قلب ليس من حقه بقلم لؤلؤة حيرانة
الف مبروك يا ملك الف مبروك يا حبيبتى ربنا يكملك على خير ويقومك بالسلامة يلا بأى تعالى نشوف الدكتور هيقولك ايه
ملك الله يبارك فى حضرتك يا خالتو
الطبيب بصى يا مدام ملك هديكى شوية فيتامينات ومقويات لازم تمشى عليهم وكمان مفيش حركة كتير متشيليش حاجة تقيلة من الاخر عايزين راحة عايزين نمشى كويس من اولها كده خصوصا انه اول طفل
عمرو متقلقش يا دكتور
الطبيب طيب اشوفك بعد اسبعين ان شاء الله مبروك مرة تانية استنى يا دكتور عمرو عايزك
جلس عمر مع الطبيب منفردا اخبر الطبيب عمرو ببعض
الملاحظات الهامة والتبيهات وذلك لضمان سلامة الحمل وتثبيته خرجت سها مع ملك ثم تبعهما عمرو الذى توجه لسيارة ولكن توقف عند بابها واتجه لملك
عمرو انتى حامل صح
ملك بخجل اممم
عمرو يعنى انا ابنى جاى فى الطريق
ملك اممم
سها اخص الله يخيبك الناس عمالة تتفرج مبروك يا اولاد
عمرو انا مش مصدقك انا انا فرحان اوى
سها طيب يلا دونى بيتى ورحوا كملوا فرحتكم
اوصل عمرو والدته واتجه هو وزوجته لبيتهما حملها عمرو عند باب الشقة ولم
عمرو ينظر لها برومانسية ما هو عشان النهاردة فرح والله وكبرتى يا ملك وهتكونى ام لادى
ملك بجد فرحان
عمرو ياااااااااااه فرحان دى كلمة قليلة من هنا ورايح مش عايزيم دلع وتاخدى الدوا بانتظام ومفيش هدوم خفيفة مش ناقص ترجيع وقرف ومتتعبيش نفسك خالص فى اى حاجة عايزين البيه او الهانم يفضل معزز مكرم كده
ملك يا سلام ماشى خايف على اللى جاى يعنى
عمرو خايف عليكى اكتر ربنا يحميكى يا ملك ويخليكى ليا
ملك ويخليك ليا يا حبيبى
كانت فرحتهما لا تصف منذ نعومة اظافرهما وهما يحبان بعضهما ويحلمان باولادهما اما فى امريكا فهذا يوم ليس كسابقه هناك زفاف آسر على ميرنا كانت مراسم الزفاف امريكية تقليدية مثل تلك التى نراها فى افلام السينما ولكنها كانت خلو من وجود كنيسة ليس لميرنا اقارب او اصدقاء كثر لذلك كان الحفل بسيطا هتدئا بينما حضر باسل صديق آسر وزوجته يمن كانت ميرنا سعيدة بشدة فحلمها اذى تحلم به منذ سنوات تحقق اخيرا اما آسر فكان سعيدا حائرا لا يدرى لماذا سعادته غير مكتملة فالامورتمشى مثلما رتب لها ولكن لا يدرى انتهى اليوم وذهب العريس بعروسه الحسناء لبيته وقضى ليلته ولكن حدث مالم يكن متوقعه استيقظت ميرنا فى الصباح الباكر لتجد نصفه خاويا تذكرت ما حدث بالامس نهضت وذهبت تتفحصه فى ارجاء البيت لتجده جالسا فى الشرفة شاردا
ميرنا حبيبى قومت بدرى ليه
آسر بدون ان ينظر اليها ليه مقولتيليش يا ميرنا
ميرنا لان ده حاجة عادى هنا آسر انا مش كنت عارف ان ده مهم ليك اوى كده
آسر بنفس الطريقة الموضوع ده كان امتى
ميرنا من زمان
آسر يبتسم بسخرية يعنى عرفتى كام واحد
ميرنا آسر ده كان boy friendبتاعى قعدنا مع بعض 2 years وبعد كده ماما ماتت وهو سافر وانا قابلت انت وحبيتك ده كل موضوع
آسر يعنى استغفلتينى
ميرنا مش فاهمة
آسر يعنى ضحكتى عليا يا ميرنا وتقوليلى انت اول حب انت اللى انا حبيته وكلام فارغ وفى الاخر الاقيكى كده
ميرنا آسر انتن اول واحد احبه فعلا انا مش كداب انا مش حبيت ستيفن بس هو كان عاجبه انا وانا كمان بس انا مش حبيته مش معنى اللى حصل انى اكون بحبه
ميرنا متزعلش حبيبى بس ده عادى هنا مش زى مصر انت عارف ان انا امريكى مش مصرى
آسر عندك حق انا نازل اشترى حاجة
استنى انت هتسيبنى وترجع مصر آسر
آسر لو بايدى لا يا ميرنا انا ماشى
هبط آسر من البناية ذهب لمنزل صديقه باسل الذى التقاه متفاجئا
باسل شو اللى جابك هلأ
آسر بلاش يعنى طيب انا ماشى
باسل يا الله شو بك يا زلمة مو قصدى ادخل يلا ادخل
دخل آسر منزل صديقه
باسل شو بك صار اشى امفروض انك عريس يعنى
آسر عريس اسكت
باسل آسر شو اللى صار قلقتنى الله يوفقك تحكى
آسر هى يمن فين
باسل عم تجهز الفطور استنى راح الها تحسب حسابم معنا وروق لايجى وبعدن تحكيلى
آسر يفرك عينيه طيب
خرجت سمية من غرفة العمليات بعد انتهاء العملية التى دامت لثلاث ساعات
أمانى انتى هتطلعى دكتورة ممتازة يا سمية
