سكريبت حضرة الظابط زوجي الوسيم بقلم اسراء ابرهيم
اسكربت
حضرة الظابط جوزي الوسيم
لا يا مرات عمي حرام عليكي ده عم معتز صاحب عمي وفي سنه اتجوزه ازاي بس
مني بعصبية والله ده اللي عندي وعمك وموافق شوفي بقي هتعملي ايه
ريم بدموع بس انا معملتش ليكي حاجة عشان تبيعيني بالطريقة دي انا كنت خدامة ليكي ولبناتك وربنا يعلم اني حتي عمري ما اشتكيت ازاي بس تعملي فيا كدة
مني بانفعال لا يا حبيبتي انتي مكنتيش بتخدميني لله وللوطن ده تمن اكلك وشربك وتربيتي ليكي السنين دي ولا نسيتي ان عمك جابك ليا وانتي لسة عيلة عشر سنين
ريم بسخرية وياريتك حتي رعيتي سني كنتي بتخليني اكنس وامسح وانضف وكمان بتضربيني لو في مرة غلطت غصب عني عموما انا ليا كلام مع عمي لاني مش هرمي نفسي الرامية دي
مني بغرور ابقي وريني هيقدر يعملك ايه انازم عاوزة اصدمك واقولك انه فرحان اكتر مني يلا قومي غوري من وشي يا عروسة الندامة
رسم قامت بحزن ودخلت اوضتها وفضلت تعيط جامد مكنتش متخيلة ان مني ممكن ترميها في جوازة زي دي كانت واثقة انها محتاجة لشغالة ليها ولبناتها فمش هتقدر تستغني عنها بس فهمت دلوقتي انها ضحت بيها عشانهم وفضلت تعيط طول الليل وتندب حظها عشان هتتجوز راجل قد عمها في السن وكمان صاحب عمره اللي كانت فاكرة حنيته عليها عشان شايفها بنته مش حاجة تاني
تاني يوم كانت واقفة ريم بعيونها المنفوخة من العياط قدام عمها حسين اللي كان قاعد مع معتز وبيتكلمو في تفاصيل الفرح والمهر
ريم بهدوء عمي انا مش موافقة علي الجواز من عم معتز
حسين بتوتر ليه ان شاء الله ده راجل مقتدر وكمان صاحبي يعني هيصونك
ريم بان عليها القهرة وردت باندفاع مطمن عليا مع راجل قد ابويا ولا كدة دفنتني بالحيا بس هقول ايه ما انت كدة كدة سايبني لمراتك تتحكم فيا وتمرمطني من يوم ما جيت انت معملتش بصلة الرحم من الاول وليك حق تعمل اكتر من كدة
حسين بغضب ريييم ادخلي اوضتك حالا والا هيبقالي تصرف تاني معاكي
ريم بصت لحسين بخزلان ولمعتز بغضب وقرف وسابتهم ودخلت تحت نظرات مني الشمتانة اللي كانت سامعة كل حاجة
يوم الفرح كانت واقفة ريم بتبص لعمها حسين وهو بيسلم علي معتز اللي بقي جوزها وبيباركله وكانت دموعها محبوسة في عنيها وهي شايفة الناس اللي في منهم فرحان وفي اللي شمتان وفي اللي صعبان عليه وبيبصلها بشفقة خرجت من توهانها علي صوت حسين اللي قرب منها ووقف قدامها وشافت في عنيه ندم
حسين بندم حقك عليا يا ريم انا عارف اني ظلمتك كتير معايا واني مكنتش السند اللي المفروض كنت ابقاه بس صدقيني انا عملت كدة عشان اعوضك ولو بحاجة حلوة تفتكريني بيها
ريم بدموع تعوضني براجل قد ابويا يا عالم مراته هتعمل فيا ايه اكيد هتبقي نسخة من مني مراتك ربنا يسامحك يا عمي
حسين بابتسامة انا عاذرك وليكي حق تقولي اكتر من كدة بس بكرة تفهمي يلا يا حبيبتي عشان تمشي مع عمك معتز
استغربت ريم بس معلقتش ومشيت مع معتز بهدوء وهي مستسلمة لقدرها بس وقفها صوت مني من وراها
مني بسخرية ايه يا ريم مش هتسلمي عليا ولا انتي فرحتك بجوازتك الجديدة هتنسيكي اللي ربتك
