جوازة ابريل الجزء الاول والثاني
الإرتباط برزان بشكل مؤقت حتى يقطع على ريهام طريق العودة.
عاد باسم إلى الواقع على صوت جرس الباب فاعتدل في جلسته ونظر إلى ساعة معصمه ليجد أن الساعة قد قاربت التاسعة مساءا ليفكر في هواية طارق الذي أتى في هذه الساعة ولا يعتقد بأنه خالد فهو مشغول اليوم بتأليف إعلان جديد.
نهض باسم من مكانه ليتجه نحو الباب بخطوات متثاقلة وحين فتحه ارتسمت علامات الصدمة على ملامحه لأنها خرجت من أفكاره لتتجسد بقامتها أمام منزله.
نهاية الفصل الحادي عشر
رواية_جوازة_ابريل
نورهان_محسن
للموقع الفصل الثاني عشر بحبها رواية جوازة ابريل الجزء الاول بقلم نورهان محسن
عاد باسم إلى الواقع على صوت جرس الباب فاعتدل في جلسته ونظر إلى ساعة معصمه ليجد أن الساعة قد قاربت التاسعة مساءا ليفكر في هواية طارق الذي أتى في هذه الساعة ولا يعتقد بأنه خالد فهو مشغول اليوم بتأليف إعلان جديد.
نهض باسم من مكانه ليتجه نحو الباب بخطوات متثاقلة وحين فتحه ارتسمت علامات الصدمة على ملامحه لأنها خرجت من أفكاره لتتجسد أمام منزله قائلة بصوتها الناعم مبطن بالتردد مساء الخير يا باسم
سرعان ما أزاح عنه حجر الصدمة عقب رؤيتها مكتفيا بإيماءة خفيفة من رأسه لتخطو ريهام إلى الداخل ثم التفتت إليه لتكون أمامه مباشرة وسألته مبتسمة الثغر ايه يا باسم!! انت مش هتقولي اتفضلي
نظر باسم إلى حيث تقف ثم أجابها ساخرا ما انتي خلاص اتفضلتي!!
تنفست ريهام بعمق عندما أشار بيده مؤذنا لها بالدخول لتتقدم بخطوات بطيئة إلى الأمام بينما أغلق باسم الباب وهو ينظر إليها بتوجس أما الأخرى فكانت عيناها تمشط المكان يمينا ويسارا وتجولت بعض الأفكار داخل رأسها ثم سألت بنبرة مريبة لا تخلو من مكر أنثوي ايه في حد عندك ولا انا جيت في توقيت مش مناسب!!
بقي باسم واقفا في مكانه ولم يتبع خطواتها ينظر إليها بتمعن محاولا قراءة أفكارها من عينيها لكنها
تهربت من نظراته وهي تجلس على إحدى الأرائك فأجاب على سؤالها بسؤال مماثل في نبرة باردة ممزوجة بالحيرة وهو يضع إحدى يديه فوق الأخرى أمام جسده جاية ليه لحد هنا يا ريهام!
أمالت ريهام رأسها بتفكير فى رد وهي تحدق به بعينيها الزرقاوين تتأمل هيئته ببنطاله القطني الكحلي والتيشيرت الأبيض المنقوش عليه حروف باللون الكحلي وخصلاته السوداء الناعمة المتناثرة على الجانبين بشكل غاية في الروعة لتجيب بمراوغة ايه المعاملة الجافة بتاعتك دي يا باسم .. مش اسلوب راجل جنتل مان زيك .. علي الاقل ضايفني دي اول مرة ازورك في بيتك!!
فرك باسم جانب صدغه بسأم ثم تساءل يجارى أسلوبها بإستسلام تشربي ايه!!
أجابته ريهام بذات النبرة الهادئة لو ممكن قهوة سكر زيادة .. عشان قدامنا وقت طويل نقول فيه كلام كتير ماتقالش
قال باسم على مضض مفيش بينا كلام يتقال
سألته ريهام بدون مقدمات وعلى محياها إبتسامة متلاعبة مش قادر تطردني .. لسانك مش مطوعك تنطقها
إبتسم لها قبل أن يخبرها وهو ينظر عميقا لعيناها الستات الحلوة ماينفعش يطردوا
سألته بصوت ناعم جدا مليئ بالحماس تنتظر سماع إجابته لترضي لسه بتشوفني حلوة يا باسم!
تعامل باسم مع الأمر وكأنه لعبة مسلية إذ رفع أحد حاجباه الكثيفان قائلا بثقة لا .. بقيتي اجمل من الاول بكتير يا ريهام
اتسعت على فمها ابتسامة كبرياء لم تزيدها إلا جمالا مضاعفا فيما لم يمنحها الآخر فرصة للرد قائلا بلهجة رجولية هادئة آسرة هعملك القهوة
أماءت ريهام له بالموافقة دون أن تتلاشى ابتسامتها بينما اتجه باسم بهدوء نحو المطبخ الإيطالي لإعداد القهوة فانتصبت من مقعدها لتتحرك بخطوات هادئة في الصالة تحاول عيناها التقاط أي شيء مريب يحدث لكن يبدو أن تلك المرآة غادرت قبل أن تأتي لتتأمل الأثاث الأنيق والديكورات الأنيقة في منزله بإعجاب إذ تجمع الصالة الفسيحة بين غرفة المعيشة وغرفة الطعام والمطبخ في نفس الوقت ولكن هناك عدة ألواح خشبية على شكل حاجز صغير يفصل بينهم ثم توقفت عن المشي عند المرآة الكبيرة في إحدى الزوايا المعلقة على الحائط لتحدق في انعكاس صورتها بابتسامة متعجرفة وكانت أصابعها تلعب بخصلات شعرها البنية الطويلة المتعرجة على كتفيها.
