قصة كاملة بقلم محمد عبده

الطفل ده عنده نفس عيونك
همست حبيبتي الولد الصغير ده عنده نفس عيونك يا كريم...
ثم أضافت بصوت أخفض وده لسه منادي مراتك السابقة ماما!
كانت كلماتها هادئة، لكنها وصلت لقلبي أعلى من صوت المحرك، وأعلى من ضحكات الناس على اليخت وهو بيغادر مارينا العلمين متجه للبحر المفتوح.
لفّ كريم رأسه بسرعة، وبصّ للسطح العلوي...
وشاف طفل صغير بيجري ويرتمي في حضن ست هو ما شافهاش من خمس سنين.
ليلى سامي... كانت زوجته.
كانت لابسة زي رسمي أنيق بالأبيض والكحلي، واضح إنها مسؤولة عن خدمة الضيوف على اليخت. شعرها البني مربوط بدقة، وملامحها مختلفة تمامًا عن آخر مرة شافها فيها...
البنت القلقة اللي كان يعرفها اختفت، وحلت مكانها ست قوية، واثقة، فيها هدوء غريب خلّى كريم يحس إنه بيبص على صورة قديمة... بس الزمن غيّرها.
الرحلة دي كان المفروض تبقى بداية جديدة.
نورا اللي كانت سكرتيرته وبقت شريكته خططت لكل حاجة بنفسها.
وكانت بتلمّح للجواز أكتر من مرة...
وكريم ما وعدش صراحة، لكنه ما نفاش الفكرة.
كان دايمًا بيقول لنفسه إنه مستني الوقت المناسب...
لكن الحقيقة اللي كان بيهرب منها، إن جزء جواه عمره ما فهم ليه ليلى سابته ومشيت.
انتهى جوازهم بعد شهور من الخلافات والأسئلة اللي ما كانش لها إجابات.
ليلى مضت على الطلاق من غير ما تطلب فلوس، ولا بيت، ولا حتى نصيب في شركته.
وسابت القاهرة واختفت كأنها ما كانتش موجودة.
ودلوقتي...
كانت واقفة قدامه، على بعد أمتار قليلة، ومعاها طفل...
طفل عنده نفس عيونه الرمادي المائل للأزرق...
ونفس الغمازة اللي بتظهر في خده لما يتوتر.
ليلى لاحظت إنه بيبص لها.
شدت ملامحها شوية... لكنها ما بعدتش نظرها.
قرب كريم بخطوات بطيئة.
ليلى؟
أهلاً يا كريم.
الولد كان ماسك إيدها بقوة.
سألها بصوت متردد
ده ابنك؟
ردت بهدوء
أيوه.
بصّ للطفل كويس...
عنده كام سنة؟
سكتت لحظة... كأنها بتديله وقت يفهم قبل ما تقول.
تم خمس سنين في شهر إبريل.
وصلت نورا جنب كريم، ومسكت دراعه
يلا يا كريم، الغدا جاهز تحت.
لكن هو ما سمعش.
الطفل كان وقع لعبة مركب خشب صغيرة...
انحنى كريم يجيبها...
وساعتها شاف حاجة خلّت قلبه يقف.
بوصلة فضة معلّقة في رقبة الطفل.
قربها من عينه...
وشاف خدش صغير على طرفها...
ونقش محفور على ضهرها
لما الطريق يضيع... هعرف أرجعلك.
دي كانت هديته لليلى في عيد جوازهم التاني.
وقف ببطء، وصوته خرج تقيل
البوصلة دي كانت بتاعتي.
ليلى حطت إيدها على كتف الطفل
دلوقتي بقت بتاعت عمر.
ليه؟
قبل ما ترد... الطفل رفع عينه وبص لكريم ببراءة
ماما قالت إن بابا اداهالها... قبل ما يعرف إني موجود.
سكتت ليلى... وقفلت عينيها.
إيد نورا ارتخت من على دراع كريم...
وفي اللحظة دي...
كل حاجة كانت مخططة للرحلة دي انتهت.
ما بقاش فيه عشا رومانسي...
ولا كلام عن جواز...
ولا حتى ماضي انتهى.
لأن في سنين ضايعة...
كان فيه ابن ما كانش يعرف عنه حاجة...
وستين...
واضح إنهم كانوا عارفين أكتر بكتير مما قالوا.
