت اقولك عشان تتصرف
لو لقيت الشنطة دي تجيبها البيت عندي ودا العنوان 
وتلحق تنقذني قبل ما يعمل فيا حاجه انا كمان 
بعتلك الفيديو في الرساله متشفره