داخل المطبخ ذو التصميم المفتوح مكون من طاولة مستطيلة متوسطة الارتفاع أو ما يسمى بالبار المصنوع من الرخام والخشب الفاخر.
يقف باسم أمام الآلة الكهربائية منتظرا حتى تنضج القهوة تماما قبل أن يصبها بملامح جامدة على عكس نبضات قلبه المتضاربة حيث أن مجيئها إليه جعله في حالة من الارتباك لا إراديا.
سمع صوت كعب حذائها العالي يتردد على الأرضية الرخامية فأدار رأسه نحوها ورمها بنظرة خاڤتة ليراها توقفت مع بعض التردد متكئة على البار من الجانب ثم أعاد تركيزه على ما كان يفعله لتتساءل ريهام بابتسامة حلوة مش محتاج مني اي مساعدة!
شبه ابتسامة ساخرة مرت على فمه وهو يذوب السكر في القهوة بالملعقة قبل أن يستدير لمواجهتها وأجابها ببحة رجولية ماتتعبيش نفسك .. القهوة بقت جاهزة
شاهدها تقترب منه ببطء خطوة بخطوة حتى تقلصت المسافة بينهما وتطلعت إليه بابتسامة مضمومة همس بإسمها بصوت يكاد يسمع فهمهمت له بإستجابة بذات النبرة نعم!
باسم بنبرة ثابتة مخملية هامسة أخبرها انا هتجوز!!
فتحت ريهام عينيها لتحدق إليه بنظرات غير مستوعبة بينما ترددت عبارته في ذهنها فأضاف بنفس النبرة وبحبها
أخفضت ريهام يديها متراجعة للوراء لتنظر في عينيه بارتياب تبحث عن شيء يثبت لها أن كلامه غير صحيح رغم علمها المسبق بذلك الخبر فأومأ برأسه بجدية مؤكدا لها وهو يرى خديها
أصبحا أكثر احتقانا بينما ترفع ريهام رأسها أخيرا مدركة مغزى كلامه لتتمتم بابتسامة باهتة يسكنها الكثير من السخرية والمرارة في آن واحد انت بتردهالي ..
_هسألك سؤال واحد يا باسم .. في أي وحدة غيري هتملى مكاني الفاضي جواك!
تغلغل سؤالها المفعم بالأمل في أذنيه فانتظرت إجابته بعينيها الزرقاوين المشعتين تراقبه متلهفة لترى أي رد فعل منه بنظرات الاستفهام لكنه لم يخرج عن صمته لترد مكانه بثقة بسكوتك دا بتثبتلي اكتر ان مفيش حد قدر ياخد مكاني
انهت ريهام كلماتها تترجم صمته الغامض بالموافقة على ما قالته بينما يقف باسم وعيناه مثبتتان عليها بملامح غير مقروءة رفعت عيناها تنظر إليه بنظرة استغراب قابلها بنظراته الحادة وتحدث بصوت مخملى بارد ريهام !! انا مبحبش الستات اللي بترمي نفسها
اتسعت مقلتا عينيها من الصدمة مثل صاعقة سقطت على رأسها لتهتز حدقتيها بعدم تصديق بسبب كلامه مع هز رأسها يمينا ويسارا لعلها تنفض ما قاله عن التثبيت في ذهنها ثم همست بصوت ملجلج وهي تشير إلى نفسها انت .. بتقولي انا الكلام دا يا باسم!
رأى باسم بوضوح بريق عينيها بالدموع التي حاولت حپسها عن الخروج بمكابرة ليشعر ببهجة النصر تتقافز داخله لكن بعد ثوان استهدفت قلبه وخزات لم يستطع ترجمتها باسطا يديه على الجانبين وهو يهز رأسه بملامح عابسه قبل أن يبادلها بسؤال آخر ماهو مش معقول بعد كل عمايلك فيا .. تنتظري مني ارحب بيكي!
أطرقت ريهام رأسها أرضا لثانيتين ثم رفعتها نحوه مرة أخرى قائلة بخفوت انت اكيد ليك حق تقول اكتر من كدا .. بس انا اكتشفت اني محبتش غيرك انت يا باسم طول السنين دي
قهقه باسم ساخرا بصوت عال على تعليقها ذلك ثم زجرها بنبرة لاذعة فاكراني هعيد نفس الغلط تاني .. فاكرة انك هتضحكي عليا تاني .. كل الحكاية انك حاسة بوحدة وفراغ بعد طلاقك وعايزة تمليهم بيا يا ريهام
جن چنونها من كلماته المستفزة وصړخت لا إراديا بصوت ضعيف أجش مشوب بالإصرار مش بضحك عليك
تجمعت الدموع في سماء زرقاوتيها بكثافة مشكلة سحابة ضبابية لكنها كررت أسئلتها حتى تجعله يعترف بما كانت تتلهف لسماعه بص في عيني وقول انك تقدر تشوف اي ست تانية زي ما بتشوفني وتقدر تحبها وتفتحلها قلبك ..!!
بسخرية رفع باسم حاجباه معا وبإستنكار أخبرها انتي موهومة يا ريهام .. انا مش شايفك من الاساس .. والواد المرهق بتاع زمان مابقاش له وجود .. خلاص كبر يا مدام..
أنهى باسم كلماته الساخطة فجأة لتتحول ملامحه الغاضبة إلى أخرى سألته ريهام بصوت مصډوم في حيرة حقيقية انت ايه اللي عايز توصله بالظبط !! .. مش مصدقة انك تقولي كدا بعد كل مشاعرك الحلوة اللي كنت حاسسها نحيتي!
