ظالم ومظلوم بقلم منى عبدالعزيز
اخدني الفضول اشوف منزل اي مهم عشان تجيلي اشارة.
دخلت لقيته منزل فيديو حفلة عيد ميلاده اللي مراته الجديدة عمله وبيشكرها وبيقول.
قبل منك معرفتش السعادة عرفتها لما نورتي حياتي.
من غيظي من مرات اخوه نزلت بوست على صفحتي وعملت اشارة لكل الاصدقاء ونزلت صور العمرة وصور وانا في شغلي وقعده على مكتبي وكتبت لما ربنا يعوضك بأحلى رحله مع احلي عيله واجمل اولاد ياه احساس راحه البال مفيش احسن منه بعيد عن الحرابيق.
جه عادل مضايق اني نزلت صور العمرة ليه نزلتي الصور ومن امته بتنزلي صور خاصه عجبك تعليقات الناس على صورك غير الكل عرف وبيعاتب عليا انه مقلتش.
وكدا طبعا فهمت انها مراته عشان شهر العسل اللي اڼضرب.
قعدت بكل هدوء وقلت.
ابو هنا انت مرتاح في جوزك.
باستغراب اكيد طبعا ليه السؤال الغريب دا.
ابدا سؤال كمان في فرق بين الستات.
سؤالك غريب.
اعتبرني صاحب ليك مش مراتك وقولي في اختلاف.
اكيد في.
اوك كده تمام ابو هنا انا عاوزه اطلق.
ايه اي اللي بتقوليه دا لو علي جوزي انتي معترضتيش بالعكس.
بصراحه انت شجعتني على الخطوة دي لما شفت السعادة اللي انت فيها فياريت تطلق.
اي علاقة الطلاق باللي بعيشة.
عاوزه اجرب الجواز من راجل تاني.
نعم بتقولي اي.
زي ما سمعت عاوزه اعيش السعادة واجرب راجل تاني فياريت تعجل بالطلاق.
مش مطلق بلاش جنان اخر الليل.
لو مطلقتش هرفع قضية خلع واخلعك
متحملتش بردها وطريقة كلمها نزلت فيها ضړب وكل ما القيها بتقول مهما عملت هطلق منك واهجوز هو حلال ليك وحرام عليك انت جربت وعشت مع ست تانية غيري انا زي زيك.
سبتها وخرجت مش شايف قدامي من غيظي منها رحت لحمايا وحكتله اللي قالته الراجل قال.
بنتي غلاطانه انا هروح ليها واشوف ليه قالت كدا وحقك هتاخده.
راح حمايا شافها مضړوبة ومتبهدله اتصل عليا وقال ان ازتها وحق بنته مش هيتنازل عنه وخصوصا ان دراعها انكسر.
اخويا ادخل ومن هنا لهنا وطلب قعده عرفيه فانا بقي عاوز اعرفها غلطها واجبرها تعتذر وتشيل الفكرة من دماغها جبت رجالة عيلتها وعيلتي واولاد اعمامي وخوالي واتحددت القعدة بعد اسبوع يكون الكل اجازة وبالفعل القعدة كانت في الشقة عندها حمايا واخوتها الاولاد هم اللي من طرفها وانا مخلتش حد من طرفي ما حضرتهوش.
قمت قلت قبل ما اجوز جيت قلتلها كل حاجه ووافقت جايه بكل بجاحه تقول انها عاوزه تجرب راجل تاني يرضي مين بعد اللي عملته عشانها تقولي زهقت منك.
ابوها قال احنا سمعنا منك ولازم نسمع منها واللي ليه حق ياخده.
وقف اخويا الكبير وقال حق اي يا حاج بقي في وحده متربية تقول عاوزة اجرب واحد تاني غيرك في كدا ولا هي شافت شوفه بعد ما رجعت الشغل بمساعدة اخويا.
اللي ليه سنين بيدفع لها حفظ وظيفه غير توفيق ابن عمي ساعدها ترجع مكان شغلها.
ابوها شاهدين يا رجالة بيقذف بنتي وبيتهمها في شرفها غير انه بيقول كلام محصلش بنتي لما طلب منها عادل تسيب الشغل وتتفرغ للولاد والبيت جاتلي هي وعادل وقالولي انها هتقدم استقالتها انا وقتها قلتلهم تاخد احازة رعاية طفل ولما خلصت اجازتها وعادل قال تستقيل قلتلها تعمل خفظ وظيفه وتدفع التامين كل سنة عادل رفض وقال امكانيته متسمحش واللي يدفعه ولاده اولي
وقف ابن عمي وقال نسمع منها لو ليها حق هتاخده من رقبتي بس لو ما لهاش معلش ياحاج بنتك لازم تعتذر لعادل وتتحق ليه.