سمية متشكرة جدا يا دكتورة ده من ذوق حضرتك
أمانى انتى بس ركزى واستمرى على مستواكى ده
خليل وقد اتى اليهما ها خلصتوا
أمانى الحمد لله سمية كانت ممتازة ربنا يحفظها عن اذنكم
خليل تربيتى اتفضلى يا دكتورة يلا عشان نروح
سمية يلا
اتى باسل لآسر ليجد يجلس فاردا ذراعيه على الفوتيه ناظرا لاعلى
باسل وحد الله
آسر وقد تنهد لا اله الا الله
باسل شو بك
آسر ميرنا
باسل ناظرا له باهتمام شو بها
آسر ميرنا طلع عندها علاقات قبلى يا باسل
باسل رعبتنى افتكرت صاير اشى
آسر بعصبية يعنى ده مش مصيبة
باسل اهدى وروق هيدى تكون مصيبة عنا بمصر بسوريا بالعرب عامة وكمان بتكون خطيئة فاحشة فى ديننا لكن هو غير هون امريكا وكمان ميرنا م مسلمة ولا عربية فلا تتوقع منها اشى
آسر بس فى ناس مسيحيين محافظين على تفسهم
باسل انت شوفت ميرنا بتروح الكنيسة طبعا لا مو بتروحها غير بالاعياد يعنى لا تلوم عليها وبعدين تعا لهون اانت تزجها وانت بتعرف كا اشى
آسر بس معرفش عن ستيفن ده مقالتليش عليه
باسل لانه شئ بديهى عندها انت مغلطان فى ردة فعلك هى لا هى كمان غلطت بتصرفاتها هيدا من وجهة نظرها
وهنا تدخل يمن على الرفيقين يمن شابة فى الثامنة والعشرين من عمرها تصغر زوجها بسنتين التقيا فى امريكا حيث تقيم هى فوالدها عمله هناك كانت سورية الاصل ولكن عيشتها فى امريكا لم تغيرها ولا تغير عادتها او تحيدها عن دينها دخلت عليهم بحجابها
يمن اهلا وسهلا آسر
آسر اهلا بيكى يا يمن معلش طبيت عليكم الصبح كده
يمن عيب عليك شو عم تقول ان شا الله ميرنا بخير
آسر بارتباك ايوة ايوة بخير الحمد لله عن اذنكم عشان متاخرش عليها
يمن بس انا حسبت حسابك معنا ما بيصير تمشى من غير فطور
آسر معلش يا يمن مرة تانية ان شاء الله
يمن بس تكون انت وميرنا بدى اياها تدوق اكلى
باسل بنظرة ذات معنى ايه والله آسر خليها تيجى تتعلم شوية اكل عربى
آسر بضيق ان شاء الهل عن اذنكم
وهم باسل ليوصله لباب المنزل
باسل روق آسر الموضوع مو مستاهل ومتل ما قلتلك النا كلام مع بعض مرة تانية ان شا الله
آسر ان شاء الله ادخل الجو بارد
باسل بحفظ الله
آسر الله يحفظك
خرج آسر من منزل صديقه حائرا شاعرا بالحنق من نفسه ومتفكيره ومن ابيه فلولا اجباره علي زيجته من سمية لما كانت زيجته من ميرنا بهذه السرعة الان لا يتسطيع ان ينفصل عنها فجورج قد احكم بذلك قبضته عليه مستقبله بيده كيف سيتصرف لم يجد آسر نفسه غير فى منزله وميرنا تستقبله كعادتها
آسر يووه يا ميرنا ولا حاجة
هنا انقذ آسر من قبضة ميرنا هاتفه
ميرنا مين
آسر ده يوسف ممكن تعمليلى هوت شيكولات
ميرنا اوك
آسر السلام عليكم
يوسف وعليكم السلاااام ايه اخبارك يا عريس
آسر متفاجئا ايه اللى عرفك
يوسف انت هتستهبل يا بنى مش خطوبتك كانت ليلة سفرك
آسر متنهدا ااه ااه الله يبارك فيك انت ايه اخبارك واخبار مى
يوسف الحمد لله تمام انت كويس
آسر ايوة الحمد لله كويس اوى
يوسف معلش يا آسر اعذر عمو محمود متزعلش وبعدين سمية والله مش وحشة
آسر قفل ع الموضوع ده يا يوسف
يوسف طيب براحتك يا سيدى ززالمهم متغيبش واسال
آسر ان شاء الله يا يوسف خللى بالك من مى مش هتلاقى زيها
يوسف عارف والله ربنا يخليهالى ويهدى اخوها المهم اى خدمات
آسر لا سلامتك مع السلامة
يوسف الله يسلمك
اغلق يوسف هاتفه مع صديقه وهو يدعو له
البارت ال 41 42
كانت الفرحة لا تسعهم جلس عمرو بجانب زوجته وهى تشاهد التلفاز كان يتاملها كان يحمد الله ان جعلها له زوجة وسيجعلها باذنه ام لابنه فكم تمنى ذلك
ملك عمرو نفسك فى ولد ولا بنت
عمرو اى حاجة اللى يجيبه ربنا كويس
ملك ونعم بالله بس انا نفسى فى ولدين توأم
عمرو يا مفترية بجد انتى مجنونة طيب ليه
ملك معرفش بس انا نفسى اجيب ولاد يعنى
عمرو انتى بجد غريبة بس اللى يجيبه ربنا كويس يا حبيبتى اهم حاجة يكون سليم انتى قولتى لخالتو
ملك طبعا متفكرنيش فضلت تدينى الوصايا العشر وكانت عايزانى
عمرو مقاطعا نعم وبعدين هما مش رايحين عمرة
ملك لو صبرت ماهو منفعش يا حبيبى عشان السفر
