عشق بالصدفة بقلم اسراء ابرهيم

اللي سبتها وانت اللي قولتلها انك مش بتحبها زعلان ليه انها هتشوف حياتها 
فارس بخزلان عندك حق بس انا كنت فاكر انها هتتمسك بيا اكتر من كدة
يوسف بسخرية يعني بعد كل اللي قولته ليها وكمان عاوزها تتمسك بيك ده ازاي معلش افهمها وافهم انت ليه زعلان مش المفروض انك تفرح اهي هتبعد عنك وهتروح لبنت عمك اللي بتحبها
فارس بحزن وهو بيقوم عندك حق يا يوسف عموما شوفو الوقت اللي بناسبكم وانا تحت امركم
في نفس الوقت خرجت مريم وبصت لفارس بعتاب وحزن وهو بادلها النظرة بكسرة وسابها ومشي وكان متابع يوسف كل حاجة بتركيز
مريم بحزن يوسف انت قولت ايه لفارس عشان يبقي زعلان كدة 
يوسف بتلقائية قولت اللي قولته انتي فارق معاكي ايه بعد اللي قاله انتي قولتي من الاول اوعي تقلل مني وانا هعمل كدة ولا ده مضايقك دلوقتي 
مريم بتوتر لا خالص هي فين ماما 
يوسف بقلق لسة مجتش من عند الناس دي مش كنت روحت معاها
دخلت زهرة في نفس الوقت فقرب منها مريم بقلق خير يا امي اتأخرتي كدة ليه 
زهرة بضيق اوف دي عزة دي طلعت عقربة مشوفتوش كانت بتعامل البنية ازاي والله صعبت عليا لو تشوفوها وهي مكسورة كدة
يوسف بهدوء خلاص يا امي يبقي نعجل بالموضوع
مريم باندفاع بس اهم حاجة يا امي عرفتي تاج ان الجوازة دي سوري كدة عشان ننقذها ولا لا
زهرة بقلق لا مقولتلهاش هي عزة ادتني فرصة ده البت دخلت بالصنية شخطت فيها وخلتها تجري من قدامي
مريم بقصد ليوسف يوسف انت لازم تعرف تاج مينفعش نضحك عليها
يوسف بهدوء متقلقيش يا مريم اكيد هقولها المهم يا ماما قالتلك ايه مرات ابوها دي
زهرة بتفكير انا رسمتلها البحر طحينة وعشمتها يارب بس عنيها تزغلل وتوافق 
يوسف بتفكير اكيد هتوافق متقلقوش
كانت واقفة تاج قدام المراية وعلي وشها سعادة مش قادرة توصفها بعد ما سمعت مرات ابوها بتقنع ابوها علي جوازها بس المرادي من يوسف اول ما سمعت اسمه قلبها دق وعرفت زهرة كانت جاية ليه كانت واقفة تاج بتفتكر ملامح يوسف اللي اتحفرت في عقلها من المرة الوحيدة اللي شافته فيها واعجابها بيه اللي خفته عن نفسها حتي عشان متتعلقش وتتعشم انتبهت تاج لدخول مريم اخت يوسف
مريم بابتسامة ممكن ادخل لعروستنا انا استأذنت باباكي
تاج بخجل طبعا اتفضلي انتي مريم مش كدة 
مريم بابتسامة ايوة انا اخت يوسف وحقيقي انتي زي القمر بجد احلي عروسة شوفتها في خطوبتها
تاج بخجل متشكرة انتي اللي جميلة اوي عارفة انا خايفة اوي
مريم بقلق من ايه بس ده انتي انهاردة يومك
تاج بخوف ماهي دي المشكلة انا متعودتش افرح لازم في الاخر فرحتي تقلب بحزن اقولك علي حاجة انا عارفة ان بعد ما تمشو مرات ابويا هتخليني اعمل كل حاجة وتقعد تسم بدني بالكلام بس مش مهم كفايا اني عارفة اني مش هقعد هنا كتير واني هسيبها وبعد بعيد عنها