جه اخويا وقالي انهم عاوزني خرجت ليهم وقف الكل مصډومين
توفيق قال مين دي.
عادل في اي يا توفيق دي ام هنا.
قرب توفيق وقال دي مراتك متاكد.
أيوا يابني انت اول مرة تشفها.
دي تجوز عليها يخيبك.
رحاب السلام عليكم.
الكل بصوا لبعض عليكم السلام ورحمة الله وبركاته.
توفيق اتفضلي يا ام هنا احكنا حصل اي.
انا وقفت وقلت في الاول انا هحلف قدمكم على المصحف دا ان كل كلمة بقولها صدق.
توفيق من غير حلفان يا ام هنا اتفضلي قولي.
انا مش هحكي في اللي حصل وعمل وعملت انا هشهدكم على الوضع لو ترضوه على بناتكم انا مش هرد حكمكم.
أنا ست سني صغير محتاجه احس بأنوثتي ولأمؤخذه عادل مش بيقدر يكفي حاجتي دى من عمر مالك ابني واحنا على الوضع ده ولما حب يثبت نفسه قدامي انه كويس راح اتجوز صبرت شهور من جوازة واقسم بالله من قبل ما يجوز بشهور ما قرب مني صبرت وصبرت ومبقتش قادرة استحمل لو انا ارمله كنت اتحملت وصبرت ورضيت بقضاء ربنا.
عادل عيون الكل كانت عليا حسيت ان برميل ماية متلجه وقع عليا يانهارك اسود جايه تفضحيني قدام اهلي والله ما تباتي على زمتي ثانيه واحده انتي طالق طالق طالق.
وقف ابوها وقال يرضيك اللي حصل دا يا توفيق بيه.
ليه تسرع ياعادل.
عادل بعصبية ما سمعتش كلامها في ست محترمه تقول الكلام دا على جوزها.
ماانت اللي غلاطان من اساسه تجوز بدل ما تتعالج.
اقسم بالله ما هي قاعده في البيت ساعه تانيه تلم هدومها ومع السلامة.
توفيق انت كدا بتقل مننا بعمايلك دي.
رحاب بعد اذنك يا استاذ توفيق العيشة خلاص بنا اتقطعت لحد كدا بعد اذنك ياريت تجيب المأذون وننهي الموضوع رسمي.
توفيق لا حول ولاقوة الابالله العلي العظيم استهدوا بالله عشان ولادكم.
رحاب ولادي انا اديت معهم رسالتي كبرتهم والحمدلله الكل بيشهد ليهم بالأدب والاخلاق والتدين والتلاته انتهت مده الحضانه الخاصة بيا ودلوقتي في حضانة ابوهم بالنسبة لمالك اصغرهم نخيره بيني وبين باباه.
شايف يا توفيق كلامها دي مليون في المية دمغها في حاجه.
ابو رحاب عندك اي كلمة زيادة هتشوف مننا اللي ما يرضكش.
رحاب استاذ توفيق انا وكلت حضرتك تجبلي حقوقي كامله انا كنت هتنازل عن كل حاجه عشان الاولاد بس بعد الاهانه والتشكيك في شرفي لا يمكن اتنازل عن اي قشايه في قيمتي.
ابوها لا ياهنا يلا بينا من هنا مش عاوزين حاجه تفكرك بيه.
عادل ولا يلزمني خيط في ابره يخصها جيبوا القيمه وخدي كل اللي ليكي.
تمام بعد اذنكم انا هدخل اجيبها من الدولاب جوه.
القيمة في الدولاب.
ايوه من يوم الفرح بابا ادهالي ومن يومها موجوده بين الاوراق.
دخلت وبعد شوية خرجت باديها ورقه.
اتفضل يا استاذ توفيق القيمة اهي.
استغفر الله احنا جينا نصلح مش نخرب.
