قلب ليس من حقه بقلم لؤلؤة حيرانة
بتنهيدة ليه
آسر لان الانسان هو اللى بيخللى الحب جدا جدا حلو او مالح
سمية لا والله تخيل انكك بتحب حاجة جدا جدا لا يمكن تتخلى عنها مش متخيل حياتك من غيرها ولا ساعة تعدى من غير متكون معاك يعنى حب بجنون اكيد هتسببلك ازمة فى نفسيتك اتجاه الحاجة ددى كل شئ بخصوصها هيكون خط أحمر بالنسبة ليك هتتعب جدا
آسر هو انا لسة هتعب دده
قطع عليهم الحديث طرق سامية الباب قام آسر وفتح لها الباب دخلت بطاولة الطعام المتحركة وسلمت على سمية ثم انصرفت رص آسر الاطباق على الطاولة الموجدة بالغرفة ورفض مساعدة سمية له ثم جلسا
آسر بشهية هو ده الاكل اللى يفتح النفس
سمية سامية اتوصت بيك ع الاخر
آسر وبيكى بردو المهم كللى طبقك ده كله
سمية مش هقدر اكمل على فكرة
آسر يابنتى دى حتة فرخة اد العصفورة للى عشان هقول لطنط مها بجد
سميو يا ساتر هو انت كمان بأيت زيهم حاضر بسم الله
تناولا طعامهما ثم خرجا للحديقة ليستنشقا عبيرا نقيا جلس على الحشائش الموجودة على الارض خلف شجرة ثم جلست بجواره
آسر لو القعدة هنا هتتعبك اجيبلك كرسى
سمية لا ملوش لازمة بس انت ليه قعدت هنا
آسر فيكى من يكتم السر
سمية بابتسامة اكيد
آسر لما بابا توفى اول يوم االميت جيت هنا وفضلت اعيط كنت اول مرة اعيط فى حياتى
سمية الله يرحمه ويجعل مثواه الجنة
آسر بتأثر آآآمين يارب وحشنى اوى يا سمية
سمية هو فى مكان افضل ان شاء الله الفراق صعب بسلازم نتحمل عشان اللى حوالينا على الاقل مى وطنط ميرفت بيستمدواقوتهم وصبرهم منك ملهم غيرك بعد المولى عز وجل ادعيله
آسر ربنا يرحمه انتى عارفة حصلت حاجة كمان
سمية ايه
آسر
فجأة لقيت رهف جاية وجيبالى فطاير وقراقيش وماية من نفسها كانت خايفة منى اوى بس جتلى وحطتلى الاكل وطلعت جرى تصحيكم عشان تقريبا كان فيه صيام او حاججة زى كده
آسر بتضحكى على ايه
سمية اصل فرح دى ممثلة هايلة اقدر اعتمد عليها بجد
آسر ازاى يعنى
سمية اصل انا اللى كنت بعتاها شوفتك صعبت عليا اوى نزلت وحضرتلك الفطاير وخوفت صراحة اجيبهم لتتزعقلى ولا حاجة فروحت بعتاهم مع ررهف وقولتلها اتصرفى
آسر بابتسامة كان قلبى حاسس ربنا يخليكى ليا وميحرمنيش من طيبة قلبك
سمية وقد احبت ان تنبه وتذكره بشئ ويبعتلك بنت الحلال يلا بأى لان الجو برد
آسر يلا ياستى انتى تؤمرى يا دكتور
سمية وحضرتك اللى هتنفذ ياباشمهندس
آسر جربى
سمية ربنا يسهل وميأمرش عليك ظالم ولا عدو
آسر ياااه ايه الدعوة القديمة دى جيباها منين
سمية بابتسامة من تيتة سمية الله يرحمها كانت بتقول كده لبابا
دخل الاثنان المنزل واتصل أحمد بابنته ليطمئن عليهما اخبره آسر انه سيباشر عمله من خلال الانترنت وهو بجوار زوجته انقضى الليل واتى صباح جديد يداعب اهدابهما المسامحة استيقظت سمية باكرا وجدته نائما على الاريكة _الفوتيه_ نظرت له بحنان ثم نهضت اغتسلت وابدلت ثيابها بهدوء ثم خرجت متوجهة نحو المطبخ وجدت سامية تنظف البيت توجهت نحوها مبتسمة
سمية السلام عليكم صاحية من بدرى
سامية شوية كده البيت مقفول من زمان وعايزة اوضب الاوض
سمية بابتسامة ربنا يعينك اللى ربنا هيقدرنى عليه هعمله معاكى متحمليش هم
سامية لا بالله عليكى يا سمسمة الست مها منبهة عليا انتى لسة قايمة من انتكاسة مايعلم بيها الا ربنا
سمية ماشى خلاص بس خللى حد ييجى يساعدك ع العموم يا سامية معلش اعمللى اوضتى بعد لما تخلصى هنا ياريت ترجع زى الاول
سامية حاضر تؤمرى اجهزلكم الفطار
سمية آسر لسة نايم شوية ان شاء الله وهيصحى بس عايزة فطار فطار يعنى
سامية من عينيا
سمية تسلميلى فين الراديو
سامية بابتسامة والله زمان ثوانى وهشغله
سمية متشكرة جدا جزاكى الله كل خير
استيقظ من نومه لم يجدها وجد سريرها مرتبا دخل الحمام لم يجدها نادى باسمها لم ترد خرج ونادى عليها اتته بابتسامة على ثغرهاالرقيق وجدته واقفا على الباب اشعث الشعر يدلك رقبته
سمية بابتسامة صح الله بدنك
آسر بتثاؤب واياكم الساعة كام
سمية 10
آسر ياااااااااااه انا نمت ازاى لحد دلوقت فطرتى
سمية بابتسامة لا لسة
آسر بابتسامة طيب انا هاخد شور لحد لما الفطار يجهز ثم توجه مرة أخرى للداخل
سمية بتلقائية احضرلك الحمام
آسر التفت لها وبخبث ياريت يلا تعالى
سمية وقد انتبهبت ها لا انا انا عندى شغل