عمرو الحمد لله وعمو احمد ايه اخباره
ملك مكلمتوش للاسف لقيته نايم انت عارف انا لسة مفولتش لسمية استنى نتصل بيها وبالمرة تباركلها ع الخطوبة ياااه يا عمرو يارب يكون آسر كويس وبيحبها فعلا
عمرو هو كويس بس مش لاختك خالص وياريت فعلا يكون بيحبها ياريت يكون كده
ملك يا سلام وميحبهاش ليه هو يطول اساسا ده من حظه انها وافقت عليه وبعدين هيتجوزها ليه لو مش عجباه هو بنت عشان يغصبوا عليه
عمرو اهدى بس انتى مقتنعة بالمسلسل اللى مامتك حكتهولك ومن قبلها سمية بس بصراحة
ملك معرفش
عمرو مطرقا بكرة تعرفى المهم قومى كلمى اختك
ملك مش هتكلمها
عمرو مش وقته
ملك عشان خاطرى كلمها
عمرو يمسح على رأسها طيب كلميها الاول
ربنا يخليك ليا
فى غرفة المعيشة تجلس نغم بجوار والدتها وسمية
نغم بصوت عال وحدوا الله
أميرة سمية لا اله الا الله
أميرة ايه يا بنتى سرعتينا
نغم اصل حضرتك ماسكة الكتاب وهاتك يا قراية وابلة سمية بتسمع البرنامج زى ميكون هيمتحنوها فيه وانا زهقت بأى
سمية عايزانا نعمل ايه يعنى
أميرة سيبك منها يا سمية اطلعى ذاكرى يا نغم
نغم والله ابدا انا عايزة نرغى لوك لوك انا قربت انسى الكلام اساسا بابا مش فاضى وحضرتك فى الجامعة يبتشتغلى فى البيت وابلة سمية مبتتكلمش اساسا ويئست منها
أميرة وقد احست بالتقصير اتجاه ابنتها امرى لله ادى الكتاب اهه ها ارغى يا ستى
نغم هو انا كاسيت ارغى اقوم راغية على طول لازم نفتح موضوع مع بعض
أميرة جننتينى
نغم بنظرة ذات معنى لامها الا يا ابلة سمية اخبار ابى آسر ايه
سمية ايوااااااااا انتى بتلفى وتدورى عشان كده عن اذنكم
أميرة وقد اتخذذتها فرصة للاطمئنان على سمية لااا اذن ايه تعالى اقعدى هنا ده انتى عروستنا ها آسر ايه اخباره
سمية بنفاذ صبر الحمد لله معلش يا طنط بس عندى جامعة بكرة ان شاء الله ولازم انام بدرى عن اذنكم
أميرة تنظر لابنتها استنى بس يا سمسمة طيب اطلعى يا نغم ذاكرى عندك مدرسة الصبح
نغم وقد فهمت حاضر يا ماما تصبحى على خير يا ابلة سمية
سمية وانتى من اهله
صعدت نغم لحجرتها بينما ظلت سمية مع أميرة
أميرة مش هتقولى بأى اخبار العريس بتاعنا ايه
سمية الحمد لله
أميرة يا حبيبتى الحمد لله هو كلمك كام مرة
سمية بسخرية كام مرة
وهنا قاطعهما رنين هاتف سمية نظرت له وابتسمت
أميرة بخبث امال متدايقة بأى وبتاع روحى ردى
سمية ببراءة لا طبعا دى ملك عن اذنك هروح ارد عليها
أميرة بخيبة أمل روحى بس سلميلى عليها وعلى عمرو
خرجت سمية لترد على اختها بينما ظلت أميرة تفكر فى حال سمية وكلام خليل عن هذه الخطبة ولكن سرعان ما ذهبت هذه الافكار تار دعاء من قلبها لسمية لتمسك كتابها لتكمله اما سمية صعدت لغرفتها
سمية السلااااااام عليكم
ملك وعليكم السلام ورحمة الله وبركاته ايه ساعة عشان تردى يابنتى ولا كنتى مستنية مكالمة من حد تانى واتفاجأتى بيا
سمية الله اكبر ايه يا بنتى داخلة فيا ليه كده زاهدى بالراحة اولا كنت تحت فلحد مطلعت
ملك بخبث يعنى بذمتك مكنتيش مستنية حاجة تانية
سمية لا حول ولا قوة الا بالله مخك ده بيفكر ازاى المهم وحشانى والله ايه اخبارك اخبار عمرو
ملك ايوة ايوة اقلبينى يا ختى الحمد لله تمااااااام فى صحة ونعمة وفضل من ربنا
سمية الحمد لله يارب دايما ياحبيبتى بس مال صوتك كده
ملك ماله
سمية يعنى فرحان مزقطط حاج كده خير فرحينى معاكى
ملك بصراحة كده فى وكمان حاجة كده
سمية ايه يا بنتى خير
ملك بسعادة اصل انا حامل يا سمية
سمية انتى بتتكلمى جد صح
ملك ايوة والله يا سمية روحت للدكتور واتاكدت هاكون ام يا سمسمة
سمية وقد استفاقت لتوها من المفاجأة بجد يا ملك بجد يا حبيبتى الف الف مبروك يا ملوكة ربنا يتتم لك حملك على خير يارب ويكون ليكى ذرية صالحة يا حبيبتى
ملك يارب يا سمسمة عقبالك يا حبيبتى لما افرح لك كده
سمية بدموع خفيفة ربناا يخليكى يا ملوكة باركى لعمرو بجد انا فرحانة اوى
ملك الفرحة دى كلها عشان هتكونى خالة امال لما تكونى ام هتموتى من اللفرحة على كده
سمية اخص عليكى انا خالة بردو ده ابنك انتى وعمرو هيكون ابنى ده انا ان شاء الله هربيه ده هيكون ابنى