عادل يلا
اخوها قال انا كنت ملتزم الصمت احترام للموجودين لكن بعد التمادي في الاهانه اللي مقبلهاش لاختي
يمين على يمينك ماهي بايته فيها وحقها هنخده منك ومن اخوك لقڈفها واتهام محصنه وبعد اذنك يابابا
انا هتصل على ستات العيله تجي تلم عزال ام هنا واجيب عربيات تنقل العفش بعد اذنك يا سيادة النائب تتفضل معايا انا ورحاب تخرج المكتوب في القايمة واللي مش مكتوب حد الله بينا وبينه.
توفيق عداك العيب يا دكتور محمد.
عادل بضحكة ايوا افرز برحتك وخرج حاجتها لوحدها وحاجتي اللي شريها بفلوسي لوحدها.
نص ساعه واتملي البيت ستات توفيق يقراء والستات تعبي فجاءة لقيت الشقة بقت هو يدوب الصالون القديم اللي قاعد عليه انا والضيوف اللي جايبهم انا وابوها واخوتها نزلوا بالعفش وهم نازلين بالأجهزة وقفتهم.
استنوا عندكم دول نازلين بيهم ليه دول انا اللي شريهم.
توفيق دول المكتوبين في القيمة.
عادل لاء دول انا شاريهم قبل فرحي بفترة صغيرة شوف دول لسه جداد.
توفيق ياعادل انا رجعت بنفسي هو نفس البتوجاز والموديل والماركة المكتوبة في القايمة حتي التلاجه والغسالة والبوتجاز.
عادل ياعم دول غير دول التانين انا بعتهم ودول اشترتهم حتي الفواتير باسمي استنا هجيبهم دخل مكتبه وخرج معه اوراق كتير بيدور فيها مسك اول فاتورة ولقاها باسم رحاب والتانيه والتالته وفضلت اخرج الفواتير كلها باسم رحاب واخيرا لقيت فاتورة باسمي بويلر ومروحه وطربيزه مكواه.
غمضت عنيا وانا حاسس الدنيا بتلف بيا وتوفيق بيقراء.
بتوجاز خمسه شعله وقل الاسم شوية وخرج العفش والاجهزة وانا هتجنن وجيت وقلت انا بطعن بالغيش في القايمة الدهب.
فيصل دهبك يا ام هنا كام جرام.
الفواتير معه يقدر يشوف ويتاكد مبدئيا انا دهبي كان قبل اربع غوايش وتلات خواتم وسلسله وحلق ودبله ومحبس تقريبا كانواجرام دهب.
دا مكتوب بالقايمة.
عادل دا اللي بالفتورة.
في حاجه تانيه يا ام هنا.
طبعا لازم يمضي على باقي الحاجة اللي موجوده في البيت ما اخدتهاش زي اوضة نوم العيال وفرشها والتلاجة.
مضي عادل على اوراق بكب قشه موجوده بالشقة.
سلمت على اولادي وانا قلبي بيتقطع ومشيت وقبل ما اطلع قولت لعادل بعد ما قربت منه.
طلعت شطرة مش كدا كنت مستغرب وبتقول غبيه ومتعرفش الموضه والموديلات الجديدة عاوز تعرف ليه اشتريت كل الأجهزة والعفش نفس القديم عشان زي ما انت شايف كل حاجه اخدتها وبرداك وقدام اهلك اللي انت جبتهم وشوف هم اللي نزلوا عفشي حته حته سلام يا دولا نتقابل قريب.
عادل كنت بسمع كلامها وانا عقلي هيشت لا انا قادر اتكلم ولا اقدر اوقفها وابان غبي قدام اهلي اللي انا جمعتهم كان فاضل اجيب الاطفال كمان.
رحاب وصلت بيت ابوها واول ما دخلت البيت اترمت في
حضڼ امنا وفضلت تبكي.
ولادي يا ماما ولادي.
اخوها اللي يشوفك طول الطريق ودلوقتي وانتي پتبكي ومڼهارة استحاله يصدق انك اللي كنتي وقفه وسط الرجالة ارجل منها وخليتي عادل ما يسواش بصله.
رحاب بعدت عن امها لانه فعلا ما يسواش بصله في نظري انا ولادي هم اللي فرقين معايا.
ابوها استهدي بالله يا رحاب قدام شويه هروح لتوفيق يقول لعادل يجيب العيال كل فترة يشفوكي ويباتوا
رحاب لاء طبعا حضرتك مترحش في مكان ولادي انا هشوفها برضاه وڠصب عنه.
اخوتها ازاي برضاه وڠصب عنه.
رحاب بكرة تعرفوا كل حاجه.