آسر نظر لها بعمق وقرب اليها شغل ايه تعالى هنا
جاءت سامية فى معادها
سامية سمسمة الصور بتاعتك اعلقها تانى ولاايه
سمية بخضة ايوة انا جاية معاكى يلا
سامية صباح الخير يا آسر بيه
آسر بابتسامة صباح النور
دخل آسر الغرفة مرة اخرى وهو فى حالة من السعادة الحالمة والعشق المجنون كم كانت ابتسامتها رائعة ما احلاه من صباح حين يرى وجهها باوله وما ادفئه من مساء حين ينام حالما بها توجه الى الحمام واغتسل ثم ابدل ثيابه وتلا ورد القرآن خطرت بباله فكرة توجه لحقيبة ملابس سمية التى جاء بها من امريكا نظر لها بخبث ثم فتحها اخذ يرتب الملابس فى الخزانة بعدما انتهى اخذ ينظراليها ويضحك متذكرا ما ذا سيكون رد فعلها حينما تشاهد ما حدث تذكر وعده لها تذكر حساسيتها الشديدة ربما تعتبره نوع من انواع الضغط غير المباشر لها عله ينال قربها منه تنهد آسر ثم اعاد كلل شئ لحاله الاول ثم خرج توجه للحديقة واجرى اتصال للاطمئنان على اعماله واتصل باخته وامه ايضا كانت سمية بغرفتها تشرف على ترتيب اشيائها نظرت من خلال الشرفة رأته كان يرتدى بنطاله من قماش الكتان الابيض ويعلوه قميص من نفس الخامة مقلم باللونين الازرق والابيض يرتدى حذاءه الرياضى الذى يمتزج به اللونان ويحادث هاتفه نظرت له وابتسمت ثم وجهت حديثها لسامية
سمية حضرتوا الفطار ولا لسة
سامية نعمة تحت بتحضره زمانها خلصت
سمية خلاص انا هنزل واشوف عن اذنك
نزلت سمية ثم توجهت للمطبخ لتجد نعمة تلك الفتاة الريفية الهادئة تكون اخت سامية
سمية ها يا نعمة الفطار خلص
نعمة ايوة يا دكتورة هتفطروا فين
سمية معرفش ثوانى هسأل آسر واقولك
خرجت بخفة متجهة نحو الحديقة توجهت نحوه سمعت صوته يتحدث مع احد بعصبية
آسر يا ماما بلاش الكلام ده لو سمحتى
ميرفت تعالى حالا بلد ايه وقرف ايه هى الهانم ركبت ودلدلت رجليها
آسر بنفاذصبر لا حول ولا قوة الا بالله حضرتك عايز ايه بالضبط انا مرتاح كده
ميرفت وانا مش مرتاحة طول ما بنت احمد ومها مراتك يا باشمهندس انا اللى ربيتك وكبرتك واقننعت محمود انه يسيبك تشوف مستقبلك ده جزاتى تجيبلى واحدة مش من مقامك ولا تناسبك تكون مرات ابنى ده انا اتكسف اقول لحد انها مراتك تردلى جميلى عليك بكده
آسر بعتاب كتر خيرك يا امى فعلا بس جميل حضرتك مش هنساه لو حضرتك مكسوفة تقولى لحد انها مراتى هى تاج على راسى يا ماما المظاهر مش كل حاجة
ميرفت مقاطعة اياه هى كلمة واحدة تيجى دلوقت شهور وتكون مطلقها انا مش هسمحلها تدخل بيتى
آسر بعصبية انتى مبتحبيهاش مش مشكلتى مش عايزاها فى بيتك مش مشكلتى خلاص انا اساسا الفيلا بتاعة التجمع خلصت وان شاء الله هنروح على هناك يا امى مع السلامة ربنا يهديكى يا امى
كانت سمية تستمع لزوجها وهو يحادث والدته الهذه الدرجة هى مرفوضة حتى من امه اهى تكرهها حقا ولكنها ماذا
فعلت لها اهى لا تناسبهم لهذه الدرجة لماذا تخجل منها زوجة عمها حتما بسبب جمالها المتواضع ولكن ليس لها يد انها اقل جمالا من غيرهن
البارت ال 70
كان يجلس بجوارها يتأملها حتى نام هو الآخر استيقظت سمية بعد عدة ساعات لتشعر ان هناك انفاسا اخرى فتحت عينيها رائحة عطره تأسرها شعرت بالاماااااااااااااان شعرت انها بمنأى عن كل ما يتعبها ويكدرها لم تدم هذه الاحاسيس سوى ثوانى حتى رن هاتف آسر فأغمضت سمية عينيها مرة أخرى متظاهرة بالنوم شعر وهى بين يديه انها طفلته حبيبته زوجته شعر بضعفها الذى منحه قوته التى هى بذاتها حبها له انها قوته وضعفه الحقيقين كانت هذه المشاعر تداعب اهداب احلامه ولكنه استيقظ على صوت هاتفه نظر لها نهض من مكانه واخذ هاتفه ثم وضعه على الوضع الصامت ودثرها جيدا ثم دخل الحمام وتوضأ ثم صللى العصر تذكر سمية حينما قاللت له
ومخفتش عليا من عقاب ربنا ابتسم ثم توجه اليها كان قلبها ينبض بشدة من الحب تتسمع الى خطواته بالغرفة اقترب منها تعالت نبضاتها جلس بجوارها وبحنان بالغ هز كتففها
آسر بصوت حنون سمسمة قومى العصر ادن
فتحت سمية عينيها باريحية وهدوء
سمية من زمان
آسر لا من نص ساعة بس
سمية وهى تنهض كويس
آسر نظر لها بعمق اخبار الوجع ايه
سمية بارتباك الحمد لله الدواا سكنه
آسر بابتسامة طيب الحمد لله انا هعمل تليفون خاص بالشغل واجيلك مش محتاجة حاجة