تلاشت النظرة الملتوية في رماديتيه فور سماعه كلماتها
لتحل محلها عواصف الڠضب ويهسهس من بين أسنانه بفحيح وهو يشير بإصبعه في اتجاهها المشاعر دي انتي دهستيها برجلك و نهيتي كل حاجه كانت ممكن تجمعنا في يوم من الايام .. ماكتفتيش
تعالت أنفاسه ليستأنف بنبرة أكثر حدة تحمل سخرية صريحة ومريرة ډمرتي كل سنين طفولتنا مع بعض واى ذكريات حلوة بإستخفافك وغرورك .. وانا كملت عليها ونهيتها .. يعني مابقاش فيه حاجة تخليني احنلك او حاجة افتكر بيها اى ذكري حلوة لينا مع بعض .. جاية دلوقتي بعد ماهديتي كل الجسور اللي مابينا عايزنا نرجع زي ما كنا بالبساطة دي .. عايزاني انسي انك كنتي شايفاني لعبة ازاي
أخبرته ريهام بنبرة غير راضية عما تسمعه تحاول بإستماته الوصول إلى أي خيط من العاطفة بداخله انت مانسيتنيش زي ما انت بتقول .. ودقات قلبك العالية دي سماعهم من عندي لمجرد اني واقفة قدامك يا باسم
ازدرد باسم لعابه ثم أجابها بكل صدق وبما يشعر به إذ لا يرى أمامه الآن سوى لوحة باهتة لامرأة كانت في الماضي تعني له الكثير قلبي دق لإنسانة رسمها هو في خياله و اتوهم انها تبقي انتي
هزت ريهام رأسها لتتأرجح خصلات شعرها في حركة بسيطة رافضة تصديق كلامه وهى تشيح بصرها عن نظراته التي كانت وكأنها تقتحمها بإتهاما فرددت بنبرة آسفة باسم!! انا بعتذرلك دلوقتي و بجد انا ندمانة .. واسفة علي اي غلط غلطته في حقك قبل كدا والله صدقني ماكنش قصدي
أجابها باسم بجمود بعد تنهيدة عميقة مثل نظراته نحوها كان ممكن تبقي الكلمة دي ليها قيمة في ظرف تاني ووقت مختلف .. مش بعد عشر سنين حصل فيهم كتير اوي كلمة اسف بتاعتك مش دي هتغير فيهم حاجة
رمشت ريهام بأهدابها تباعا وما زال عقلها يرفض الاقتناع بكلامه مستمرة في المحاولة لتهمس بصوت خاڤت لدرجة دي .. يعني سنين عمرنا اللي كنا
فيهم اقرب لبعض من اي حد مايستحقوش يخلوك تدينا فرصة تانية
بجدية شديدة رد عليها وقد تضاءلت مؤشرات الڠضب تماما عن ملامحه لتظهر أخرى متجهمة وهو ينظر إليها بحزن حقيقي للاسف لا .. تعرفي حتى الحلو اللي كنت شايفو فيكي .. طلع كان مجرد وجهة من ازاز .. اي طوبة هتيجي فيه هتخليه الف حته مکسورة
عقدت حاجبيها بضيق عاجزة على الرد لا تعرف ما يمكن أن تقوله وساد الصمت بينهما للحظات تبادلا خلالها النظرات طويلا قبل أن يدير وجهه عنها متراجعا عدة خطوات إلى الخلف وقال بنبرة صارمة يغلفها البرود الثلجى ودلوقتي اتفضلي امشي حالا
لم ينتظر ردها بل غادر خارج المطبخ وتركها تكاد ټنهار من صدمة طرده ورفضه لها الذى قرأته بوضوح في عينيه لتجر قدميها بحزن وهي لا تزال تحت تأثير كلامه.
وقف باسم أمام النافذة الكبيرة موليا ظهره إتجاه ريهام التي خرجت من المطبخ لتحدق فيه مطولا فيما وضع يديه في جيوب بنطاله القطني ثم غادرت منزله بصمت.
تنفس باسم الصعداء فور سماعه صوت اغلاق الباب ثم سار بخطوات بطيئة ليلقي بثقل جسده على الأريكة ويريح رأسه على حافتها.
بقلم نورهان محسن
بعد وقت قصير
ريهام تجلس داخل سيارة أجرة وتحدق في الطريق من نافذتها بملامح قاتمة وعينين تموجان بالكثير من المشاعر.
تضم كفيها إلى بعضهما لعلها تتوقف عن ارتعاشهما وتتقلب أفكارها يمينا ويسارا فى ذهنها طالما كانت تعتقد أنها أذكى بكثير من ارتكاب الأخطاء وأنه حتى أخطائها تخرج منها رابحة ولا تخسر شيئا.
أما الآن فقد تزعزع شيء داخلها مم تسبب لها في ألم لا يطاق. ولعل كلماته الصحيحة هزت ثقتها بنفسها وهذا أصابها بحالة من الاستياء والحزن بسبب إهانته لكرامتها لكنها لا تعترف بفشلها وصوت بداخلها ېصرخ بإلحاح كبرياء أنثى مجروح كيف يفضل أنثى أخرى عليها فتتبلور الغيرة في مقلتيها وتنشب مخالبها في أعماقها فلا ينافسها أحد وينجح في الفوز وهذا ما ستحرص على إثباته قريبا جدا.
لاحت في عينيها الزرقاوين نظرة مليئة بالمكر والتلاعب لتخاطب نفسها بصوت داخلي ماشى يا باسم .. انا هثبتلك
ان اللي انت فضلتها عليا دي هتبيعك .. وهترميك علي طول درعها
بقلم نورهان محسن
بعد مرور ساعتين
فى فيلا صلاح الشندويلي
ايه يا بنات مالكو راجعين مكشرين كدا ليه!
