السـواقة اوبـر حكايات مني السيد حصري

طارق
سلمى ردي عليا أرجوكي!
سلمى أنتي فين؟ زمايلك في الشغل قالوا إنك مجيتيش النهاردة!
سلمى بلاش تهدمي كل حاجة، أنا مستعد أكتبلك وصولات أمانة بالفلوس كلها، بس متعمليش حاجة ندمنا عليها إحنا الاتنين!
سلمى... فريدة اتصلت بيا ومړعوپة، في حد راح سأل عليها في المستشفى باسمك؟ أنتي روحتي طنطا؟!
قريت الرسالة الأخيرة وابتسمت ابتسامة باردة كلها سم.
طارق عرف إني في طنطا. والړعب بدأ ياكل في قلبه، لإن الكدبة الكبيرة اللي بناها خلاص على وشك تتهد فوق دماغه وتدفنه حي.
كتبتله رسالة واحدة
أنا في طنطا يا باشمهندس. والحاج كمال المنشاوي لازم يقعد مع خطيبتك القديمة عشان يبارك لجوازتك اللي على مية بيضا.
قفلت التليفون على طول قبل ما يلحق يرن.
دلوقتي، مكنش ينفع أرجع القاهرة قبل ما أقابل الطرف الأهم في الحكاية دي كلها. الطرف اللي طارق كان بيتحامى فيه وبيخوفني بيه الحاج كمال المنشاوي، أو الست سامية عبد الحميد.
سألت في منطقة الغورية في طنطا عن محلات الحاجة سامية عبد الحميد للأقمشة. كانت محلات مشهورة وكبيرة، واجهات ضخمة بتبيع أقمشة ستائر ومفروشات وملايات سرير فاخرة.
وقفت قدام المحل الرئيسي، وخدت نفس عميق، وعدلت طرحتي وجاكتتي، ودخلت بخطوات ثابتة وراس مرفوعة.
السلام عليكم.
طلعلي شاب من العمال
وعليكم السلام يا آنسة، أهلاً بيكي، بتدوري على قماش صالون ولا تجهيز عرايس؟
لا، أنا عايزة أقابل الحاجة سامية شخصياً في موضوع يخص بنتها فريدة وباشمهندس طارق.
الشاب بصلي باستغراب، وسابني وطلع على سلم داخلي في المحل يودي للمكتب الإداري فوق.
بعد دقيقتين، نزل وقالي
اتفضلي يا فندم، الحاجة سامية مستنياكي فوق.
طلعت السلم، ودخلت مكتب واسع مفروش كلاسيك، قاعدة وراه ست خمسينية شكلها وقور، لابسة عباية سودا شيك ودهب كتير في إيديها، وبتبصلي بنظرات فاحصة وفيها علامة استفهام كبيرة.
أهلاً يا بنتي.. خير؟ قالولي إنك جاية في موضوع يخص فريدة وطارق؟ أنتي زميلته في الشركة في القاهرة ولا إيه؟
قربت من المكتب، سحبت الكرسي اللي قدامها وقعدت من غير ما أستنى إذن، وطلعت من شنطتي تلت حاجات وحطيتهم قدامها على المكتب بالترتيب
كشف الحساب البنكي باسمي وفيه التحويلات الثلاثة الموجهة لاسمها وللمركز الطبي ولمعرض العربيات.
عقد إيجار شقة الزوجية في القاهرة باسمي أنا وطارق كخاطب ومخطوبة من خمس سنين.
صورة السونار وإيصال سداد مصاريف ولادة فريدة من حسابي أنا الشخصي.
الحاجة سامية بصت للورق بحيرة، رفعت نضارة القراءة وبدأت تقرأ بتركيز. مع كل سطر كانت بتقراه، كانت عينيها بتوسع أكتر، ولونها بيخطف، وإيديها بدأت تترعش وهي بتمسك كشف الحساب.
إيه... إيه الورق ده يا بنتي؟ يعني إيه سلمى محمود التهامي؟ وأنتي مين أصلاً؟
بصيت في عينيها مباشرة، وبنبرة هادية بس تقطع زي السکينة، قولت
أنا سلمى يا حاجة سامية. أنا البنت اللي شقيت خمس سنين وسوقت تاكسي وأوبر في نص الليل عشان طارق يجي يتقدملكم لابس بدلة شيك ويقولكم إنه باشمهندس ورجل أعمال، ويدفع مقدم عربية بنتك ويحجز جناح ولادتها بفلوس عرق شقايا وتأمين مستقبلي.
الحاجة سامية اتصلبت في مكانها، النفس انقطع من صدرها، وقامت وقفت وهي بتسند على المكتب پصدمة هستيرية
أنتي... أنتي بتقولي إيه؟!
طارق قايلنا إنه شريك في شركة استيراد وتصدير وإن الفلوس دي أرباح عملياته في الجمارك! طارق جاي متقدملنا من سنة وشاريلنا هدايا ودهب ومعاه أمه وأبوه وشاهدين على كتب الكتاب!