سمية لا متشكرة على فكرة مكتب بابا مفتوح لو عايز تخلص منه شغل واعتقد فيه كل حاجة هتحتاجها
آسر ماشى عن اذنك
خرج آسر من الغرفة ثم نهضت بتثاقل وتوضات وصلت العصر توجهت خارجا وقد قررت فى نفسها شيئا جلست بغرفة المعيشة ثم نادت على سامية
سامية خير يا سمسمة فى ايه
سمية بابتسامة خير ان شاء الله انتى مروحتيش خالص صحح
سامية لا والله خالص
سمية بابتسامة طيب خلاص متزعليش معلش انا عارفة الاولاد وحشوكى
سامية اه والله خالص يادوب نعمة بتروح تشقر عليهم
سمية طيب خلاص انتى افراج روحى باتى مع ولادك واطمنى عليهم وتعالى بكرة بس عشان خاطرى جهزى الاكل ل آسر قبل ما تمشى لانى بجد مش قادرة وارجعى زى ما كنتى
سامية طيب والست مها قالتلى
سمية مقاطعة يا ستى متقلقيش بس انتى ان شاء الله هتيجى بدرى يعنى متسيبينيش لوحدى
سامية بفرح من النجمة متقلقيش هعمل الاكل ل آسر بيه وهجهز كل حاجة متقلقيش وهجيلك الصبح قبل ما تصحى
سمية ممازحة خلاص ماشى ع العموم لومجيتيش هنادى عليكى
ساامية لا متقلقيش اجهز الغدا
سمية انا مش هاكل دلوقتى شوففى آسر فى اوضة المكتب
سامية حاضر
جلست سمية تقرأ وردها بصوتها العذب الهادئ بينما كان منهمكا يتابع اعماله من خلال الهاتف واخرى من خلال جهاز الحاسوب الشخصى به فى غرفة المكتب طرقت سامية الباب عدة ططرقات
آسر ادخل
سامية احضر لحضرتك الغدا
آسر وهو ينظر بالجهاز لا متشكر انا مشغول
سامية بخيبة امل طيب عن اذنك
اعادت سامية ادراجها الى المطبخ ظل آسر منهما فى اعماله لمدة ساعة تقريبا انتهت سمية من وردها ثم جلست متأملة الحديقة التى امامها متأملة الطبيعة ماهى الا دقائق حتى قدم لها آسر وجدها تجلس امامالنافذة على الكرسى اقترب منها ثم جلس قائلا بصوته القوى
آسر الجنينة تحفة
سمية بخضة خفيفة اللى انت عملته ده اللى تحفة صراحة الناس تدخل تقول السلاام عليكم
آسر دى الناس مش انا المهم اتغديتى
سمية تؤ مليش نفس لما اجوع هاكل
آسر ويس جدا انا كمان متغديتش اقول ل سمية تجهز الاكل
سمية يا خبر ابيض هى سامية لسة هنا
آسر بعدم فهم ايوة
سمية بعتاب طيب ليه مخلتهاش تروح تشوف اولادها حرام
آسر اولاد ايه انا مش فاهم
سمية بتنهيدة ولا حاجة انا هقوم اشوفها
توجهت سمية الى المطبخ ثم وجدت سامية تجلس على الطاولة واضعة خدها على يدها ونائمة نظرت اليها سمية بشفقة
سمية بحنان سامية سامية
سامية نعم يا سمسمة خير
سمية مروحتيش ليه
سامية بحزن آسر بيه
سمية مقاطعة اكيد كان مشغول ومكنش فاضى روحى خلاص وانا هحضر الغدا
سامية لا روحى وانا هحضره احطه على السفرة
سمية ماشى هاتى اعمل السلطة وبسرعة عشان تروحى
سامية بابتسامة حاضر
جلست سمية على طاولة المطبخ تتحدث مع سامية حتى انتهت سامية من اعداد السفرة جلسا على السفرة يتناولان طعامهما
آسر يااااه مكرونة بشاميل بقالى سنين مدوقتهاش
سمية بابتسامة بالهنا والشفا بس دوقت النجريسكو
آسر انتى عارفة انا جربت اعملها كذا مرة وفشلت
سمية انت بتعرف تطبخ
آسر بثقة طبعا بس مش زى سامية طبعا
سمية طيب كويس لان سامية هتروح بيتها وهندبر احنا نفسنا
آسر ليه هى مبتقعدش هنا اساسا
سمية لا هى عنندها بيتها وزوجها بتيجى الصبح وتمشى المغرب
آسر اممممم ربنا يخليهم ليها
سمية آآمين
غادرت سامية المنزل وظلا فيه وحيدين انقضى يومهما بين القرءة ومتابعة اعماله اتى الليل كانت تجلس بغرفة المعيشة تتابع التلفاز كانتامسية شعرية للشاعر تميم البرغوثى دخل آسر عليها فاغلقت التلفاز جلس على الاريكة وامسك رأسه
آسر بجد ربنا يرحمك يا بابا الشغل بتاع الشركات ده مقرف
سمية ربنا يعينك هتتعشى
آسر لا انا هشرب نسكافيه
سمية طيب تمام انا هقوم اعمله
آسر لا خليكى مش عايزين حاجة تحصل لا قدر الله زى الصبح
سمية بضيق انا مقولتش لحد من الاول تعبى عشا ن محدش يعاملنى كده ولا حد يشفق عليا ودلوقتى بردو نفس الشئ
آسر سمية انا مقصدش
سمية خلاص ولا يهمك عن اذنك
دخلت سمية واعدت له كوب النسكافيه ثم قدمته له كان لا يقصد ان يجرحها هو خائف عليها فقط دخلت عليه بابتساممتها المعهودة
سمية اتفضل بس يارب ميكونش ناقص سكر
آسر وهو يرشف بعضا منه لا بالعكس احسن نسكافية شربته فى حياتى
سمية انا هقوم انام
آسر دلوقتى
سمية اممم
آسر طيب انا هشوف النشرة وادخل