مريم بشفقة حبيبتي انتي تستاهلي كل خير وان شاء الله هتمشي من هنا وهتبعد عن الست دي للابد
تاج بتردد هو انا ممكن اقولك علي حاجة انا حبيتك اوي ونفسي نبقي صحاب ممكن 
مريم بسرعة يا خبر ده انا يا بختي ان هيكون ليا صاحبة زيك يا تاج طبعا موافقة
تاج بابتسامة عارفة انا لما شوفت يوسف لاول مرة حسيت ان قلبي دق جامد واتوترت ومقدرتش اتكلم معاه من كسوفي وقتها اتمنيت لو اقدر احب واتحب بس وقتها فوقت نفسي وقولت ازاي اصلا ولازم انسي ان حاجة زي كدة ممكن تحصل بس لما ماما زهرة جت وعرفت ان يوسف اتقدملي بجد وقتها كانت سعادتي متتوصفش وكأن فرحتي اتنين اني هتحرر وهعيش مع الانسان الوحيد اللي قلبي دق ليه
مرسم كانت بتسمع تاج وهي من جواها مقهورة اوي عليها كانت حاسة بيها اوي لانها شبها في كل حاجة نفس فرحتها لما جت تتجوز فارس وعنيها دمعت لما تخيلت ان قلب تاج هيتكسر زي قلبها لما تعرف ان يوسف مش بيحبها وانه عمل كدة عشان امه مش اكتر 
تاج بلهفة مريم انتي هتعيطي انا اسفة مقصدش اضايقك
مريم بسرعة لا خالص مش كدة بس انا اتأثرت اوي بكلامك ان شاء الله تعيسي في سعادة مع يوسف ويحس ويقدر مشاعرك دي احم يلا بقي هنتأخر عليهم والعريس مستني
ابتسمت تاج بفرحة وخرجت مع مريم وكانت من كسوفها باصة في الارض ولما رفعت عنيها جت في عيون يوسف اللي اتوتر اول ما شافها وهي بتقرب عليه وحس بحاجة غريبة
منتصر بابتسامة ما شاء الله يا بنتي زي القمر تعالي اقعدي جمب عريسك
قعدت تاج جمب يوسف وكانت مكسوفة اوي فقرب يوسف منها وقالها بهمس متقلقيش كل حاجة هتبقي كويسة
تاج وقلبها بيدق ردت بهمس انا مطمنة عشان انت جمبي يا يوسف
يوسف كأن بجملة تاج عصفت كيانه اتوتر ومكنش عارف ماله لانه متوقعش تقوله كدة ووقتها بص لمريم اخته اللي كانت بتبصله بقلق
عزة بابتسامة طب ايه رأيكم بقي مش خير البر عاجله احنا نحدد كتب الكتاب والفرح
زهرة اتصدمت وبصت ليوسف اللي رد بهدوء تمام مفيش مشكلة تحبو يبقي امتي 
عزة باندفاع الاسبوع الجاي احنا كدة كدة جاهزين ولا ايه يا منتصر
منتصر بابتسامة مفيش مشكلة انتي ايه رأيك يا تاج
تاج بسعادة موافقة يا بابا
يوسف بتلقائية كدة تمام يبقي علي بركة الله استأذنك بكرة يا عمي اخد تاج ونجيب الدهب
عزة بثقة طبعا يا يوسف انت عدي علينا وهتلاقينا جاهزين ومستنينك
يوسف بجدية تمام يبقي علي بركة الله
بعد يومين كانت قعدت زهرة قدام يوسف وقالتله بهدوء ممكن تفهمني بقي اللي في دماغك ايه يا يوسف ووافقت علي موضوع كتب الكتاب والفرح ليه ده مكنش اتفاقنا
يوسف بتوتر يعني كنت هقول ايه بس يا ماما اديكي شوفتي مرات ابوها دي عملت ايه يوم ما روحنا نجيب الدهب دي خلتني جبتلها زي تاج بس مش مهم المهم نخلص تاج منها
