لقاء القلوب بقلم ايمان شلبي
احمر وانا بقعد علي الكرسي اللي جنب الكنبه
قعدنا نتكلم شويه ونهزر وعايده بتصطنع الضحكه وبتبصلي بين اللحظه والتانيه بنظرات تحذيريه
شويه ولقيت بابا بيقول بهزار
طب نسيب العرسان شويه مع بعض ولا ايه
الكل وافق علي القرار وخرجوا وفضلنا احنا قاعدين
خالد بهزار
الله لا لا انا مش متعود منك علي الهدوء ده ولا الكسوف انتي بتتكسفي زي البنات يازوز !
رفعت راسي بغيظ
قصدك ايه اني بتكسف زي البنات
رد وهو بيغمزلي
يعني فين زينب اللي قابلتها اول مره في الكافيه فين زينب اللي طلبت نص فرخه !
حطيت وشي في الأرض بأحراج
م
مكنتش متوقعه انك توافق اصلا وبصراحه انا اول مره في حياتي اعمل كده ومعرفش عملت كده ازاي
اممممم بس اقولك حاجه والله خير ما عملتي يا انسه اهو الواحد يرتاح من زن العيله اني اتجوز
رفعت راسي وانا بسأله باستغراب
هو انت ليه رافض الجواز طيب
رد بهدوء
عشان مش لاقي البنت المناسبه
فركت ايدي وانا برد بتوتر
ب بس ي يعني أكيد مش انا المناسبه
رد بهدوء
ليه لا !
رديت والدموع بتلمع في عيني
انت عارف اللي فيها أنا ايامي محدوده في الدنيا
رد پحده
متقوليش كده انتي هتعيشي
ب بس
قرب وشه من وشي وهو بيبص في عيوني
انا هفضل معاكي لحد اخر نفس فيا
قلبي دق بسرعه مجرد ما قرب مني وبلعت ريقي بصعوبه وانا بحاول أجمع كلمتين علي بعض بس مقدرتش
ا انا ا انا
رد برقه فيها بعض المرح
انتي متوتره ليه اتكلمي عادي انا مش ببلع البني ادمين
اتنهدت وانا بقول بتساؤل
انت ليه بتعمل معايا كده شفقان عليا صح!
لا مش شفقان عليكي يمكن حسيت بارتياح
رفعت راسي باستغراب
ارتياح!
هز رأسه بصدق
حتي انا نفسي مستغرب نفسي بس اهو اللي حصل
رديت بصوت متقطع
ي يعني ممكن تحبني
ليه لا انتي جميله ودمك خفيف وشكلك محترمه ليه محبكيش
رديت بصوت مبحوح
لانه مينفعش
عشان عندك کانسر
هزيت راسي وانا بقول بدموع
لا م مش عشان كده بس
رد باستغراب
اومال عشان ايه
ع ع عشان ع عشان انا بكذب عليك
بتكذبي عليا !!!!
ا ايوه
يعني انتي معندكيش کانسر !
لا
رد پصدمه وذهول
طب ليه
بصيتله وانا بقول بهدوء
مش هقدر اقولك
زعق مره واحده لدرجه اتنفضت من مكاني
يعني ايه مش هقدر اقولك
دموعي نزلت وانا بقول بحزن
ارجوك متزعقش
رد بسخريه
مزعقش!
هو انتي لسه شوفتي
اتنهدت بحزن وانا برفع راسي وببص في عيونه
أرجوك كفايه اوي لحد كده ا انا
قاطعني بقرف
انتي مقرفه وحقيقي اتخدعت فيكي الحمد لله اني عرفت علي حقيقتك
وقام وقف وهو بيقرب وشه من وشي وبيبصلي باحتقار وتحذير
انا هعرفك مين خالد الصياد
قال كلامه وبعد عني وهو بينادي علي مامته
مااااااما مامااااا
دخل الكل بقلق علي صوت زعيقه وقربت منه عايده بتوتر
خير ياحبيبي في ايه
رد بغموض
كل
خير أن شاء الله
وبص لبابا
معلش ياعمي احنا مضطرين نمشي الجواز قسمه ونصيب
بابا پصدمه
ايه ط طب في حاجه حصلت يابني أو
خالد وهو بيقاطعه
لا خالص كل الحكايه أن مفيش تفاهم
بس
وبصلي باحتقار وهو بيكمل كلامه
الواحد مش بيعرف الشخص غير لما يتكلم معاه وانا والأنسه اتكلمنا والحقيقه انا مرتحتش والظاهر أن عدم الارتياح متبادل مش كده يا انسه
قالها وهو بيوجهلي الكلام بسخريه
اتنهدت وانا بفرك ايدي بتوتر
ايوه يابابا ا أحم ربنا يرزقه بحد احسن مني
رد ببرود
ياااارب يالا عن اذنكم فرصه سعيده
يتبع
لقاء_القلوب
إيمان_شلبي
١٨١١٢٠٢٢ ٦٠٥ م Emy الجزء الرابع بقلمي ايمان شلبي
فات يومين علي اللي حصل وانا حالتي متدهوره حاسه اني عملت چريمه !