ضحكت سمية فى سرها صعدت لغرفتها التى اعدتها لها سامية حتى تنام فيها ولا يحدث ما حدث مرة اخرى ابدلت ثيابها لملاس نوم قطنية هادئة ورقيقة كان البنطال من اللون الرصاصى وبه فيونكات من الاسفل من اللون الرز الهادئ تعلوه بلوزة قطنية من اللون الروز به رسوم لميكى ومينى ماوس كانت تبدو كالاطفال حقا نامت على سريرها تلت الاذكار واشعلت الراديو على اذاعة القرآن الكريم وذهبت فى سبات عميق دخل آسر الغرفة واشعل النور لم يجدها دخل الحمام لم يجدها ناداها لم تجب قلق عليها بحث عنها بكل مكان صعد لغرفتها فتحها بهدوء وجد ان الانوار مطفئة وصوت مصطفى اسماعيل يصدح بارجاء الغرفة بصوته المعهود بالخشوع اشعل الاباجورة التى توجد بجوار السرير وجدها نائمة ابتسم لها ثم تنهد وعرف ايضا لماذا سمحت لسامية بالمغادرة ثم اطفأ الانوار واتى لها بالدواء والماء ووضعهم بجانبها على الكومدينو وكتب ورقة ثم غادر الغرفة ونزل لينام اتت صلاة الفجر استيقظت وجدت ورقة بجانها بردو اول حاجة هتشوفيها منى لما تصحى اوعى متصحينيش للفجر آسر توضأت ثم نزلت له طرقت الباب عدة طرقات اذن لها بالدخول دخلت سمية وجدته نائما على السرير
سمية الصلاة المسجد قريب ولسة ما اقامش
آسر بتثاؤب طيب نمتى فوق ها
سمية قوم صللى عن اذنك
مرت عدة ايام والعلاقة كما هى بين آسر و سمية كان آسر يذهب للقاهرة سريعا لانهاء بعض الاعمال ثم يعود اليها تعررف عليها اكثر وكذلك هى لامست الجزء الحنون منه وجدت منه الاحتواء والتفهم الشديد لها بدأت صحتها بالتحسن قرر أحمد ان يأخذ عائلته ليقضون ايام العطلة بجوارها وعرض الامر على خليل رحب خليل كثيرا وكذلك اتت ملك وعمرو كانوا يجلسون جميعهم بالحديقة كان الجو رائعا كانت سمية وملك وعمرو ومالك وره ونغم يجلسون على الحشائش يتذكرون الماضى ينما كان آسر مع خليل و أحمد كان يناقش بعض امور العمل مع أحمد خاصة انه سينتقل اليه منصب ابيه وعمه قريبا
خليل طمنى يا آسر سمية عاملة ايه جاتلها الازمة ولا حاجة لا قدر الله
آسر الحمد لله هىكويسة كل يوم بتتحسن هى تعبت شوية من اسبوعين كده بس الحمد لله
أحمد طيب يا بنى خللى بالك مننها
آسر بابتسامة متقلقش يا عمو
اتت لهم مها تخبرهم ان الطعام جاهز الان تناول الجميع الغداء وجلسوا يحتسون الشاى كان خليل يستكمل قراءة جريدته فاجأه خبر
خليل سبحان الله يمهل ولا يهمل
أحمد خير
خليل كل خير شوفتى يا سمسمة ربنا منتقم جبار اللهم لا شماتة
سمية باهتمام ايه اللى حصل
خليل اسمعى الخبر ده هيبسطك جدا
الحكم على ابن الوزير الهارب بالسجن المؤبد سيف قدرى عليان لارتكابه جرائم وتهديد الامن العام فى الشارع الامريكى وقد ذكر ان المتهم كان مسجون ببلده الام مصر بتهمة الشروع فى قتل ولكنه فر هاربا الى الولايات المتحدة بفضل والده الوزير السابق الخ مش انا قولتلك يومها فاكرة
كانت سمية تستمع لتفاصيل الخبر ودموعها تتساقط كان آسر بجوارها يحاول استيعاب ما يقال والجميع منتبه ل خليل حتى انتهى ونظر ل سمية ليجد عيناها زائغتان وسقط كوب الشاى من يدها وتعالت صوت انفاسها تذكرت كل شئ حدث لها ومحاولته في انتابتها رعشة قوية انتبه آسر لها امسك كتفها
آسر بقلق سمية سمية انتى كويسة
لم ترد عليه سمية بل نظرت له وهى تشعر بضياع والم شديدن انتبه لها خليل توجه نحوها
خليل سمية سمية بصيلى هنا
نظرت له سمية وحياتها بامريكا تمر كشريط فيديو امامها اسندت رأسها للخلف وارتخى جسدها النحيل وفقدت وعيها ذعر آسر فأمره خليل بحملها للغرفة لفحصها انتاب الجميع حالة من القلق والبكاء اعطى خلي ل سمية ابرة مهدئة ثم امر آسر ومها بالخروج وتركها ترتاح
آسر انا هفضل هنا
خليل مش هتفوق قبل نص ساعة يلا بأى
مها ببكاء كان مستخبيلها فين ده ياربى
خليل حرام كده يا ام سمية ان شاءالله هتكون كويسة يلا بأى اتفضلوا
خرج الاثنان وبقى خليل بجانبها يراقب حالتها كان احمد ينتظرهم بالخارج
أحمد بلهفة خير
آسر بحزن ان شاء الله دكتور خليل معاها جوه
مهابدموع دى كانت مفروض تفرح لما تسمع الخبر متتعبش ده اللى كانت بتتمناه
آسر احم وهى كانت تعرفه اساسا
مها ايوة انت متعرفش
آسر بارتباك لا وهعرف منين ياريت حد يقهمنى
أحمد انا هقولك
آسر بصدمة ايه
أحمد زى ما انت سمعت
هنا اتى خليل وجلس بجوارهم
آسر ها يا دكتور
خليل لسةة نايمة وحالتها
