سكريبت كامل بقلم سلمى بسيوني
ليه كدا.
_بس أنا مبسوطة بيك حساك كبرتي كدا وعقلتي.
_هو أنا كنت مچنونة!
_الصراحة آه.
_أستني أضحكك عليا بقى بعد ما سيبت أحمد ومشيت عفاريت الدنيا كانت بتتنطط في وشي مش عارفة خالد دا طلعلي منين أنا خبط فيه من هنا وفتحت دبش متتخيليهوش وهو أول حاجة جت على لسانه هو أنت مچنونة.
فضلنا نضحك إحنا الاتنين فكملت كلام من وسط ضحكتي
_لسه مستوعبة حالا إلي عملته والله.
فضلنا نرغي طول الليل ونمنا متأخر وصحينا بدري بطلعوع الروح عشان في حاجات كتير ناقصة ومحتاجين نشتريها نزلنا أنا وهي نساعد في الفطار وطلعت أمد السفرة الكبيرة لقيته قاعد برا.
كنت لسه صاحية وأنا أول ما أصحى بحتاج ساعة كدا أستوعب أني عايشة أصلا فكنت مكشرة ومصدعة
_مش لايقة عليك العصبية على فكرة جربي تبتسمي هتبقى أحلى بكتير.
_ما تقوم تشغل أيدك معايا بدل ما أنت قاعد كدا !
_ يا سلام !! عيوني.
قام وساعدني ومبطلش يرخم عليا بدأت أفوق أخيرا وهم بيطلعوا الأكل دخلت المطبخ أعمل آيس كوفي رنا ووالدتها كانوا في المطبخ.
_صباح الخير يا هنونة.
_صباح النور يا طنط هي فين القهوة عايزة أعمل آيس كوفي.
_هتلاقيها عندك في الرف دا
شاورتلي على الرف فأخدت برطمان القهوة فكملت
_معلش يا هنونة اعملي لخالد معاك لحسن مش بيعرف يفطر من غيره أصله نزل يجيبلنا عيش.
سيبت المج وحطيت إيدي في وسطي
_ طب أنا محسوبة على العيلة عشان أنا متربية وسطكوا مين خالد إلي حاسبينه عليكوا واحد دا.
سمعته فجأة جاي من ورايا بيبصلي بعيون ضيقة
_العيش أهو يا طنط سميرة.
سابنا وطلع لبرا وهو بينفخ
ضحكت وقالتلي
_لا يختي هو واحد مننا فعلا دا ابن عم رنا ويحيي ابوه أخده هو واخواته من صغره واتغرب يشتغل بره مكانش عايز يبعدهم عنه هم هينزلوا أجازة عشان الفرح بس
حسيت الأرض هتتشق وتبلعني فعملتله مج معايا طلعت وقعدت بينه وبين رنا على السفرة حطيت المج قصاده فابتسم
_تعبتي نفسك ليه أنا كنت هعمل.
_حبيت أصلح سوء التفاهم يومها أعصابي كانت تعبانة شوية.
_وإلي قلتيه في المطبخ
قلبك أسود
_بتقولي حاجة
_لالا فضول بس مش أكتر.
ابتسم وهو بياخد المج من قدامه
_ماشي يا فنانة لما نشوف آخرتها معاك.
عدلت طرحتي وسكت لاحظت إن كلهم ساكتين ومركزين معانا فالقهوة وقفت في زوري وفضلت أكح.
رنا خبطت على ضهري بشويش وناولتني كوباية مياة
_ما كل واحد في طبقه يا حبايبي البنت ھتموت منكم.
الكل ضحك وهو بصلي
_الف سلامة تسلم إيدك طعمه تحفة.
_بالهنا يارب.
غمزلي
_يارب.
وشي بقى شبه الطماطم !! ماله الواد دا !!
قمت وخبط رنا في ضهرها
_ هقوم بقى ألحق أجهز عشان هنلف كتير النهاردة.
همستلي
_أي !! لسه مخلصتش أكل !!
ضړبتها تاني فقامت ورايا وطلعنا فوق.
_يا بنتي واضح أنه معجب بيك
_أنا مش مرتاحاله هو لازم يجي معانا.
_لازم طبعا دا أقرب حد ليحيي.
خرجنا واليوم كان مرهق جدا.
_يا رنا والله الهيلز دي حلوة ولايقة جدا على الفستان.
_مش حساها.
_ يعني أي مش حساها دي عيبها أي يعني مش فاهمة
_مش عارفة.
حطيت إيدي على راسها وكبرت ٣ مرات ويحيي وخالد واقفين فصلوا من الضحك.
شيلت إيدي ووريتلها الهيلز تاني
_ها أي رأيك.
_أوكي أقتنعت.
عبيطة أنا مصاحبة بني آدمة عبيطة.
لفينا كتير كانت معانا والدة رنا كمان شوية مفارش على شوية هدوم ورفايع اليوم قضى علينا
عدينا على أتيليه فيروز صاحبتي من البانسيون أشتريت فستان روعة من تصميمها للمناسبة المهمة دي
بعد يوم طويل من اللف والتعب روحنا واتجمعوا بنات البيت يشاركوا بعض اشتروا أي
النهاردة كل
وكل واحدة متحمسة
لليوم والفرحة مالية قلب الكل لدرجة واحنا قاعدين سقفنا وزغرطنا وغنينا للعروسة وفرحناها والبيت كله سمع دوشتنا..