كنت حابسه نفسي في اوضتي كالعاده مبعملش اي حاجه غير العياط وبس
حتي الاكل مش باكل غير لقمتين بعد مناهدات مع ماما
مكانش حد فيهم فاهم مالي
فسروا حزني عشان حوار الخطوبه متمش !
كانوا طول الوقت يحاولوا يهونوا عليا ماما تفضل تقولي
وايه يعني ده حتي مش حلو
ده احول يابت وبكرش
يابت دي الوليه أمه شكلها عقربه ياساتر يارب
كنت بسمعها واضحك بسخريه علي كلامها لاني متأكده ان معظمه مش حقيقي وخارج من ورا قلبها
لاني عارفه أن خالد شاب حلو ومناسب مفيهوش غلطه في نظر اي حد خالد كامل من كل حاجه
بس اللي كنت متاكده منه أن مامته فعلا كده ست حربايه عقربه مغروره ميهماش غير نفسها والفلوس وبس !
اتنهدت بحزن ولسه هغمض عيني عشان انام لقيت الفون بيرن برقم عايده اللي مبطلتش زن من وقت اللي حصل وانا مبردش عليها ولا حتي بروح الشغل
اووووف ياستي انتي بقي حلي عن نفوخي استغفر الله العظيم يارب
كنسلت عليها للمره اللي مش عارفه عددها كام وغمضت عيني
ثواني واتهز الفون بتاعي بماسدج فتحت عيني بضيق وانا بفتح الماسدج اللي كانت من عايده
لو
بلعت ريقي پخوف ودقات قلبي زادت وانا بحاول اخد نفس بس كان صعب بعد ما شوفت الماسدج بتاعتها
كنت في صراع وحيره مش عارفه اعمل ايه !
ارد عليها وأشوف هي عايزه ايه ولا لا طب مانا لو مردتش وقتها ممكن تيجي تقول الحقيقه لماما وبابا
طب وقتها انا هعمل ايه !
هبرر عملتي بأيه هقولهم انا فعلا عملت كده هقولهم بنتكم حقيره فكرت في الفلوس وعملت لعبه علي شخص عشان يقع في غرامها ولا هقول ايه
مسحت دموعي وانا ببص قدامي وباخد قراري
انا هرد عليها
ثواني ولقيتها بترن عليا اخدت نفس ورديت بهدوء
الو
ردت بصوت كله سخريه
آخيرا الهانم تكرمت وردت عليا
حاولت اهدي اعصابي ورديت بهدوء اكبر
خير ياعايده هانم حضرتك عايزه ايه !
ردت بغيظ
عايزه ايه !!!!
انتي عايزه تجننيني ولا ايه هو ايه اللي عايزه ايه انتي ناسيه أن كان في بينا اتفاق
اتنهدت وانا برد ببرود
وانا لغيته
ردت بزعيق
يعني ايه لغتيييه!!!
يعني انا مش هدخل في لعبه حقيره زي دي
ردت بعصبيه
انتي ....
قاطعتها پحده
انا مش زيك انا مش عايزه فلوس ومش عايزه اي حاجه مش هشارك في اني اكسر قلب انسان عشان شويه ملاليم متسواش
ردت بذهول
ملاليم !!!!
انتي مسميه الاتنين مليون ملاليم
رديت بعزه نفس
بالنسبالي اه
وضحكت بسخريه
اما بالنسبه لحضرتك معتقدش
ردت بغيظ
انتي ازاي تتكلمي معايا كده انتي ناسيه انا مين انا ممكن اااا..