سألت وسام بذهول التى كانت يتجلس في الصالة الفسيحة وهى تحدق في ابنتها هالة منتظرة الجواب أجابتها بضيق مفيش يا ماما
تهاوت هالة على الأريكة بملامح عابسه بجوار والدتها بينما هتفت لميس التي وقفت على بعد خطوات منهم تطالع هالة بنظرات استنكار لإنكارها وعدم الإفصاح عما حدث لتضع وضعت يديها على جانبيها ثم نقلت نظرت إلى وسام وعلقت پغضب مليئ بالعناد لا يا طنط فيه..
أضافت لميس مشيرة برأسها إلى هالة بإلحاح اتفضلي احكيلها اللي حصل .. وانا رايحة اشرب مياه .. عشان حاسة ان جوايا شاي بيفور من الغيظ
قطبت وسام جبينها بتعجب أشد من كلام لميس المبهم وهى تراها تغادر بسرعة لتوجه نظرها نحو هالة لتسألها في استغراب في ايه يا هالة!! ما تفهميني ايه اللي جري بظبط .. انتو قلقتوني جدا
زفرت هالة الهواء بقوة من رئتيها ثم بدأت تحكي لها بهدوء ما حدث في سهرة العشاء بخلاف حالة الهرج والمرج في قلبها الذي يدق مثل طبول الحړب معلنا اقتراب موعد الدمار الحتمي.
اختتمت هالة حديثها بتنهيدة أخرى حملت في طياتها مشاعر سلبية لم تستطع الهروب منها أو السيطرة عليها هو دا اللي حصل يا ماما .. حاسة اني مخڼوقة اوي اوي من اسلوبها وحركاتها معاه .. مابطلتش ضحك وهزار معاه طول السهرة الزفت دي وانا كأني مش قاعدة قصادهم
هتفت لميس بصوت عال منفعل غاضب وهي تتقدم إليهم لتجلس على أحد الكراسي كله كوم يا ويسو .. وانه اصلا يبعتلها رسالة زي دي قبل الخروجة بساعتين يقولها معلش يا حبيبتي هعدي علي يارا اخدها من بيتها عشان عربيتها عطلت ونتقابل كلنا في المطعم وهى توافق تروح العزومة الزفت دي من اصله .. دا كوم تاني
أضافت لميس بصوت هازئ وهي ترمق هالة بغيظ شديد لتوبخها الهانم بكل برود اعصاب معرفش بيتباع فين بعتت تقوله تمام!!!
رفعت هالة نظراتها نحوها وطبقت فمها إلى الداخل لتكبت ردا حادا يكاد يخرج من لسانها لتحاول السيطرة على أعصابها لتسألها بصوت حزين كنتي عايزاني اعمل ايه يعني يا لميس !! ولو سمحتي بلاش العصبية بتاعتك دي بتوترني اكتر!!
قالت جملتها الأخيرة محذرة اياها بضيق بينما ڠضبت لميس من برودها المتناهى لتنفخ ڠضبا وهي تشير إلى نفسها وصائحة بسخط شديد ما انا لازم اتعصب يا هالة .. انا انسانة وعندي ډم .. بس انتي اللي مش عارفة ازاي صاقعة كدا .. دا ماكلفش خاطره يتصل بيكي .. بعتلك رسالة علي الطاير .. هو ازاي بجح كدا!! وانتي ايه مش هتفتحي بوقك معاه باعتراض واحد علي
علاقته بيارا دي
قالت كلامها بتعجب كبير فتقلصت ملامح وسام مقتضبة غير راضية عما تسمعه من الفتاتين بينما كانت هالة تغمض عينيها بانزعاج وتضع يدها على جبهتها بتوتر وكأنها بذلك لن تسمح لكلام لميس بالمرور عبر عقلها.
استكملت لميس حديثها متشدقة بإستنكار شديد انتي ايه جري لعقلك حاجة .. مستحيل اصلا يبقي رد فعلك الطبيعي السكوت والحرباية دي قاعدة علي نفس التربيزة بتدلع عليه .. عادي جدا وقدامنا كلنا
عقدت هالة حاجبيها بقوة محدقة فيها بسماءها الزرقاء التى تنذر باندلاع عاصفة قوية فاندفعت الكلمات من فمها بكل قهر وڠضب لا مفيش حاجة من كل اللي قولتيه دا عادي .. مش عادي خالص اللي حصل دا .. مش عادي انه يسيبني اجاي لوحدي علي العزومة اللي معمولة عشاني انا وهو .. وهو يروح يعدي علي صحبته عشان يجيبها من بيتها .. عشان خاېف عليها تيجي لوحدها .. دا مش عادي بالنسبالي
صاحت بآخر كلمة وقلبها يرتجف بين ضلوعها لتتناثر مشاعرها المكبوتة أمامهم تحت أعين والدتها التي ترى ابنتها الهادئة لأول مرة بتلك العصبية الشديدة بينما تجلس لميس ذات الملامح الباهتة في صمت.
أما هالة فعضت على شفتها بقوة تحد من رغبتها الملحة في البكاء وأصبحت خديها محتقنتين بشدة لكنها واصلت كلماتها بصوت أبح مشيرة إلى نفسها المفروض لو بيفكر في مشاعري .. كان هيقولي عدي عليها انتي يا هالة وتعالوا مع بعض ونتقابل كلنا هناك .. مش هو اللي يقولي انا هجيبها وهجيلك علي هناك .. الاقيه داخل علينا وهي جنبه وشابكة دراعها في دراعه كمان .. قدام صحابي و قدامك وقدام اللي هتكون خطيبته بعد يومين
وأخيرا سقط عنها قناع البرود الزائف لتذرف دموع القهر وننست بنبرة مخڼوقة بالعبرات تبوح بما في قلبها بس انا للاسف حبيته يا لميس .. حبيته يا ماما .. معرفش لما بفكر في كل دا بحس ان قرار اني ابعد عنه صعب عليا وبيوجعلي قلبي .. وخاېفة اواجهه باللي مضايقني فأخسره
إلتزمت الصمت بضع ثوان تلتقط أنفاسها الثائرة
_انا هطلع انام .. تصبحوا علي خير!!