زهرة بغموض يعني انت بتعمل كل ده عشان تاج صعبانة عليك 
يوسف بحيرة اكيد يعني يا ماما هيكون عشان ايه غير كدة 
زهرة بتنهيدة ربنا يريح بالك يابني وينور بصيرتك بس هتعمل ايه في موضوع الشقة احنا فرشنالهم البحر طحينة وقولنا هنجيب شقة بس مفيش وقت بعد ما حددت مرات ابوها الفرح يكون قريب اوي كدة
يوسف بثقة ما هي دي هتبقي الحجة هنقولها اننا مش هنلحق نجيب السقة ونوضبها فهنتجوز هنا وبعدين نجهز براحتنا ووقتها مش هتقول حاجة
زهرة بابتسامة طيب يا حبيبي ربنا يراضيك يارب
يوسف وهو بيبص في ساعته بعد اذنك يا امي هخرج عشان عندي مشوا مهم
خرج يوسف وراح كافيه معين وكان قاعد فارس مستنيه
فارس بجدية اهلا يا يوسف اتفضل لنا مستنيك بقالي شوية
يوسف بجدية من غير لف ودوران يا فارس انا طلبتك عشان عاوز اعرف السبب الحقيقي اللي خلاك تكدب علي اختي وتقولها كدة واوعي تقولي انك مش بتحبها والجو ده لاني مش مصدق اي كلمة بس مصدق نظرتك لاختي وكمان صدمتك لما قولتلك انها مش فارق
معاها اللي قولته وانها هتكمل حياتها
فارس بتنهيدة انت صح يا يوسف كل اللي قولته لمريم كان غلط انا عيان يا يوسف وبتعالج بقالي سنتين وده اللي خلاني ابعد عن مريم طوب السنتين دول كنت بحاول اخليها متشوفنيش وانا مريض وتعبان عشان كدة كنت طول الوقت بهرب منها ولما يأست قررت اني ابعدها عني واصدمها فيا عشان متتمسكش بيا
يوسف بهدوء طبعا انت عارف انك غلطان يا فارس ومش محتاج اني اقولك كدة دي مراتك وبتحبك ودورها انها تقف جمبك مهما كانت النتيجة وصدقني هيبقي اصعب عليك لما تبقي عايش وعارف انها مصدومة فيك وبتكرهك لانها

كدبت عليها لازم تقولها يا فارس ووقتها القرار يرجعلها
فارس بتفكير عندك حق انت متعرفش الوقت ده عليا ازاي كنت هتجنن ووقات كنت بضعف وخلاص هتصل بيها واقولها كل حاجة بس برجع تاني واقول هي هتبقي احسن وهتتعود علي غيابي انا اسف يا يوسف اني كدبت بس صدقني غصب عني
يوسف بابتسامة متقلقش طول ما انت بتعمل اللي عليك وبتتعالج بأمر الله هتبقي كويس انت بس اهتم بصحتك يا فارس
فارس بحيرة ان شاء الله هعمل كدة انت عندك حق
بارك الله لكما وبارك عليكما وجمبع بينكما في خير
ابتسمت مريم اول ما سمعت كلام المأذون ووقتها يوسف بص لتاج ومسك ايديها وقرب منها فاتوترت هي وقلبها دق بس صوته طمنها وهو بيهمس ليها مبارك عليا انتي يا تاج
تاج بخجل الله يبارك فيك يا يوسف
زهرة بفرحة الف مبروك يا ولاد ايه يا عزة مش هتباركي لتاح مش دي بنتك برضه
عزة ببرود اه طبعا مبروك يا تاج يلا اخيرا هنرتاح من زنك ولو انك هتقطعي بيا وبالبيت
تاج في سرها قصدك مش هتلاقي حد يخدمك زيي فكملت بصوت مخنوق يوسف ممكن نمشي بقي 
يوسف حس بيها فرد بسرعة ايوة طبعا شوية صغيرين بس عشان الناس واوعدك هاخدك ونمشي علطول من هنا للابد ماشي
