سكريبت بقلم ندى عمر

تفتكري هو مجاش ليه لغاية دلوقتي 
هو مين ده 
قرة عيوني حبيبي
ما ترحمي نفسك وترحميني أنت مبتزهقيش خالص
ازهق إيه بس أنا لو أعرف أتأخر ليه ده كله
طب لخصي وخلينا نشوف اللي ورانا
المواصلات صعبة وغالية أكيد أتأخر بسببها
فرررح اظبطي بقا وركزي في شغلك
يووه يا ريم لازم تفصلي الواحد ده أنت غريبة بجد
اسكتي اسكتي أستاذ يوسف جاي علينا ومعاه حد 
ضحكت وقولت الحكومة بذات نفسها الله يستر
رجعت البيت بعد يوم متعب وحقيقي الست ملهاش غير بيتها 
ماما ماما فينك اتخطفتي ولا إيه
داخلة تزعقي ليه يا أم لسان طويل
إيه يا ست الكل مش طايقاني ليه 
يختي وأنت مين يطيقك
كتير يا ماما كتير بس أنت دوري
طيب بطلي رغي وادخلي غيري وصلي عشان تحطي الأكل
دخلت أوضتي وغيرت وصليت وقبل ما أخرج احط الأكل فتحت موبايلي أنزل بوست للخمسة ستة اللي متابعيني فانزاتي حبايبي وكتبت فيه 
الإنتظار مهلك ومتعب للغاية 
لا تقلق لم يصيبني الملل
ولكن يشتاق قلبي ويحن لك كثيرا
ويرجو لقائك لتطيب به النفس
ويسكن به الفؤاد والروح
ويمحو به الخوف والقلق
ويجلو به الآلام 
ويحل به الآمال
أنا فقط أحن لك وأرجو وجودك 
كتبت النص ونزلت البوست ولسه هريح وأنام سمعت ماما بتزعق
ده كله بتغيري وتصلي يا باردة الأكل

برد 
يا نهار أبيض الأكل ده أنا نسيت خالص حاضر يا ماما جاية اهو
خرجت حطيت الأكل لاقيت بابا ومروان جم 
حمدالله على سلامتكم يا حبايبي
الله يسلمك يحبيبة بابا تعالي عشان عايزاك في موضوع 
اتفضل يا بابا
بعد الغدا يبت مش جعانة
ضحكت وقولت تيجي إزاي ده الأكل ده حبيبي حبيبي 
ضحك وقال أنت هتقوليلي
اتغدينا وعملت كوبايتن شاي وخرجت بيهم البلكونة عند بابا 
تعالي يا فرح اقعدي
أيوة يا بابا اتفضل
أنت عارفة سميتك فرح ليه
تصدق مجاش في بالي قبل كده ليه بقا
عشان من أول يوم جيت فيه الدنيا والفرح زار قلبي قبل عيني لما شوفتك
ضحكت و قولت الله الله وبتقول شعر كمان يا بابا ده يبخت الست ماما
يا بت يا بكاشة خليني أكمل
كتمت ضحكتي وقولت خلاص المايك معاك اتفضل
يونس ابن عمك محمد طلب إيدك مني النهاردة
يونس ابن عمو محمد صاحب عمرك
أيوة ليه لأ بنتي ماشاء الله عليها وهو شاب كويس ده تربيتي
مش عارفة بجد يا بابا أنا خايفة
مفيش خوف ولا حاجة صلي استخارة وقابليه ومفيش حد هيجبرك على حاجة
دخلت أوضتي واترميت على سريري وسرحت بخيالي شوية
معقولة يونس عايز يتقدم ليا طب ليه
يونس يبقي ابن صاحب بابا وصاحب مروان أخويا وأكبر منه ب سنة مكنش فيه حاجة بتجمعنا غير التجمعات العائلية مثلا نتقابل صدفة في الشارع كده أعدي على مامته أقعد معاها شوية لكن عمري ما فكرت فيه زوج ليا أو حتى كان يبان عليه بس وماله الواد قمر وصوته قمرين
يالاهوي إيه اللي أنا بقوله ده من أولها اتهبلت كده 
قومت صليت استخارة وصليت القيام والفجر أذن صليت
ودعيت ربنا يختار لي الخير ويهدي قلبي للخير وبس 
صحيت تاني يوم وأنا مرتاحة ولكن إحساس الخوف والتوهان ملازمني
وده طبيعي ل شخص أعتاد القلق والخوف زيي! 