لتنسحب بعد ذلك مغادرة بعد أن اعترفت بكل ما كانت تحمله في أعماقها محتدمة بالغيرة تاركة إياهم يتبادلون النظرات بأسي وحيرة من أمرها.
وسام والدة هالة وباسم وكارما متزوجة من صلاح الشندويلي وابنة عمه صاحبة البشرة الحليبية ذات العيون الواسعة ورغم ظهور بعض تجاعيد في وجهها إلا أنه لم يفقد رونقه وجماله تضع العائلة في الصدراة وتحب إمضاء الوقت معهم دبلوماسية حنونة جدا تحب المناسبات الاجتماعية والجلسات العائلية التي تشعرها بالطمأنينة والاستقرار النفسي ليست مهووسة بالموضة لكنها تحرص على متابعتها لإنتقاء منها ما يلائمها ويليق بها.
بقلم نورهان محسن
عند باسم
يجلس باسم علي المشرب في صمت تام.
رفع كأسه أمامه وهو يحدق فيه شارد الذهن قبل أن يبتلع محتواه بالكامل.
اقترب منه النادل من خلف المشرب محذرا إياه استاذ باسم الوقت اتأخر واستاذ خالد منبه عليا و قايلي افصلك قبل ما..
خلاص خلاص .. ماترغيش قايم .. خلاص
قاطع باسم ثرثرته المزعجة رافعا سبابته تحذيرا له وصاح بحدة من بين أسنانه المضمومة مم جعل الآخر يجفل منه ويتوقف عن النطق مرة أخرى.
مرر باسم أصابعه عبر شعره الناعم بإنزعاج من تقلبات مزاجه ليهمس مبررا وهو مخمور ماتزعلش يا جاسر .. انا بس مش مظبط شوية بس
رد جاسر بنبرة هادئة ولا يهمك يا فندم دا مكانك
تمتم باسم بإبتسامة بسيطة اثناء نهوضه عن كرسيه طيب يلا سلام
بقلم نورهان محسن
بعد مرور نص ساعة
يقود باسم السيارة بسرعة عالية متوجها إلى منزل والده بينما كفيه يضغطان على عجلة القيادة بقوة حتى تتحول مفاصل يديه إلى اللون الأبيض وكأنه ينفث غضبه فيه وما زالت كلماتها تتردد في رأسه مرارا وتكرارا غافلا تماما عن الانتباه إلى الطريق حتى خرج من أفكاره المتضاربة إذ رأى ضوءا ساطعا يهاجم مقلتيه من تلك الشاحنة الضخمة تأتى نحوه.
نهاية الفصل الثاني عشر
رواية_جوازة_ابريل
نورهان_محسن
الفصل الثالث عشر أنا معاك رواية جوازة ابريل ج
اتسعت عيناه في ړعب وتسارعت نبضات قلبه پجنون وبدون لحظة تفكير أدار عجلة القيادة مما أدى إلى انحراف السيارة إلى أقصى اليمين ثم أدارها مرة أخرى بمنتهى السرعة متفاديا بإحتراف الاصطدام بتلك الشاحنة.
مرت لحظات معدودة قبل أن يدير رأسه وينظر من النافذة الخلفية للسيارة بعينين جاحظتين غير مصدق
أنه لا يزال على قيد الحياة.
ألقى باسم رأسه على حافة المقعد وهو يلهث أنفاسه بصعوبة وفمه مفتوح على مصراعيه ويداه وجبهته تقطران عرقا من التوتر الذي هاجم جهازه العصبي وشعر پاختناق شديد.
بقلم نورهان محسن
فى ذات الوقت
عند ابريل
أبطأ يوسف من سرعة السيارة وأوقفها أمام الفيلا ثم أخبرها بصوته المجهد ببرطمة شبه مفهومة وهو يلقي رأسه على حافة المقعد مغمض العينين اخيرا وصلنا انا حرفيا مش قادر افتح عيني .. هلكتيني يا ابريل انتي وصحباتك .. اليوم بحالو ضاع جوا المول .. حرام عليكو
التفتت أبريل نحوه لترد عليه بابتسامة واسعة وعيونها تشع سعادة وهي تلوح بكفيها بحماس يا حبيبي مش علي ما بقيس و بفكر و كمان بصور نفسي بالهدوم و اخد رأي صحابي .. الموضوع محتاج صبر وتأني و دقة في التفكير ولف كتير يا جو .. عشان ممكن الاقي حاجة احلي قدام
نقر يوسف على المقود بأصابعه بضجر ووضع يده الأخرى فوق عضلات صدره البارزة من قميصه الأخضر قصير الكم الذي يتم ارتداؤه عن طريق الرأس بطريقة درامية وهو يدندن بصوت موسيقى هزلى توبة .. ان كنت اخرج معاكي تاني .. توبة .. انسيها مش هتحصل
ضحكت أبريل بسخرية عليه ثم رفعت كتفيها لأعلى وتشدقت بإستغراب محسسني اني هتجوز كل يوم .. دي مرة في العمر وخلاص .. وبعدين مش كفاية انك عمال تنبر طول الطريق وانا ساكتالك .. افصل شوية وانزل شيل الشنط للي ورا دي
قالت جملتها الأخيرة بنبرة آمرة متذمرة مم دفعه إلى النظر حيث أشارت برأسها ثم رد عليها بعدم رضا ممزوج بالدهشة كل التعب دا طول النهار وكمان هتشيليني اخر الليل .. ارحميني يا شيخة .. انتي ايه ها ايه .. اتهدي بقي!!
