سكريبت حضرة الظابط زوجي الوسيم بقلم اسراء ابرهيم

نتغدي ماشي 
ادهم باستسلام ماشي يا ستي يلا بينا طيب
ريم بخجل طيب روح انت وانا هحصلك
ادهم ابتسم وساب ريم وخرج وهي اتنهدت بفرحة وبقت تلف حوالين نفسها بسعادة وبعدين راحت دولابها وطلعت فستان حلو من الفساتين اللي جابتهم ليها سميرة ولبسته وحطت ميكب خفيف وكانت قمر
هالسفرة كان قاعد ادهم ومعتز وسميرة وبيتكلمو كلهم مع بعض وشوية وخرجت ريم واول ما شافوها كلهم سكتو ومعتز بص هو وسميرة لبعض وابتسمو اما ادهم فكان بيبص لريم باعجاب لكن عقله نبهو لحاجة فسكت وبص قدامه بغموض
سميرة بابتسامة اهلا يا حبيبتي يلا اقعدي واقفة ليه 
ريم بخجل ادهم ايه رأيك في الاكل 
ادهم بجمود تمام
استغربت ريم ووقتها بصت للكل باحراج وسكتت وشوية وقام ادهم
ادهم بجدية ماما لو سمحتي ممكن تعمليلي شاي وتجيبهولي
ريم بسرعة انا هعملهولك انا اصلا شبعت
ادهم بجمود انا قولت ماما 
قال ادهم كلامه وسابهم ودخل اوضته وريم وقتها اتحرجت اوي وبصت لمعتز وسميرة بحزن وسابتهم ودخلت اوضتها
سميرة بشفقة ينفع تصرفات ابنك دي يا معتز اعمل ايه انا دلوقتي
معتز بجدية سيبي الموضوع يمشي زي ماهو ماشي يا سميرة ونشوف هترسي علي ايه
سميرة بحزن بس البت باين انها حبته ليه يكسر خاطرها كدة
معتز بثقة عشان فهم مشاعرها يا سميرة وهو مكانش عامل حساب كدة سيبيه بقي يتصرف ويحل مشاكله لوحده واحنا نبقي نتدخل في الوقت المناسب
سميرة بتنهيدة حاضر يا معتز اما اشوف
عدي كام يوم كان ادهم فيهم معاملته متغيرة مع ريم خالص وهي كانت مصدومة من ده ومش عارفة تعمل ايه كان تفكيرها مشوش وبتسأل نفسها دايما هي غلطت في ايه عشان يعاملها كدة

ويتجاهلها بالطريقة دي كانت واقفة بتنشر الغسيل وعقلها مشغول بس فجأة مسكت بطنها بوجع اما حست بتعب وفي نفس الوقت كان خارج ادهم مشوار وقبل ما يخرج شافها فراحلها بسرعة
ادهم بقلف انتي كويسة لسة تعبانة برضه بعد ما اخدتي العلاج 
ريم بصت لادهم باستغراب وهي مش فاهمة حاجة فاتكلمت باندفاع
ريم باندفاع انت ازاي كدة انا مبقتش فاهمة حاجة
ادهم بجمود وهو بيتجاهل كلامها فين علاجك اللي جبتهولك 
ريم بحزن جوة انا مش باخده
ادهم بانفعال انتي ليه مش بتسمعي الكلام انا مش قولت علاجك تاخديه 
ريم بحزن انا زعلتك في حاجة طيب قولي ايه وانا اوعدك انها مش هتتكرر بس تسامحني وترجع زي الاول يا ادهم
ادهم غمض عنيه عشان ميتأثرش بدموع ريم وبعدين فتح تاني ورد باندفاع
ادهم باندفاع اقولك ليه عشان بدأتي تفسري اهتمامي غلط عشان بدأتي تعملي حجات غريبة وضحتلي انك روحتي بخيالك بعيد وانك متخيلة ان ممكن يكون بينا حاجة عشان كدة بدأتي تتصرفي زي اي بنت حابة تبين جمالها لراجل انا لما وافقت اتجوزك كان عشان بابا وعشان انتي صعبتي عليا لكن انتي فسرتي معاملتي ليكي غلط وده اللي خلاني اتغير عشان تفوقي من الوهم اللي كنتي عايشة فيه
ريم كانت بتسمع كلام ادهم وعنيها في الارض اللي الدموع بتقع عليها كانت سامعة صوت قلبها اللي بيلعنها عشان وهمته وعشمته بحجات غلط فسرتها بمزاجها كانت بتقول لنفسها انا مين عشان واحد وي ادهم يبصلي وكان مراقبها هو وشايف دموعها اللي بتقع من عنيها عالارض وحاسس بتأنيب الضمير وانه اتسرع لما قالها كل اللي قاله
ريم ببحة انا اسفة