يتبع...
وقف كريم مكانه وكأن الأرض سُحبت من تحته.
كلمات الطفل كانت بسيطة لكنها ضربته في عمق قلبه.
بابا اداهالها قبل ما يعرف إني موجود.
يعني كان فيه طفل
ابنه
وهو ما كانش يعرف.
بلع ريقه بصعوبة، وبصّ لليلى بعينين مليانين أسئلة
إنتي كنتي حامل؟
ليلى فتحت عينيها ببطء، وفي نظرتها كان فيه تعب سنين
أيوه عرفت بعد ما سبتك بأسبوع.
شدّ كريم على إيده بعصبية
وليه ما قولتيش؟!
نزلت بنظرها للأرض لحظة، وبعدين رفعتها بثبات
كنت عايز أقول بس كل حاجة كانت بتقول لي إنك مش عايز تسمع.
مش عايز أسمع؟! ده ابني!
وقتها ما كنتش شايف غير شغلك وشركتك ونورا.
سكتت لحظة، وبصت لنورا اللي كانت واقفة متجمدة مكانها
فاكر آخر خناقة بينا؟ لما قلتلي إني بقيت عبء عليك؟
اتجمدت ملامح كريم لأنه فاكر.
فاكر كويس.
اليوم اللي خرجت فيه ليلى من البيت
وهو ما حاولش حتى يوقفها.
رجع بص للطفل
عمر كان واقف ماسك في إيد أمه، لكن عينه على كريم، كأنه بيحاول يفهم هو مين.
ركع كريم قدامه ببطء
وصوته خرج مكسور
اسمك عمر؟
هز الطفل راسه
أيوه.
عندك كام سنة؟
خمسة.
ابتسم ابتسامة صغيرة نفس الابتسامة اللي كان بيعملها كريم وهو صغير.
مدّ كريم إيده بتردد لكنه وقف قبل ما يلمسه.
مش عارف
من حقه ولا لأ.
فجأة، عمر قرب خطوة وسأله ببراءة
إنت تعرفني؟
السؤال كان زي سكينة.
رد كريم بصوت واطي
أنا كنت المفروض أعرفك من زمان.
في اللحظة دي، صوت نورا قطع الهدوء
كريم إحنا لازم ننزل دلوقتي.
بص لها
بس المرة دي كان بيشوفها بشكل مختلف.
مش شريكة حياته
لكن جزء من قصة هو بدأ يشك فيها.
قال بهدوء
انزلي إنتي أنا جاي بعد شوية.
اتوترت ملامحها
يعني إيه؟ هتسيبني لوحدي؟
ما ردش.
كان كل تركيزه على ليلى وعلى الطفل.
قرب منها خطوة، وصوته بقى أهدى لكن أخطر
إيه اللي حصل في الخمس سنين دول يا ليلى؟ وإيه اللي إنتي مخبياه تاني؟
ليلى أخدت نفس عميق
واضح إنها كانت مستنية اللحظة دي من سنين.
وقالت بصوت ثابت
مش أنا بس اللي مخبية
وبصت لنورا مباشرة.
فيه حاجات كريم لازم يعرفها عنك إنتي كمان.
سكتت الدنيا لحظة.
وقلب كريم بدأ يدق أسرع
لأن الحقيقة
لسه ما ظهرتش كلها.
يتبع
اتسعت عيون نورا، وظهر ارتباك واضح على ملامحها لأول مرة.
أنا؟! أنا مالي؟ قالت بسرعة وهي بتحاول تضحك، لكن صوتها كان مهزوز.
ليلى ما ابتسمتش
بالعكس، كانت هادية بشكل مريب.
فاكر يا كريم اليوم اللي وصلتلك فيه ورقة الطلاق بسرعة غريبة؟
قالتها وهي بتقرب خطوة.
كريم عقد حواجبه
أيوه المحامي قال إنك مستعجلة.
هزّت ليلى راسها ببطء
أنا ما كنتش مستعجلة أنا كنت متضغطة.
سكتت لحظة وبعدين قالت الجملة اللي قلبت كل حاجة
نورا هي اللي رتبت كل حاجة.
سكت المكان حتى صوت البحر بقى كأنه بعيد.
لفّ كريم رأسه لنورا ببطء
بتقول إيه؟
نورا ضحكت ضحكة قصيرة
كلام فارغ