قاطعتها بتحذير
لو فكرتي تعملي اي حاجه صدقيني ابنك الدكتور خالد هيعرف كل حاجه
تخيلي بقي لما يعرف أن عايده هانم الست المحترمه والام المثاليه الفاضله عايزه توقع ابنها في شباك اي بنت عشان الفلوس ومش مهم عندها إحساسه ولا مشاعره
اعتقد حضرتك متحبيش يعرف حقيقتك ف احسن لحضرتك ولصورتك قدام ابنك تبعدي عن سكتي ولو لسه مصره علي الموضوع شوفيلك بنت تانيه زيك بتعشق الفلوس وممكن تعمل اي حاجه وممكن تكسر قلب حد عشانها !
ردت بعصبيه
انتي ليه عايزه تباني مثاليه مانتي كنتي موافقه من البدايه وبأرادتك محدش ضړبك علي ايدك يا انسه زينب !
اخدت نفس طويل وانا برد بصدق
كنت غبيه وانانيه كنت مفكره أن الفلوس كل حاجه كنت مفكره اني ممكن املك الدنيا بالفلوس ممكن اعمل اي حاجه بس اكتشفت
ياسلام وضميرك صحي كده مره واحده !!
رديت والدموع بتلمع في عيني
ربنا أراد كده
نفسي افهم سبب تغيرك المفاجئ ده اكيد ضميرك مصحاش بين يوم وليله يعني
اخدت نفس وانا
برد بحزن
فعلا. ياعايده هانم ضميري مصحاش غير لما اكتشفت أن انا فعلا عندي کانسر
ردت پصدمه
ا ايه
شوفتي بقي يامدام عايده !
تقدري تقوليلي الفلوس ممكن تعمل ايه في حالتي ياتري ممكن تشتريلي صحه ولا ممكن تشتريلي حب ولا ممكن تشتريلي راحه بال
ردت پصدمه اكبر وهي بتبلع ريقها
ع عرفتي امتي
لسه من يومين
ر ربنا يشفيكي
شكرا واتمني حضرتك تعيدي حساباتك مره تانيه الفلوس مش هتنزل معاكي القپر يامدام عايده ولو علي ابنك هتجيله البنت اللي يحبها وتحبه بجد والميراث مش هيطير عن اذنك انا لازم اقفل عشان تعبانه
ردت بلهفه
زينب استني
ردت باستغراب
نعم
ردت بتوتر
ا احم ا انا ا انتي ممكن ترجعي الشغل من بكره و ولو علي الموضوع ف اعتبري أن مفيش حاجه حصلت
رديت پصدمه
نعم
زي ماسمعتي انا منتظراكي بكره تنوري مكتبك وارجوكي بلاش اعتراض انا صرفت نظر عن الموضوع
ت تمام يامدام عايده بكره هتلاقيني عندك
أن شاء الله تصبحي علي خير
قفلت معاها وانا مستغربه تغيرها المفاجئ
سبحان مغير الاحوال والله
قفلت معاها واتنهدت براحه وكأن كان في جبل علي قلبي وانزاح
غمضت عيني وروحت في النوم وكانت المره الاولي من بعد اتفاقي معاها انام من غير ما افكر في حاجه كانت المره الاولي اللي انام من غير كوابيس
تاني يوم الصبح صحيت من النوم قومت لبست ونزلت الشغل بعد ما عرفت ماما وبابا
وصلت الشركه وسط استغراب بعض الموظفين من وجودي الغير متوقع بعد ما قولتلهم اني مش هسيب الشغل
قربت مني واحده صاحبتي بلهفه
زينب ازيك
ابتسمت ابتسامه باهته وانا برد عليها
الحمد لله يانهي وانتي
ردت بارتباك
ا احم ا الحمد لله ه هو في حاجه
رديت باستغراب
مش فاهمه حاجه زي ايه
ي يعني ا اقصد ا أنه ا أنه
انتي قاصدك عشان انا سيبت الشغل وكده يعني
بصراحه اه
لا مانا رجعت تاني
ا اه نورتي ياقلبي
تسلمي حبيبتي
اتنهدت وروحت نحيه مكتب عايده وخبطت الباب
شويه وسمعت صوتها بتسمحلي ادخل
دخلت وانا بفرك ايدي بتوتر
ا احم صباح الخير
ابتسمت ابتسامه واسعه وهي بترحب بيا
زينب تعالي اتفضلي
استغرب رد فعلها الغير متوقع بالمره ودخلت قعدت علي الكرسي
اخبارك ايه
ا الحمد لله بخير
بصتلي وهي بتسألني بفضول
ا احم اخبار صحتك ي يعني متابعه مع دكتور
و بتاخدي ادويه ولا لا
اتنهدت بحزن وانا بهز راسي بنفي
لا
ردت
