قلبي اختارك بقلم رحاب

لسه شروطي مخلصتش 
الشرط التاني لسانك الطويل ده يتلم ومش هتكلميني غير وتقولي يا حبيبي اى حاجة تانية مرفوضة 
فرح نعممم انا أقولك انتا حبيبي ليه انشاء الله
مهاب هو كده مش عايزه ممكن نلغي الاتفاق خالص معنديش اي مشكله
فرح موافقه خلصت ولا لسه
مهاب بتفكير اه حاجة كمان كل يوم الصبح عايز مراتى تصبح عليا ببوسة وبس 
تقريبا كده خلصت بس هسيب الشروط مفتوحه علشان لو افتكرت حاجه بعد كده ولو حاجه متنفزتش كيتي هترج تاني عادي جدا
صړخت فرح پغضب لا لا مش هعمل كده
مهاب لو حاجه متنفزتش كيتي هترج تاني عادي جدا 
غمضت عينها بضيق وحزن وردت بصوت ضعيف طيب عايزه أخرج
مهاب ماشي خلاص طالما متفقين اطلعي
فرح يعني مشيتها 
مهاب ايوه من بدري وانا بكلمك
بعد خمس دقائق فتحت الباب بهدوء وخرجت فى صمت
مهاب اول ما شاف منظرها اټصدم وقرب منها بلهفة فرح بتعيطى ليه مالك
البارت الخامس
فرح رفعت عينيها المليانة دموع وهي بتقول بصوت مكسور
بعيط من وجعى وضعفى بعيط من اللى بيحصل فيا وانا لازم اقبله ومليش حق أن اعترض أو اتكلم
ليه كل حاجة لازم أعملها ڠصب عني ليه كل الناس فاكرين إنهم يقدروا يتحكموا فيا مرات عمي ووليد علطول بيجبروني على حاجات أنا مش عايزاها طول الوقت كنت عايشة فى خوف وكنت فاكرة لما أبعد عنهم هرتاح بس اكتشفت انى غلطانة وانك هتكون نسخة أسوأ منهم إنت إنت حتى اتجوزتنى من غير ما تاخد رائى هو أنا لعبة في إيدكم مش من حقي أقول لأ مش من حقي أعيش زي ما أنا عايزة
وقفت وهي بتاخد نفسها بصعوبة ومسحت دموعها بيدها
ومهاب واقف مكانه مصډوم من اللي سمعه وانا بتقارنه بيهم عينه كانت مليانة ندم حاول يقرب منها بخطوة
فرح أنا... أنا مش قصدي أضغط عليكي بالشكل ده كنت بهزر... والله بهزر.
فرح بتصرخ فيه وهي بتتراجع خطوتين هزار هزار إيه اللي يخليك تحبسني في أوضة وتخوفني بقطط وأنا أصلا مړعوپة منهم وبقولك أنى خاېفة هزار إيه اللي يخليك تفرض عليا حاجة أنا مش عايزاها هزار ده بالنسبة لك بس بالنسبة لي ده كابوس تاني كفاية عليا اللي شفته طول حياتى مبقاش عندى طاقة اعيش الاصعب منه
مهاب حس بۏجع في قلبه من كل كلمة قالتها قرب منها بخطوة تانية وصوته بقى هادي وحزين فرح... أنا غلطت... والله ما كنت فاهم إنك هتضايقى اوى كده 
فرح بصتله بحذر وهي مش عارفة تصدقه ولا لأ لكنه كمل
أنا عمري ما هاجبرك على حاجة انتى مش عايزاها وعد مني. اللي حصل النهاردة مش هيتكرر تانى بس أنا بجد... بجد ما كنتش قاصد أضايقك أو أخوفك. سامحيني
فرح بصتله بنظرة مختلطة بين التردد والتعب لكنها حست لأول مرة إن فعلا فى حد بيساعدها وإنه ممكن يكون بيحاول يفهمها بجد
.................اليوم التانى
مهاب راح شركته 
متكلمش مع حد وفضل قاعد فى مكتبه بعد شويه جيه
فارس ودخل قعد على الكرسي وكل ده وهو ولا حس بيه ومش مركز معاه خالص