تمتم العبارة الأخيرة فعبست ملامحها وهتفت بسؤال مذهول واتسعت عيناها بإنشداه اومال مين هيشيل دلوقتي
غطى يوسف فمه وهو يتثاءب من الإرهاق الذى يظهر على ملامحه بشكل واضح وقال بصوت نعسان ماتسيبهم في العربية لحد الصبح .. هو انتي لازم تطلعي الحاجات دي كلها دلوقتي .. خلاص حبكت يعني يا ابريل
أومأت أبريل برأسها مؤكدة وأجابته بعناد وهى تعقد ذراعيها أمام صدرها ايوه طبعا و ضروري كمان مش هسيب حاجاتي في الشارع
تمتم يوسف بهمس بطء أشبه بالهذيان وهو يقفل جفونه اصبري انتي مستعجلة علي ايه بس! مش هيحصلهم حاجة جوا العربية ابقي خلي عم سعيد يساعدك فيهم الصبح
رمقته ابريل باستياء متبرم ثم هزته بقوة في كتفه حتى استيقظ معها قليلا بينما تخبره بمعارضة لا يا ذكي .. الصبح بروفا الفستان وهبقي مشغولة وريهام هتنزل علي شغلها وهتاخد العربية معاها
نظر إليها يوسف بنصف عين ثم علق بابتسامة يغمرها النعاس لا يا ستي .. من الناحية دي حطي في بطنك بطيخة صيفي .. انا
واخد منها العربية بكرا عشان هروح استقبل الفوج الايطالي الصبح وقبل ما اروح هتكوني اخدتي حاجتك
نفخت أبريل خديها بضجر لعدم موافقته على ما تريد قائلة بإنزعاج ممزوج بالعناد وهي تترجل من السيارة وتغلق الباب خلفها تحت أنظار يوسف المندهش من تقلب مزاجها السريع هذه الأيام يوووه .. خلاص روح نام .. انا هتصرف لوحدي .. وانا غلطانة اني طلبت منك حاجة اصلا
أسرع يوسف أيضا بالنزول من السيارة قاطبا بين حاجبيه الكثيفين ليتمتم باستنكار حائر كمان انتي المقموصة .. بعد ما شحطتي وبهدلتي اللي جابوني معاكي .. بعد ما كنت واد مز مافيش منه غير نسخة واحدة يا بت
أنهى كلامه بغيظ ممزوج بنبرة شقاوة ووضع يديه في جيوب بنطاله الجينز ليشد جسده أكثر بوضعية غرور واعتزاز بالنفس فزجرته أبريل بعبوس مشاكس اهو انت
رفع حاجبيه الكثيفين في لفتة مضحكة مغمغما بتوبيخ كاذب يا اوزعة احترميني شوية انا اخوكي الكبير..
لوحت ابريل له بإستخفاف قائلة بنبرة أكثر مشاغبة دي هي سنة واحدة انت هتذلني بيها .. غير كدا انت طول علي الفاضي .. واخلص هتغور ولا اخليك تشيل بالعافية!
اختتمت أبريل حديثها محذرة إياه وعيونها غاضبة من بروده بينما حك يوسف فروة رأسه وقال بتثاؤب وصوت مسالم لا .. هاغور طبعا .. دا انا مش قادر اقف علي حيلي..
دمدمت ابريل بتعابير وجه مزعوجة
أدار لها ظهره وهو يضحك بهدوء ومشى عدة خطوات حتى وصل باب المنزل ثم فتحه ودلف إلى الداخل بينما نظرت ابريل إلي أثره بإغتياظ قبل أن تزفر بإحباط.
بعد مرور عدة دقائق
كانت أبريل لا تزال بجوار السيارة
تحدثت أبريل عبر الهاتف بابتسامة جميلة وهي تحمل مجموعة أكياس كبيرة في اليد الأخرى ايوه يا مصطفى .. يا حبوبي
تقدمت أبريل ببطء من جانب السيارة تستمع إلى رده من الطرف الآخر ثم أسرعت للرد عليه بكل عفوية طبعا حبوبي و روحي و عمري كله كمان
مرت ثواني ثم ترددت أصوات ضحكتها المرحة حولها فى المكان وهي تضع الأكياس على رصيف الحديقة بجوار عدة صناديق أخرى
خاصة بها ثم أجابته بحماس لا خد من دا كتير بقي الفترة الجاية
تهللت أسارير وجهها بإبتهاج تجلى في صوتها المتحمس وهي تسأل في دهشة بينما كانت تعود إلى السيارة عرفت منين اني مبسوطة !!! الصراحة مبسوطة جدا جدا .. اشتريت شوية حاجات تجنن .. بجد جميلة اوي
مالت بظهرها لداخل السيارة من الباب الخلفي حتى تمسك ببقية الأكياس وهي تستمع إلى أجابته بابتسامة ارتسمت على فمها قبل أن تخرج رأسها من الداخل بحذر وتجيبه بالنفي لا لسه .. الفستان بروفته بكرا
ضحكت على لهجته المتلهفة وأخبرته بعناد ممزوج بالدلال انسي لا مش هتشوفه الا يوم الفرح
تركت باب السيارة مفتوحا لتعود إلى جانب الرصيف ووضعت ما في يدها لتعدل وقفتها وهي تعد الأكياس بسرعة في ذهنها فأضاء وجهها بابتسامة كبيرة عندما تأكدت من أنها أخرجتهم جميعا قبل أن ترد عليه بتذمر بسيط من إلحاحه والهاتف لا
أردفت بعناد ممزوج بالضحك قولتلك لا ماتحاولش..