آسر وهو ينهض طيب عن اذنكم
أحمد اتفضل يا بنى امال عمرو فين
مها الاولاد فى اسطبل الخيل راحوا قبل ما يحصل اللى حصل
أميرة طيب محدش يقولهم حاجة
مها انا خايفة عليها اوى
أميرة ها يا مها احنا قولنا ايه
مها يارب
توجه آسر للغرفة وجلس بجوار سمية مسك يدها ونظر اليها بالم بحب بعشق بل بحزن واسف
آسر ليه مقولتيليش انا اسف انا فهمت دلوقتى
كانت سمية بدأت تستفيق
سمية بصوت متقع ضعيف لا لا سيبونى لا لاااا
جلس آسر بجوارها على السرير واخذ يديها بين يديه وجلس يقرأ عليها قرآن ويحاول تهدئتها حتى فزعت من نومها على صورة سيف
آسر بصوت خافت هششش بس اهدى خالص الحمد لله ربنا خد حقك
سمية ببكاء مباتش قادرة هو ليه حصللى كده ليه عمل فيا كده
آسر بخوف شديد سمية هو هو عمل فيكى ايه سمية ردى وطمني قلبي
سمية بالم اسوأ من كده انا شوفت كل حاجة بيعملها شوفت كل حاجة قدام عينيا كل حاجة انا عملت ايه فى حياتى ياربى
آسر بدموع بسيطة بس ده ابتلاء قولى الحمد لله وبعدين ربنا نجاكى منه وخد حقك منه ومنى
سمية انت معملتش حاجة
آسر انا السبب فى كل حاجة انا اهدى ونامى احنا جمبك ومش هسيبك نامى يا حبيبتى
سمية وقد بدأت تهدأ
ملك حد ياخد الواد ده عايزة اركب الخيل
عمرومازحا نوو مفيش ركوب خيل انتى قبل الجواز كنتى بتركبى بالعافية دلوقتى هتقعى بيه شوفى نفسك بأيتى عاملة ااى
ملك بضيق وزعل كده يا عمرو الله يسامحك ده انا كنت بسابقك ربنا يسامحك انت وابنك
انزعجت ملك ثم ذهبت لتجلس تحت شجرة التوت انتبه لها عمرو فذهب لها بعدما طلب من البقية الاستمتاع بوقتهم كانت تحمل طفلها
ملك شوفت بابى بيتريق ازاى على مامى يا خالد اعمل فيه ايه
عمرو ولا اى حاجة هو ميقدرش اساسا
ملك التفتت للجهة الاخرى جاى ليه
عمرو وقد جلس بجوارها مقدرش الجميل يزعل منى
ملك بتهكم جميل صح
عمرو قمر 14 مبتركبيش خيل ليه
ملك ما انا خلا كبرت وعجزت
عمرو لااا مين قال كده طيب انا هوريكى دلوقتى هاتى حبيب بابا ده ومتقوليش بابى ومامى قدامه تانى قال بابى قال
ملك لا والله
اخذ عمرو خالد ونادى على مالك ليأخذه أتى مالك ليأخذ خالد
مالك ايه يا عمرو متوقعتشش منك كده خاليك حمش
ملك بعصبية خفيفة ولا اطلع من دماغى مش ناقصاك انت كمان
مالك خلاص خلاص تعالى يا خالد باشا نروح لنغم ورهف
ملك ببنصف عين ايوة نغم قولتلى
مالك بارتباك مالها نغم
ملك بخبث ولا حاجة بنت عسولة وشربات كده وكمان نفسها تتدخل هندسة بتحبها على ايه معرفش مع انه مجال للرجالة بس انت ايه رأيك يا باشمهندس
مالكبنفاذ صبر وانا مالى عن اذنك
ملك انفجرت ضاحكة
عمرو ده انتى خليتى وشه جاب الوان حرام عليكى يا شيخة
ملك يستاهل احسن
عمرو مفترية من يومك
ملك انا مش مفترية لانى مبظلمش حد انا باخد حقى بس ده افترا يا دكتور
عمرو لا ولا اى حاجة خالص زالمهم تعالى عشان نركب الخيل
ملك بنصف عين مش هتتريق
عروقبل جبهتها اقدر بردو
ذهب الاثنان لركوب الخيل بينما كان مالك يحاول ان يهرب بعيونه بعيدا عنهم يشعر بشئ يجذبه نحوها لكنه لن يفكر بهذا الشئ سيكتمه
سيصونها ويصون نفسه حتى يحدث الله يعد ذلك أمرا ركب عمرو حصانه وركبت مالك حصانها بينما اختفى مالك بصحبة الطفل بعيدا عن الانظار كانت نغم ممسكة سر حصان سمية الابيض فلة تملس على شعرها بجوارها رهف تطعمها السكر
نغم فلة هادية اوى
رهف بابتسامة عشان ابلة سمية هى اللى مربياها
نغم باستغراب مربياها
رهف ايوة سمسمة كانت قالتلى ان بابا جابها ليها كان عندها شهر وابلة سمية عندها 7 سنين تقريبا
نغم امممممم اول مرة اعرف
رهف وهى تجلس بجوارها انتى عارفة يا نغم احيانا كنت بتدايق منك
نغم باستغراب ليه
رهف كنتى عايشة مع سمسمة وبتشوفيها اكتر منى
نغم بابتسامة دايما كانت بتفكر فيكم وتحكيلى عنكم انا مليش اخوات يا رهف ومعنديش حتى ولاد عم او ولاد خالة زيكم بابا كان وحيد وماما كمان وانا كمان بس ربنا بعتلى سمسمة عشان تكونى اختى
رهف بتأثر يعنى واحنا مش اخواتك
نغم طبعا ربنا عالم انا بحبكم اد ايه مركبتيش خيل ليه
رهف بضيق مالك ربنا يسامحه مشى وبابا منبه عليا مركبش غير وهو موجود لبس طلقية الاخفا ده ولا ايه
نغم بابتسامة تلاقيه بيكلم التليفون شوية وهتلاقيه قدامك