وبيفكر فيها وليه لما بيشوفها بيتلغبط وبيحس أنها مسؤوله منه ليه قرر يتجوزها بسرعه كده مع انه كان ممكن يساعدها باي طريقة تانيه واسأله كتير فى دماغه محيراه
فارس وهو بشاور با ايده قدامه ايه يبني انتا رحت فين
مهاب بتركيز هااا إيه يعم منا معاك يعم اهو
فارس ابتسم وغمزله بعينو ايه الي واخد عقلك كده يبطل البت الجديدة صح مقوتليش صحيح عملت ايه لما مشيت امبارح
مهاب اتجوزتها 
فارس اټصدم واتكلم وهو مش مصدق الي سمعو ات ايه اتجوزتها مهاب الصواف اتجوز انا بحلم ولا ايه يا جدعان
مهاب وهو بيضحك اه تخيل اتجوزت خلاص عقبالك
فارس اه عقبالي بس انا حبيبتي معروفه وموجوده من زمان مش زيك صايع مكنتش لاقي حد يلمني
مهاب ماتحترم نفسك يبني انتا بتتكلم عن اختي ايه
موجودة من زمان دي متحسسنيش اني كنت اهبل اووي كده ومش واخد بالي منك
فارس ضحك بصوت عالي فى ايه يعم انتا مالك ماانت عارف من زمان اني بحبها انتا هتستعبط وبعدين كلها كام يوم وتبقا مراتي واخلص منك انتا واخوك الغلس التاني بس انتا كل الي فرق معاك ف الجمله اختك با النسبه ل صايع دي ملفتتش نظرك
ضحك بخفه لا ما علشان دي حقيقه ما تزعلنيش مع انها مش صياعه انا بحب الورد واجرب كل ورده ونوعها ايه مش ابقا محكوم عليا نوع واحد من الورد ايه الغلط ف كده
فارس ب تريقه لا ابدا مفيش غلط بس انتا اخترت اهو انك تبقا مع نوع واحد من الورد ايه الي غير رايك كده
مهاب لا مهو مش جواز بجد ده حوار كده بعدين ابقا احكهولك 
فارس مش مهم المهم عشت وشفتك متجوز يا محير قلوب النساء 
ستوب نتعرف على مهاب مهاب رجل اعمال ناجح
وعنده ٣٥ سنه وجسمه رياضي طويل وشعر اسود بلون الفحم بيحب أن شعره يكون طويل يصل لاخر رقبته 
وعيونه سوداء زي اليل فى هدوئها تجذب اي حد انه يعشق البصه فيهم ودقن بتذيد من وسامته وملامحه الرجوليه الجذابه فا سهل عليه انه يخلي اي ست مهما كانت قوتها أنها تتشد ليه
فارس وهو بيضحك ده انا عايزه اقوم با اعلي صوتي اقول يا ناس مهااااب الصواف اتجوز
ولسه مخلصش كلمته الباب اتفتح ودخل سيف اخو مهاب الصغير مش بكتير يعني فى اخر العشرينات 
سيف بستغراب ايه مين اتجوز مين انتا كنت بتقول مين 
فارس اخوك اتجوز شفت المفاجأة 
سيف مش لسه مش مصدق مين يعم متقول مين الي اتجوز ف ايه 
فارس ومهاب ضحكو مع بعض 
فارس يعيني الواد هيتجنن اكتر مهو مچنون 
سيف يعني الي انا سمعتو ده بجد مهاب اتجوز مين وامتا وازاي

مهاب والنبي اوعاا تكون اتجوزت البت اللي اسمها بسنت دي هي حلوه اه بس رخمه اووي
مهاب بنرفزه يعم بسنت مين وبتاع مين انا برضو هتجوز دي
سيف ايه ده مش هي امال مين دي هي لو عرفت مش هتسيبك فى حالك دي بټموت فيك ولزقالك وبعدين سيبك من كل ده امتا عملت كده اصلا وازي من غير م تقولنا دي
امك لو عرفت هتشلوحك دي نفسها تجوزك وتختارلك هي عروستك وانتا الي مكنتش راضي
مهاب سرح فى فرح وابتسم لا مهي امي لما هتشوف مراتي هتحبها انا متاكد من كده وبعدين ايه هتشلوحك دي م تتكلم عدل جتك داهيه فى كلامك وبعدين يا سيدي انا لسه متجوز امبارح وامي انا هقولها ونتفاهم انا وهي اطلع انتا منها بس ومتشعللهاش ماشي يا حقنه
