سكريبت كامل بقلم سلمى بسيوني
خايفين من رد فعلها.
الكبار كلهم دخلوا البيت وشباب العيلة بس هم إلي كانوا موجودين كلنا أتجننا مع بعض تحت المطر مع كلمات فيروز
شو كانت حلوة الليالي..
مكناش عاملين حساب الجنان دا كله ولا فكرنا ولا حسبناها بس كنا مبسوطين كلنا مبسوطين من قلبنا بجد وكنا متأكدين إن اليوم دا مش هيتنسي وإحنا بنقول كلنا في صوت واحد والمطر مغرقنا
آه يا سهر الليالي ....آه يا حلو على بالي
غني آه ...غني آه ..غني على الطرقات
آه معملناش حساب دور البرد الجماعي إلي أخدنا.
خرجت من المطبخ أنا وخالد وفي إيدينا صنيتين مليانين كوبايات ليمون سخنة وزعناهم على بعض وإحنا متكدرين واحد معاه علبة مناديل والتاني كيس دوا كبير قعدنا كلنا جنب بعض وكلنا ساكتين بصينا لبعض وأنفجرنا كلنا من الضحك فجأة ضحك هستيري سمع بينا البيت كله نمنا كلنا الليلة دي وإحنا مهيسين عشان نستعد لليلة الأجن حنة البنات
ليلة الحنة كمان عدت وأغلبنا خف من البرد
وبدأ الكل يجهز للفرح.
يوم الفرح الصبح لقيت خالد باعتلي صورة العربية بعد ما زينها بالورد
_ها حلوة بفكر أزود أورجانزا عند إيد الأبواب
_هتبقى أحلى فعلا جرب كدا ووريني.
بعدها بدقايق بعتلي تاني
_بقت تحفة !!
لبست فستاني الأحمر وهيلز سمرا شمواه وميك آب خفيف جهزنا رنا سوا كلنا في جو كله فرحة وهيصة نزلت على
_أي الجمال دا كله !!
اتكسفت فرديت بسرعه وأنا بعدل الطرحة
_شكرا يا سيدي نادي على يحيي يطلع ياخد ندى بقى هنتأخر على السيشن.
يحيي جه بعد ما كلنا جهزنا فرحتهم كانت مطلعة فراشات في الجو وفي قلبنا والله...
وصلنا القاعة قابلت بابا وماما هناك
جهزت لوحتي حطيت تليفوني عشان يصور الرسم وبدأت أرسم
كنت مبسوطة أوي وأنا برسمهم كنا لسه العصر بالنهار بدأت رسم في السيشن لما الساعة بقت ٧ التليفون شحنه قل جامد قمت أتلفت حواليا عشوائيتي هتوديني في داهية نسيت الباور بانك.
لقيت خالد قرب عليا بواحد فبصيتله باستغراب
_عارف إنك عشوائية وبتنسيه !
لما نشوف آخرتها معاك يا فنانة.
ضحكت بهدوء وأنا شيفاه بيبعد واحدة واحدة لقيت ماما قربت
_مين الواد دا! مشغول بيك كدا.
_لية بتقولي كدا !!
_عينه رايحة جاية معاك من أول الفرح.
ابتسمت بفرحة داريتها
_دا خالد ابن عم العريس يا ماما.
بعد ساعتين كمان خلصت اللوحة!
كانت تحفة !!
أخدتها وروحتلهم طاروا من الفرحة بيها لما شافوها الفرح هاص أكتر والكل أنبسط.
كان فرح جميل أوي عمري ما هنسى فرحتي وقتها بصاحبتي أو فرحتي باهتمام خالد كل شوية الفرح قرب يخلص والقرايب الأقلية بس إلي لسه موجودين قلعت الهيلز وعملت لازمتي المفضلة
_أتفضلي يا فنانة.
ضحكت وبدأت أرسمه أول ما شافها ضحك من قلبه وضعت أنت في ضحكته
_أعمل معاك أي طيب.
ضحكت والليلة كلها كانت بتضحكلي.
الفرح خلص ورنا بدأت قصتها وحياتها الجديدة مع يحيي ودعناها كلنا بالفرحة والدعاء.
رجعنا بيت العيلة عشان آخد بقية حاجتي بابا وماما استنوني تحت غيرت هدومي وجمعت حاجتي كلها طلعت على الروف أتأكد أني مش ناسية حاجة وأخدت السويت شيرت بتاعه
معايا وكأني كنت حاسة أني هقابله فوق
وفعلا لقيته
_خلاص هتمشي
بصيتله بأسف ومديت
إيدي بالسويت شيرت
_هنتحرك حالا.
_الأيام خلصت ومأخدتش إشارتي..
سكتت
للحظة وبعدين قلت بهدوء
_خالد أنا مبسوطة أوي لما ببص في عيونك بشوفني فيهم برتاح أوي وبطمن من وجودي جنبك بس الوقت هو المشكلة أنت عارف أني لسه خارجة من علاقة محتاجة أظبط دنيتي عشان مظلمش نفسي أو أظلمك معايا.
ابتسم وهز راسه
_فاهمك.
ودعني بعيونه
_عمري ما هنسى الكام يوم دول هيفضلوا أجمل أيام حياتي لحد ما يجي الأجمل منها وأنا معاك.
بصلي بعيونه
_هستنى إشارتي منك يا هنا
لما نشوف آخرتها معاك يا فنانة.
ابتسمت ونزلت أخدت حاجتي بصيت على
عدى كتير والدراسة بدأت تاني رجعت البانسيون أخيرا ولأبلة نعمة وصحباتي في السكن وسهرنا بليل سوا.
أول يوم دراسة لقيته باعتلي الرسمة إلي رسمتهاله فى الفرح وهو مبروزها ومعلقها عنده في البيت وكاتبلي
_الفن نور بيتي عقبال الفنانة.
سنة عدت! يمكن أكتر
بعتله دعوة حفلة تخرجي مع رنا.
ورسالة على الواتس
_هبقى مبسوطة أوي لو شاركتني فرحتي هستناك.
رد عليا
_اللهم صل على النبي !!
الإشارة وصلت يجدعان !!
ضحكت من قلبي لما شفت رده واستنيته في الحفلة بفارغ الصبر.
كنت لابسة الكاب والروب وواقفه بتصور وسط صحابي ورنا معايا لمحته من بعيد ماسك بوكيه ورد أحمر كان لابس بدلة تحفة سيبتهم وقربت لعنده كان جايب ٢ آيس كوفي ناولني واحد في إيدي فضحكت بفرحة وقولتله بشقاوة
_منسيتهوش بردو !!
بس خد بالك كتره بيتعب القلب.
_لا هو للحق حاجة تانية تعبالي قلبي وبحبها بردو!
ضحكت
_لا سلامة قلبك.
_في خريجة حلوة كدة
ضحكت فكمل كلام وهو بيتنهد
_ وحشتيني أوي سنة و٣ شهور يا مفترية هنت عليك
رديت بشقاوة
_ما أنا كان لازم أستنى عشان أنت متهونش عليا.
اتلفت حواليه
_أبوك فين خلينا نشوف آخرتها معاك بقى !!
_أكيد مش هتطلبني حالا وبعدين هيبقى أي آخرتها يعني!
_آخريتها مأذون مأذون وأتنين شهود إن شاء
كلامك حق يا نعمة وصل نصيبي في ميعاده وأستقبلته أنا بكل الحب
سلمى_بسيوني.
