دكتور ولكنه عاشق بقلم اسراء ابرهيم
يعرف يا فتون لازم هو كمان ياخد موقف
فتون بلهفة لا مينفعش رامي يعرف ده ممكن انا هايفة عليه
زين بابتسامة وهو بيمسك ايد فتون مش عاوزك تخافي من اي حاجة وخليكي واثقة فيا
فتون بتوتر وقلق طيب هنروح امتي
زين بثقة هقولك
...................
بعد كام يوم كانت واقفة فتون قدام باب شقتها بخوف ومعاها زين اللي واقف جمبيها وكان ملاحظ خوفها فطمنها وهو بيمسك ايديها فبصتله وابتسمت وقطع نظراتهم فتح الباب وكان سعيد اللي اتفاجأ بفتون
سعيد بغضب اهلا باللي هربت وكمان ليكي عين ترجعي
زين وهو بيقف قدام فتون لو وجهتلها كلمة تاني صدقني هخليك متعرفش تنطق حرف بعد كدة
سعيد بتوتر انت مين يا جدع انت تعالي يا بهيرة شوفي بنتك المحروسة رجعت جاية ومعاها راجل
خرجت بهيرة بلهفة وهي مش مصدقة ووراها هايدي ورامي اللي كانو موجودين بالصدفة في البيت
هايدي بفرحة حبيبتي يا روان حمدالله عالسلامة انتي كويسة كنتي فين كل ده
رامي بغضب وهو بيقرب من فتون انطقي كنتي فين لقيتها فين يا زين
فتون خافت واستخبت في زين اللي وقف لرامي ومنعه يقرب منها
زين بجدية اهدي يا رامي وانا هفهمك
رامي بعصبية تفهمني ايه قزلي لقيتها فيه انا لازم اعرف
زين بجدية اهدي بس وانا هفهمك كل حاجة وهعرفك فتون كانت فين
رامي بعصبية اهدي ايه بس يا زين اتفضل اديني سكت ممكن اعرف بقي كانت فين الهانم بقالها سنتين
زين بهدوء فتون عندها كلام لازم تسمعه كويس يا رامي والاهم انك تصدقه
قال زين كلمته الاخير وهو بيبص لسعيد اللي اتوتر وحس ان زين عارف
حاجة فقال بغضب وهو
فتون بغضب وانهيار زين ده احسن منك الف مرة كله منك انت السبب في كل ده هو السبب يا رامي
سعيد بتوتر وغضب كدابة محصلش انتي عاوزة تلبسيني تهمة يا بت انتي بتبرري غيابك وتجيبيها فيا
رامي كان مصدوم وهو بيبص لفتون وكذلك بهيرة اللي قعدت بصدمة
بهيرة بصوت مهزوز انتي بتقولي ايه سعيد هيبصلك
فتون بسخرية ايوة وعشان رد فعلك ده انا خوفت اقولك عشان عارفة انك هتصدقيه زي ما صدقتيه قبل كدة لما انا هددته اني هقولك عاللي بيعمله معايا وسبقني هو واشتكالك مني وانتي هزقتيني وحتي مسمعتيش مني
رامي بانفعال ولو كلامك ثح ليه مقولتليش ليه خبيتي وليه مشيتي كدة
فتون بحزن خفت والله خفت عليك احسن تتهور وتعمل فيه حاجة صدقني يا رامي انا مش بكدب سعيد ده حقير وانسان زبالة
هايدي بهدوء روان عندها حق يا رامي في كل اللي قالته
رامي بصدمة انتي بتقولي ايه
هايدي بتوتر انا كمان عمري ما ارتحت لنظرات الراجل ده بس كنت بسكت عشان خاطر امي ولانه عارف اني ممكن اقتله وافضحه عادي محاولش معايا وراح لفتون لانه عارف انها هادية وانها هتخاف تتكلم
رامي بص لسعيد بغضب وقرب منه بعصبية ومسكه وفضل يضرب فيه بس اللي وقفه زين اللي بعده عنه وهو بيقول بجدية خلاص يا رامي اهدي الحقير ده ميستاهلش انك تضيع نفسك عشانه
بهيرة بغضب منك لله يا سعيد فرقتني عن بنتي وخلتني ام وحشة منك لله كنت فاكراك هتبقي سندهم طلقني يا حيوان يا قذر
سعيد بألم وهو بينهج انتي طالق
رامي بغضب اخرج برررة
مشي سعيد بسرعة ووقف رامي ياخد نفسه وبعدين بص لفتون بغضب
رامي بغضب انتي عارفة انتي عملتي ايه انتي خليتي سمعتنا كلنا في التراب اهون عليا انك تقوليلي علي الحقير ده واقتله من انك تهربي وتخلي الناس تتكلم علينا
فتون عيطت وردت بندم انا اسفة انا مشيت عشان كنت خايفة بجد انا اسفة يا رامي
زين بجدية خلاص يا رامي اللي حصل حصل وراعي ان فتون كانت خايفة ومش عارفة تعمل ايه
رامي باستغراب فتون مين
زين بابتسامة اه منا لما قابلت اختك كان اسمها وقتها فتون متقلقش دي كانت عايشة مع ناس طيبين اوي انا قابلتهم بنفسي
رامي بص لفتون بعتاب وبعدين ابتسم فجريت عليه فتون وهي بتعيط وبتعتذر عن اللي عملته وكان متابعها زين بابتسامة
....................................
