رواية محبوب رغم عيوبه كاملة جميع الفصول بقلم ريم خالد
أنتي طالق
نزلت الكلمة علي قلبي بفرحه فضلت بصاله وأنا دموعي بتنزل أني قدرت أتخلص منه وأخيرا وقفت قدامه وأنا بقوله
مش مسامحاك علي كل مره كسرتني فيها أو مديت أيدك عليا ولا هسامح
قولت الكلمة وأنا بخرج من عند المأذون بحرية وبضحك بفرحه كبيرة كانت الدنيا مطر شديد مكنتش حاسه بأي حاجه كنت بس حاسه أني عصفوره أخدت حريتها أخيرا جريت في الشارع وأنا بضحك والكل بيبص عليا بأستغراب وأنا مش مهتمه بنظرات حد وقفت في نص الطريق وأنا بحط طاقية الجاكت علي رأسي وبقفل الجاكيت كويس وبكمل
وحشتيني
روحتي فين يا ريم أنا وجدك دورنا عليكي كتير قالولنا أن أنتي ومعاذ عزلتوا !
أخدت نفسي وأنا بقولها جوايا كتير هحكيه يا تيته بس لما جدو يجي
مسحت علي شعري وهي بتبوس خدي بحنية
ماشي خشي ريحي شويه يحببتي أنا كل يوم بنضف أوضتك وببخرها وكمان لبسك في الدولاب علي ما أجهز الأكل يكون جدك جه وحشاني قعدتي معاكي !
ابتسمت وأنا بقولها وحشني كلامي معاكي أوي يا تيته
هنقعد نتكلم لحد الصبح مش هسيبك تاني
ضحكت وأنا بقولها هتعمليلي أكل أي بقا !
ردت بحنية أنتي عايزة أي
عايزه الكشري الاصفر اللي أنتي بتعمليه !
ضحكت وهي بتقولي بس كدا من عنيا الأتنين
بوست أيديها ودخلت أوضتي لسه دافية زي ما هي كل ركن فيها كنت مفتقداه حسيت أول ما دخلت كأن جدران الأوضة حاوطتني وهي بترحب بيا قعدت علي سريري اللي عمل صوت بسيط أول ما قعدت ضحكت وأنا بقول
أنت بترحب بيا يعني !
فتحت بلكونتي كانت نضيفة بس المطر كان مغرق الدنيا لمست المطر بأيدي وبعدها دخلت
بعد وقت مش طويل صحيت علي صوت أذان المغرب وريحة أكل تيته وصوت المطر اللي بينزل في البلكونه بتاعتي أبتسمت وأنا بطلع من أوضتي كان جده قاعد علي الكنبة بعيد شويه سرحان في الجورنان بتاعه وتيته في المطبخ وعماله تنادي عليه وهو مش معاها خالص
تيته بتنادي عليك علي فكره !
قوليلها حاض
قطع كلامه پصدمة وهو بيقوم يقف وبيبصلي بعدم تصديق قربت منه بأبتسامة واسعة ووقفت قدامه
أنتي بجد هنا ولا أنا
رديت بهزار أنا هنا يا عبد الرحمن
بص لتيته اللي هزت رأسها وهي بتضحك حسيت بدموعه وهو بيقولي
أنا دورت عليكي كتير !
أنا أسف بس مش ذنبي والله
كنتي فين ومعاذ فين
أنا بقعد جنبه وتيته قعدت جنبي من الناحية التانية وهي بتبصلي بحنية أبتسمت بهدوء قبل ما أتكلم
معاذ مبقاش موجود في حياتي خلاص أطلقنا
شهقت تيته وهي بتحط أيديها علي بوقها پصدمة
كملت كلامي شخصية ژبالة مش بيعمل حاجه غير أنه بيقلل مني ويعرف ستات عليا ولما كنت أجي أعترض يضربني علي طول شايف أنه مش بيغلط وأنه
مهما
غلط هو راجل ومن حقه ومحدش هيكلمه كان بيقعد يقولي أنا من حقي أعرف واحده وأتنين وتلاته وبعد كدا أجيلك
وقفت كلام وأنا بعيط جامد وبحط أيدي علي وشي حسيت بجدو اللي طبطب علي شعري بحنية وسمعت صوت عياط تيته جنبي وهي بټعيط وبتحاول تهديني
أتكلم جدو بهدوء قولتلك يا ريم مش دا الراجل اللي أتمنهولك كان مريض يابنتي تحكماته الزيادة فيكي وأنتي مكنتيش مراته لسه حتي ضړبك قبل كدا وأنتوا
أتنهدت بحزن وأنا برد عندك حق يا جدو بس مراية الحب عامية مش عارفه حبيته أزاي او ازاي سامحته علي أول مره ضړبني فيها كنت أنا الغلط ومحدش شال غلطتي دي غيري ومحدش دفع تمنها وغالي أوي برده غيري أنا كنت بخاف من صوت مفتاح الباب بتاعه وبخاف من خطوته بقيت بكره كل حاجه فيه كان بيقلل من كل حاجه بعملها يرمي الأكل علي الأرض لمجرد أنه مش علي مزاجه ويدور فيا الضړب بكل الحقد اللي جواه
مسكت تيته أيدي وهي بتقولي
ليه مقولتيش كونا طلقناكي منه من بدري !