أدارت ابريل جسدها وكانت على وشك التحرك تنوي العودة إلى السيارة لتغلقها لكنها لم تتقدم إلا خطوتين ثم شهقت بصوت عال متفاجئة بمرور سيارة بسرعة قصوى كالبرق لتتراجع في حالة هول مفزع عندما رأتها تدفع الباب المفتوح بكل قوتها مما أدى إلى إنتزاعه من مكانه.
بقلم نورهان محسن
خلال ذلك الوقت
فى فيلا صلاح الشندويلي
تحديدا داخل غرفة هالة
أغمضت لميس عينيها وفتحتهما عدة مرات متتالية تحاول بصعوبة أن تمنع نفسها من البكاء لكن لم يفلح الأمر إذ انهمرت دمعة على طول خدها ندما على ما قالته بالأسفل ثم جلست خلفها على الفراش هامسة بما يشبه الابتسامة المليئة بالحزن شوفتي الغباء مسكت عصايا و اديتك بيها يمين وشمال واتنرفرت عليكي وانا موقفي مش احسن من موقفك خالص .. بالعكس اللي قلبي حابو هو اصلا ولا حاسس بيا .. ومع كدا فضل عندي امل فيه ومعرفتش انساه
سقطت دمعة تلو الأخرى على خديها الساخنين وتابعت بصوت متشبع بالعبرات مش قادرة اقنع نفسي ان باسم عمره ما هيشوفني غير اخته .. وكل العصبية اللي خرجت مني دي فيكي كانت عصبية علي نفسي اكتر ماهي عليكي .. عشان حتي لما طنط وسام قالتلي الصبح انه بيفكر يخطب .. انا برده لسه ملهوفة عشان هشوفه بكرا لما هيجي ودا ڠصب عني وياريتني قادرة اتحكم في قلبي .. ياريت
لاحظت هالة شهقات الأخرى دليلا على بكائها فالتفتت لمواجهتها وتمتمت بسرعة بصوت أبح وهي تضع يدها على ركبتها لميس!!
انخرطت لميس على الفور في بكاء مرير مصحوبا بالتنهدات الممزقة قال .. وانا اللي قاعدة انتقدك علي العشاء .. وعيني متبعاكي اول ما ياسر بيبصلك .. ويبتسم بتتغيري من فوقك لتحتك .. وبتتحولي لقطة وديعة قدامه .. وهو دا بالظبط اللي بيجري معايا لما بيكون قدامي
قامت هالة على الفور وفركت ظهرها بحنان محاولة التخفيف عنها ثم هتفت بصوت متحشرج مليئ بالتأثر بطلي عياط يا زفتة وجعتيلي قلبي اكتر
سألتها لميس بتردد يعني مش زعلانة مني!
تصدقى انتي فعلا غبية
همست هالة بضحكة خاڤتة وكانت قد هدأت قليلا من نوبة البكاء التي إنخرطت فيها منذ فترة قصيرة وهذا ما جعلها تشعر بالارتياح لأنها أفرغت شحنة التوتر والڠضب من داخلها لتحدق فيها بأنف محمر وردت بتوبيخ لطيف بعد أن تنحنحت لإزالة ما توقف في حلقها بسبب بكائها انا بعيط عشان كل اللي قولتيه مظبوط يا لميس .. بس انا بجد خاېفة ومش عارفة اعمل ايه!
تطلعت لميس إلى ملامح وجهها الحمراء بعينين متعاطفتين بينما خفضت الأخرى رموشها وهي تشعر بالدموع ټحرق عينيها من جديد لكنها تجاهلت ذلك وهى تستطرد تقول بصوت خاڤت ما كان يجول في أفكارها بصدق خاېفة اقوله ان كل اللي بيحصل مش عجبني ومضايقني .. بس معرفش هيكون رد فعله هيكون ايه .. انا لسه مش قادرة افهمو كويس .. و اذا واجهت هضطر اخد موقف انا مش جهزالو..
أخذت نفسا عميقا وهي تربت على كف لميس ثم أردفت بلطف بس انتي موضوعك غيري خالص يا لميس .. انتي مش عايزة تشوفي غيره بعينك من وانتي صغيرة .. ولما كبرتي بقيتي ترفضي العرسان اللي اتقدمولك .. وفضلتي متعشمة بحاجة انتي عارفة انها مفهاش أمل .. باسم فعلا شايفك اخته هو بيحبك زي اخته وانتي عارفة كدا..
كلامها كان بمثابة سيف الحق الذي اخترق منتصف قلب لميس دون رحمة فابتلعت تلك الغصة الحارة في جوفها
وفضلت الصمت وهي تخفض وجهها في خجل وتدرك في داخلها أن ما قالته صحيح فتذرف الدموع من جديد بجوى.
رفعت وجهها إليها وواجهت اليأس والحزن في نظرتها فهمست لها بجزع ممزوج بنبرة باكية انتي مش حيرانة حيرتي يا لميس .. انا مش واقفة علي أرض ثابتة .. معرفش ياسر عايز ايه مني بالظبط ! عايز يتجوزني .. وعايز صحبته تفضل في حياته .. وعايزني اتقبل دا بالبساطة دي .. ومعرفش صبري عليه هيكون لحد امتي حقيقي محتارة اوي!!!
بقلم نورهان محسن
فى نفس الوقت
عند ابريل
تسمرت ابريل في مكانها كتمثال محنط في حالة من الصدمة ضامة قبضتيها إلى صدرها وهى ممسكة بالهاتف وعيناها متجمدتان على نقطة واهية كما لو أن أحدهم قد أمسك بدلو من الماء المثلج وسكبه فوق رأسها دفعة واحدة ولم يتمكن عقلها من استيعاب ما حدث للتو.