ملك اكيد انا لو ربيته اساسا هفشل بس اللى مطمنى على تربيته عمرو
سمية يا حبيبتى ربنا يخليهولك بس خللى بالك من نفسك يا ملك
ملك حاضر ماشى
سمية بتردد عمرو عندك اباركله يعنى
ملك ايوة موجود اهه استنى
ملك تهمس لعمرو عايزة تكلمك زى ما اتفقنا يا عمرو
عمرو وقد اخذ من يدها الهاتف امممم السلام عليكم
سمية وعليكم السلام والرحمة مبروك يا عمرو الف مبروك ربنا يكملها الحمل على خير
عمرو الله يبارك فيكى وعقبالك ان شاء الله الا هتعزمينى فى الفرح ولا بردو
سمية بعتاب انت آخر واجد يقول الكلام ده انت عارف الموضوع مشى ازاى يا عمرو وكمان مكنتش اعرف ده حتى اخواتى ميعرفوش
عمرو طيب هسالك سؤال بس تجاوبينى بصراحة زى ما تعودنا تمام
سمية تمام
عمرو انتى مقتنعة بآسر يا سمية انتى شايفة انه هيكوون شريك حياتك الصح ظ
سمية بارتباك هو بابا قاللى انه كويس وكده فصليت استخارة والحمد لله
عمرو سمية فى حاجة انا معرفهاش فى الموضوع ده
سمية لا يا عمرو بس انا قلقانة بس منه مش اكتر لكن ان شاء الله خير
عمرو ربنا يطمن قلبك يا سمية ويريحك انا موجود لو فى حاجة انتى عارفة كده كويس
سمية بابتسامة اكيد ده انت اخويا الكبير المهم الف مبروك ربنا يجعله ذريه صالحة وذخر للاسلام والمسلمين
عمرو اللهم آمين يارب المهم اكيد هشوفك ان شاء الله واحنا رايحين نودى خالتو وعمو المطار
سمية اكيد ان شاء الله بس ملك مينفعش تيجى يا عمرو اوعى تجيبها المشوار غلط عليها
عمرو من غير متقولى يا دكتور
سمية تمام اشوفك على خير تحتاج منى حاجة
عمرو سلامتك خللى بالك من نفسك يا سمية
سمية الحافظ هو ربنا يلا
عمرو مقاطعا اياها استنىاستنى مبروك على الخطوبة ربنا يجعله ليكى زوج صالح
سمية الله يبارك فيك يلا مع السامة فى رعاية الله
عمرو فى رعاية الله
اغلقت مية هاتفها مع عمرو وظلت تنظر لمحبسها وتحركه بين اصبعيها خلعته نظرت بداخله لتشاهد اسمه انا آسر نعم اسم على مسمى ابتسمت سمية لتذكرها مواقفهما معا وهى خرساء كما يظن هو هى بالفعل خرساء امامه لا تقوى على الحديث لا تقوى على التفكير عندما التقت اعينهما احست بتوقف الزمن احست انهاهى تلك العيون التى كم تمنت ان تلقاها يوما وتنظر لها بحب نعم انه آسر ولكن لديه محبوبته ! وقد أجبره والديهما على خطبتها ! والاكثر من ذلك انها مريضة !!!
حمدت ربها على ذلك متمنية منه ان يرزقها الرضا الحق ارتدت سمية محبسها مرة أخرى ابدلت ثيابها لثياب النوم ثم مشطت شعرها كان كسواد الليل يصل لاسفل ظهرها كان كالسيل حريرى الملمس كانت تجدله او تربطه لم تذهب يوما لمصففى الشعر لا تحتاج اليهم فكم كانت البنات فى مدرستها يحسدنها عليه ويتعجبن كثيرا لارتدائها الحجاب نظرت سمية له كانت تحبه كثيرا فمن وجهة نظرها هذا هو الشئ الوحيد الجميل او الفتان فى مظهرها وفى شكلها تأثرت عنما تذكرت ان مرضها سيؤثر عليه اذن زينتها الوحيدة ستختفى ترى اى اشياء اخرى ستختفى من حياتها مر طيف والدها امامها بكت فالاحتمال الاقوى انها لن تراه ثانية يا الله خلدت سمية الى نومها فامامها معركة الغد وبعد غد ولكن ان غدا لناظره قريب فى مكان آخر كان يجلس على مكتبه منهمكا فى مذاكرته جاءت زوجته جلست بحواره قبلت راسه ثم وجنتيه
آسر خير يا ميرنا what do you want
no thing baby but I missed you انت مم امبارح وانت قاعد كده انت مش نمت حبيبى قوم نام
آسر يقف ويلملم اوراقه من على مكتبه معلش يا ميرنا الرسالة لازم تخلص
ميرنا بس بابا طمن انت على الرسالة
آسر بسخرية وتهكم اوى المهم حضرى الغدا انا من امبارح مكلتش
ميرنا بتعجب أكل يعنى
آسر ايوة أكل
ميرنا طيب انا اكل همبرجر انت تاكل كده معايا
آسر بسخرية همبرجر ايه انا عايز اكل خضار سوتيه حتى يعنى
ميرنا
آسر طيب يا ميرنا انا هقوم اعمله بس تعالى شوفيه بيتعمل ازاى عشان تعمليه
ميرنا طيب انا اتعلم ليه انا مش اكل منه انا مش اعمله
آسر بصى يا ميرنا احنا اتجوزنا وانتى عارفة انا على ايه انا وانتى على ايه ماشى يا حبيبتى انا احب مراتى تكون اخدة بالها من جوزها كويس ومن بيتها نظام help your self مينفعش فى الجواز لانه حياة مشتركة