كانت تتمسك بقميصه نائمة خائفة تنام كالجنين اخذت الافكار تدور برأسه ماذا رأت سمية هل رأت ما شاهده انه رجل ولم يتحمل ما شاهده بينما هى سمية ماذا كانت تفقعل هل فعل لها شئ لقد شاهد من قبل بالشريط وهى تصرخ ولكن الصوت غير واضح وانقطع التسجيل ولم يشاهدها جيدا حتما تألمت كثيرا حتما نفسيتها تأذت اكثر حتما كان هو السبب فهو من ادخله بيته هو السبب كان جسرا كما اعتقد من قبل ولكنه جسر للانتقام من ملاك استيقظ من افكاره الجلادة له على صوت طرقات الباب دثرها ججيدا وازاحهها بهدوء ورفق وذهب ليفتح الباب ليجد خليل
آسر اتفضل يا دكتور
خليل لا تعالى معايا عايزك لوحدنا
آسر ينظر ل سمية طيب بس
خليل مقاطعا متقلقش خمس دقايق هنكون فى الجنية كمان بس بسرعة
آسر خلاص اتفضل وانا هاجى
خليل بتنبيه متتاخرش
قبل جبهتها ثم اطمئن عليها وخر بهدوء ثم توجه لهليل فى الحديقة فاقبل عليه كان يبدو على خليل الضيق الشديد قلق آسر
آسر خير يا دكتور
خليل بعصبية خفيفة سيف هو اللى خطفها مش كده
آسر بثبات ايوة
خليل وليه مقولتش من الاول ليه كنا عرفنا ناخد حقها
آسر وهى كده مأخدتش حقها
خليل لا طبعا سجن مؤبد مش كفاية للى هو عمله فيها ده كان ياخد اعدام انت مشفتش اثار الجروح كانت فين ده حاول عليها انت فاهم يعنى إيه
آسر بقهر بس المشكلة ان الاعدام هناك فى القانون مش فى الحالات بتاعة سيف متفتكرش يا دكتور انى ممكن افرط فى حقها هو بس لو اتحول على هنا انا هتصرف حبل المشنقة هيلتف حوالين رقبته كده كده لكن طول ما هو هناك القانون الامريكى الى هيمشى عليه
خليل وقد بدأ يهدأ قليلا اعذرنى بس اللى حصل مش هين احنا كنا بنحاول نبعد سمية عن هنا عشانه
آسر بضيق مكتوم انا عارف ياريتنى ارجع الزمن لورا بس للاسف
خليل سمية لما تفوق متتكلمش معاها خالص فى الموضوع ده
آسر اكيد
دخل الاثنان واتى الشباب سألوا عن سمية فقال لهم خليل ان ضغطها انخفض وهى بغرفتها اذن المغرب وذهب الرجال للصلاة فى المسجد ثم عادوا للمنزل مرة أخرى
آسر ها ياطنط صحيت
مها لا والله يا بنى لسة بدخل اطمن عليها كل شوية
آسر طيب عن اذنكم
رهف ابيه آسر ممكن لما تصحى تنادينى عايزة اتكلم معاها
آسر بابتسامة حاضر
دخل آسر عليها ثم جلس بجوارها وازاح خصلات شعرها التى اخفت وجهها ثم ملس على جبهتها وايقظها بهدووووووووووء
آسر بهمس سمية سمسمة المغرب يا حبيبتى الصلاة
سمية بفزع مين
آسر بابتسامة انا يا سمسمة متقلقيش يابابا اهدى اهدى خالص
سمية تضع يدها على وجهها استغفر الله العظيم يارب
آسر يلا قومى المغرب هيفوتك
سمية تنظر له بانكسار اطلب منك آخر طلب
قبض قلب آسر من هذه الكلمة
آسر بتوتر قولى
سمية عايزة اروح العمرة فى اقرب وقت
آسر بتعجب ليه
سمية بدموع بسيطة عايزة اروحله عايزة اكلمه كتير اوى من زمااان محتاجة اروح عمرة ارجوك ارجوك
آسر انتى تؤمرى متترجيش يا بنت عمى خلاص ربنا يسهل بس قومى صللى بس
سمية بامتنان متشكرة اوى عن اذنك
توضأت سية ثم ادت صلاتها جلست تتلو اذكار بعد الصلاة دخل عليها آسر
البارت ال
انتهت سمية من ترتيب اغراضهما وانقضى الليل بسرعة البرق ثم اتى الصباح تجهزا ليلحقا بالطائرة ركبا طائرتهما ثم انقضت الرحلة سريعا حتى هبطت الطائرة بارض مصر الحبيبة لم يخبر آسر احداا سوى يوسف وامره هو الاخر ان لا يخبر احدا كان ينهى اجراءات الوصول بينما كانت سمية تنتظره جائت سيدة يبدو انها فى العشرينات من العمر تحمل طفلتها الرضيعة جلست بجوارها كان يبدو عليها الرقى الشديد جذب انتباه سمية الطفلة ابتسمت لها سمية فبادلتها الطلفلة واخذت تنظر اليها وتبتسم انتبهت امها
سمية ماشاء الله ربنا يبارك لك فيها ماشاء الله عسولة ز
الام بابتسامة متشكرة جدا انتى متجوزة
سمية بابتسامة الحمد لله
الام ربنا يرزقك ببنت عسولة زيها
سمية بابتسامة باهتة ان شاء الله
الام تمد يدها لسمية انا ريم ودى ندى وانتى
سمية انا سمية تشرفت بيكم
جاءرجلا مقتربا منهم لم ينتبه لمن تجلس بجوار زوجته اقترب منها
الزوج يلا يا ريم
ريم حاضر يا حبيبى سعيدة جدا بمعرفتك يا سمية
سمية وانا اسعد مع السلامة يا ندى
يعرف الصوت نعم انه يعرفه لكن من سمية من سمية اهى تلكك رفع ناظريه ليجدها
الرجل
رفعت سمية وجهها لتجده شخصا ما تعرفه
سميةباستغراب ايوة يا فندم حضرتك تعرفنى
طارق انا طارق وكيل النيابة فاكرة قضية قدرى عليان
