سكريبت بقلم ندى عمر
مفيش مكالمات فون إلا للضرورة زي حاجة متعلقة ب شقتنا مثلا ولازم بابا أو مروان يكونوا موجودين خروجات من غير محرم وكلام حب وغرام ممنوع تماما
كلامنا واتساب بيكون فى جروب مراون فيه
وحقيقي كان شاطر في كل اختبار مرينا بيه وكل مشكلة عدينا عليها
وفي
يوم كنت
ببارك ل سارة أخته
على حملها
الجديد وب حكم إن سارة متجوزة بعيد عن منطقتنا في بتيجي زيارة كل فين وفين والنهاردة جت منطقتنا لأول مرة من بعد الخطوبة
إيه الخبر الجميل بزيادة ده اللهم بارك
الله يبارك فيك يلا ستي شدى حيلك أنت والواد أخويا وأجي أباركلكم على النونو الجديد كده بإذن الله
قولت بضحك وماله يختي قولي ل أخوك يتلحح كده وينجز
سمعت صوته المحبب لقلبي وهو بيرد عليا ويقول
طب اجهزي عشان جاي عندكم في الليل بإذن الله والله مش هكسرلك كلمة
ولسوء الحظ يونس سمع آخر جملة قولتها عشان الهانم كانت فاتحة الاسبيكر وهي في المطبخ
قولت ب صدمة وأنا لسه بستوعب إنو سمع كلامي
استني يا هندسة والله كنت بهزر منك لله يا سارة
استني إيه تاني داخلين
مكنتش لاقية رد مناسب حقيقي ليه استني بجد عايزة إيه أكتر من راجل فعلا بيفهمني وبيحبنى وبيخاف عليا أكتر من نفسه ومش مجرد كلام أفعاله البسيطة أثبتت ليا ده وقدر يكسب قلبي من أول جولة
فوقت من تفكيري وسرحاني على صوت سارة وهيا بتقولي
فرح روحتى فين يا بنتي
آسفة والله يا سارة سرحت شوية
قولي إنك موافقة يلا
موافقة على إيه بس
على اللي يونس هيقولك عليه لما يجي
طب مش لما أعرفه الأول
يا غبية يا غبية بجد
ضحكت وقولت متشكرين يا أم لين متشكرين
طب يا ذكية هقفل أنا عشان لين بتعيط سلام
ماشي يحبيبي سلام
خرجت أقول ل ماما إن يونس جاى لقيت البيت كله عارف وأنا المغلفة اللي في النص حاسه فيه حاجة هتحصل يلا أروح أجهز
مش قولتلكم حاسه فيه حاجة هتحصل طب النهاردة كتب كتابي آه والله أنا مصدومة زيكم تماما
كان يوم مختلف بكل تفاصيله من أول لحظة فيه مشاعر كتير متلخبطة ما بين سعادة و خوف وشوق وتوتر وحب ومع ده كله أنا متطمنة بوجوده
قررت أنا ويونس
كتب كتابنا يكون في مسجد منطقتنا الرجال تحت والنساء فوق
اخترت فستان بسيط يشبه الفراشة
خمار جميل وساتر وأناشيد هادية
وهدية بسيطة للمعازيم القريبين مننا واللي بيحبونا بجد
مش كنت بتقوليلي هو مجاش ليه لغاية دلوقتي
ضحكت وأنا بفتكر السؤال اللي قرفتها بيه وقولت
ما خلاص بقا عفونا عنه يا ست ريم
بصتلي وعيونها كلها دموع وقالت
مش متخيلة إنك عروسة وواقفة قدامي بفستانك شكلك حلو أوي بجد
بصلتها بعد ما عيني دمعت
طب بتعيطي ليه دلوقتي يا بت بقيت نكد زيي ولا إيه
ضحكت وقالت لأ يا ست هما قالوا لازم تعيطي في اللحظات دي
بصتلها بغيظ بقا كده ماشي يا ريم
قربت وهيا بتدعى ربنا يتمم لنا على خير
شوية هدوء وأنا سامعة يونس بيردد ورا المأذون وبيقول أعاهد الله والحاضرين أن اتقي الله فيها وأن اعاملها معاملة الإسلام
وبرغم توتري كانت جملة كفاية إنها تتطمن قلبي ل سنين لقدام بس سبحان الله والله لحظات كتب الكتاب مهيبة سبحان من وصفه ب الميثاق الغليظ
بعدها
أول ما سمعنا صوت المأذون بالجملة دي ماما والستات الموجودين و طنط مروة وريم وسارة زغرطوا وأنا لسة مش مستوعبة إن خلاص بقيت على اسم واحد تاني!
بعد المباركات الناس بدأت تقل وكله طلع بره ولقيت يونس جاي عليا ب ابتسامته اللي خطفت قلبي
سألته بإستغراب
بتبص حواليك ليه نسيت حاجة
بصلي وهو بيقول آه في حاجة تايهة مني
استغرابي زاد وأنا بسأله
نسيت إيه
بصلي وقال بكل حب
نسيت قلبي معاك ممكن ترجعيه
طب ده يترد عليه ب إيه بجد!
مبسوطة
رديت بكل تلقائية وحب وقولت
طايرة من الفرحة بجد
ابتسم وقالي فرحتي النهاردة متتوصفش يا فرح
حاسس إن نجمة من نجوم السما بقيت ملكي
محدش فرحان قدى يا يونس تعرف لو زمان كان اتقالي إنك هتكون من نصيبي مكنتش هصدقه حقيقي أنت عوض ربنا ليا ونعمة كبيرة هفضل أشكر ربنا عليها
مبارك عليا وجودك في حياتي يا كل حياتي
جملت في عيني الحياة جميعها
وزرعت زهرا نابتا في داخلي
أنت الذي
بين الورى
يا أول الأحباب بين أوائلي
انتهت
بقلم ندى عمر
