سكريبت كامل بقلم سلمى بسيوني
دش وأنجز متتأخرش على الفطار
قعدنا نفطر وجه هو متأخر معاه مجين آيس كوفي ضحكت وأخدته من إيده
_شكرا تعبت نفسك.
ابتسملي ومردش بس بعد شوية
_مين إلي عامل طاسة البيض الرهيبة دي
رنا ردت
_دي هنونة نفسها حلو أوي في المطبخ
_تسلم إيدك طعمه جميل أوي.
_بالهنا يارب.
_أيوا إدعيلي كدا على طول
_بأيه
_بهنا ....قصدي بالهنا يعني.
عايز أي دااا !!
بعد الفطار كنا في المطبخ وهو برا في الطرقة سمعته وهو بيتكلم في التليفون
_حبيبتي عاملة أي
حبيبته عنيا وسعت بعدم تصديق!
_وأنت كمان وحشاني أوي
دا أنت نهارك أسود
_باكل كويس والله متقلقيش
قلقانة عليه كمان!
_أنتوا جايين إمتى بقى يا ماما وحشتوني جدا
ماما!!
دا أنا قلبي وقع.
قلبي وقع !
أي الخيبة دي!!
العربيات وصلت وصحاب العريس بدأوا يحملوا كل حاجة عليها لحد ما خلصوا وشغلوا أغاني وهيصوا يحيي وفرحوه وإحنا واقفين فوق في البلكونة نظراتنا أنا وهو رايحة جاية كأنها بتتكلم ابتسم فيضحك..
أتكسف وأبعد عيني..
فيعمل فيها مش هنا...
اليوم خلص بدري والكل أتجمع في الجنينة بليل بنلعب كوتشينة كلنا مبسوطين وبنضحك لحد ما طلعت واحدة مش عارفة منين.
_صحيح هي خطوبتك أتفركشت يا هنا
أتصدمت من السؤال بس أنا عندي مناعة من الخطوبتين إلي فاتوا
_أيوا يا طنط الحمدلله.
_أي يا حبيبتي دا بس دي تالت خطوبة بختك وحش ليه كدا !!
رنا أتعصبت وكانت هترد بس بصيتلها بكل برود ورديت
_مع احترامي لحضرتك بس أنت مين عشان تسألي سؤال زي دا
ثم إن الجواز رزق ونصيب مش بخت ولا حظ يا طنط مش عارفة واحدة في سن وخبرة حضرتك إزاي متعرفش حاجة زي دي!
سكتت ومرديتش عليا وقمت أنا تليفوني كان بيرن وكان أحمد خطيبي السابق
_هو أنا مش قلتلك مترنش عليا تاني !!
حاجتك تروح تاخدها ومش عايزة أشوف
قفلت في وشه وأنا باخد نفس عميق بضيق لقيت خالد ورايا
_حد دايقك ولا أي
_لا ..لا متشغلش بالك.
التليفون رن تاني فنفخت بخنقة لقيت خالد أخده من إيدي ورد
_هي مش قالتلك متتصلش هنا تاني ولا أنت بهي م مبتفهمش.
قفل في وشه فاتعصبت زيادة
_أنت أي الي خلاك ترد
_أنا...
_أنا أديتك الحق دا !!! أنت بتدخل في حياتي ليه!
كله بيتدخل في حياتي ليه !! وبدون أي وجه حق !!
سحبت تليفوني من إيديه وطلعت أوضتي كنت مخڼوقة وعلى آخري صليت العشاء ونمت صحيت الساعة ١٢ بليل قلت مضيعش وقت وأخدت الطارة وطلعت الروف شغلت الست وبدأت تاني
فاضلي فيها حاجات بسيطة معاييش آيس كوفي
ومش عايزة أنزل أعمل لأقابله سي خالد سهار الليالي.
يارتني جبت سيرة مليون جنية لقيته طالع وفي إيده مجين آيس كوفي أستحاله أسامحه أحسنله ميحاولش.
_أحم مساء الخير.
سكت ومرديتش عليه.
_ميبقاش قلبك أسود بقى
سحب كرسي وحط إلي في إيده على الترابيزة إلي قدامي.
_دا أنا جايلك شايل آيس كوفي على إيدي وحافي.
كنت ھموت وأضحك بس مسكت نفسي وكملت تطريز وكإني مش شيفاه فسكت خالص وعم هدوء مع نسمة هوا لذيذة.
_أنا آسف أني أتدخلت بالشكل إلي دايقك دا عارف أني غلطان بس أتعصبت من طنط حشرية دي وجه البتاع إلي رن عليك دا عصبني زيادة مكنتش عايز أدايقك أبدا.
_تتعصب بتاع أي أصلا المفروض أنا إلي أتعصب مش أنت وبعدين ....
قاطعني بهدوء
_لما خبطت فيك في القاهرة مكانتش أول مرة أشوفك.
سبت الإبرة وبصيتله
_أنا متابعك على إنستا من زمان على فكرة وبحب فنك وضحكتك وطريقتك وكلامك وهزارك وحتى لما شفتك في الشارع بالزعابيب بتاعتك دي شفت جانب تاني فيك حبيته
أكتر.
ولما شفتك هنا حسيت إن دي إشارة من
ربنا يا هنا.
أتوترت قلقت أنا
عايزة أطلع أجري.