ميرنا بس انا مش جاهز انى اكون كده
آسر بحدة وانا كمان يا ميرنا لكن خلاص لازم نعود نفسنا على حاجات كتير عشان منتعبش فى حياتنا اظن كلامى واضح
ميرنا بس مش كل حاجة آسر
آسر طيب يا ميرنا انتى هتروحى المدرسة امتى
ميرنا يوم احد جاى
آسر طيب كويس يلا نقوم نحضر الاكل
ميرنا يلا حبيبى
كان آسر يشعر انه سيعيش كابوس حياته فى امريكا بعدما كان يعتقد العكس ولكنه قرران يتعايش معه لم يكن عشوائيا او متسرعا فى قراراته يوما ولكنه كان عنيدا لدرجة تقلب اموره رأسا على عقب استقبلت سمية بداية ترمها الدراسى بجدية وتفاؤل ومر اول يوم بسلام حتى جاء موعد سفر احمد كان يوجد بمطار القاهرة هو وزوجته وايضا محمود و عائلة خليل كان الرجال الثلاث بنهون اجراءات السفر فى المطار
خليل خللى بالك من نفسك يا أمد تروح وترجعلنا بالسلامة
أحمد الله يسلمك يا خليل والله لو اخويا ميعملش معايا اللى بتعمله
محمود مازحا اخص عليك يا شيخ يعنى انا كيس جوافة
أحمد لا سمح الله بس خليل فعلا اكتر من اخونا
خليل وربنا عالم انتوا بالنسبالى ايه المهم طمننى لما توصل وع العموم أمين هناك هو دكتورك بس بردو طمنى
أحمد ان شاء الله ربنا يسترها
محمود هيسترها ان شاء االله وشد حيلك كده انا عايز افرح بابنى بسرعة ولا عايز تعمل حمى علينا
خليل بغموض هو بردو
أحمد وقد فهم خليل فقال بنبرة جدية وحازمة ان شاء الله خير محمود اوعى انت او ابنك تظلمو سمية
محمود دى بنتى يا أحمد عيب تقول كده من حق مى بتسلم عليك هى ويوسف بس هما فى مطروح معرفوش ييجوا يسلمو عليك
أحمد يا سيدى سلامهم وصل وزيادة ربنا يهنيهم وادى التذاكر خلصت
سمية بدموع هى رهف ومالك هيقعدوا لوحدهم
مها لا سامية هناك وخالتك هتجيلهم كل اسبوع تطمن عليهم ان شاء الله
وهنا جاء عمرو سعدت سمية برؤيته فهو كان اخا كبيرا لها بل وصديقا مخلصا
عمرو السلام عليكم معلش والله اتاخرت عليكم الطريق كان مقفول
أحمد لا ولا يهمك كويس انك جيت عشان اودعك
عمرو الحمد لله تروح وترجع لنا بالف سلامة يا عمو عمرة مقبولة ان شاء الله
مها ان شاء الله يا حبيبى ملك ازيها كويسة
عمرو الحمد لله تمام بس هى منفعش تيجى عشان الحمل
محمود الف مبروك يا عمرو وبارك لملك والله يا احمد وهتكون جدو ربنا يباركلكم
عمرو عقبال مدام مى ان شاء الله وآسر
ثم تابع حديثه بطريقة مازحة امال فين سمية يا جماعة مش شايفها ليه !!!!1
سمية وقد كانت تقف بجانب امها كده ماشى ياعمرو
عمرو متظاهرا بالمفاجأة ايه ده كنتى هنا طيب وسعى كده يا خالتو خلينا نسلم مخدتش بالى منك يا بنتى كده مفيش مريض هيتعالج عندك
سمية بضيق مصطنع يعنى انا نكرة ماشى يا عم مقبولة منك
محمود هو انت هتزعل خطيبة ابنى ولا ايه يا دكتور
عمرو واراد ان يثبت شيئا لمحمود بس اختى الصغيرة قبل متكون خطيبته يا عمو واختى بجد فى الرضاعة يعنى ومقدرش ازعلها ولا ايه يا سمية هتسيبى حماكى عليا
سمية بابتسامة انا وعمرو فعلا اخوات يا عمو واكتر كمان
أحمد يلا يا مها خلاص هنتاخر
سمية ايه يعنى خلاص شنى اوى يا بابا بجد هتوحشنى عشان خاطرى خللى بالك من نفسك وخليك فاكرنا على طول هناك تروح وترجعلنا بالسلامة كلمنى على طول هستنى تليفون حضرتك كل يوم
أحمد وقد احس بان ابنته على علم بالامر فمسك وجهها بكلتا يديه يمسح دموعها طيب بتعيطى ليه بس ده هما شهرين تلاتة وبعدين انتى مش دايما تدعيلى انى اروح الحج ويا ماما اهى الدعوة استجيبت بس عمرة
سمية مازالت تبكى وتنظر له بس هتوحشنى يا بابا اوى انا بجد معرفش اعيش من غيرك يوم واحد مقدرش
تأثر أحمد بكلام ابنته فامتلأت عينه بالدموع بالرغم من قوة شخصية أحمد الا انه كان مع ابنائه كصديق لهم كان ينسى لقب احمد الفيومى الذى كان له تأثيرا قويا على خاطرى لما توصلوا اتصلى بيا طمنينى
مها ماشى يا حبيبتى وخللى بالك من اخواتك يا سمية ماشى
أحمد يلا بأى يا مها عمرو خللى بالك من ملك يا بنى
عمرو فى عينى هى وولاد خالتى يا عمو متقلقش
