حكاية يونس وايمان بقلم ايمان شلبي
تدخل الحفله حفله عمرو حسن اللي فرحانه انها هتحضرها لأنها من عشاق عمرو حسن
كنت متأكد انك هتكوني هنا النهارده
لفت لمصدر الصوت وكان يونس اللي بيظهرلها من العدم كالعاده !
إيمان برفعه حاجب وايه اللي مخليك متأكده اوي كده !
يونس كل كتاباتك في نهايتها جزء من قصايد عمرو حسن ده دليل علي حبك ليه ودليل اكبر انك متقدريش تفوتي اي حفله عمرو حسن فيها
إيمان اممممم انت بتراقبني بقي !
يونس بحيره يمكن
إيمان باستغراب يمكن !
يونس باحراج عايزه الحق
إيمان وهي بتربع ايديها وبتبصله بحاجب مرفوع طبعا
يونس بخفوت يمكن معجب مثلا
يالا يافندم اتفضلوا
إيمان اتوترت جدا ودخلت بسرعه ويونس ابتسم علي توترها ودخل وراها
إيمان كانت حاجزه في الصفوف الاولي اختارت مكان وقعدت فيه
كانت متوتره بشكل مش معقول اول مره حد يقولها كده وجها لوجه متنكرش انها حست بمشاعر متلخبطه فرحه توتر اعجاب مش قادره تحدد اللي حست بيه كان ايه بس يمكن كان الخۏف اكتر صفه مسيطره عليها اليوم ده !
سرحتي في ايه !
إيمان فاقت من شرودها وبصت علي يونس اللي قعد جنبها مباشره وسألته بضيق عايز مني ايه يا يونس !
يونس عايز اعترفلك بحاجه مهمه جدا
إيمان بتوتر وخدودها حمراء ا ايه هي !
يونس كان لسه هيتكلم بس الشاعر عمرو حسن بدء فقره الشعر وكانت أول جمله يقولها
تقابليني!
كأنك فيلم خمسيني
كأنك ورده في البدله بيرويها مطر عيني
كأنك ارض
كأن في حضرتك ببقى روائي لا يمل السرد !
وكمل القصيده وإيمان مندمجه وبتتفاعل معاه محستش بيونس اللي مكانش حاسس أو شايف اي حد غيرها في المكان مركز مع كل تفصيله وكل حركه بتعملها وكأن إيمان مغناطيس بتشده ليها من غير ما يحس!
بدء الشاعر قصيده جديده وكانت قصيده وحشتيني اللي الكل بيعشقها الكل سكت والانظار اتحولت لعمرو حسن حتي يونس وجه نظره لعمرو
انتهت القصيده والكل سقف بحراره لما عمرو يقول
قصيده وخاصه وحشتيني الكل بيحس أنه عاش قصه حب واتفارق حتي لو كان سنجل زي كده
يونس بهمس لايمان بټعيطي ليه
إيمان بتوتر هه م مش بعيط
يونس وهو بيمسح
إيمان بعصبيه ايه اللي انت عملته ده
يونس بحرج ا انا اسف مش قصدي
إيمان عن اذنك
وكانت لسه هتمشي وقف يونس يقول شعر في نص المكان من غير اي خوف او خجل
عارفة لما يكون الليل محاوطك من نواحي كتيرة!
وتبقي عملتي خير مرة فيتشالك ويرجع خير
أهو اللي حصلي وأنا جنبك
كرم من ربنا ليا
كأني دعيت وأتقبل وقالي بطلي تفكير
وجودك مش يدوب فرصة عشان القى لمشاعري مكان
وجودك راحة ومحبة وفرحة لكل شيء زعلان
عيون لما بأبصلها بأحس براحة وهدوء ونور وامان
إيمان لفت بصتله پصدمه وكل الموجودين سقفوا بحراره وإيمان واقفه ھتموت من الخجل
يونس بحبك ياإيمان
إيمان بتوتر ب بس
يونس بمقاطعه مش هخذلك
إيمان بخفوت خاېفه
يونس صدقيني مش هخذلك في يووم انا بحبك
إيمان ابتسمت بأهتزاز وبعدين كملوا الحفله وكانت اجمل ليله عدت عليها في حياتها وبدءت قصه حب إيمان ومعذبها يونس !
