سكريبت كامل بقلم سلمى بسيوني

_اتعاكستي وأنت معاه في الشارع وسألك أتصرف إزاي !!
قلت ببزهق
_أيوا يا سارة.
ضحكت بصوت عالي لدرجة مكانتش قادرة توقف.
_سارة متعصبينيش !!
_آسفة آسفة بجد طب وبعدين.
_رميتله الدبلة في وشه وسبته ومشيت.
_طب والله كوين.
_هو أنا نحس دي تالت خطوبة تتفشكل يا سارة.
_يا حبيبتي هم إلي مش رجالة !! 
_أشمعن بيقعوا في حظي أنا !! أنا شكلي هفضل كدا ومش هتجوز بقى هعتزل حياة الكبار دي عشان صعبة عليا.
_طب صلي على النبي بس أنت فين حالا!!
_عليه أفضل الصلاة والسلام أنا في الشارع جيالك البانسيون أهو بس مقدرتش أصبر حاسة الكلام هيفجر دماغي ويطلع.
دا بيقولي أتصرف إزاي وأعمل أي أعمل راجل يلا اعمل راجل !!
كنت ماشية حاسة عفاريت الدنيا كلها بتتنطط في وشي فجأة خبط في واحد.
_في أي أنت كمان !! واضح إن كلكوا دماغكوا تعبانة أو متخلفين عقليا مفيش تفسير تالت.
بصلي پصدمة وقال بمنتهى الهدوء إلي في الدنيا
_هو أنت مچنونة
أتعصبت أكتر
_مجنونة مين دا أنا أعقل من عشرة زيك قال مچنونة قال صنف يشل.
سيبته وكملت مشي لحد ما وصلت للبانسيون لقيت سارة مستنياني برا حسيت نفسي هديت شوية أنا هنا خلصت السنة الرابعة في كلية فنون جميلة بحب الرسم أوي واللوح والألوان جزء مني أما بقى إلي حصل دا فدي ثالث خطوبة تتفركش ليا ولحد حالا ملقيتش الراجل المناسب وتقريبا كدا يأست دخلت أوضتي في الدور التاني للبانسيون وإلي ليه بلكونة كبيرة وخداها لحسابي تقريبا وقاعدة برسم فيها طول الوقت. 
غيرت هدومي وقعدت في البلكونة سرحانة أنا محتاجة.. محتاجة آيس كوفي. 
نزلت تحت لقيت أبلة نعمة قاعدة في المطبخ قعدتها المعتادة.
_مساء الخير يا أبلة نعمة.
_مساء الفل يا هنون مالك!
شاورتلي على الكرسي الي قدامها بحنان فقعدت
_

حياتي ملغبطة شوية يا أبلة نعمة.
أخدت بق من مج القهوة بتاعها
_لو معندكيش مانع تحكي أنا سمعاك.
_حاسة أني مش قادرة أتكلم.
بصتلي بتأكيد
_فعلا
_أكيد.
بعد دقايق
_بس يا ستي وروحت رمياله الدبلة في وشه ومشيت وسبته ومن وقتها مبطلش رن على التليفون.
أبلة نعمة دي غريبة تبص في وشها بس تحس أنك عايز تحكي قصة حياتك كلها 
_هو أنا وحشة يا أبلة نعمة
_أخص عليك دا أنت زي القمر.
_أمال حظي عامل كدا ليه!
_الجواز مش حظ يا هنونة الجواز نصيب أنت قولتي إن ليك معايير معينة للراجل إلي هيدخل حياتك قولتيلي إنك رفضتي الأولاني عشان بېدخن والتاني تقريبا كانت امه بتدخل في كل شيء 
_اخته
_مش كانت امه من قديم الأزل
_لا دا update.
_طيب أهو دا كمان مش مناسب والثالث معندوش نخوة وعمرك ما هتحسي معاه بالأمان.
واحدة تانية عشان متحسش إلي أنت حاساه دا هتقبل بأي واحد من ال٣ وتتغاضى بس أنت واعية وعارفة أنت عايزة أي ومعاييرك مش عايزة تتنازلي عنها طريقك هيبقى مختلف عنهم محتاجة تثقي في نفسك ومش عشان علاقة منجحتش يبقى أنت وحشة.
_تلاتة يا أبلة نعمة دول تلاتة.
سكتت للحظة وكملت بعدها
_حاسة أني بجري ورا وهم واحدة زميلتي في الجامعة قالتلي كدا بعد تاني خطوبة إن المواصفات إلي في دماغي دي معادتش موجودة دلوقتي وإن استحالة ألاقيها في راجل.
_مفيش حاجة اسمها استحالة ما هو أنت كان أستحالة والدك يوافق تبعدي عنه وكان استحالة تدرسي فنون أصلا مفيش حاجة بعيدة ولا مستحيلة بس أنت متتسربعيش النصيب بيجي في ميعاده ركزي في حياتك ووقت ما يجي استقبليه بكل حب.
ابتسمتلها بحنان الست دي كلامها في حاجة غريبة تكونش عندها قدرة سحرية !!
بعد رغي طويل معاها قمت وأنا مرتاحة هي دخلت تنام وأنا قمت أعمل
الآيس
كوفي
بتاعي.
