أحببت فتاة الملجأ بقلم امل عبدالرازق
المحتويات
في الشارع احسن منك ومن أهلك دا بدل ما تخافي على بنت عمك وتدوري عليها احمدي ربنا ان عندك بيت تعيشي فيه وعندك أهل بتغيري منها وهي معملتش فيكي حاجه بس السم دا أمك اللي زرعته جواكي زي ما كانت بتغير من فريده الله يرحمها امشي من قدامي اطلعي اوضتك
بعد مرور ٩ سنين
فريده من فضلك أنا شوفت إعلان شركتكم وجايه أقدم على الوظيفة
يسرا هاتي السي في بتاعك واتفضلي اقعدي هنا على ما المهندس زين صاحب الشركة يوصل
فريده كنت عايزه اسأل حضرتك على حاجه
يسرا اتفضلي إسألي
فريده مين البنت اللي صورتها متعلقه برا ومكتوب تحتها اللي يلاقيها ليه مكافأة مليون جنيه
يسرا دي صورة نغم بنت عم مدير الشركة المهندس زين احنا لينا فروع كتير ودا لسه جديد والاول لينا في اسكندرية وكل الفروع عليها نفس الصورة دي وناس كتير كانوا بيدعوا انهم يعرفوها وبنات كتير قالوا انهم هي ولكن زين كان بيكشفهم في قاعده واحده وبعد ٩ سنين لسه بيدور عليها ومفقدش الأمل ووالده تعبان من وقت اختفاء بنت اخوه ونفسه يشوفها ويطمن عليها من فضلك روحي اقعدي بسرعه لأن المهندس وصل
زين صباح الخير يا يسرا
يسرا صباح النور يا فندم حضرتك نورت الشركة
زين شكرا يا يسرا من فضلك هاتيلي كل الملفات اللي هتتراجع مكتبي
يسرا حاضر بعد اذنك يا باشمهندس
زين اتفضلي يا يسرا قولي في ايه
يسرا الآنسة فريده منتظرة حضرتك جايه تقدم على شغل
زين لو متوفر فيها الشروط اللي أنا طالبها خليها تيجي مكتبي كمان خمس دقايق
يسرا هي خريجة حديثة من كلية الهندسه وواخده دبلومه في إدارة الأعمال والسكرتارية ودي أول مرة تشتغل ولبسها كويس ومحجبه
زين لأ مش مستاهلة خليها تيجي المكتب كمان خمس دقايق
فريده السلام عليكم ورحمة الله وبركاته
زين وعليكم السلام ورحمة الله وبركاته اتفضلي يا باشمهندسة ما شاء الله واضح انك مثقفه وبتحبي تطوري من نفسك وبتاخدي كورسات ودبلومات و
فريده و إيه يا فندم
زين لا ولا حاجه بس انت فيكي شبه كبير من واحده اعرفها
فريده ان شاء الله يكون الشبه من حد كويس
زين متقلقيش هي مش بس كويسة دي احسن واحدة شوفتها وعرفتها في حياتي اكتر إنسانه بريئة ولطيفة ومافيش زيها في كوكبنا
فريده ليه حضرتك متأثر و انت بتتكلم عنها
زين زي النهارده هي اختفت ومبقتش عارف اوصلها ولا عارف هي عايشه ولا مېته بقالي ٩ سنين بدور عليها مش لاقيها بس انا استودعتها عند ربنا و ان شاء الله هلاقيها وهتكون بخير
فريده ان شاء الله تلاقيها قريب جدا
زين انت فيكي شبه كبير منها ونفس ملامحها ونفس حضورها أنا مش عارف في إيه
فريده يخلق من الشبه أربعين يا باشمهندس
زين أيوه مكتوب في السي في بتاعك انك من اسكندرية وأنا اصلا من القاهرة معلش دوشتك معايا المهم انت هتبقي معانا تحت التدريب وهتكوني سكرتيرة مكتبي والمساعدة بتاعتي
فريده تمام ان شاء الله
زين هو انت متأكده ان إسمك فريدة
فريده أيوه يا فندم اسمي فريده
زين خلاص تمام بس معلش كنت عايز أسألك بما إنك خريجة هندسة وواضح إنك شاطره جايه تشتغلي سكرتيرة ليه
فريده لأن دا المتاح وأنا عايزه انزل سوق العمل و ان شاء اتعلم من خبرات حضرتك
زين كلنا بنتعلم من بعض و ان شاء الله تحققي