باااك
إيمان وهي بتمسح دمعه شارده نزلت من عنيها ياريتني ما صدقتك يايونس
فتحت الواتس عشان تشوف الرسائل ولفت نظهرها رساله من شخص مجهول
شكلك بتحبيه بس واضح انه مش بيحبك لأنه لو بيحبك مكانش سابك !
إيمان ردت بسرعه وتوتر ا انت مين
الشخص رد في نفس الوقت برساله غامضه جدا مش مهم انا مين المهم انتي ليا وافتكري كلامي كويس اوي ٥ اغسطس بالظبط الساعه ٧ هتكوني معايا
إيمان پصدمه معقوله يكون يونس عاملي مفاجأه وهيرجع !
يتبع
البارت الرابع
النهارده راس السنه مش عارفه ليه قلبي مقبوض من ساعه الرساله بتاعته امبارح ديه الساعه ١١ ونص ياتري لما تيجي ١٢ هلاقي رساله من يونس بيقولي فيها وحشتيني وحبيت ابدا السنه الجديده بوجودك !
خمس سنين بحالهم بعيد عني اخر مره اتكلمنا فيها كانت السنه من خمس سنين يوم
راس السنه ساعتها يونس بعتلي رساله غريبه جدا مفمتهاش يومها بس فهمتها مع الوقت
هتوحشنيني ياايمي اتمني تكون سنه سعيده عليكي اتمني
تنسي بسرعه
ساعتها مفهمتش ليه يونس بيقولي الكلام ده طب ليه هوحشه هو احنا مش سوا ! انسي
فتحت النوته بتاعتي وبدءت ابص في الساعه كانت ١٢ الا عشره خلاص فاضل عشر دقائق والسنه الجديده تبدء ساعتها قلبي كان بيدق بطريقه رهيبه جدا مع كل دقيقه بتعدي كان قلبي كأنه هيقف من الړعب والانتظار اصعب شعور الانتظار انتظار شيئ معين من شخصك المفضل ياتري لهفتك وانتظارك هتنتهي بۏجع ولا بفرحه ودموع أن اللي انتظرته لوقت طويل اتحقق!
بدءت اكتب شويه
وجت الساعه ١٢ بالظبط قفلت الفون بتاعي وحطيت ايدي علي قلبي بدءت الرسايل من متابعيني واصحابي واخواتي تهل عليا الكل حب يبدء السنه برساله تفرحني بس ياتري من بين كل الرسايل ديه هتكون رسالته موجوده ولا اللي بفكر فيه ده مستحيل مش يمكن المستحيل يتحقق !
مسكت الفون وايدي بتترعش بالمعني الحرفي فتحته ودقات قلبي هتوصل للسما
بدءت عيني تتفحص الرسايل بلهفه شديده علي أمل تكون رسالته من بين الرسايل موجوده
اتنهدت تنهيده طووويله جدا كلها ۏجع وخذلان وهبدت الفون علي السرير وبدءت دموعي تنزل علي خدي كان عندي امل واحد في الميه أنه يكتب ماسدج ولكن كالعاده الامل اتحول ليأس كبير وانا بضم رجلي لصدري وبسند راسي علي رجلي وبعيط
بحرقه !
مسكت النوته وكتبت
اللي حاسه بيه عمري ما كتبت خواطر أو حتي فكرت اكتب بس النهارده بالذات حسيت اني هعبر بخاطره تحمل الف معني ومعني !
انتظرت اليوم ان يرسل لي شخصي المفضل رسالة يخبرني ان نظل سويا !