أحمد مش قلقان انت راجل بجد يلا اشوف وشك على خير
ودع أحمد ومها الجميع متجهين الى انجلترا حيث عملية أحمد بينما فى طريق العودة كان كل فى تفكيره غارقا ففة سيارة خليل كانت سمية صامتة شاردة تترقرق دموعها من مقلتيها كالانهار تنظرمن نافذة السيارة لذلك المجهول الذى ينتظرها الذى ربما سيفقدها ابيها لم يستطع خليل او زوجه التأثير عليها بالايجاب او التخفيف عنها بينما فى سيارة محمود كان يفكر كثيرا بأحمد الذى يعده اخيه الكبر كيف قصر بحقه كثيرا واهمله كثيرا شاعرا بالذنب وتأنيب ضميره فأحمد دائما كان عوانا له منذ صغرهما فهو الاكبر كان يحرص دائما ان يكون اخا كبيرا له بكل معنى الكلمة فوالد محمود توفى منذ صغره فرباه والد أحمد ليكبرا كالشقيقين ومعهما خليل ابن الصديق المقرب للعائلة حتى فرقتهما الحياة بمشاغلها ولكن لنقل حتى أخذت الحياة محمود تذكر محمود ابنه آسر انه لم يتصل حتى ليودع عمه وموقف عمرو الذى جاء من الاسكندرية تأكد ان عمرو رجلا فعلا يحبه أحمد وكيف لا فهو زوج ابنته ومن طريقة تعامله انه يحب سمية كثيرا كاخت له كما قال ليت ولده هكذا اذن فليكن قرر محمود فى قرارة نفسه شيئا لم ولن يخبر احد به ولكنه الحل الوحيد الذى سيضمن عدم ظلم آسر لسمية فى المستقبل كانت رحلة احمد طويلة جدا ومتعبة له ايضا وصل أحمد وزوجته واتجهوا الى الفندق ليقضوا ليلتهم فمن المقرر ان يتوجهوا للمشفى غدا وصل خليل الى منزله كانت نغم نائمة صعدت سمية غرفتها توضأت ثم صلت اخذت تدعو الله ان ينجى لها والدها ظلت سمية هكذا منتظرة اتصال والدتها لطمأنتها عند بزوغ الفجر بالفعل طمأنتها مها صلت سمية الجر ثم نامت لتبدأ يومها بعد ساعات قليلة جدا مرت الايام هكذا آسر تعاايش فعلا مع ميرنا فلم يبذل جهدا كبيرا فى ذلك لم يتصل بسمية ابدا طوال تلك الفترة حثته اخته على ذلك ولكن رأسه العنيد وقلبه المسكر ابوا ذلك اما سمية فكانت منهمكة فى دراستها وفى تفكيرها بوالدها كانت على اتصا دائم معه كلما سألها عن آسر طمأنته وهى تشعر بغصة فى قلبها وتتقولر لنفسها الهذا المدى يبغضنى هل اجبروه على زواجه بى لدرجة الكره مرت ايامهم حتى جاء موعد عملية أحمد كان أحمد فى غرفة العمليات ومها تنتظر خارجا تتلو ايت من القرآن فكم كان طوق النجاة لها ولعائلتها فهم اصدقاء القرآن كانت سمية لا تختلف كثيرا كانت هى ومحمود وخليل يجلسون فى عيادة خليل يتابعن اخبار أحمد من خلال الهاتف صدم محمود من معرفة سمية بمرض والدها كل هذه المدة ولكنه عندها تأكد ان هذه هى التى تصلح لولده دامت العملية 6 ساعات كان الجميعع فى قلق خاصة وانه لم يخرج أحد من غرفة العمليات حتى أتى اتصال لخليل
خليل متفاجئا ايه انت بتقول ايه يا أمين
سمية باكية بشدة خير يا عمو ايه اللى حصل
محمود بتوتر اهدى بس يا سمية خلينا نشوف
خليل يا أمين صوتك بيقطع استنى ثوانى
تحرك خليل بعض خطوات باتجاه الشرفة تبعته سمية التى ماتت اعصابها من قلقها لدرجة لم تعد تحتملها
خليل ايوة كده سامعك طمننى أحمد عايش ايه
عند هذه الكلمة ايه سقطت سمية مغشيا عليها حاول محمود ان يفيقها بينما خليل انهى مكالمته
محمود ها يا خليل
خليل الحمد لله طلع من اوضة العمليات وكلمت مها كمان بس فى احتمال تحصل مضاعفات ربنا يسترها خلال 24 ساعة الجايين ايه ده سمية مالها
محمود بارتباك معرفش هى جت وراك وفجأة اغمى عليها مش عارف افوقها
خليل بسرعة طيب طيب اوعى كده يارب استرها
حملها خليل بسرعة على السرير واجرى الكشف عليها
محمود مالها يا خليل
خليل ها ولا حاجة بس ضغطها انخفض من القلق شوية وهتفوق تعالى نسيبها
خرج خليل ومحمود تاركين سمية بعد ان اعطاها خليل حقنة كان قلقا عليها بشدة
محمود فى ايه يا خليل مالك قلقا كده ليه ززهو احمد حصلله حاجة وانت مخبى
خليل لا طبعا هو كويس
محمود ان شاء الله هيسترها طيب مالك كده خليل
خليل ها لا ولا حاجة يمكن اتخضيت على سمية بس ربنا يسترها
محمود يا اخى هيسترها اان شاء الله هى كل متقلق يغمى عليها كده