سمية بتعجب ايوة ايوة اهلا وسهلا بحضرتك
طارق ريم مرراتى دى الدكتورة اللى كنت حكيتلك عنها فى قضية ابن قدرى عليان فاكرة
ريم ايوة افتكرت انا سعية جدا انى قابلتك طارق حكالى عنك كتير
سمية بحرج وانا اسعد استاذ طارق وقف معايا يومها ربنا يبارك فيه
طارق انا وقفت مع الحق
هنا جاء آسر استغرب كثيرا عندما وجدها تقف بجوارهم اقترب اكثر منهم
آسر ينظر اليهم بتساؤل السلام عليكم يلا يا سمية
طارق مد يده يسلم عليه طارق الحسينى وكيل نيابة
آسر مستغربا اهلا وسهلا آسر الفيومى
طارق اخو دكتورة سمية
آسر باستغراب هو حضرتك تعرف دكتورة سمية
طارق انا اللى كنت بحقق فى قضية ابن قدرى عليان تشرفت بحضرتك جدا
آسر الشرف ليا بس انا زوجها مش اخوها
طارق بدهشة معقولة الف مبروك
ريم طبصوت خافت طارق يلا مامى مستنية برة
طارق فرصة سعيدة والله ومبروك يا دكتورة ولو احتاجتم اى حاجة اتفضل كارتى يا استاذ آسر عن اذذنكم
التقط منه آسر الكارت وبحدة
آسر بحدة شكرا احنا أسعد
غادر طارق برفقة زوجته بينمما ظل آسر يتابعه حتى انصرف لاحظت سمية انزعاج آسر
سمية آسر يلا
آسر بحدة مين طارق ده يا سمية
سمية زى ما قالك
آسر بشك كان فيه حاجة بينكم
سمية بغصة يلا يا آسر نكمل كلامنا فى الطريق
ركبا السيار ثم خرجا من محيط المطار والصمت الآسر يخيم اوقف آسر سيارته ثم قال لها
آسر ممين طارق ده بالضبط
سمية بعتاب اعتقد ان حتى لو طارق كان فيه بيننا حاجة فده فى الماضى مش الحاضر وبعدين هو اى حد يقف معايا ويتكلم يبأى كان فيه حاجة بيننا ده كان مع مراته وبنته سؤالك مش فى محله يا باشمهنس
آسربتصميم طريقته معاكى كانت باينة انه يعرفك كويس جدا سؤالى فى محله جدا
سمية عشان الموضوع ده ميتفتحش تانى طارق كان كلمنى انا وعمو خليل انه عايز يتقدملى وانا رفضت وهو قابل كده باحترام جدا
آسر ورفضتى ليه
سمية بتنهيدة وألم رفضت عشان تكون حياته زى ما انت شايفها زوجة واولاد اسرة كاملة رفضت عشان مظلموش ارتحت دولوقتى لما عرفت مين طارق ده
انزعج آسرمن نفسه كثيرا بل لامها اكثر انهت سمية حديثها بغصة وحزن جعلا دمعتها تترقرق مرة أخرىعلى وجنتها انتبه لها آسر مسحها لها
آسر استحملى بأى غيرتى اعمل ايه يعنى
سمية ده انسان محترم وكان معاه اسرته وكان بيكلمك كمان بأدب وذوق مفروض متظنش كده
آسريمسك يوجهها طيب معلش انا عارف انى زودتها بس والله غصب عنى انا اساسا بغير خلقة ما بالك بأى حبيبتى ده نا اغير عليها من الهوا متزعليش عشان خاطرى
سمية بابتسامة خجلى مش زعلانة خلاص
آسر لالسة زعلانة
سمية لا والله مش زعلانة خلاص
آسر اثبتيلى طيب
سمية انا حلفت
آسر مصدقك يا ستى بس عايز اثبات بردو ان قلبك صافى
سمية بابتسامة اثبات ايه ده بأى
آسر اثبات مشهور جدا
سمية ايه هو يعنى
آسر قوليلى مش زعلانة يا حبيبى
سمية بوجه خجل نعم لا طبعا
آسر بمفاجئة مصطنعة ايه هو انا مش حبيبك
سمية لا بس
آسر مقاطعا اياها خايف حصللى حاجة قبل ما اسمعها بللى ريقى عشان خاطرى ادينى تصبيرة
سمية بخجل شديد آسر الله احنا فى الشارع
آسر على فكرة بأى بيقولوا حاجات اكتر من كده فى الشارع مش هو ده الممنوع يعنى ها هاسمعها ولا اخللى عربيتنا سينما ابيض واسود للرايح والجاى
سمية انت مترضاش انا عارفة
آسر اقترب منها ليه بأى مراتى ارضى وارضى وهتشوفى
ابتعدت سمية عنه حتى التصقت بالباب
سمية بخجل شديد آسر احنا فى العربية مينفعش كده
آسر يقترب اكثر اعملك ايه طيب
سمية باستسلام وبسرعة خلاص خلاص هقولها
آسر ابتعد قليلا يلا قولى
سمية بارتباك طيب ودى وشك الناحية التانية
آسر وشى ولا ودنىى انا بقول اننا نتعدل شوية عشان كده مش هنسلك قولى يلا
سمية بخجل شديد طيب ا اا
آسر يقترب مرة أخرى طيب انا هوريكى
سمية بسرعة خلاص خلاص يا حبيبى
آسر يهمس لها تانى
سمية بخجل تؤ هى بتطلع مرة واحدة
آسر بتهديد لكن ليكى يوم يا سمية والله مهتفلتى منى
سمية هسيبك لانى اتاخرت
سمية اتاخرت على ايه
آسر عندى مشوار مهم للشركة هوديكى على طنط مها تسلمى عليها وهرجع آخدك عندك مانع
سمية طيب نروح تريح جسمك وتروح
آسر ما هو انا لو روحت مش هطلع من البيت اساسا انا بقول اوديكى على طنط احسن
سمية طيب انا هتصل بماما الاول