قومت صليت الضحي وفطرت ولبست ونزلت للمرمطة أقصد الشغل 
السلام عليكم ورحمه الله وبركاته يا قوم
أستاذة إزعاج جت اهي
في إيه يبت مالك على الصبح محسساني إني ضرتك ليه! 
لا ده إحساسك العالي يا فنانة تعالي اقعدي عشان نبدأ مدعكة اليوم
لا أنا مفيش دماغ بصراحة بفكر أرجع بيتي
ترجعي فين يا سكر ده أستاذ يوسف عامل إجتماع ضروري النهاردة
يا وجع الصدمة يا ولاد إجتماع إيه بس هو مش بيزهق
لسانك ده هتتطردي بسببه والله
شوحت بأيدي كده وقولتلها مش مهم مش مهم
سمعت صوت من ورايا هو إيه اللي مش مهم ده
برقت بصدمة أصل ده صوت مستر يوسف يا ولاد
لفيت ورايا لقيته باصصلي ورافع حواجبه حمحمت وقولت وأنا شبه الكتكوت المبلول
بقول مش مهم أفطر خالص أهم حاجة الإجتماع والشغل طبعا 
بصيت لريم قولتلها مش صح يا ريم قولت هضحي بصحتي وشوحت بأيدي كده
ريم وهيا بتكتم ضحكتها طبعا طبعا اومال إيه
بصلي بنظرة يأس مني وقال وهو بيخبط كف على كف
مفيش فايدة منك يا فرح ورايا على الإجتماع
وطبعا يا جماعة مش عايزة أقولكم إنهم ظالميني ودول أعداء النجاح ملناش دعوة بيهم 
بعد الإجتماع في فترة البريك في الشركة
لأ بس كنت عسل وأنت شبه الكتكوت المبلول كده
اسكتي بجد ده أنا قلبي وقع في رجلي
وقال أهم حاجة الشغل وأنت أصلا بتيجي بالعافية والزق
طب اسكتي يا ريم عشان مش هقولك الحاجة المهمة خالص
سكت اهو قولي عايزة تقولي إيه
بصي أنا معملتش حاجة 
لخصي إيه المصيبة الجديدة اللي جاية بيها
قولت بسرعة مش أنا ده في عريس متقدملي 
طب ما حلو ده وهلبس الفستان والفقر يتفك
اتنيلي أنا خايفة أوي بجد
ليه بس تخافي مش مصداعنا بيه كل شوية
مش عارفة بجد نفسي أبطل أخاف محتاجة أوي أطمن
يبقي تبدأي خطوة جديدة الخوف مش هيفيدك
عارفة بس بحاول والله
افضلي حاولي لآخر نفس
سكتنا شوية وبعدها ريم خضتني وهيا بتزعق
إزاي مسألتش مين العريس الله يعينه
ضحكت وقولت يونس
ابن عمو محمد صاحب بابا
الواد اللي كنت بتقوليلي صوته حلو في القرآن ده
ضحكت وقولتها أيوة شوفتي 
وبتقولي خايفة يا بنتي ده تتجوزيه وأنت مغمضة
نعم ليه يعني مش عشان حليوة وصوته حلوة يعني! 
والله وعرفتي منين يا قطة! 
إيه يا روما ما أنت عارفة إن صوته حلو من وهو صغير 
هتصيعي