سيف ضحك ماشي يا خويا مليش دعوة انا انا هقعد فى حالي 
فارس ومهاب فى نفس الوقت ياريت تريحنا كلنا والله لو قعدت فى حالك
كلهم بصو لبعض وضحكو على الي حصل
سيف وهو مبتسم ببرود بص طيب كده من الاخر انا مش هقدر اخليني ف حالي وهاخدك دلوقتي ونطلع ع امك تقولها انك اتجوزت 
مهاب ضحك يساتر يارب ميقدرش يقعد دقيقه ف حاله ماشي يعم الحقنه هروح معاك بس بمزاجي علفكره 
سيف بضحك يعم اجري وانتا خاېف اصلا
مهاب هيهجم عليه ويضربه سيف جري بسرعه 
مهاب انا ها اخاڤ منك انتا ياض 
سيف راح عند الباب مالك يا اخويا ياحبيبي بهزر معاك متبقاش افوش كده
مهاب بيجري عليه وديني منا سايبك 
سيف خرج بسرعه وقفل الباب 
مهاب بنرفزه عيل رخم اووي بس عسل بحبه
فارس بيتكلم بقرف زي اخوه بظبط 
مهاب رفع حاجبه وبيقرب عليه ببطء نعم ايه زي اخوه دي
فارس بيبعد قصدي يعني زي اخوه كده
عسل انا بحبه
مهاب قرب عليه بسرعه وحيات امك
فارس فك ايده بسرعه وخرج من الاوضه 
مهاب ضحك بصوت عالي عيال هفق بق وخلاص 
سيف فتح الباب وخرج دماغه وهو بيقول وربنا لو مقلتلش ل امك انتا النهارده هقولها انا
وقفل بسرعه قبل ما يرد عليه
مهاب ضحك ماشي هقولها قبلك يا حقنه
وفعلا بليل راح عند والدته وحكلها كل حاجه با التفصيل وهي تقبلت الوضع بكل هدوء وفهمته
وبعده هو روح على بيته
دخل اوضته ملقاش فرح بس سمع صوت جاي من البلوكونه بتاعت الاوضه اللي جنبها خرج لقي فرح ماسكه الفون وتتكلم 
البلكونات كانت قريبه جدا
كانوا قاعد معاها خبط على كتفها براحه وعلي صوته علشان يخضها بتكلمي مين
اتخضت ونطت من مكانها وهى بتشهق بفزع منك لله يشيخ نشفت دمي 
مهاب بضحك لا مهو منشفش لسه الډم بيجري فى خدودك دي
بصتله بغيظ يا تقل دمك ايه ده فى رخامه كده ف الدنيا
مهاب ببرود فيه اكتر كمان يع روحي انتي مثلا
فرح طلعت روحك ياحبيى
مهاب انا قولتلك ايه مش لمي لسانك ده وبعدين تقولك بتجبرنى ومش عارف ايه مهو من لسانك بس علشان لما اقول هرجع كيتى منعيطش
فرح ابتسمت وهى بتبربش عينيها ببراءة واتكلمت بهدوء بهزر يا مهاب بهزر الله وبعدين انت قولت مش هتعمل كده تانى صح
ابتسم بخفه صح وانا اد كلامى 
وكمل پحده وتحذير بس برضوا ده مش معناه انك تطولى لسانك عليا انا لغايه دلوقتي مش عايز اوريكى وش مش هتحبيه خالص
بلعت ريقها پخوف وهزت راسها بصمت
مهاب قوليلي صحيح كنتي بتكلمي مين
فرح كنت بكلم فاطمه صاحبتي وهي عايزه تيجي تزرني بكره ينفع تيجى بعد اذنك يعني
مهاب مفيش داعى تستاذنى ده بيتك اكيد ينفع بس انا كمان عايز اقولك ان امي واختي واخويا جاين يتعرفوا عليكي وكده بكره برضو
فجاءة ملامحها اتغيرت وسكتت
مهاب لاحظ تغيرها فى ايه مالك سكتي ليه مش عايزهم يجوا ولا ايه
ردت بسرعه علشان ميفهمش غلط لا والله ابدا مش كده بس يعني محرجه منهم هقولهم ايه والطريقة يعني اللي.....