هاتفت سمية والدتها فرحت كثيرا برجوعها واخبرتها ان اختها بالمنزل ايضا أكمل آسر طريقه الى منزل سمية وصلا الاثنين استقبلتهم مها بالترحاب الشديد
مها يلا يا حبايبى الغدا جاهز
آسر اسمحيلى انا يا طنط عندى مشوار مهم
مها يا ابنى انت لسة راجع من السفر تعالى بس ريح شوية واتغدا معانا
آسر تسلميلى يا طنط بس سامحينى عندك سمسمة هتقوم بالواجب يلا عن اذنكم
سمية طيب هترجع امتى
آسر مش هطول ان شاء الله
انتظر آسر وظل ينظر لسمية شعرت مها فاسنأذنت للدخول
مها طيب انا هدخل يا اولاد عن اذنكم
دخلت مها بينما ظلا الاثنان
سمية واقف ليه روح على مشوارك
آسر اقترب منها وحوط خصرها بيديه مش هاين عليا
سمية تبعده عنها بخجل شديد على فكرة فى عمال فى الجنينة مينفعش كده
آسر يشد أكثر مراتى محدش له دعوة
سمية بارتباك شديد لا والله مينفعش كده خالص
آسر ربنا يصبرنى عليكى خدى بالك من نفسك وكللى كويس وومتنسيش دواكى
سمية برقة حاضر وانت كمان خللى بالك من نفسك
آسر معلش انا عارف انه مكنش ينفع اسيبك بس غصب عنى
سميةبتلقائية ماما اساسا وحشانى واخواتى روح ياحبيبى ربنا معاك
آسر مندهشا حبيبى قولتهالى مرتين النهاردة ابو الهول نطق
خجلت سمية كثيرا فضربته على كفه بخفه
سمية طيب روح بأى
آسر فى رعاية الله
غادر آسر بينما كانت هناك اعين تراقبهما
ملك مش قولتلك يا ماما عشان تصدقى بس
مها بسعادة الحمد لله والله كنت قلقانة عليها اوى يا ملك من آسر بس باين عليه بيحبها
ملك بثقة امال لو عرفتى اللى آسرعامله ليها النهاردة
مها باستغراب عامل ايه
ملك لاااا دى مفاجأة سلام اروح اشوف اختى بأى
مها يا بت انتى بأيتى ام ولسة هبلة يارب صبرنى
خرجت ملك لتستقبل
سمية والله وحشتونى جدا انتى هنا من امتى
ملك من زمااان المهم تعالى احكيلى عملتوا ايه تعالى تعالىى
مها بت يا ملك سيبى اختك ترتاح يلا يا سمسمة الغدا جاز ونكمل كلامنا على السفرة
جلست مع اختها ووالدتها تناولا غذائهما وهما يتحدثان طلبت منها والدتها ان تصعد لترتاح قليلا صعدت سمية الى غرفتها اغتسلت وابدلت ثيابها ثمم نامت بينما كان يتحدث مع صديقه
يوسف طيب اقابلك فين
آسر فى النادى انا جمبه اساسا
يوسف طيب امرى لله على فكرة ده كله عشان خاطر سمية
آسر اخلص انا مستنيك سلام
ما هى الا دقائق حتى قدم يوسف
يوسف السلام عليكم
آسر
يوسف وهو يجلس متشوفش وحش
آسر تشرب ايه
يوسف عصير
آسر بردو طيب جارسون اتنين عصير مانجو
يوسف الفستان جه على فكرة الصبح
آسر عارف المهم الدعوات فين
يوسف وزعتها امبارح وكله تمام متقلقش سمية فين
آسر عند طنط مها مى هتروحلهم امتى
يوسف هتصللى العصر وتروح ان شاء الله
آسر كويس والفيلا جهزتوها
يوسف ايوة الحمد لله الفرش جه وكل حاجة تمام متقلقش حتى مكتب التخديم هيبعت شغالة ان شاء الله بعد يومين وكله تمام متقلقش بس ايه يا عم الافكار دى لم نعهدك كذلك
آسر اتلم بدل ما المك انا
يوسف طيب طيب مفكرتش رد فعل طنط هيكون عامل ازاى
آسر بهدوء توقعت وعارف هيكون عامل ازاى بس انا مش هبعد عنها على طول هقضى معاها الاجازة
يوسف انت قولت لسمية انكم هتنقلوا
آسر لمحت ليها بس هى قالت لا خلينا مع طنط هى متعلقة بيك والكلام ده
يوسف باستغراب معقولة
آسر بابتسامة ايوة تخيل
يوسف وقد اراد استفزازه يا عينى يا عينى صدقنى لو سمية مش مراتك كنت اخدتها وروحت كتبت عليها عدل
آسر بعصبية خفيفة تتخرم عينك متلم نفسك يا لا والله اقلب الطرابيزة فوق دماغك
يوسف مازحا عينى يا عينى بتغير يا بيضة صلاة النبى أحسن
آسر بنفاذ صبر امشى من وشى مش عايز اشوفك قدامى
يوسف خلاصر خلاص تعالى عشان تشوف التجهيزات ونتغدى سوا ولا هتروح لسمية
آسر لا هاتصل بيها مش عايز اشوفها غير هناك يلا
مشى الاثنان توجها لمنزل يوسف
يوسف تعالى يا آسر مفيش حد غريب
آسر عارف يا خفة
مديحة ايه ده آسر حمد لله على
آسر الله يسلم حضرتك يا طنط
مديحة امال فين سمية نفسى اشوفها من كلام الولاد عنها
يوسف يا ماما هتشوفيها النهاردة ان شاء الله نسيتى ولا ايه
مديحة يوووه والله نسيت يا حبيبى ربنا يباركلكم يا آسر يارب انا وأدهم ان شاء الله نكون اول ناس
يوسف يغمز لها ادهم ها والله باين عليكم عايزين تجددوا شبابكو من ورايا
آسر يضربه بخفة على رأسه ما تلمم نفسك فى يومك ده انا معرفش مستحملينوه ازاى ده امال مى فين
مديحة فوق بترضع محمود ادخل يا حبيبى