ضحكت بمرارة
طارق موظف خدمة عملاء بسيط بياخد ملاليم، والفلوس اللي دخل بيها بيتكم دي فلوس جمعياتي وشغلي وعرقي اللي سرقه بتوكيل بنكي عملتهوله بحسن نية عشان نجهز شقتنا في الهرم.
الست سامية مسكت تليفونها بإيد مړعوپة عشان تتصل، لكن في اللحظة دي بالظبط... باب المكتب اتفتح برزعة قوية.
طارق كان واقف على الباب، وشه غرقان عرق، بینهج كأنه كان بيجري ورا عربية، وعينيه لما شافتني قاعدة قدام حماته والورق مفروش على المكتب... حسيته ماټ في جلده من الړعب!
سلمى!... ماما سامية، متسمعيش منها حاجة، الست دي مچنونة وجاية تبتزنا وتخرب بيتي!
وقفت، ولفيت وبصيتله من فوق لتحت باحتقار، وقولت بأعلى صوت
الباشمهندس وصل أهو يا حاجة سامية... اسمعي بقى منه كدبة تانية يمكن تعجبك!
الفصل الأخير
طارق كان واقف على باب المكتب، صدره بيعلى ويهبط پهستيريا، عروق رقبته ناطرة، والقميص الأبيض اللي كان لابسه لاصق في ضهره من العرق. عينيه كانت رايحة جاية بيني وبين حماته سامية، زي الحرامي اللي اتقفش متلبس وفي إيده كيس الخزنة.
ماما سامية! متسمعيش منها حرف! الست دي مريضة، كانت زميلتي في الشغل وعايزة ټبتزني وتخرب بيتي عشان رفضت أتجوزها زمان! الورق ده كله مزور وفوتوشوب!
الحاجة سامية موطتش عينها ولا اتحركت من مكانها. مسكت كشف الحساب البنكي الممهور بختم البنك الحي، ورفعت إيصال مستشفى النساء والتوليد اللي مدفوع فيه تمانين ألف جنيه باسم سلمى محمود، ورزعته فوق المكتب بصوت رج أركان الأوضة.
مزور يا ابن الرفاعي؟! ختم البنك الأهلي فرع الدقي مزور؟! ختم مستشفى الشروق التخصصي اللي متابعة فيها بنتي وحاجزلها الجناح باسم الست دي مزور؟! التحويل اللي دخل حسابي الشخصي باسمها هي مية وعشرين ألف جنيه عشان تشطيبات شقة طنطا مزور؟!
طارق لسانه اتعقد، شفايفه نشفت، وحاول يقرب من المكتب وهو بيمد إيده يترجى
يا ماما سامية اسمعيني بس، دي مؤامرة عشان...
اخرس واقطع لسانك! صوت راجل جه من ورا ضهر طارق زي الرعد.
لف طارق وهو بيتنفض، وكان اللي داخل الحاج كمال المنشاوي بنفسه، راجل ستيني هيبته تملى المكان، ووراه اتنين من رجالة العيلة ومعاهم فريدة.
فريدة كانت ماسكة في دراع أبوها، وشها مخطۏف، شفايفها بترتعش، وعينيها متثبتة عليا. كانت لابسة عباية واسعة وبتنهج من المشوار.
بابا... فيه إيه؟ طارق كلمني وقالي تعالي بسرعة على محل ماما علشان فيه مصېبة... فريدة اتكلمت بصوت باكي ومخڼوق، بس قطعت كلامها أول ما عينيها جت في عيني.
نفس السواقة. نفس البنت اللي ركبت معاها في أوبر امبارح بالليل في الزمالك، ونفس الخاتم اللي كان في إيديها.
أنتي؟ فريدة همست وهي بترجع خطوة لورا وحاطة إيدها على بطنها أنتي سواقة إمبارح؟!
الحاج كمال بص لبنته وبعدين بص لطارق اللي كان شبه المشلۏل، وقرب من المكتب بخطوات تقيلة وواثقة، سحب الورق كله من قدام مراته، وقعد يقراه سطر سطر في صمت تام. السكات اللي كان في الأوضة كان مرعب، لدرجة إن صوت نفس طارق السريع كان مسموع لكل اللي واقفين.
الحاج كمال رفع راسه وبص لطارق بنظرة احتقار مفيهاش ذرة رحمة
يعني أنت مش شريك في شركة استيراد وتصدير؟ وأنت مش باشمهندس حر وعندك أصول في القاهرة؟ وأنت مش جايب الدهب ومقدم العربية من حر مالك؟ أنت واخد بنت
المنشاوي بفلوس شقى وعرق واحدة غلبانة كنت كاتب كتابك عليها في السر أو واعدها بالجواز وبتسرقها؟!
طارق ركبته خبطت في بعضها ووقع على ركبه قدام الحاج كمال
يا حاج كمال استر عليا الله يسترك! والله العظيم أنا بحب فريدة، وكل اللي عملته كان عشان أبان في مقامكم ومحدش يرفضني! أنا كنت ناوي أرجع كل مليم للآنسة سلمى، كنت هبيع نصيبي في بيت أبويا في البلد وأسددلها كل قرش!
نصيب إيه يا حيلتها؟! صوت جه من برة المكتب، ودخلت حماتي... أم