بطلي هزار ماسخ بقى ج2...... منال علي
المحتويات
الجزء الثاني
ندى سابت الطبق من إيديها، ومسحته بهدوء وحطته على الرخامة، وبعدها لفتله وبصت في عينه لأول مرة من غير ما تتهرب.
— يا حسام… لو نفسك تبقى رجل أعمال وتدخل مشاريع، روح خد قرض من البنك واعمل اللي إنت عايزه… إشمعنى فلوسي أنا؟
الكلمة نزلت عليه زي القلم.
وشه احمر، وصوته علي فجأة.
— فلوسك؟! بقى بعد عشر سنين جواز بتقولي فلوسي وفلوسك؟
ندى هزت كتفها بهدوء.
— أول ما كانت ورثة قديمة وبيت مهدود، عمره ما كان "بتاعنا". دلوقتي بس بقى "بتاعنا" عشان بقى تسعمية ألف؟
حسام خبط بإيده على الرخامة.
— يعني خلاص؟ ده قرارك النهائي؟
— أيوه… ونهائي.
سكت ثواني، وبعدها ابتسم ابتسامة مستفزة.
— براحتك… بس متندميش لما تشوفي الناس كلها بتكبر وإحنا واقفين مكاننا.
ندى أخدت نفس عميق وقالت:
— الندم الحقيقي إني أحط تعب سنين في مشروع مش معايا فيه أي ضمان.
متابعة القراءة