قطع كلامها ورد انا فاهم انتي عايزه تقولي ايه بس متقلقيش انا فهمت امي على كل حاجه وهي مستحيل تضايقك ب اي كلمه واخواتي طيبين اووي وهيعتبروكي زي اختهم بالظبط
ابتسمت بفرحة بجد ياريت يعتبروني زي اختهم انا طول عمري نفسي يبقا عندي اخوات
مهاب ابتسم بضيق مصطنع طيب منا من الاسره دي ما تعاملني حتي زي اخوكي يشيخه حرام عليكي
ضحكت بقوة لا انتا بذات مش عايزاك اخويا خالص
مهاب كشړ حواجبه ليه انشاء الله ده انا الف وحده تتمنناني اي حاجه ليها كمان مش اخوها
_ اهو علشان كده مخصوص بقا انا مش برتاحلك خالص كملت بسخرية تصبح على خير يا اخويا
مهاب طيب استني بس مستعجله كده ليه
فرح كفايه كده علشان ابقا فايقه بكره اللناس الي جايه
مهاب طيب استني لحظه ودخل الاوضه دقيقة وخرج معاه ورده مد ايده بيها ناحيتها اتفضلي
فرح بستغراب ايه ده
اترسمت على وشه ابتسامه تسحر وټخطف القلب وقالها ورده جوري زي لون خدودك اكتر حاجه حسيتها مناسبه ليكي وشبهك
ف بصتله من فوق لتحت بسخرية ايه جو التلزيق ده مش بحب الافوره دي انا بحب الكلام خشن كده
مهاب بصلها بقرف تصدقي انتي خساره فيكي اي حاجه حلوه اصلا انا غلطان والله اني قولت اعاملك كويس جتك البله عيله فصيله
فرح ضحكت با اعلي صوتها 
سرح فى شكلها وهي بتضحك واد ايه هي جميله فى كل حاجه برغم كل الۏجع اللى عاشته بس لسه صافية وروحها بريئه
فرح خلاص خلاص هات الورده علشان بحبها بس متافورش كده تاني مش بياكل معايا الكلام ده
مهاب لا خساره فيكي امشي يالا مش طايق شكلك انا دلوقتى
خطڤتها من ايده بسرعه ودخلت الاوضه علطول من غير اي كلمه منه
ضحك بخفه وهو متعصب منها عيله فصيله بس قمر جتك القرف فى حلاوتك يشيخه
وهى واقفه بتبص للورده وبتضحك بسعادة ولأول مرة تحس ان الدنيا بداءت تضحكلها 
بس فجاءة الابتسامة اختفت من على وشها وهى بتفتكر كل مرة الدنيا استكترت عليها الفرح وحست بالخۏف من مهاب ومن زياره عيلته بتاعت بكره وأنها لسه مش عارفه ممكن يعملوا ايه معاها
البارت السادس 
الصبح صحيت فرح بفزع على صوت رنات تليفونها.