تاج بابتسامة حزينة ماشي
عدي اليوم واخد يوسف تاج للبيت واول ما دخلت تاج اتتهدت براحة وهي مش مصدقة انها اخيرا بقي ليها بيت وعيلة جميلة
زهرة بتردد تاج يابنتي انا كنت عاوزة اقولك علي حاجة وكنت مش عارفة اتكلم معاكي انتي عارفة ان لما انتي جيتي هنا وكنتي منهارة لانهم هيجوزوكي انتي صعبتي عليا وقلبي كان بيتقطع عشانك وقتخا قعدنا نفكر ويوسف قال انه ممكن
يوسف بتدخل قولت اني عاوز اتجوزك وان كدة كدة هاخدك من البيت هناك وطمنت ماما يعني
زهرة بصت ليوسف باستغراب فغمز هو ليها ففهمت انه مش عاوز تاج تعرف اي حاجة عن كلامهم فسكتت
تاج بابتسامة انا عارفة يا ماما زهرة صدقيني وقتها انتي كنتي طوق نجاه بالنسبالي وكنت متأكدة انك لو تقدري تاخديني كنتي عملتي كدة بس الحقيقة ان ربنا بيحبني عشان بقيت فرد من عيلتكم دي بجد ده اسعد يوم في حياتي
زهرة بحنان ده احنا اللي محظوظين بيكي يا بنتي يلا يا فارس خد عروستك وادخلو اوضتكم
فعلا مسك يوسف ايد تاج ودخلو اوضته وكانت واقفة زهرة مستغربة
مريم بابتسامة طبعا عاوزة تعرفي يوسف سكت ليه مش كدة 
زهرة بحيرة مش عارفة عمل كدة ليه ده انا كنت هقلوها عشانه عشان هو ميضايقش وبحس انها اتفرضت عليه
مريم بابتسامة ومش يمكن يوسف فعلا معجب بيها بجد يا امي اديهم فرصة وادعي ان فعلا ده يحصل ويوسف يحب تاج
زهرة بفرحة ده يوم المني هو انا هلاقيله احسن من تاج يارب يا مريم يكون كلامك صح
كانت مريم هترد بس قطع كلامهم خبط الباب ففتحت مريم واتفاجأت بفارس قدامها 
زهرة بابتسامة فارس عاش من شافك يابني انتي فين ده انا بسأل مريم عليك علطول وقلقت احسن يكون في مشكلة بينكم لاقدر الله
فارس بابتسامة لا بعد الشر يا ماما بس متقوليش كدة هو انا اقدر اعيش من غير مريم دي ضي عيني
مريم كانت مصدومة من كلام فارس اللي اول مرة يقوله 
زهرة بابتسامة ربنا يسعدكم يابني اومال ايه الغيبة دي 
فارس بتنهيدة تقدري تقولي كدة كنت في مأمورية تبع الشغل والحمد لله خلصتها وجيت اخد مراتي ينفع 
زهرة بابتسامة طبعا ينفع يلا يا مريم اجهزي وعلي بيتك مع جوزك يا حبيبتي
مريم بصدمة بصت لفارس فغمز ليها بعنيه وهو بيقولها طب ايه هتفضلي مبلمة كدة هاخدك بالفستان القمر ده وامشي اقولك انا بقول تيجي معايا زي ما انتي كدة وبعدين نبقي نبت ناخد حاجتك سلام يا ماما زهرة
مستناش فارس ان مريم ترد وسحبها من ايديها ومشيو ومريم مبلمة من الصدمة
تاج كانت بتفرك في ايديها بتوتر وهي قاعدة مستنية يوسف يتكلم وهو كان واقف محتار بس حسم امره وقرب منها وقعد قدامها
يوسف بابتسامة تاج انتي بتترعشي كدة ليه انتي خايفة مني 
تاج بلهفة لا طبعا اقصد يعني اني عمري ما حسيت بالامان ابدا زي ما انا حاسة دلوقتي يا يوسف انا بحد متشكرة اوي