حكاية بقلم هاجر نور الدين

 

 

 

كدا يابني ليه بالشكل دا مشوفناش منها غير كل خير أنا مش مسامحاك 
سابتني ودخلت الشقة هي كمان وفضل بابا واقف بيني وبين ملك عشان معملش فيها حاجة بعدين بابا إتكلم ووجه كلامه ل ملك وقال 
تعالي يابنتي ندخل جوا لحد ما يهدى 
خدها ودخلوا جوا وأنا طلعت الشقة فوق ل سهر وفضلت أخبط بس مش بتفتح بعد شوية فتحت الباب وأنا بصيتلها بلهفة بس كانت لابسة ومعاها شنطة في إيديها وقالت بهدوء 
هستنى ورقة طلاقي منك ياحسن 
وأنا بقول بأسف 
حقك عليا يا سهر بس متبعديش عني أنا معملتش حاجة غلط دا شرع ربنا وبعدين أنا بحبك 
ضحكت بسخرية وقالت بعد
بتحبني تتجوز وتجبلي ضرة !!
هو أه شرع ربنا ياحسن وأنا كمان من حقي إني أطلب الطلاق أنا مستحيل
أكمل معاك ياحسن 
سابتني ومشيت رغم محايلات مني وتحت نظر ملك وأمي

اللي قاعدة حاطة إيديها على راسها بحسرة بسيت لملك پغضب وسيبتهم وطلعت الشقة وأنا بفكر هعمل إي وإزاي هرجعها مينفعش أطلق ملك عشان هي قريب هتخلف مني مسكت راسي بإيدي وأنا بضغط عليها وبلعن نفسي على العملة بتاعتي بعد يومين روحت ل سهر بيت أهلها واللي فتحلي كانت أختها الكبيرة اللي ربيتها بعد ۏفاة أهلها كانت بصالي پغضب وقالت 
إي اللي جابك هنا من الأحسن إنك تبعت ورقة الطلاق عشان نخلص 
بصيت
في الأرض بأسف وقولت 
أنا بحب سهر والله خليها تديني فرصة أقابلها بس وأتكلم معاها 
قبل ما ترد عليا طلعت سهر من وراها بثبات وڠضب وهي باين على عينيها أثار العياط 
أخر كلام عندي ياحسن ورقة طلاقي توصلي ولو محثلش دا بكرا ف أنا اللي هروح المحكمة وأخلعك بعد بكرا 
بعدها سابتني ودخلت جوا تاني بصيت لأختها واللي كانت نفس الڠضب مني ومشيت أنا خسرتها بإيدي تاني يوم فعلا بعتتلها ورقة الطلاق وأنا قلبي بيتقطع بعد ما خسرتها بقيت أشوف الدنيا بشكل تاني وبرضوا بقيت أشوف ملك بشكل تاني ميقتش أحس تجاهها بأي حب بقيت أحس إني مش طايقها بقيت مجبر إني أعيش معاها بس عشان الطفل اللي بيننا حياتي بقت إجبار عليا بس ما كانت حياة دافية وهادية ومليانة حب من سهر حتى ملك إتغيرت مبقتش مهتمة بيا ولا عايز إهتمام منها أنا مش شايف غير سهر مرت الشهور وملك خلفت كنت شايل الطفل ومش حاسس إني فرحان إنه منها كان نفسي يبقى من سهر بصيتله وإبتسمت بحزن دخلت الدكتورة وقالت بشكل رسمي 
محتاجين الأدوية دي عشان الأم 
بصيتلها بسرعة أول ما سمعت صوتها كانت هي سهر إبتسمت بسرعة وقولت بلهفة 
سهر 
بصتلي بلا مبالاة وقالت بثبات 
دكتورة سهر إتفضل الروشتة دي الأدوية المطلوبة 
بعدها سابتني ومشيت رجعت ل شغلها ك دكتورة تاني بعد ما سابتني شايفها بقت أحسن وفي مكان أحسن قد إي أنا غبي وقد إي حاسس بالندم سبت الطفل من أمي وخرجت أشوفها ولاقيتها واقفة مع دكتور تاني وبتضحك معاه حسبت بغيرة مش طبيعية وروحت وأنا في قمة ڠضبي وقولت 
مين دا اللي بتضحكي معاه 
إتكلم الدكتور وقال پغضب طفيف 
وإنت مالك إنت!!
إتكلمت سهر وقالت 
دا يبقى حسن طليقي يا أكرم 
وجهت كلامها ليا وقالت بإبتسامة 
ودا يبقى أكرم خطيبي وفرحنا الإسبوع الجاي إن شاء الله 
بصيتلها بحزن وصدمة وإتأكدت إني خسرتها للأبد وبإيدي مشيت من قدامهم وروحت قعدت في الأوضة اللي فيها ملك وأنا باصيصلها وهي شايلة إبننا قررت أكمل حياتي بالشكل
دا وأنا مجبر وندمان إني خليت مجملة في عيني من الشيطان وأتجوز مرتين..  قررت أتحمل نتيجة إختياراتي وأعيش تعيس 
هاجر نورالدين
حكاية هاجر نورالدين