عادل الكل مشي وفضلت انا في الشقة والاولاد في اوضتهم ببص على الشقة بقت هو مفهاش قشايه مشي الكل والتليفونات ما سكتتش ثانيه اشعارات نت واتصال تعبت من اللي بقراه وسط دا كله رنت عبير اخر حد عاوز اسمع صوتها دلوقتي.
الو.
عادل اي اللي مكتوب دا في النت.
انت طلقت مراتك.
هي لحفت تنزل.
هيا مين دول قريبك غير مرات اخوك لسه قفله معايا وحكتلي كل اللي حصل متزعلش نفسك يا روحي انا موجوده في ضهرك وكذبت كلامها واكدت لمرات اخوك انك كويس اوي وقلتلها انك اللي كرهتها عشان كدا مكنتش بتقرب منها.
اصيله يا عبير تسلميلي ياقلبي عبير معلش هجيب الولاد ونجي الشقة عندك الشقه هنا مبقتش تنفع للسكن وبصراحة مش طايق اقعد فيها لحظه واحده.
تمام يا حبيبي مستنياكم ولادك ولادي انا هحطهم في عنيا.
مر تلات شهور مش عارف ادير ولا عارف اخرج الشغل بقيت بروح عشان القي مرتب اصرف منه كل شهر تعبت واعصابي تعبت من تريقه زميلي اللي من تحت لتحت اللي بسمعها اللي يقول عامل دكر وراخ يتجوز وهو بطه بلدي واللي يقول ذنب ام عياله واللي شمتان ويقول كنت بتنصحنا بالجوزة التانية وادي النتيجة لولي الحوجه والمصاريف مكنتش فضلت في المكان دا لحظه واحده ما انا مبقاش حلتي حاجه خالص حتي الشقه.
ماهي الهانم من تاني يوم استلمت ورقة الطلاق واشتغلت في القضايا مخلتش حلتي حاجه اشي نفقة واشي سب وقڈف والاسود شقة حضانه لمالك ابني اللي طلبت بحضانته ونفقة ليه بعد حكم الحضانة عملت تمكين للشقة واخدت الشقة واخدتها ادينت من توب الارض واخدت قروض من البنك عشان اقدر اللاحق على مصاريف الاولاد والبيت.
تسكت ابدا كل شهر
رافعه عليا قواضي وممرطاني في المحاكم
ولا عارف اشوف شغلي ولا عارف اخلص من نت التانية بسبب انها مش متحمله العيال بجد ليها حق الولاد كأنهم اتبدلوا بعد ما كانوا منظمين وكل حاجه في مكانها وكل واحد يرتب سريرة ويرجع من المدرسة يعلق هدومه بقوا يسيبوا الاكل مكانهم ويدخلوا اوضتهم التلاجه يسيبوا بابها مفتوح هدومهم مرميه في كل مكان انا تعبت منهم بقيت ارجع من الشغل اكره اقعد في البيت من قبل ما افتح باب الشقه اسمع صوت عبير مراتي من بره مش عارف ليه الولاد بقوا مهملين بالشكل دا تعبت وبقيت محتارعارف اعمل ايه
احاول اردها علشان العيال واتنازل عن كرامتي والمصېبة
انها احلوت اكتر من الاول ومن وقت الطلاق للنهاردة كل ما اقبلها في المحكمة القيها زادت حلاوة وهي زي ماهي لا بتروح كوافير ولا غيرت في شكلها بطبعتها بس وشها ورد وجسمها رد زي الاول ولا كانها خلفت اللي يشفها يقول بنت متجوزتش على عكسي انا اتبدلت العضلات بقت ترهلات ضغط وسكر واعصابي تلفت وزاد وغطي يدوب خلصت العدة من هنا والخطاب نزلين عليها من هنا
حتى توفيق ابن عمي وكام واحد من اللي كانوا موجودين وقت طلقها .
هتجنن من اللي بيحصل فيا المصاېب مش بتفرقني نفسي ارجع بالزمن لسنه وحده وراء واعيش في الهدوء وراحة البال اكل اكل يتاكل وانام براحه لبسي منظم ومكوي شرباتي مغسولة وﻤرتبه مكانها واهم حاجه نفسي اضحك زي زمان ولما احط ايدي في جيي اللقي فلوس مش زي دلوقتي
ياتري بعد اللي حصل دا ظالم ولا مظلوم ورحاب باللي عملته دا ظالمه ولا مظلومة.
تمت
