إطلعي برة بيتنا بقلم اسراء ابرهيم
لسه صاحي من النوم ورايح يغسل
هاني بفرحة باسم ادخل يا أخويا ادخل
دخل هاني بعد لما سلم عليه وقال صحيتك من النوم ولا إيه
هاني بضحك يا بني بس ابعد شوية كدا ناهد ومعتز لو صحيوا وشافونا بالمنظر دا هيطردونا من البيت خوفا على سمعتهم
باسم بضحك لا يا عم وعلى إيه عامل إيه
هاني الحمد لله ادخل بس لما ادخل أغسل عشان أفوق كدا
باسم ماشي
طلعت ناهد وقالت ازيك يا باسم
باسم بابتسامة الحمد لله يا أمي
دايما باسم بيناديها بأمي لأن لقى منها حنان الأم وخۏفها عليه من وقت كان صغير
قعدت ناهد وباين على ملامحها الحزن
باسم معلش جيت قلقتكم وصحيتكم
ناهد بحزن أنا أصلا مانمتش يا باسم بعد اللي أبوك عملوا فينا متخيل كمان بيساومني أتجوزه وإلا أطلع من البيت أنا وعيالي
باسم پصدمة هى وصلت لكدا كمان أبويا وأتوقع منه أي حاجة حقك عليا يا أمي ربنا هيعوضكم كل خير
ناهد الحمد لله على كل شيء وربنا هياخد حقنا
طلع هاني وهو بيقول ودا اللي واثقين منه المهم الواحد جعان تعالى نعمل الفطار ونريح ناهد النهاردة وكمان الواد معتز هيصحى يشكرنا وندبسه في عمل الغدا
ضحكت ناهد وكمان باسم وقال يلا بينا يا باشا
وراحوا يعملوا فطار وباسم بيبص للبيت والدنيا مكركبة وقال في نفسه ليه يا بابا
عند أهل باسم كانوا صحيوا وعملوا الفطار وقعد ومعه بناته فقال هو الفاشل لسه نايم لحد دلوقتي تلاقيه كان فضل سهران للفجر عالنت
بنته لأ يا بابا باسم مش هنا دخلت عشان أصحيه مالقيتهوش
ياترى هيعرف ولا إيه
يتبع..
الحلقة الرابعة
عبدو باستغراب راح فين بدري كدا بقى بيمشي بدون إذن ويجي بمزاجه لو ماتعدلش هطرده وأتبرى منه ولا فكر إن مابقاش ليا كلمة عليه
مراته خلاص يا عبدو افطر وسيبك منه تلاقيه حس على دمه ونزل يشوفله شغل بدل ما بقى شحط وبياخد مني المصروف
عبدو ماشي
أما أخت باسم كانت زعلانة عشان الكلام اللي بيتقال عن أخوها هى عارفه إنه راح لولاد عمه عشان سمعته امبارح وهو بيكلمهم دايما أمها كانت بتذكرهم بالۏحش وتخليهم يكرهوها لكن باسم ماكنش بيسمع لهم وكان بيزعل عشانهم ومابيقدرش يتكلم قدام أهله ولا يرد عليهم
هى عارفه إن ولاد عمها طيبين وبيحبوا ليهم الخير وماكانوش بيزعلوا منهم ولا بياخدوهم پحقد أهلهم
عند هاني وباسم كانوا خلصوا تجهيز الفطار وكان معتز صحي ودخل لهم وهو بيقول إيه ريحة الأكل الجميلة دي إيه بسومة هنا
بصله باسم بضيق وقال أهو كرهي ليك بيزيد كل لما تناديني بالاسم
ضحك معتز وقال أحسن بردوا أنت هتحبني ليه سيب الحب دا لشريكة حياتك أنت هتخلصه علينا
بصله باسم برفعة حاجب وقال هتخليني أقولك روح اعمل أكل لنفسك
معتز بسرعة لا لا هسكت ولما أفطر أبقى
أقول اللي عايزه
باسم ما أنت ماتعرفش إننا أصلا هنخليك تعمل الغدا
كانت ناهد بتتفرج عليهم بابتسامة هى عارفه لما بيتجمعوا بيحصل كدا
معتز پصدمة ليه حد كان قالكم إن شيف ولا إيه أنا أخري أقلي بيضة ومرة تطلع محروقة ومرة حلوة
بقلم إسراء إبراهيم عبدالله
فضلوا يضحكوا عليه وكملوا أكل وهما فرحانين
فات يومين وكل يوم باسم بيروح ليهم من غير ما أهله يعرفوا وفجأة وهو رايح وقفته أخته وقالت رايح فين
باسم نازل عادي
أخته بتروح فين بدري كدا وتيجي آخر النهار
باسم مكان ما بروح وسعي بقى
أخته رايح لعمتو ناهد صح
حط باسم إيده بسرعة على بوقها وبص حواليه يشوف أهله ولا حد يكون سمعهم
باسم بهمس وطي صوتك عرفتي منين
أخته بهمس سمعتك يوم ما مشيوا من هنا
باسم اوعي تقولي لبابا أو ماما
أخته ماتخفش مش هقولهم طبعا بس ابقي سلملي عليهم
باسم ماشي وذهب لهم باسم كعادته وبدأوا يبحثوا عن شغل وبيشجعوا بعض
وكل واحد شاف شغل في مكان مختلف عن التاني
وبعد أسبوع اتأقلموا عالوضع دا وفي يوم كان رايح لهم
فقال بعصبية عملت إيه ياض لما خليت صوت أمك وصل لآخر الشارع أنت مش هتتعدل بقى
مراته پغضب الأستاذ بيروح عن ناهد وعيالها وبيكلمهم
ياترى هيعمل فيه إيه
يتبع..
الحلقة الخامسة والأخيرة
عبدو بعصبية أنت بتروح لأعدائنا ياض طب مفيش خروج بعد كدا
وادخل على أوضتك وبكرة تنزل معايا الأرض وتشتغل فيها لوحدك
بصله باسم بضيق وقال بابا أنا مش لسه صغير عشان تعاملني كدا وتقولي الكلام دا أنا بروح لأخواتي
ولقى قلم نزل على وشه من أمه وبتبصله پغضب وبتقول ماتقولش أخواتك أنا ماخلفتش غيرك وأنت وأختك فاهم ماسمعش منك الكلام دا تاني
بصلها باسم بحزن وضيق ومسك نفسه على آخر لحظة عشان مايردش عليها ودخل أوضته بعد ربع ساعة دخلت أخته
وهى بتطبطب عليه
قال باسم پاختناق هما ليه بيكرهوني
كدا طب يسبوني أروح للناس اللي بتحبني وأنا بحبهم
أخته معلش يا باسم أنت عارف أمك پتكره عمتو ناهد جدا وعيالها كمان
باسم طب أنا مالي وحط وشه بين إيده بحزن
فجأة لقى موبايله بيرن طلعه من جيب بنطلونه ولقى هاني اللي بيرن عليه
رد عليه وكان لسه في صوته الخنقة وقال
هاني باستغراب
مال صوتك