ريم بقهرة انا مهما يعدي عليا سنين مش هنسي كل اللي عملتيه فيه يا مرات عمي وصدقيني انا واثقة
مني حضنتها وردت بشماتة طب حد غيرك يقول الكلام ده ده انتي متجوزة راجل قد ابوكي يعني هتشوفي السواد يا روحي يلا في داهية ويارب منشوفش وشك تاني
معتز بابتسامة يلا يا ريم كفايا كدة
ريم باستسلام حاضر
مشيت ريم مع معتز اللي خدها في عربيته ومشي وطول الطريق كانت ريم بتعيط بس من غير صوت وكان شايفها معتز وصعبان عليه اوي
معتز بجدية كفايا عياط يا ريم هتفضلي تعيطي كدة لحد امتي يا بنتي
ريم بانفعال بنتك ولما انت عارف اني من سن بنتك ازاي وافقت انك تتجوزني ده انا كنت بحبك وبعتبرك زي بابا ده انت كنت احن عليا من عمي
معتز بحنية يا ريم بقي انتي برضه تفكري فيا كدة ده انا يعلم ربنا اني عملت كدة عشانك عشان كنت بشوف اللي مرات عمك بتعمله فيكي فقولت اخلصك منه واللي ساعدني عمك حسين
ريم بسخرية ايوة صعبت عليك فقولت تتجوزني وهو ساعدك عشان يخلص مني برضه مش كدة انا معرفش ليه بيحصل معايا كدة انا تعبت يارب خدني وريحني
معتز بقلة حيلة انتي عشان متعصبة مش فاهمة كلامي كويس اهدي واصبري بس ولما نوصل هتفهمي كل حاجة
سكتت ريم وهي بتبص من الشباك بقلة حيلة وكان مش فارق معاها اي حاجة لعد كل اللي حصلها
ريم فوقي يا ريم وصلنا
ريم وهي بتقوم بخضة احنا وصلنا فين
معتز بابتسامة بيتي يا حبيبتي يلا انزلي العمارة اهي احنا الشقة اللي في الدور التاني مش بعيد
ريم نزلت من العربية ومعاها معتز واخدها وطلعو الشقة واول ما فتح الباب قابلته سميرة مراته
سميرة بابتسامة اهلا بالعريس كل ده اتأخرت اوي يا معتز انا كنت قلقانة
معتز
سميرة بضحك طب جرب كدة وانا اقتلك يا معتز ومش هيهمني سني هيقوله واحدة كبيرة في السن وخرفت ومش هاخد فيك دقيقة
معتز بغمزة طيب بس بقي احسن ريم مش فاهمة حاجة وشكلها بتقول اني اتجننت وخرفت
سميرة بصدمة يا خبر انت لسة مقولتلهاش يا معتز اخس عليك
ريم كانت بتنقل عنيها بين معتز وسميرة وهي مش فاهمة حاجة من كلامهم
معتز بتعب وهو بيقعد لا لسة مقولتلهاش اصلها كانت منهارة وطول الطريق وهي بتعيط ومعرفتش افهمها حاجة
سميرة قربت من ريم بحب وطبطبت عليها وريم كانت مستسلمة خالص
سميرة بحنية ازيك يا ريم يا حبيبتي حمدالله عالسلامة طبعا انتي مستغربة انا مين فانا هقولك انا ابقي مرات معتز
ريم بخوف يعني انتي ضرتي طب بتعامليني كويس ليه
سميرة بضحك لا ماهو انا مش طيبة اوي كدة انتي لو ضرتي بجد كنت قتلتك بس الحمد لله انا مش ضرتك يا حبيبتي انا حماتك
ريم بتكشيرة حماتي ازاي انا مش فاهمة
سميرة بحب هفهمك كل حاجة يا حبيبتي اقعدي بس الاول
ريم بطاعة حاضر والله هقعد اهو
سميرة بشفقة لا حول ولا قوة الا بالله منك لله يا مني انتي عاملة ايه للبت بيخليها مرعوبة كدة بصي يا حبيبتي عمك حسين ومعتز اتفقو مع بعض وجوزوكي ادهم ابني عشان تهربي من اللي بتعمله فيكي مني مرات عمك بس قدامها بقي كان لازم نبين ان معتز العريس عشان مني الحرباية دي متقفش في الجوازة ما انتي عارفة انها مش بتحب ليكي الخير ابدا
ريم بصدمة الكلام ده صح يا عمو معتز انت وعمي حسين عملتو
معتز بابتسامة وحنان بصي يا ريم يا بنتي