مسحت دموعي وأنا بقولها لما طلبت أطلقك ضړبني لدرجة أني أغمي ليا لما فوقت لقيت نفسي في مكان تاني غير بيتي وهو قاعد قدامي بيقولي بكل بجاحه أننا هنعيش هنا لما ڠضبت ورفضت ضړبني تاني وكأني مش بحس أستسلمت للأمر الواقع عشان أعرف أخلص منه بعد شهرين طلبت منه أطلق للمره التانية وقبل ما يمد أيده قولتله أني مش عايزه حاجه منه ولا فلوس ولا مؤخر ولا حتي الشقة همشي وبس وأخيرا خلصت منه بعد معاناه مني
أخدت نفسي بهدوء وأنا ببتسم تلقائي أبتسمت تيته وهي بتطبطب علي خدي وبتقولي
أنسي أي حاجه خلاص أنتي دلوقتي وسطنا ومعانا هو صفحة وأتقفلت من يوم ما عرفته وأنا مكنتش مستريحاله بس كل ما أشوف حبك ليه أكدب أحساسي
ضحكت وأنا بقولها أنتوا كان ليكوا نظرة وأنا مفهتمتش دا غير متأخر أوي
ل بهزار
خلاص بقا أنسيه وأنتي يا حياة يلا قومي هاتي الأكل بسرعة الواحد نفسه مفتوحة أنهارده عشان الغزال نور البيت من تاني
تيته قامت وقفت وهي بتقولي بسخرية
ضرتي
ضحكنا أنا وجدو عليها وبعدها جدو أتكلم من تاني
مش عايز الفترة اللي أنتي عشتيها دي تأثر عليكي فترة صعبة وعدت وأتعلمتي منها الكتير المهم دلوقت أنتي أرجعي لحياتك اللي أهملتيها أرجعي لموهبتك وأكتبي من تاني وأعمليلنا الآيس كوفي بتاعك اللي ميتشربش دا وأفضلي أقنعيني كل شويه أنه حلو وأنا أصدقك
ضحكت وأنا بقوله والله حلو أديله أنت فرصة !
ردت بأستهزاء هو حلو بس مش من أيدك
عندك حق والله هو فعلا ميتشربش من أيدي
ضحكنا وبعدها أتجمعنا علي السفره في جو كله حنية وأمان وأحنا بنتفرج علي المسلسل وجدو يهزر معايا شويه ويتغزل في تيته شويه خلصنا أكل وعملت الشاى وقفت في البلكونه كانت الشوارع متغرقة من المطر والجو في لسعة برد قوية والناس ماشيه بتجري عشان يوصلوا لبيوتهم قبل ما الدنيا تمطر تاني
وحشتك البلكونه !!
كان صوت جدو وهو بيحط شال علي كتفي وبيقف جنبي وفي أيده كوباية الشاى
مش بس البلكونه وحشني كل حاجه وحشني إحساس الأمان والحرية اللي كنت محرومه منهم
وحشني وشوش
الناس الطيبة دي كل دا كان غايب عني
أبتسملي بهدوء وبصينا للطريق من تاني بدأت الدنيا تمطر من
جديد والشارع بقا فاضي من الناس بصيت للشارع لثواني وبعدها وجهت كلامي لجدو
ممكن أنزل تحت !
بصلي بأستغراب تحت فين الجو بدأ يمطر تاني
عشان خاطري سيبني يا جدو مش هغيب والله
قولت كدا وأنا بدخل من البلكونه ومستنش أسمع رده نزلت في الشارع وبدأ المطر ينزل علي شعري وعلي لبسي وأنا مغمضة عيني بأستمتاع وحسيت بدموعي اللي بتنزل واللي بتمسحها مايه المطر
