دكتور ولكنه عاشق بقلم اسراء ابرهيم

احسن
معتز بامتنان ربنا بباركلك يا دكتور والله انا بقيت كويس الحمد لله بفضل ربنا وتعبك معايا
زين بابتسامة تعب ايه يا راجل ده واجبي متقولش كدة بصراحة اللي تعبت معاك هي الانسة فتون
فتون بجدية متشكرة لحضرتك يا دكتور وبالمناسبة اتفضل
زين باستغراب ايه الظرف ده
فتون بجدية دي الفلوس اللي حضرتك دفعتها في المستشفي احنا متشكرين اوي لتعبك معانا بس خلاص احنا اتصرفنا
زين برفض تقدري تديهم لمعتز دول هدية مني ليه لكن انا مش هاخدهم
محمود بشكر والله حضرتك بتحرجنا بزوقك معانا يابني
زين بتلقائية احرجكم ايه بس يا عم محمود هو انا مش زي معتز ولا ايه
حنان بفرحة طبعا يابني هو احنا طول ان انت تبقي ابننا
زين بهدوء متنساش تاخد علاجك كله يا معتز ولو في اي حاجة كلمني علطول يلا بعد اذنكم
زين رمي نظرة اخيرة لفتون اللي بصت في الارض باحراج وتوتر
حنان بغضب يلا يا سنيورة شيلي الشنطة عشان نمشي ولا عاجبتك الوقفة
فتون بتنهيدة حاضر يا خالتي جاية اهو
.....................................
بعد كام يوم كانت واقفة فتون سرحانة وهي بعمل الاكل ومخدتش بالها ان الاكل هيتحرق الا لما جت حنان بسرعة ولحقته هي
فتون بقلق انا اسفة يا خالتي والله شكلي سرحت
حنان بغضب واخرتها يا ياختي من وقت ما جينا وانتي عقلك مش فيكي ايه بتحبي جديد
فتون بسرعة لا طبعا انا بس تعبانة شوية معلش حقك عليا
حنان بغيظ ادي اللي باخده منك معرفش انا اخرة الهم ده ايه يلا روحي نشري الغسيل وبعدين انزلي هاتي سكر وشاي قبل ما محمود يجي
فتون بطاعة حاضر يا خالتي هخلص بسرعة وانزل
فعلا راحت فتون تنشر الغسيل وسرحت وهي بتنشر وافتكرت في المستشفي

لما هايدي شبهت عليها وقالت عليها اختها وهنا نزلت دموع فتون بحزن وبعدين انتبهت للغسيل وكملت نشير لحد ما خلصت ودخلت تلبس عشان تنزل واول ما جهزت تليفونها رن وكان رقم غريب فردت فتون
فتون باستغراب ايوة مين
زين بابتسامة لحقتي تنسي صوتي
فتون ابتسمت بتلقائية دكتور زين ازي حضرتك
زين بسعادة حضرتي كويس وانتي حضرتك ايه
فتون باحراج كويسة هو حضرتك جبت رقمي منين
زين بغرور مصطنع انا اعرف اجيب اي حاجة يا بنتي طبعا اخدته من الاستقبال
فتون ضحكت بخفة فاتنهد زين وقال بثقة ها هتقابليني فين
فتون بصدمة اقابلك ازاي مش فاهمة
زين بابتسامة زي الناس هستناكي علي اول الشارع ونروح اي مكان نتكلم انا عاوزك في موضوع مهم
فتون برفض لا مش هينفع معلش ممكن تقولي دلوقتي في التليفون حضرتك عاوزني في ايه
زين باصرار لا مش هينفع في الفون لازم اقابلك قدامك عشر دقايق لو منزلتيش هطلعلك انا واخدك وننزل عادي
فتون بسرعة لالا خلاص بص انا هنزل بس مش هينفع اتأخر ممكن
زين بابتسامة ممكن اوي يلا مستنيكي
قفلت فتون الخط وهي متوترة اوي ومش عارفة زين عاوزها في ايه بس لازم تنزل تقابله وهي تعرف وفعلا خرجت بحجة الشاي والسكر ونزلت تقابل زين
..................................
في الكافتريا كانت قاعدة فتون قلقانة وبتفرك في ايديها بتوتر وكان متابعها زين بابتسامة
فتون بتردد ممكن اعرف حضرتك كنت عاوزني في ايه
زين بهدوء طب اتكلم ازاي وانتي موتراني كدة ما تهدي يا بنتي مالك
فتون باحراج انا بس مش متعودة اني اخرج في اماكن عامة كتير بس خلاص هديت اهو ممكن بقي تتكلم
زين بغموض اصل من وقت اخر مرة اتكلمنا فيها وكنتي بتحكيلي قصتك وانا عندي فضول ممكن بقي تكمليهالي
فتون باستغراب يعني حضرتك جايبني هنا عشان تقولي كدة .