ردت وهي لسه نايمة ألو... أيوة يا فاطمة
فاطمة إنت لسه نايمة الساعة 2 الظهر يا هانم! وأنا عايزة أجيلك زي ما اتفقنا امبارح.
فرح نطت من على السرير بفزع إيه 2 الظهر! ده في ناس جاية النهارده! يالهوي! طيب وبعدين إنت ليه لسه مجتيش متخلصي يا زفتة إنت!
فاطمة وأنا أعرف عنوان البيت منين يا غبية
فرح آه صح طيب أنا هسأل مهاب على العنوان وأقولك.
فاطمة ماشي سلام.
قفلت المكالمة. مرة واحدة لقت صوت عالي أغاني أجنبية اشتغل.
فرح باستغراب ده إيه ده إن شاء الله وخرجت تدور على الصوت جاي منين لغاية ما وصلت لأوضة بعيدة عن كل الأوض وشباكها على الجنينة بتاعت الفيلا.
دي أوضة الرياضة بتاعت مهاب زي جيم في البيت وهو كان بيمشي على المشاية ومش واخد باله منها. وقفت شوية تتفرج عليه.
فرح بابتسامةوهمس لنفسها إيه ده إنت طلعت حلو أوي وأنا مش واخدة بالي منك من بدري! بس يلا تتعوض يا هوبا
دخلت الأوضة. مرة واحدة الأغاني سكتت.
مهاب بص لها بنرفزة وزعق لما أكون هنا مش بحب حد يدخل عليا ولا يفصلني كده! وإياك تكرريها تاني!
فرح اتعصبت في إيه إنت بتزعق كده ليه أصلا أنا مكنتش أعرف. اديني خارجة وسيباهالك! وخرجت بسرعة.
مهاب أوف! أنا زعقت لها ليه هي كانت هتعرف منين يعني عندها حق.
خرج وراها فرح... فرح استني! ومسك إيدها علشان يوقفها. أنا مكنتش أقصد أزعق بس اتعصبت... متعودتش حد يفصلنى كده 
فرح بصت له وعينيها كلها حزن وصوتها مكسور وأنا مش بحب حد يزعق لي وبخاف من الصوت العالي. أنا تعبت من كده.
مهاب حس قد إيه هي مکسورة قوي وضعيفة بس رافضة تبين ده طول الوقت في لحظة شدها في  لأنها حست بالأمان اللي عمرها ما حست بيه. بس محبتش الوضع ده مش عايزة يقربها منه علشان صعبانة عليه أو يكون بيعطف عليها وبس بعدت عنه بهدوء وبصت له  إنت من ثانية كنت رقيقة وحلوة مرة واحدة كده طلع الشبح اللي جواكي!
فرح ضحكت آه هو كده! هتقل أدبك الشبح يحضر علطول!
مهاب ماشي يا عم الشبح.
فرح المهم أنا كنت جاية أقولك عايزة عنوان البيت ده علشان أنا معرفوش وصحبتي عايزة تيجي زي ما قلت لك امبارح.
مهاب ماشي بس أنا ممكن أخلي حد من عندي يروح يجيبها.
فرح لا هي مش هترضى. هات العنوان بس.
مهاب ماشي ممكن ترضى. شوفي لو مش عايزة حد غريب ممكن أخلي أخويا يروح يجيبها بنفسه. هو كده كده جاي.
فرح بتلقائية يعني هو أخوك كده مش غريب إنت نفسك غريب عننا!
مهاب الكلمة ضايقته جدا وبص لها بزعل عندك حق.
فرح حست إنها زعلته مهاب أنا مش قصدي اللي قلته والله! أنا آسفة.
مهاب وتتأسفي ليه أنا غريب عنك فعلا.
فرح زعلت من نفسها لا أنا غلطانة بس مش قصدي. إنت عارف إنت اتجوزتني إزاي... 