تفقدت
هاتفي عند الساعة الثانية عشر ومرت الدقائق كأنها اعوام حتى وصلت للساعة 1225
بدأ عام جديد قرر فيه شخصي المفضل مشاركة شخص أخر ربما قرر ان يجعل حياته صحية اكثر بإزالة الاشخاص المسمومين أمثالي
بدأت في البكاء عندما تذكرت الكثير من الذكريات واللحظات الدافئة بيننا والكثير من الوعود الكاذبة بالبقاء سويا حتى نشيب بقيت أنا و الموسيقى والظلام نبدأ سنة جديده خالية من الناس خالية من أثر الذكريات خالية من نفسي القديمة
قفلت النوته ولسه هسند راسي علي المخده بس الفون رن
مسكته بلهفه ولقيت رقم غريب
إيمان
ردت علي الفون
إيمان بتوتر ا الو
كل سنه وانتي طيبه ياكاتبتنا
إيمان باستغراب مين حضرتك
الشخص امممم مش عارفه صوتي
إيمان لا مش عارفة !
الشخص بابتسامه بسيطه مش مهم
إيمان بعصبيه هو ايه اللي مش مهم مين انت !
الشخص بغموض بټعيطي مش كده !
إيمان بتوتر ا انت مالك انت بعيط ولا بضحك انت مالك !!!
الشخص وهو بيتنهد بحزن مش هيبعتلك ماسدج
إيمان وهي بتبلع ريقها بتوتر ه هو مين
الشخص يونس مش هيبعتلك ماسدج
إيمان برجفه ومن غير وعي ليه
الشخص عشان هو اللي سابك بمزاجه واستحاله يرجع يونس مش بيحبك ولا عمره حبك
إيمان بدموع ا انت مين!
الشخص مش هقدر اقولك انا مين حبيت ابدء السنه بيكي واقولك كل سنه وانتي طيبه تصبحي علي خير
إيمان پصدمه الو الوو
قفل السكه في وشها وإيمان قاعده مصدومه ومستغربه مين الشخص الغامض اللي عارف عنها كل حاجه ده وليه بيقولك يونس مش راجع هو يعرف يونس !
نامت من كتر التفكير في الموضوع ومحستش بنفسها غير ومامتها بتصحيها الصبح
إيمان إيمااان يالا ياحبيبتي قومي عندك شغل
إيمان بحزن حاضر قومت اهو
قامت إيمان ولبست هدومها وفطرت ونزلت الشغل
في البريك راحت هي وداليا الكافيه اللي جنب الشغل عشان يتغدوا
داليا بحزن هتفضلي كده لحد امتي ياايمي
إيمان بضعف لحد ما يونس يظهر واعرف هو ليه عمل كده !
داليا بعصبيه يونس ده حقېر متبصليش كده عشان هو فعلا حقېر لو كان بيحبك مكانش سابك ياإيمان اللي بيحب من قلبه بېخاف يكسر ويجرح حبيبه انتي مش كاتبه ولا اي مش انتي اللي بتفضلي تقولي الكلام ده في رواياتك مش بتفضلي تقولي لو كان بيحبك مكانش راح لو كان بيحبك مكانش چرحك وهان عليه كسرتك !
إيمان بصت لصاحبتها
ودموعها نزلت ببطئ وقالت بخفوت اللي برا الموضوع غير اللي جوا الموضوع ياداليا انا بس عايزه افهم هو ليه سابني وراح نفسي قلبي يرتاح ياستي علي الاقل
يديني سبب مقنع اكرهه عشانه انا مش قادره اكرهه ياداليا مش قادره مش قادره عشان اللي كان بينا ذكريات حلوه وصعب تتنسي
طنط طنط
إيمان لفت لمصدر الصوت باستغراب وكان طفل
إيمان بتوتر ن نعم ياحبيبي
الطفل