خليل قائلا لنفسه انت متعرفش حاجة متعرفش حاجة لا يعنى مش دايما هى اعصابها مبتستحملش
محمود باين عليك بتعزها اوى صح
خليل بحزن ياااااه دى بنتى اللى مخلفتهاش يا محمود انا اللى ربيتها مع أحمد ومها شوفت انا قعدت سنين لحد مجبت نغم كانت سمية شبه عايشة معانا قضيت معاها كل مراحل حياتها من ابتدائى لجامعة عارف لما خلفنا نغم كنت عايز اسميها سمية أميرة قالتلىى هيبقى عندنا اتنين سمية كفاية عندنا واحدة بس سمية وكان معاها حق انا بفهم سمية من عينيها بقولك بنتى عارف سمية دى نادرة لوحة بيضا محدش رسم عليها قبل كده عليها طيبة وبراءة مشفتهاش على حد زى كده لما بترسم شخصية خيالية بتطلعها ملاك ملاك بس حقيقى محترمة ومثقفة ليها علاقة مع ربنا كده تحس انها فى ملكوت لوحدها انت شوفت رغم قلقها على باباها الادان يدن كانت تقوم تصلى ازاى ومع ده كله تقدر تثق فيها زى مبتثق فى نفسك وتعتمد عليها لو تطلب روحها تديهالك من غير متسال شوفت علاقتها بأحمد ومها واخواتها ازاى انت متعرفش هى بتعمل ايه ولا عملت ايه عشان رضاهم وراحتهم ربنا بس يسترها الليلة دى
محمود ايه يا خليل اللى يسمعك يقول انك بتتكلم على حبيبتك
خليل بابتسامة باهتة عندى أميرة بالدنيا متوقعنيش فى الغلط بس سمية دى بنتى ممكن تقول ده بيبالغ لكن ده قليل والله بجد
محمود عشان كده خطبتها لآسر وانا مطمن
خليل بنظرة جانبية ذات معنى يعنى انت اللى اخترتها مش هو
محمود هى تفرق ايه المهم انه اقتنع بيها وعجبته هيخطبها غصب عنه يعنى
خليل معرفش بس قول لابنك اوعى يظلمها اوعى
محمود متقلقش
سمعها خليل توجه مسرعا لغرفتها تبعه محمود
سمية بابا بابا
خليل بقلق سمية حاسة بايه
سمية بصوت ضعيف يكاد يسمع بقلق بابا بابا يا عمو
خليل بابا كويس يا حبيبتى اطمنى نقلوه ع العناية المركزة وان شاء الله كله خير انتى حاسة بايه
سمية بنفس طريقتها الحمد لله الحمد لله الف حمد وشر ليك يارب الحمد ليك يارب استجبت دعايا
خليل طمنينى حاسة بايه
سمية الحمد لله ولا حاجة مجرد دوخة كده وعدت
خليل لنفسه دوخة كده وعدت حرام عليكى يارب سترك ولطفك
محمود الف سلامة عليكى قلقتينا عليكى
خليل بنظرة ذات معنى مش قولتلك بلاش حرقة الاعصاب دى ونهتم بنفسنا شوية بدل كده
محمود يعنى تعمل ايه يا خليل ابوها يا شيخ بس خليل عنده حق يا سمية فى موضوع صحتك ده ده انتى مفيش اكل خالص مش منظر واحدة هتخلص طب كمان كام شهر
خليل قولها
محمود بصراحة خليل كان هيموت من القل عليكى وعنده حق فى كلمة يقولها
سمية بنظرة امتنان لخليل تعباك معايا ياما ياعمو معلش
خليل بابتسامة تعبك راحة بس اسمعى كلامى عشان خاطرى
محمود مازحا ايه انت وهى اجيب اتنين ليمون ع فكرة آسر غيور جدا
آسر من هو نعم انه هو خطيبها الذى لم يتصل بها منذ يوم خطوبتهما هل يغار على من اجبروه عليها لكن اوشك الموضوع الذى لم يبدأ بعد على الانتهاء ابوها وقد بدأت صحته تتحسن وهناك امل ان يعيش اذن لا يجد مبرر لهذه الزيجة
محمود بنبرة ماكرة ايه يا سمية سكتى ليه روحتى امريكا
خليل سمية انتى حاسة بحاجة يا بنتى
سمي وقد ابتلعت ريقها وصوت ضعيف متقطع لا بس عايزة اكلم ماما بس
خليل مش وقته لو سمعت صوتك هتقلق وكفاية اللى هى فيه
سمية اومأت برأسها بنعم ثم اغمضت عينيها
محمود طيب انا هطلع هعمل كام تليفون بخصوص الشغل واجى هتحتاج حاجة
خليل سلامتك يا محمود انا هفضل قاعد جمبها هنا ياريت تروح شغلك اللى متعطل ده بقالك من الصبح وانت هنا ولازم تروح تريح انا سمية بس تشد حيلها شوي وهنروح
محمود هعتبر نفس مسمعتش حاجة ليه مصرين تعاملونى كانى غريب
خليل لا والله بس عارف ان الشغل كله فوق دماغك
محمود محدش اشتكالك يلا هطلع ولد مااجى ياريت تكون اتحسنت ونروح كلنا
خليل بأسى ان شاء الله
خرج محمود ليتصل باحد ما ليس بخصوص
ميرنا حبيبى تليفونك انت مش ترد ليه
آسر مخدتش بالى والله هاتيه يا ميرنا
ميرنا اهه حبيبى
آسر شكرا يا حبيبتى معلش هقوم جوه لان ده بابا من مصر
دخل آسر غرفة مكتبه فهو يعلم ان المكالمة لن تخلو من المشادات الكلامية والنقاش الحاد