وكانت بتتكلم بالعافية لما افتكرت كل اللي فات.
مهاب حس إنها خلاص هتعيط حب يخرجها من الجو ده وبص لها وابتسم منتي طلعتي حلوة أهو وبتعرفي تتكلمي زي الناس وتعتذري! آه بس لو تتخلصي من الشبح اللي بيظهر فجأة ده.
فرح ضحكت لا ده لازم يحضر علطول!
مهاب بصوت هادي وكله رجاء فرح ممكن تدينا فرصة نقرب من بعض بجد
فرح حست إنها فعلا عايزة تقرب منه وتعرفه اكتر وكمان تعرف هو ليه بيعمل معاها كل ده هزت دماغها بمعنى موافقة.
مهاب ابتسم لها وكان مبسوط جدا إنها وافقت.
فرح وأول حاجة في إني أقرب منك هوافق إن أخوك يروح يجيب صاحبتي.
مهاب ضحك ده إيه كرم الأخلاق ده كله بس ماشي مع إنها حاجة ملهاش علاقة بينا خالص.
فرح لا ليها. معناه إني بدأت أطمن لك مع إني خاېفة منك إنت وأخوك.
مهاب ضحك على كلامها يساتر! ليه بنعض ولا إيه مټخافيش أخويا محترم مش هيأكل حتة من صاحبتك وهي جاية.
فرح ضحكت يخوفي من محترم دي! أكيد محترم زيك كده.
مهاب آه بالظبط!
مهاب اتصل بسيف علشان يقوله يروح يجيبها.
شوية ووصلت أمه وأخته. قابلتهم فرح وسلمت عليهم.
مهاب عرفها عليهم.
سناء أم مهاب ما شاء الله يا مهاب عرفت تختار عروسة! أدب وأخلاق وما شاء الله قمر.
فرح ضحكت ربنا يخليكي يا طنط.
روضة أخته لا بجد ما شاء الله عليكي أمورة!
فرح حبيبتي إنت اللي قمر.
دخل عليهم فارس رايح ناحية روضة على طول حبيبتي القمر اللي مفيش زيها اتنين!
مهاب مسكه من كتفه فيه إيه يا بني! إنت متحترم نفسك إيه ده طيب سلم على الناس اللي قاعدة الأول!
كلهم ضحكوا عليه.
روضة ضحكت حرام عليك يا مهاب سيبه ده نسي يعني علشان وحشته.
مهاب بص لها بقرف يساتر على برودك إنت وهو! وزقه خدي يا أختي اشبعي بيه.
فارس هو هيقع! طب براحة طب زعقتنا قدام العروسة الجديدة.
فرح وهي بتضحك لا ميهمكش.
فارس سلم عليها تسلمي والله! إنت شكلك كده ذوق مش زي جوزك.
مهاب من بعيد ماله جوزها يا ض!
فارس عسل يا حبيبي عسل! وأنا قلت حاجة
كلهم ضحكوا عليه.
عند سيف
سيف أخد رقم فاطمة من مهاب علشان يعرف يوصل لها. كلمها أيوة إنت دي اللي لابسة دريس أسود
فاطمة أيوة فينك بقى
سيف خلاص جنبك أهو.
وأول ما قرب عليها وشاف شكلها وقف وبيحلق عليها ده إيه الجمال ده بس!
فاطمة قربت من العربية وركبت.
سيف فضل واقف وبيتفرج عليها.
فاطمة اتكسفت منه في حاجة يا أستاذ سيف ولا إيه
سيف ها... ده فيه حاجات مش حاجة واحدة.
فاطمة نعم
سيف ولا حاجة ولا حاجة.
مشيت العربية وطول الطريق كان يبصلها وهي واخدة بالها ومكسوفة منه وعايزة الطريق يخلص بسرعة.
وأخيرا وصلوا ودخلوا المكان. كانوا قاعدين فرح وفاطمة سلموا على بعض وعرفتها على كل الموجودين. فضلوا يتكلموا كتير وفرح وفاطمة حبوا روضة وبقوا صاحباتها هي كمان.