الدوشة الحلوة..
دوشة اللمة والفرح.
الكل نام والأنوار انطفت طلعت على سطح البيت مجهزينه القعده فيه تحفة الخيوط الطارة الآيس كوفي وصوت الست في الخلفية..
كله مظبوط قعدت وبدأت أكمل الطارة في الليلة الهادية دي.
_أي الروقان دا كله
حطيت إيدي على قلبي لما وصل لعندي هو وصوته.
_خضيتني يا خالد.
_أنت إلي قلبك خفيف بس.
شد كرسي وقعد
_قاعدة بتعملي أي متأخر كدا.
خبيت الطارة بعيد عن عينه فبصلي بشك.
_أي سر حربي
سكت وعيني متركزة عليه فكمل
_وريني ومش هقول لحد بجد.
قربت وطلعت الطارة إلي خلصت نصها تقريبا والنص التاني لسه مرسوم.
_واو !! أنت..عملتي التحفة دي!!
ابتسمت وأنا ببصلها
_هي متعبة أوي ومبحبش أشتغل طارات بس كله يهون عشان عيون رنا.
ابتسامتي اتمسحت ورفعت صباعي قدام وشه
_بس دي مفاجأة أوعى تعرف رنا أو يحيي.
_سرك في بير!
بصيتله بشك فكرر
_ما قلنا سرك في بير بقى أي شيفاني خالتك اللتاتة
_أنت متأكد إنك كنت عايش برا
ضحكنا إحنا الإتنين.
_بحب مصر أوي هي صعبة ومرهقة أوي بس بحبها والحمدلله أني لقيت شغل كويس هنا عايز أكون هنا جنب عيلتي ضيعنا وقت كبير أوي بعيد عنهم بحاول أقنع أهلي وأخواتي بس لسه مش موافقين ينزلوا نهائي.
_الغربة بتقسي بردو بس للأسف هو دا الحل مش كل الناس هتكون محظوظة بشغل كويس هنا سيبهم على راحتهم هم شايفين إلي أنت مش شايفه وأنت شايف إلي هم مش هيشوفوه.
_ومين فينا الصح
_مش شرط يكون حد صح وحد غلط المهم كل واحد يكون مرتاح ومبسوط بإختياره يعني أنا في أول شغلي كان في ناس بتتريق عليا أنا برسم أفراح
_أنا
بصيتله بغرابة عرف منين
فبقيت بسمع تعليقات عجيبة هو مين إلي هيطلبك ترسيمي فرحه هو في حد هيرسم فرحه أنت يومين وهتزهقي هم كانوا شايفين حاجة أنا مش شيفاها وأنا شايفة إلي هم مش شايفينه ومازال على فكرة في منهم ناس لسه متأكدين إني بنت لاسعة معاها قرشين محيرينها مضيعاهم على اللوح.
ضحك وربع إيده ولص للسماء
_الغريب إن مهما عملتي مش هترضيهم فدول بنسيبهم يتكلموا ومبنتعبش نفسنا في نقاش معاهم.
_ دي حقيقة.
فضلنا نرغي ونضحك لحد ما الفجر أذن ومحسيناش بالوقت قمنا وإحنا الإتنين صلينا ونمنا وضحكتنا من هنا لهنا.
صحيت تاني يوم الكل فطر وجهز عشان ننزل نكمل شوبينج جيبنا باقي المفارش وعملنا بروڤة لفستان عروستي وجيبنا هيلز ليا تليق على فستاني الأحمر.
في نص اليوم كنت ھموت من العطش كنت لسه هشتري مياة لقيته قدامي
_أي دا أنت طلعت منين
_جبتيلك آيس كوفي وجيبتلهم حاجات ساقعة أكيد عطشتوا.
ناولني الآيس كوفي في إيدي وكمل
_قولت أرد جميل إمبارح.
_شكرا يا خالد.
طلعت رنا من المحل
_أنتوا فين يا خالد برن على يحيي بقالي كتير مش بيرد.
خبط راسه بلغبطة
_دا تليفونه معايا إحنا عند الترزي في بروڤة البدلة جنبكوا هنا أنتوا خلصتوا
_فاضل حاجات بسيطة وواقعين بصراحة.
طب خلاص هرجعله نخلص ونيجي ناخدكوا.
وفعلا معداش عشر دقايق كانوا عندنا أتغدينا وروحنا وإحنا مش قادرين نتحرك ارتاحت شوية وبليل البنات اتجمعت ننظم الحاجة عشان حاجة العروسة كلها هتتنقل بكرا ولما الكل نام طلعت الروف أكمل الطارة والحمد لله مصحاش المرة دي رغم أني كنت أتمنى قعدة لذيذة زي امبارح تاني.
أنجزت شوية في الطارة ونمت متأخر.
صحينا تاني يوم بنجهز للفطار لقيناه جاي من برا باين عليه المجهود.
لما قرب يحيي ندهله قبل ما يطلع
_أنت فين
بدري.
_نزلت أجري شوية أنت عارف بقالي كام
يوم مبروحش الچيم فقلت
أجري النهاردة شوية على الأقل.
_طب خد