آسر السلام عليكم ازى حضرتك يابابا
محمود بضيق مكتوم وعليكم السلام ورحمة الله وبركاته الحمد لله تمام ايه اخبارك انت
آسر الحمد لله تمام جدا ماما اخبارها ايه ومى
محمود الحمد لله تمام كويس انك فاكرهم
آسر بتنهيدة مش اهلى لازم افتكرهم
محمود وقد كان على علم بان آسر يعلم بمرض أحمد والله كويس كويس امال مسالتش عن احمد ليه يا افندى مش ده عمك وحماك كمان
آسر يااااااه النهاردة فعلا معاد العملية طيب هو عامل ايه طمننى ايه اخبار العملية
محمود كويس الحمد لله العملية استمرت ساعات بس الحمد لله طلع ودخل العناية المركزة هنستنى 24 ساعة عشان نعرف لو هيحصل مضاعفات ادعيله يرجع بالسلامة
آسر ربنا يارب يشفيه ويعافيه ويرجعه بالسلامة
محمود يارب بمناسبة أحمد انت متصلتش بسمية تطمن عليها ليه
آسر بضيق ليه هى اللى تعبانة كفى الله الشر
محمود بعصبية شديدة ايوة يا بنى آدم ده احنا بقالنا عشر ساعات واقفين على رجلناهنموت من قلقنا على عمك بقول هيتصل بيها يقف جمبها يطمنها ويتطمن منها على احمد لكن مفيش ويوم السفر استناك تتصل بالراجل تدعه زى مااتفقنا لكن طلعتنى عيل خلتنى مكسوف منك لما عمرو يجيله من اسكندرية مخصوص وانت متتصلش حتى اتصل يا شيخ بيها اجبر بخاطرها واطمن عليها البنت تعبانة اغمى عليها من قلقها على ابوها وتعبانة متظلمهاش يا آسر
آسر بعصبية وصوت عال وحضرتك مفكرتش ليه قبل متظلمنى وتغصبنى على جوازى منها
محمود بكرة تعرف انى عملتلك احلى حاجة فى حياتك مش ظلمتك لكن اقول عليك ايه بس ربنا يهديك هى كلمة واحدة تتصل بيها مش دلوقتى لكن بعد ساعة كده ولو الوقت اتاخر يباى الاتصال بكرة الصبح تتطمن عليها وتواسيها فى محنتها تحسسها اانك راجل يا راااجل والله لو متصلتش بيها وعملت زى مبقولك انت عارف انا هعمل ايه وفوق ده كله هكون غضبان عليك يا آسر بجد
آسر يا بابا لو سمححت انا مبتهددش وحضرتك عارف كويس كده انا هتصل مش عشان اللى حضرتك هتعمله بس عشان رضاك وعمو احمد ومش مطلوب منى زيادة عن كده
محمود ميهمنيش المبرر يهمنى الفعل وخلاص انت حر انا خلاص خلصت
آسر طيب يا بابا سلملى على اللى عندك مع السلامة
محمود مع السلامة
اغلق آسر مع والده الهاتف وقرر الاتصال بسمية ولكن اين رقمها حسنا انه مسجل لديه من قبل اخته التى صممت على تسجيله بهاتفه فجأة دخلت عليه ميرنا والغضب يفر من عينيها كالشرر الملتتهب
ميرنا بعصبية وصوت عال لقد تزوجت اذا نعم تزوجت المدعوة سمية لقد قل حبك لدى لهذا السبب اذا لقد خدعتنى وكذبت على ايها الكاذب اللعين
آسر بهدوء وحدة جبتى الكلام ده منين
ميرنا بنفس الطريقة لقد سمعت المكالمة كلها لقد سمعتها ايها الندل الحقير لقد خدعتنى خدعتنى
آسر بعصبية كلمة زيادة وهطلقك كفاية شتيمة واحترمى نفسك انا متجوزتهاش انا مش كداب ولا ندل ولا حقير انتى فاهمة
ميرنا وتبكى بصوت عال انا لا افهم شئا لا افهم لقد احببتك كثيرا لماا فعلت هذا بى لماذا
آسر وقد امسكها بين يديه
محاولا تهدأتها فقال بهدوء طيب اهدى يا ميرنا اهدى يا حبيبتى وانا هفهمك كل حاجة
ميرنا لكن لا تكذب على
آسر انا كدبت عليكى عمرى قبل كده
ميرنا لا ولكن فى هذا الموضوع قد تكذب
آسر بحدة انا مش هكدب عشان خاطر عيونك ولا عشان خاطر حد انا هقولك الموضوع كله تصدقى متصدقيش دى حاجة تخصك بس ده على شرطط
ميرنا ما هذا الشرط
آسر دكتور جورج ميعرفش حاجة توعددينى
ميرنا اعدك ولكن لا تكذذب
آسر بعصبية خفيفة تانى اكدب تانى
ميرنا حسنا تفضل
آسر بصى يا ستى وحكى لها آسر كل شئ بصدق طبعا لم يخبرها بموضوع عنده فلم يكن من شيمه الكذب ابدا
آسر يعنى اللى انا عملته ده عشان خاطرك وعشان خاطرجوازنا وعشان مغضبش والدى انا متجوزتهاش
ميرنا انا اسف آسر مكنتش اعرف بس ازاى بابا انت يفرض علي انت جواز
آسر معرفش معرفش ربنا يقدر الخير
ميرنا
انا هستنى اطمن على عمو احمد وانام اطلعى انتى يا حبيبتى
ميرنا طيب انا اطلع احضر لانت حمام ماشى
آسر بابتسامة من امتى الرضا ده بنفسك ماشى يا ستى اطلعى
خرجت ميرنا لتعد حماما