بعد بضعة ثوان أخرجت نفسها من قوقعة الصدمة بصعوبة بالغة وهي تجبر قدميها على الاقتراب من سيارة ريهام بخطوات بطيئة لتجحظ عيناها بقوة حتى كادت ان تخرج من محجريها بعد أن رأت الباب الخلفي للسيارة منزوع من مكانه وملقى بإهمال على بعد مسافة من السيارة فشعرت للحظة أنها فقدت القدرة على التفكير أو النطق حينما تخيلت أنها في مكان هذا الباب.
پغضب رفعت عينيها إلى الرجل الطويل الذي ترجل للتو من سيارته مترنحا وهو ينظر حوله في تيه.
تقدمت نحوه بخطوات سريعة قبل أن يتمكن من الهروب بهذا الفعل الشنيع ثم ركلت باب السيارة الذي سقط على الأرض بخفة وهي في طريقها إليه لتصرخ پغضب انت يا حضرت .. هو انت اعمي ولا ايه!!
قالت ذلك في ذهول حينما رأته يتجاهل النظر إليها كما إعتقدت موليا لها ظهره ورافعا رأسه لأعلى لتتهادى في خطواتها إتجاهه عندما أدار جسده نحوها فاهتزت فيروزيتيها ومقلتيها مفتوحتان على مصراعيهما من وقع دهشتها وهي تقف في مواجهة له.
تحدثت پصدمة إستباحت ملامحها لا تقل عن صډمتها عندما اصطدمت السيارة أمامها قبل دقيقة مش معقول .. انت ازاي تيجي ورايا لحد هنا!
حدق بها باسم وفاغرا فاهه محاولا التنفس بإستماته لكن شيئا ما يعرقل من حدوث ذلك وتلك القبضة القاسېة تعتصر صدره المنقبض بشدة.
لم يجبيها بأي شيء ووجه بصره إلى الأعلى مرة أخرى فواصلت حديثها بصوت حانق ايه دا انا بكلمك .. بتبص فين ! انت هتستهبل وتمثل عشان تداري علي عملتك!
خرج صوته ممزقا مش عارف اتنفس
ضيقت ابريل عينيها عليه بارتياب مما قاله لتنتبه إلى حالته المؤسفة أخيرا محدقة فى صدره الذى ينهج علوا وهبوطا بمجهود كبير فتغيرت تعابير وجهها على الفور ونسيت ڠضبها في ثوان وسألته بنبرة متوترة وصلت إليه مشوشة ايه مالك .. انت بتطلع في الروح بجد ولا ايه!
شعرت بثقل نبضات قلبها بطريقة غريبة من شكله المثير للشفقة وقطرات العرق التي كانت تتساقط من جبهته فإستفهمت پخوف حاسس بايه!! انت مش قادر تاخد نفسك صح
استدار باسم للجهة الأخرى ليمضي بخطوات غير منتظمة وكأنه لم يسمعها كما بدا لها وكأنه قد مغيب عن الواقع.
هرولت أبريل خلفه دون أن تفهم ما به فرأت جسده ينهار ببطء أمام مقدمة السيارة بعد أن فقد توازنه.
جلست ابريل مقابله على الأرض جاثية على ركبتيها فرأته يسند رأسه على سطح السيارة ويرفع وجهه للأعلى وما زال يكافح من أجل التنفس بصعوبة فنظرت حولها وهي تقول بنبرة مشتتة هو مفيش حد هنا يساعدنا الناس كلها نايمين!!
تحركت أصابعها الباردة لا إراديا ومسحت قطرات العرق من أعلى جبهته وناقوس القلق
يطرق طبوله الصاخبة في قلبها المرتجف عندما لم تتلق أي رد منه فتلعثمت تناديه انت كويس .. رد عليا .. ماتخوفنيش!!!
رفع باسم أصابعه ودلك فوق صدره مكان قلبه الذي ينبض بقوة مثل محرك قطار سريع والشعور بالدوخة والتنميل في أطرافه يزيد ليهمس بصوت متقطع لاهث يملؤه الخۏف الشديد مش قادر .. اخد نفسي .. قلبي هيقف
اقتربت ابريل منه أكثر بعفوية ووضعت يدها المرتجفة على كتفه محاولة طمأنته فى حين أنها كانت تكاد ټنهار من الړعب أيضا لتجيبه پخوف وقلق بالغين لالا ماتخافش .. انا معاك .. هتبقي كويس .. بس خليك معايا .. بصلي هنا
حدقت ابريل في احمرار عينيه وكأنه يختنق حقا وهو يميل برأسه إلى الأمام وينظر إليها پضياع ثم أجابها بضيق شديد في التنفس مش عارف .. اتنفس .. مش عارف!!
تضاعف ذعرها وسرعان ما رفعت رأسه تثبتها إلى أعلى بكفيها وأخبرته بنبرة آمرة ممزوجة بالقلق خلي راسك لفوق كدا .. وخد نفس طويل من بوقك ..
بدأ يسعل عندما حاول التنفس بقوة فهزت رأسها بالنفي وقالت مصححة له لا .. لا من بوقك
حاول مرة أخرى لكنه فشل وزاد شعوره پألم في الصدر والاختناق فتحركت دون لحظة من التردد وفتحت أزرار قميصه لكي تساعده على التنفس بحرية لتردد بصوت وصل إليه من بعيد
رغم نبرة صوتها العالية بينما كانت تشعر بضخ قلبه القوي تحت كفها خليك مركز عليا..
أخذت ابريل نفسا عميقا من خلال أنفها ثم أخرجته ببطء عبر فمها بينما كانت تشرح له بصوت منخفض اتنفس براحة .. ايوه .. خد نفس زي كدا معايا .. علي مهلك .. وبعدين طلعو براحة
أضافت ابريل سؤالا بإشمئزاز ايه الريحة دي .. انت شارب ايه!!
ظل