_إشارة لإيه
_هو أنت عبيطة ولا بتستعبطي أنا واضح جدا على فكرة أنا أخدت إشارتي من ربنا هستنى أشارتي منك يا هنا.
خلص الآيس كوفي مع نهاية كلامه وقام عشان ينزل
_ابقي نزلي المج معاك وأنت نازلة عشان طنط سميرة لو طلعت الصبح لقته هنا هتهزق.
خلص كلامه بيها كأنه كان بيتناقش معايا عن أسعار القهوة مثلا هو مچنون
ساب السويت شيرت بتاعه على الكرسي
_خليه هنا الجو شوية كدا وهيبرد ابقي البسيه ومتكابريش.
مش هلبسه على فكرة هه
بعد شوية الجو سقع فعلا بصيت عليه بطرف عيني.
طلع بيدفي أوي على فكرة.
أنا مبسوطة مبسوطة انبساط مستغرباه مرتاحة أوي في الكلام معاه لما بشوفه قلبي بيضرب زي سارينة الأسعاف بس في حاجة جوايا بتقولي فرملي مش دلوقتي ومش فاهمة سبب دا بس ...بس أنا مبسوطة.
عدى يومين أتسح لنا في تجهيز الشقة فيهم وشړا الطلبات وطبعا مخليوش من تلميحاته واهتماماته ومجات آيس كوفي رايحة جاية وسهر على سطح البيت معاه هو والطارة والخيط والست أم كلثوم.
ضغطت نفسي فيهم وخلصت الطارة.
ليلة كتب الكتاب إديت الطارة لرنا إلي طارت بيها من الفرحة !!
_أنت بتهزري !!! لحقتي إمتى دا أنت لسه مخلصة امتحانات!!
_كله يهون عشان الفرحة إلي شيفاها في عينك دي.
بفرحة وحماس لبكرا ...بكرا كتب الكتاب.
_يا الله !! الفستان مقطوع يا هنا.
_طب أهدي بالله عليك أنت بسيطة.
_بسيطة أي كتب الكتاب النهاردة الميك آب آرتيست على وصول والجنينة تحت بتجهز.
_ممكن تاخدي نفسك وتهدي
أنا هنزل حالا هوديه عند واحدة هتظبطهولك هتخلصي ميك آب هتلاقيني قدامك أهدي بس وكله هيبقى تمام.
هديتها لبست أي حاجة بسرعة ونزلت جري قولت لخالد ووصلني كنا بنسابق الوقت حرفيا ورنا طول الوقت معايا على التليفون.
خلصنا أخيرا وراجعين في
_مغيمة جامد شكلها هتمطر.
_معتقدش إحنا لسه في أواخر الصيف.
_لو مطرت تبقى أشارة كمان.
بصيتله بطرف عيني وسكت وأنا ببتسم.
وصلنا على ميعادنا بالظبط طلعت الفستان لرنا كانت فاضل حاجات بسيطة وتخلص ميك آب.
_شكلك تحفة.
عيوني دمعوا وأنا ماسكة إيديها وكانت هتدمع هي كمان بس البنت زعقتلنا بخفة
_والله ما ينفع تعيطوا في اليوم الحلو دا.
_يعني مش عشان الميك آب ميبوظش
_تؤ تؤ عشان اليوم.
ضحكنا إحنا التلاتة وبنات العيلة أتجمعوا في الأوضة ورقصنا كلنا مع رنا وعيوني مش مصدقة إلي شيفاه.
الكل راح يلبس وأنا ساعدتها لحد ما جهزت تماما ويحي طلع يشوفها مكانش مصدق حب طفولته قدامه أحلى عروسة.
أخدها ونزلوا وساعتها أستوعبت أني لسه ملبستش أصلا جريت بسرعة على ما يبدأوا تصوير لبست سوت هادية وميك آب خفيف.
نزلت لقيتهم لسه بيتصوروا أتصورنا كلنا وباقي المعازيم وصلوا وبدأ كتب الكتاب.
بارك الله لكما وبارك عليكما وجمع بينكما في خير
كررناها ورا الشيخ ٣ مرات أختي وصاحبتي أتجوزت حب عمرها أخيرا بعد كل الخطط والسهر والخناق والفراق خلاص مش هيفارقوا بعض تاني زغردتلهم وأنا أغلب البنات
الكل بدأ يبارك قربت منها وعنيا مدمعة بفرحه وعنيها مدمعة
_أنت والوحيدة إلي عارفة كل حاجة وشاهدة على القصة من أولها.
مسحت دموعي
_أنا فرحانة لك بشكل !! ألف مبروك حبيبتي ربنا يرزقكوا السعادة طول العمر.
الحفلة بدأت والكل هاص فرحتهم مكانتش عادية قصتهم كانت صعبة أوي وفرحتهم كانت قد صعوبتها الليلة كانت حلوة أوي والمعازيم بدأوا يخفوا واحدة واحدة لحد ما تبقى أهل البيت إلي الفرحة مالية قلبهم كلنا مهيصين ومبسوطين بس فجأة الدنيا بدأت تمطر !!
بصيت لخالد
وضحكت أنا وهو في وقت واحد وأنا قلبي بيدق.
رحت
بسرعة ومسكت
_أوعي تنكدي
على نفسك هتبقى ذكرى حلوة أوي.
ضحكت وهزت راسها وكملت فرحتها مع جوزها وكله هيص بعد ما كنا