سناء قالت لفرح بابتسامة فرح يا حبيبتي عايزاكي لوحدنا شوية ممكن
فرح ردت طبعا وقامت معاها وقعدوا بعيد عن الكل.
سناء
بصتلها وقالت بصي يا فرح أنا حبيتك جدا والله. زيك بقيتي عندي زي بنتي بالظبط.
فرح ردت وهي مبتسمة وأنا كمان والله يا طنط حبيتك أوي زي أمي بالظبط.
سناء يبقى بلاش طنط دي ونخليها ماما.
فرح ابتسمت بحب أكيد دي حاجة تفرحني جدا.
سناء أنا طبعا مهاب حكالي عن كل حاجة وعارفة هو اتجوزك إزاي. بس يا فرح مهاب معاكى انتى ذات بقى شخص تانى ابنى شكله بيحبك 
فرح بصتلها باستغراب بيحبني طب إزاي وامتى ده وهو نفسه مقاليش.
سناء قالت بثقة وإنت كمان بتحبيه.
فرح ضحكت إيه ده وأنا لحقت أصلا أعرفه.
سناء مسكت إيدها وقالت لمعة عنيكي وعينيه وانتوا بتبصوا لبعض هي اللي قالت كده. بصاتكم لبعض كل
شوية من غير ما التاني ياخد باله هي اللي قالت. فرحتك دلوقتي لما قلتلك إنه بيحبك هي اللي قالت. ومسكت إيدها وقالت ادي لنفسك فرصة تعيشي حياة جديدة غير اللي كنتي فيها واديله هو كمان حياة غير اللي عاشها مهاب شاف كتير في حياته ويستاهل واحدة زيك تبدأ معاه من جديد انا عمرى ما كنت حابه اللى هو عامله فى نفسه وطلبى منك انك تقربى منه وتفضلى معاه ومش هتشوفى غير كل خير 
فرح حست بكل كلمة قالتها سناء وإنها فعلا لازم تبدأ معاه من جديد. استغربت وسألت بهدوء إيه اللي مهاب شافه وحش.
سناء ابتسمت وقالت هو يبقى يحكيلك كل حاجة مش أنا. وقامت ومشيت من غير ما تضيف كلمة.
كان فى اساله كتير جواها ناحيته وكل شوية بتزيد لكن قررت فعلا انها هتحاول تقرب منه وتبداء حياة جديدة
بعد ما الكل مشي كل واحد فيهم دخل أوضته.
مهاب أخذ دش وخرج. سمع صوتها بتتكلم في البلكونة دخل بهدوء علشان يخضها.
مهاب بصوت عالي وهي مش شايفة إنه دخل بتعملي إيه يا فرح
فرح صړخت بفزع وبصت لقيته بيضحك عليها. اتعصبت وبنرفزة منك لله يا شيخ! كل يوم كده! حرام عليك اسكت بقى وبطل ضحك.
مهاب خلاص خلاص مش هعملك كده تاني. بس كنت بتكلمي مين
فرح بكلم فاطمة استنى أقفل معاها. وقفلت.
مهاب بص لها وبيتفرج على كل حركة منها متابعها.
فرح بابتسامة في إيه بتبصلي كده ليه في حاجة ولا إيه
مهاب هااا لا أبدا مفيش حاجة. بس خلي بالك أنا كده هغار من فاطمة. ده أنت بتتكلمي معاها أكتر ما بتتكلمي معايا.
فرح أنا وفاطمة كده مش بنسيب بعض خالص وهي أكتر حد كان بيصبرني على اللي كنت فيه. وما ليش حد قريب مني غيرها.
مهاب حس بالحزن في كلامها مسك إيدها وكأنه بيطمنها فرح أنا عايزك تبقي فاهمة بعد كده إني جنبك وإنك مبقتيش لوحدك زي الأول.