زين بابتسامة طبعا انا فضولي جدا علي فكرة ومش بنسي متخافيش ها كملي بقي من بعد ما قولتي ان عم محمود مش ابوكي وانك متعرفيش فين باباكي
فتون بتردد مفيش انا كنت ماشية وهو لاقاني واخدني وفضلت عايشة معاهم بس
زين بغموض طب واهلك سبتيهم ليه
فتون بتوتر لا ماهو انا مليش اهل انا تقدر تقول لوحدي بس يوميها كنت تايهة بجد مفيش مكان اروحه ولا اي حد
زين بسخرية مفيش حد لقي نفسه فجأة كدة لوحده اكيد ليكي اب وام وعيلة يعني ممكن اصدق لما تقوليلي انك فاقدة الزاكرة مثلا لكن تايهة لا غريبة دي
فتون بضيق والله هو ده اللي عندي حضرتك بقي تصدق متصدقش دي حاجة تخصك متخصنيش انا
زين بابتسامة اهدي بس يا فتون انتي اضايقتي ليه احنا بنتكلم مش بنتخانق انا بس يمكن للحظة قولت انك ممكن تطلعي اخت هايدي فعلا بس يعني ممكن تكوني فاقدة الزاكرة
فتون بتنهيدة لا يا دكتور زين انا مليش علاقة بهايدي ولا ولا اخوها
زين بابتسامة طب تمام عموما هايدي خلاص لقت اختها
فتون بتكشيرة واستغراب ايه ده ازاي يعني مستحيل
زين بابتسامة خبيثة اشمعني طبيعي ممكن يحصل انها تلاقي اختها
فتون بهروب طب كويس بس انا ايه علاقتي بالموضوع يا دكتور ما خلاص رجعتلهم واكيد امها واخوها الوحيد فرحانين
زين بغموض انتي عرفتي منين انها عايشة مع امها واخوها بس مش يمكن ليها اخوات تانيين
فتون بتهتهة لا ماهو انا تقريبا سمعتها وهي بتتكلم اكيد يعني
زين بجدية وثقة ليه كدبتي وقولتي انك مش هي يا روان
فتون بانفعال انت بتقول ايه لا طبعا انا مش روان انت فاهم غلط
زين بسرعة لا دي الحقيقة انا كنت شاكك من تصرفاتك معاها بس اللي محيرني ازاي انكرتي
روان بتوتر وكلام ملخبط انتي ليه بتعمل كدة لو سمحت سيبني في حالي
زين بهدوء مش قبل ما تفهميني يا فتون ليه كدبتي علي اختك
فتون بانهيار عشان مينفعش ارجع عشان كل حاجة هتحصل تاني لو رجعت
زين باستغراب فهميني يا فتون واوعدك اني اساعدك
فتون بغضب وانا مش عاوزة منك مساعدة انت السبب في كل ده لولاك مكنتش قابلت هايدي ولا كنت فتحت عليا جرحي
زين بصوت هادي فتون انا عاوز اساعدك لاني حاسس انك مسئولة مني معرفش ليه حاسس بكدة بس انا بقولك اللي حاسه ارجوكي اعتبريني صديقك واحكيلي واوعدك ان سرك في بير
كانت بصاله فتون وعنيها مركزة في عنيه وشافت صدق كلامه وفي نفس الوقت نفسها تشيل الحمل من عليها وتشارك همومها مع حد يكون قريب منها ويفهمها وعشان كدة قررت تتكلم
فتون بقلة حيلة وهي بتفتكر اللي حصلها سعيد هو ده سبب تعاستي في الدنيا وسبب اني اسيبهم واهرب هو سبب بعدي عن امي واختي واخويا
زين بغموض مين ده قريبك
زين بهدوء عكس اللي جواه كملي يا فتون ضايقك مش كدة
زين بتنهيدة طويلة فاهمك يا فتون وعشان كدة قررتي تمشي
فتون بتأكيد طبعا خصوصا انه كان لانه واثق اني مش هقدر اتكلم وقتها قررت امشي واروح في اي مكان وقابلت عم محمود وعشت معاه وكنت اول مرة احس بالامان وانا في بيته
زين بثقة وهو بيتعدل انتي هترجعي بيتك يا فتون
فتون بخوفايه لا طبعا انا مستحيل ارجع هناك تاني انا
سكتت فتون لما زين مسك ايديها وقالها بثقة طمنتها متخافيش انا جمبك ومش هسيبك ابدا وصدقيني انا هخليه يبعد عنكم نهائي ومن غير ما اي حد يعرف
فتون بحيرة وخوف خايفة رامي مش هيتقبل رجوعي انا عارفة انه زعلان مني
زين بهدوء رامي لازم