زينه ها طمنيني
عملتي إيه اتقبلتي ولا لأ شوفتي زين ولا لأ ولو شوفتيه كلمتيه
فريده واحده واحده عليا يا ماما أنا هحكيلك كل حاجه
زينه طب يلا احكيلي أنا قاعده على أعصابي
فريده اطمني خالص يا مامتي الحمد لله اتقبلت أول حاجه لاقيت صورتي متعلقة على باب الشركة ومكتوب تحتها اللي يلاقيني ليه مليون جنيه تاني حاجه اتقبلت ومش عارفه ازاي ولكن دا توفيق ربنا تالت حاجه شوفته وياريتني ما شوفته من لحظة ما لمحته وأنا قلبي مش راضي يسكت كان فاضل تكه واقوله أنا نغم اللي قالب الدنيا عليها كبر وبقى ليه هيبه ومركز ما شاء الله لسه طيب وحنون ومؤدب زي ما هو وواضح انه عايش على ذكرايا بس مش متأكده خاېفه يكون اتجوز انا محبتش غير زين ولا عايزه اعرف ولا احب غيره بس زعلت على عمي لما عرفت انه تعبان من ساعة ما اختفيت ومن وقتها وأنا حاسه بالذنب بس معرفتش حاجه عن اللي اسمها غاده ولا بنتها لكن ان شاء هانت
زينه الحمد والشكر لله بصي أنا هاخدك من إيدك وأروح لزين واخد المليون جنيه
فريده بقى عايزه تبعيني يا زينه مقابل مليون جنيه ماشي يا ستي شكرا السكرتيرة قالتلي انه بيعرف ان البنات اللي بيقولوا انهم انا بيكذبوا عليه من قاعده واحده بس معاهم ولكن من ساعة ما شافني وهو بيقولي هو انتي اسمك فريده اصل انت شبه حد اعرفه قوي وبقالي سنين بدور عليه وبدأ بقى يمدح فيا والدموع اتجمعت في عينيه وحتى محاولش يخفيها وكأنه وصل للي هو بيدورعليهمن سنين قلبي حاسس انه عرفني وكنت متوتره بس حاولت اخفي ده انا مبسوطه اوي ان انا شفته
زينه ولا كنوز الدنيا كلها تساوي شعره
البواب مدام زينه في واحد برا عايز يقابلك ضروري
زينه مين الواحد دا يا عم فتحي
فتحي مش عارف يا ست هانم والله
زينه حاضر أنا جايه وراك على طول
فريده استني يا ماما هاجي معاكي
زين مساء الخير أنا آسف جيت من غير ميعاد
زينه لأ اتفضل يا فندم حضرتك جاي تزور الدار ولا إيه
زين يشرفني طبعا
زينه حضرتك معرفتناش بيك
زين اعرفها أنا بيا ولا تعرفيها انت يا باشمهندسة
فريده دا باشمهندس زين اللي حكيتلك عنه يا ماما
زينه بجد!! اهلا وسهلا بيك اتفضل
زين أنا بعتذر يا آنسة فريدة على إني تتبعتك لحد هنا من الآخر جيت وراكي ڠصب عني
فريده وهو حضرتك بتعمل كدا مع كل الموظفين وبتمشي وراهم
زين أكيد لأ يا باشمهندسة فريده ولا اقول يا باشمهندسة نغم فارس المسيري
فريده حح ح حضرتك بتقول إيه أنا اسمي فريده
زين بردو فريده خليني اقنعت عقلي وطب وقلبي اللي جابني هنا اعمل فيه إيه
فريده ماله قلبك يا زين اقصد يا باشمهندس
زين قلبي اللي أول ما لمحك كان طاير ولأول مرة يفرح لا قلبي ولا عقلي قدروا ينسوكي خلال التسع سنين دول تعبت اوي وانت بعيده الموبايل اللي في إيدك هو اللي اكدلي انك نغم عشان محدش يعرف بيه غيرنا لسه محتفظه بيه
زي ما انتي بتكشفي نفسك من غير ما تاخدي بالك جايه ومتنكره ومغيره اسمك وجايبه الموبايل معاكي قولتلك ١٠٠ مرة عمرك ما هتبقي حويطة ولا هتوصلي لذكائي يا هندسه ويوم ما تغيري إسمك تخليه فريده على اسم مامتك الله يرمحها ووحمة الفراولة اللي سابت كل بنات مصر وطلعت في ايدك اكيد مش ناسيها
فريده
مش
زين بالرغم ان ذكرت أدله كتير
متابعة القراءة