فرح ليه يا مهاب ليه بتعمل كل ده من اول ما شوفتنى 
ابتسم بخفه هتصدقينى لو قولتلك انى مش عارف كل اللى انا عارفه ان بحس انك مسؤوله منى انى مبسوط لما بشوفك واتكلم معاكى مهمتى حمايتك
فرح بصت له بحب ظاهر في عينيها وبصوت هادي كله أمل بجد يا مهاب يعنى عمرك ما هتسبني ولا تزهق مني واصحى الاقينى لوحدي تاني
مهاب بصوت كله صدق وهو بيمسك إيدها أكتر وكأنه بيديها أمان أنا عمري ما هزهق منك ولا أقدر أسيبك. أنت بقيت غالية أوي عندي يا قطتي.
فرح ضحكت أهو قطتي دي بتخوفني وتقلقني منك.
مهاب باستغراب أشمعنى يعني
فرح بحسك كده مش تمام مش مظبوط يعني.
مهاب ضحك بصي الصراحة أنا مش تمام فعلا.
فرح شدت إيدها منه ما أنا بقول كده مش مرتاحالك من الأول.
مهاب ضحك يا غبية أنت مراتي. في إيه
فرح ضحكت آه صح في إيه بس بقولك صحيح أنت عرفت ستات قبل كده
مهاب يووووه مقولكيش بعدد شعر راسي.
فرح بدأت تغير بس مش مبينة آه وحبيت حد منهم قبل كده
مهاب بص في عينيها وكل كلمة كانت خارجة منه بصدق عمري ما حبيت حد فيهم ولا عمري حسيت أي حاجة ناحية حد. كلهم كانوا مجرد وقت مش أكتر. بس في واحدة عرفتها قريب بأقل تصرف منها قادرة تملكني ابتسامتها بتسحرنى .
فرح اتكسفت من كلامه أحمممم ماشي هعمل نفسي مصدقاك.
مهاب والله كل اللي قولتهولك ده حقيقة ما كذبتش في حرف واحد. أنا بعتبر الستات دول زي الورد لازم أعرف كل أنواعه. بس أنا خلاص بقيت من كل الورد ده مش عايز غير وردة جوري واحدة. أول ما شفتها حسيت إنها ملكت حياتي.
فرح اتكسفت أوي من كلامه وخدودها بقت حمراء أوي من كتر كسوفها. فهمت إنه قصده عليها هي ابتسمت له من غير أي كلمة.
وفضلوا يتكلموا كتير في كل حاجة وهي حكت له عن نفسها لغاية ما الفجر أذن.
فرح هااا إحنا قعدنا كل ده بنتكلم والله ما أخدتش بالي خالص.
مهاب لما الوقت بيبقى حلو مش بنبقى عايزينه يخلص.
فرح ابتسمت له صح بس هقوم أصلي الفجر بقى وأنام وكمان علشان أنت تعرف تصحى لشغلك متنساش تصلى قبل ما تنام .
مهاب ماشي بس استني قبل ما تدخلي. دخل الأوضة وخرج بالوردة.
فرح ضحكت إيه ده أنت تاني
مهاب وكل يوم مش هتنامي غير لما تاخدي وردتك.
فرح ماشي يا سيدي شكرا. أنا فعلا بعشق الورد الجوري.
مهاب ابتسم لها أكيد هتحبيه علشان شبهك.
فرح اتكسفت واتكلمت بسرعة وهي داخلة جوه تصبح على خير يا مهاب.
مهاب ضحك على كسوفها أصبح على عينيك الحلوة يا قطتي.
الصبح مهاب كان لابس ونازل رايح شغله. نزل السلم لقاها قدامه ولابسة هدوم خروج.
مهاب باستغراب إيه ده رايحة فين ولابسة كده
فرح أولا صباح الخير.
مهاب ابتسم صح نسيت صباح الورد يا قطتي.
فرح ضحكت بفرحة وكسوف ثانية المفروض أنا عندي جامعة وبقالي