أخدته وطلعت للبلكونة كنت سايبة فيها لوحة مكملتش وفي آخر ليالي الصيف شغلت ميوزك واندمجت في الرسم ومحستش بنفسي إلا وتليفوني بيرن كانت رنا البيست فريند.
_روني عاملة أي يا حبيبتي.
صړخت بفرحة من غير مقدمات
_حددنا ميعاد الفرح.
_بتهزري!!
ضحكت بفرحة وهي بتكمل
_والله بجد مش مصدقة أنت راجعة إمتى بقى عيزاك معايا !
_لسه مخلصة امتحانات امبارح أهو.
_مرجعتيش ليه
_بكرا الجمعة بقى وهنقضيه مع بعض في السكن فهودعهم وأنزلك على طول.
_أتفقنا.
فضلنا نزغي كتير أوي لحد ما نمنا إحنا الأتنين.
صحيت تاني يوم من بدري وبدأت أحضر شنطي خلاص الأجازة بدأت وهرجع الشرقية مش عايزة أسيب البانسيون خالص ولا عايزة أسيب البنات هنا ولا أبلة نعمة رخامة كل أجازة أهي بقى.
اليوم كان تحفة وكان عيد ميلاد سارة أقرب واحدة ليا في البانسيون إتغدينا وعدينا اليوم عادي ولا أكن في حاجة ودخلنا المطبخ والمواعين كانت بتاعتي أنا وفيروز خلصنا المواعين والشاي سارة عملته وقعدنا نلعب كوتشينة كلنا أغلبنا كان مسافر بليل فكنا بنودع بعض مش بس قاعدين سوا بليل دخلنا أنا وفيروز وخرجنا بالتورتة بتاعت سارة في جو جميل أوي إحتفلنا بيها كانت ليلة جميلة أوي أصعب حاجة فيها إني أتحركت وسيبتهم بعدها بكام ساعة أخيرا وصلت الشرقية بابا وماما وحشوني أوي.
أتصدموا أني سيبت أحمد خطيبي بس لما فهموا السبب عرفوا أني أخدت القرار الصح فات يومين وكنت قاعدة سهرانة بليل وبرسم رنا رنت عليا وعرفتني إنها عيزاني معاها قبل الفرح بإسبوع في البيت الكبير بتاع جدها عشان التجهيزات عرفت أهلي ومع بداية التجهيزات كنت معاها.
مكنتش مصدقة إن صحبتي عروسة وصلت البلد عندهم يومها بليل وكنت تعبانة من الطريق وأصرت أتعشى معاهم ولإن جوزها ابن عمها فأغلب الموجودين أعرفهم إلا واحد سلمت عليهم واحد واحد ولما قربت عنده بصيتله بغرابة
_أنا حاسة أني شفتك قبل كدة !!
_المجنونة
_هو أنت !
رد يحيي خطيب رنا صاحبتي
_أنتوا تعرفوا بعض يا هنا 
_إحنا خبطنا في بعض بشكل أصح بس الفنانة كانت أعصابها تعبانة شوية.
_لو متعدلتش في الكلام معايا ..
قاطعتني رنا 
_هدوا يا جماعة أكيد سوء تفاهم صلو على النبي كدا.
صلينا على النبي بصيتله بعدم رضا وأنا بقول لرنا
_وديني أوضتي يا رنا عايزة أنام.
_مش هتتعشي معانا 
_نفسي أتسدت.
طلعنا فوق وهي بتتكلم
_يا بنتي دا خالد ذوق جدا بس تلاقيه سوء تفاهم بس.
_ طب سيبك منه دلوقتي بقى
_حاضر ها جبتي حاجتك معاك.
استهبلت
_حاجة أي 
_بتهزري يا هنا صح!
_بهزر بهزر متقلقيش 
خبط على شنطة السفر الي قدامي
_ كلها هنا.
بصتلي بحماس أصل أنا هرسم فرحها مش هصوره لأ هرسمه بدأت الموضوع دا من أجازة الصيف في سنة ثالثة القرايب بقوا يطلبوا مني أرسم أفراحهم لحد ما الموضوع بقى مهنة بمارسها في الأجازة وكمان بصور وأنزل على انستجرام لحد ما أتشهرت والموضوع بقى شغل بالنسبالي ودلوقتي هرسم فرح أغلى صحباتي على قلبي.
_كلمتي أحمد عايزين نعرفه من بدري أحسن يجي بقى يوم الفرح يقولك أصل مشغول ومش عارف أي
_على طول مشغول صح
حست أني زعلت فحاولت تخفف عني
_أكيد بيعمل عشانك بردو.
_إحنا سيبنا بعض!
_نعم! 
_آه والله.
حكيتلها الموقف كله 
_أي بنتي دا !
_والله دا إلي حصل.
وهي بتخفف عني
حبيتيه ولا لأ.
_ أتنيلي هو أنا كنت لحقت يا بنتي !! دا معداش شهرين على الخطوبة إحنا كنا بنتعرف المشكلة دلوقتي مش فيه ربنا يسترها على إلي هيبقى نصيبها أنا غالبا أعتزلت حياة الكبار خالص.
_بس يا بت متقوليش كدا أنت آه أختياراتك زفت بس أكيد نصيبك متشال.
_ولله ولا عاد فارق معايا أنا
سيبت الموضوع لله أنا
أصلا مش
عارفة كنت مركزة زيادة