جملة بسيطة مقالتش غيرها ريم وسابت ادهم وجريت ووقتها حس هو بنغزة في قلبه لكنه اتماسك وكان بيقنع نفسه ان ده الصح وانه كان لازم يعمل كدة
عدي اسبوع كانت ريم مش بتتعامل فيه مع ادهم خالص بقت بتتجاهله تماما وحتي مش بترضي تبصله لو هو موجود معاهم وهو كان ملاحظ ده ومكنش بيتكلم او بيعلق لكنه كان من جواه مضايق من تجاهلها ليه
ريم بابتسامة ماما انا هنزل بعد اذنك اتمشي شوية واجيب حاجة ليا واطلع تاني
سميرة بابتسامة ماشي يا حبيبتي بس اوعي تتوهي لو توهتي اتصلي عليا هجيلك علطول
ريم بابتسامة متقلقيش الفون معايا لو توهت هكلمك سلام بقي
نزلت ريم في الاسانسير واول ما اتفتح الباب قابلت ادهم في وشها فاتوترت وكانت هتعدي من جمبه بس هو وقفها لما مسكها من دراعها
ادهم بتكشيرة انتي رايحة فين 
ريم بجدية ملكش دعوة انا استأذنت ماما ممكن تسيبني بقي 
ادهم برفعة حاجب علي اساس انك متجوزة ماما بقي مش كدة ازاي تنزل من غير اذني
ريم بعصبية وانت مالك انت لتكةن مفكر نفسك جوزي بجد لا فوق لنفسك انت جوزي عالورق بس وملكش اي سلطة عليا
خلصت ريم كلامها وسابته ومشيت وكأنها كانت قاصدة ترد كرامتها اللي داسها هو قبل كدة وكانت ماشية في الشارع وهي بتعيط وبتفتكر كل كلمة قالها ليها وجرح مشاعرها بيها وصلت للبحر فراحت وقفت قصاده وفضلت سرحانة وهي عنيها علي اتنين ماسكين ايدين بعض وباين انهم بيحبو بعض وابتسمت ريم وقتها وهي بتبصلهم لحد ما سمعت صوت غريب من وراها
الشاب بابتسامة ازيك انا ملاحظ انك لوحدك اكيد مضايقة صح 
ريم بتكشيرة ممكن ملكش دعوة وتمشي وتسيبني في حالي
الشاب باعجاب انا لو ادتيني فرصة اقولك واعبرلك عن اعجابي اوعدك اني مش هضايقك وهمشي علطول
ريم بتكشيرة لا طبعا وعيب كدة لو سمحت امشي والا همشي انا
الشاب بلهفة لا خلاص انا بجد مش قصدي اضايقك بس يعني لفتي نظري وحسيتك مختلفة عن اي بنت
ادهم بحدة وايه كمان يا دنچوان عصرك ها
الشاب بغضب انت مين البنت تخصني يلا من هنا
ادهم اتعصب وضرب الشاب بالبوكس وقعه عالارض
ادهم بعصبية انا جوزها يا كلب ودي عشان تبقي تبصلها بعينك تاني
مسك ادهم ايد ريم اللي مصدومة وشدها وراه بغضب وهي كانت مستسلمة ومش بتنطق بحرف لحد ما وصلو البيت
ادهم بغضب اياكي تخرجي تاني من غير اذني انتي فاااهمة
ريم بدموع وانهيار انت ملكش دعوة بيا انت فاهم واوعي تكون فاكر اني هسيبك تتحكم فيا ماما وانكل معتز بس اللي يقولولي اعمل ايه ومعملش ايه فاااهم
ادهم بنفاد صبر ررريم ادخلي اوضتك حالا
ريم بعند لا مش هدخل انت مش واصي عليا ولا انا تحت امرك
معتز بتدخل ممكن تهدو انتو الاتنين الجيران سامعين صوتنا كدة عيب
ريم بطاعة حاضر يا انكل انا اسفة بعد اذنك
ادهم اتعصب اكتر لما ريم سمعت كلام ابوه وهو لا وكان هيتجنن وكان متابعه معتز اللي ابتسم بخبث وفهم ان ريم كدة عملت الصح
تاني يوم كانت واقفة ريم قدام معتز وسميرة وهي مترددة تتكلم
ريم بتردد انكل معتز ممكن اروح فرح جهاد صحبتي دي صديقتي الوحيدة وانا عاوزة اكون معاها
معتز بغموض طبعا يا حبيبتي بس لازم برضه تستأذني جوزك الاول دي الاصول عموما قوليله وانا كدة كدة رايح لعمك حسين عشان عازمني عالشاي ولو كدة هاخدك معايا
ريم بتردد طب ماهو هيرفض يا انكل حضرتك شوفت بيعاملني ازاي
سميرة بخبث يا عبيطة هو لما يلاقيكي بتستأذنيه هيقولك روحي علطول انتي بس قوليله كدة بهدوء
ريم بخوف طيب هو فين يا ماما
سميرة بابتسامة في اوضته