لعبة إبليس بقلم حمادة هيكل

 

لانه بيراقب كل نفس 
بتنفسه أرجوك اول ما تشوف الفيديو دا تتصرف سلام
الفيديو انتهى على كداومش عارف ولا مستوعب اللي شيماء قالته دا حقيقي ولا اشتغاله بس هو في حد ممكن يشتغل حد بالشكل دا !
طارق فعلا كان مچنون بيها انا مش عارف اعمل ايه
انا لازم ادور في الشقه كويس واشوف هل في حد حط لي شنطة زي ما قالت ولا لأ
دورت في كل مكان ملقتش حاجه لكن بعد نص الليل 
وانا نايم سمعت صوت جرس الباب
ولما فتحته لقيت قدامي شنطة جلد
متوسطه
حسيت برهبه وبسرعه أخدتها ودخلت وحطيتها 
على الترابيزة قدام مني وبأيد مرتعشه فتحتها 
واكتشفت وجود أشلاء لچثة جواها
حسيت أن قلبي خلاص هيقف ومبقتش عارف اتصرف ازاي
انا كدا

في ورطه كبيرة وكمان شيماء ممكن يكون حصلها حاجه كان لازم اتصرف وانقذها واتخلص من الشنطه
دي بأسرع وقت وجودها عندي كارثه
خرجت بسرعه وروحت على العنوان اللي كانت شيماء 
قالته ليا في الفيديو
واول ما وصلت كانت فيلا وليها سور متوسط الارتفاع
رميت الشنطه ونطيت جوه عشان اشوف شيماء 
حصلها ايه واول ما قربت من الباب كان مفتوح
وكان في اثار ډم متجهه ناحية أوضة المكتب 
اكيد شيماء هنا !!
اول ما فتحت الباب ودخلت كانت شيماء مربوطه
في الكرسي وفاقده الوعي فكيتها وجبت لها مياه 
وفوقتها وسألتها
انتي كويسه !!
خالد الحمدلله انك لحقتني 
هو راح فين 
معرفش هو كان هنا من شوية بس مش عارفه 
هو فين دا ممكن ييجي في اي وقت
انتي لازم تمشي من هنا بسرعه 
ايوه لازم أهرب من هنا بس الأول عايزاك 
تفتح الدرج دا جواه حاجه مهمه هاخدها قبل ما امشي 
حاجة ايه
افتح الدرج بس وانت هتعرف
روحت علشان افتح الدرج وحسيت خطوات
حد ماشي ورايا وانا ألتفت لقيت شيماء ماسكه 
زهرية الورد ولسه هتخبطني على دماغي وطئت بسرعه
ومسكت إيدها وانا بقولها
لا بجد برافو عليكي انتي طلعتي حقېرة بجد
لكن بصراحه ممثله شاطرة
سيب ايدي يا حيوان اااه سيب ايدي بقولك
والشرطة دخلت علينا في نفس الوقت
قبل ساعتين
وأثناء ما بشوف الفيديو قررت أمسك الموبايل 
واصور الفيديو وهو شغال على اللاب توب
وزي ما توقعت بعد ما الفيديو انتهى أختفى تماما 
ولما رجعت للأكونت اللي اتبعت لي منه اللينك
لقيته اتحذف ومش موجود
حسيت أن في لعبه بتتعلب عليا 
ولما فتحت الشنطة اللي لقيتها قدام باب شقتي 
وشوفت الچثة والي كانت بدون رأس عشان متعرفش على صاحبها واللي كان صديقي طارق واللي عرفت انه هو 
من كف إيده اللي كان عليه أثر لچرح قديم
عرفت أن شيماء عملت الحوار دا كله عليا وهي اللي قټلت 
جوزها عشان تورثه ومتحملتهوش في مرضه 
وقررت اني انا اللي البسه لانها مش ناسيه اني كسرت قلبها زمان فبلغت الشرطه ووريتهم التسجيل
وبالفعل أتقبض عليها ونفدت بأعجوبة انا من
قضية قتل 
كنت لابسها وكانت متخططه لي صح لوجودي في مكان الچريمه وسابق معرفتي بالقتيل وبصماتي اللي على الچثة والشنطه 
تمت
لعبة أبليس
حماده هيكل