بعد فترة كانت واقفة فتون في بيتها وسط الناس اللي معزومين علي الفيس فلة رجوعها من السفر زي ما رامي كان قايل وكانت بتدور بعنيها علي زين اللي كانت بتتمني انه يجي زي ما قالها رامي لما سألته بس ابتسامتها وسعت لما شافت عم محمود وحنان مراته ومعتز داخلين من الباب فجريت عليهم
فتون بابتسامة وهي بتسلم عليهم وحشتوني اوي والله كنت خايفة متجوش
حنان بابتسامة وهي بتبص حواليها ازاي بقي منجيش ونشوف العيشة الحلوة دي بقي حد يسيبها والنبي ويهرب
محمود بتحذير اسكتي يا ولية ووطي صوتك احسنلك والله قطعتي بينا يا فتون يا بنتي
فتون بحب وانتو كمان انا كنت اتعودت عليكم بس متقلقش يا انكل محمود انا مش هسيبكم برضه وهتلاقوني كل يومين عندكم
معتز مكنش مركز في
معتز بتوتر احم تقربلك دي يا فتون
فتون بخبث اه يا معتز دي هايدي اختي
هايدي باحراج اهلا بيكم اتفضلو
حنان بابتسامة ما شاء الله زي القمر مخطوبة يا حبيبتي
هايدي بخجل لا يا طنط
ابتسم معتز براحة بعد ما كان مترقب ومستني هايدي ترد ووقتها ابتسم بتلقائية وكانت متابعاه هايدي واتكسفت وفتون وقتها غمزت لمعتز عشان تفهمه انها خدت بالها انه معجب بأختها بس وهي واقفة قلبها دق اول ما شافت زين داخل من الباب فاستأذنت وراحتله بسرعة وهو ابتسم اول ما شافها
فتون باندفاع كنت خايفة متجيش
زين بمكر افهم من كدة انك كنتي مستنياني
فتون ببراءة طبعا احم اقصد يعني ان رامي قالي انك هتيجي
زين وهو مركز في عيون فتون طب مش هتقوليلي اتفضل ولا هنفضل واقفين كدة
فتون باحراج وخجل لاطبعا اتفضل انا اسفة
زين بابتسامة انا مش عارف اقولك يا فتون ولا يا روان بصراحة
فتون بتلقائية فتون احلي عشان هو ده الاسم اللي عرفتني بيه مش كدة
زين بغموض انا بقولك كدة برضه بس تفتكري المأذون هياخد بيه
فتون بصدمة مأذون
زين قرب وهمس بحب اه منا مقولتلكيش اصلي طلبت ايدك من رامي وهو وافق وفاضل رأيك بس ميهمنيش اصلي هتجوزك برضاكي او غصب عنك
ابتسمت فتون بخجل وكانت ضربات قلبها عالية اوي ومكنتش عارفة تقول ايه فكمل زين بخبث شكلك كدة مش موافقة
فتون بسرعة لا مش كدة
ضحك زين بصوت عالي فاتكسفت فتون وبصت بعيد فهمس زين بعشق
بحبك يا فتون من اول ما عيوني وقعت عليكي
فتون بخجل وانا موافقة يا زين عشان مش مفيش غيرك خلي قلبي
تمت
