جوازة ابريل الجزء الاول والثاني

حجة تانية تقولهالو غير الكور ونا عشان بقت قديمة .. وماتخيلش علي عيل بيرضع
إلتفت باسم ناظرا إليه ثم ألقى الوسادة فى وجهه بقوة ليتلقفها الأخر ضاحكا بإستفزاز فتشدق باسم بضيق خلاص وصلت .. يوووه علي رغيك اللي بيوترني .. ما تصبر لما اصحصح ياعم وبعدين اوجع بطني
وضع خالد يده على معدته وقال من بين ضحكاته خلاص سكت
قالها خالد مواصلا الضحك ليزجره باسم بإزدراء ثم تجاهله متابعا طريقه إلى الحمام هاتفا بتعجل طيب انا داخل اخد شاور في السريع وانت روح شوفلك صرفة تصحي بيها المخمود برا دا وماتنساش تاخد باب الاوضة في ايدك
قلب خالد عينيه بملل ليقول بسخرية طيب اما نشوف اخرتها معاكو ايه
بقلم نورهان محسن
فى شركة الشندويلي للعقارات والاستثمار
جلجل صوت رجولي ساخر في جميع أنحاء المكتب الفاخر المصمم بشكل عصري يليق بمنصب رئيس مجلس الإدارة هو مفيش مرة تلتزم فيها بمواعيدك يا شملو ل!
تأفف باسم بضيق على هذه الكلمات التي تكررت في أذنيه مئات المرات وهو يشيح برماديتيه ثم رد دفاعا ما انا جيت في الاخر يا بابا ولحقت الاجتماع زي ما كنت عايز خلاص بقي
زفر صلاح بقوة مستاء مما قاله الآخر كان يعلم أن هذا الجدال سيكون بلا جدوى إذا تمادى فى معاتبته لذلك قرر الوصول إلى هدفه بطريقة أخرى مائلا إلى الأمام بمرفقه على سطح المكتب ثم تحدث بطريقة أكثر لينا افهم يا ابني .. انا مش عايزك بس تحضر الاجتماعات .. عايزك كمان تداوم بصفة مستمرة .. مش تبقي عامل زي الضيف في ملكك تيجي شوية وتمشي
رد باسم بانزعاج وعبوس يشوب وجهه الوسيم وانا كنت قصرت في ايه !! ما انا ماسك قسم الاعلانات الخاصة بالعملاء او الخاصة بالشركة والدنيا تمام
سأله صلاح بعبوس مماثل رافعا حاجب واحد بخب ث يعني عجبك الشغل عند كارم مش كدا!!
نفى باسم علي الفور مش عند كارم قصدك مع كارم .. في فرق كبير اوي يا بابا .. ثم انا بحب شغلي ومتمسك بيه والاهم اني ناجح ورقم واحد فيه .. وفي نفس الوقت ماسكلك الشغل هنا وماقصرتش فيه
الثقة الكبيرة والتأكيد في لهجة باسم دفعت الأب إلى الاستسلام دون رد ثم أضاف باسم بنبرة مرحة مشيرا إليه برأسه وبعدين قعدة المكاتب دي مابحبهاش ولا واخد عليها زيك يا صلاح .. اتعودت علي الحركة والسفر
قابل صلاح مزاحه بحواجبين معقودين بعد أن عاد للخلف بظهره ومرفقه على مسند الكرسي الذي كان يجلس عليه وقبضة يده تحت فكه وقال متعبا بضجر يا برودك مفيش فايدة مهما قولت هتلاقي سكة تحور الكلام بيها .. خلينا في المهم تكون في البيت بليل او بكرا بالكتير اذا اتأخرت عن كدا انت حر
أنهى صلاح جملته الأخيرة بنبرة تحذيرية ليومئ باسم بالموافقة قائلا ببرود متناهى كدا كدا كنت ناوي اجي عشان هالة عمالة تزن ومش حابب ازعلها
اعطاه صلاح ابتسامة جانبية وهو على نفس وضعيته معقبا بنبرة ساخرة لا يا شيخ شوف الحنية اللي بتشر منك .. لا يا بيه انت هتيجي وهتفضل معانا في البيت
قالها صلاح بنبرة إصرار أغضبت الآخر فهتف ساخطا معرفش ايه مخليك مصمم علي الموضوع دا!! ماتسيبني علي راحتي .. انا بكون مرتاح اكتر في بيتي
إعتدل صلاح بجلسته ثم قال بجدية مستنكرا رده دا علي اساس انك بتكلم عيل صغير هتضحك عليه بالبوقين الفارغين دول .. شكلك فاكرني نايم علي وداني ومعرفش اخبارك الهبا ب مع البنات كل يوم والتاني .. دي السوشيال ميد يا مالهاش
سيرة غير عنك
أنكر باسم هذا الكلام مسرعا دي مجرد اشاعات .. شيء طبيعي ما انا مخرج اعلانات مش شغال في بنك وتعاملي معظمه مع موديلز وفنانات وسهر كتير ..
تشدق صدغه مشيرا له بسبابته بحركة دائرية هاتفا بإستهجان انت لسه مكمل وبتقاوح .. ناسي ان عندك اختين الكبيرة متجوزة والصغيرة خطوبتها بعد كام يوم .. لو مش فارق معاك نفسك فكر في عيلتك..
بتر صلاح جملته عندما سمع قرعا على الباب أعقبه دخول رجل ذو وجه بشوش بدا أنه في أواخر الأربعينيات من عمره مصيحا بذهول ايه الزعيق دا كله يا جماعة!!
تقدم فخر الدين للداخل وأضاف بإبتسامة ازيك باسم .. عامل ايه يا حبيبي
بادله باسم الابتسامة ومد يده ليصافحه بحرارة بعد أن استقام من مقعده ليسأله متعجبا من رؤيته في الشركة ازيك انت يا عمي .. اخبارك ايه وجيت امتي من الفيوم
تلقى من فخر الدين ضړبة على كتفه اليمين بخفة متشدقا بمزاح ماهو لو بتسأل علي عمك يا ند ل كنت عرفت اني وصلت هنا من اول امبارح .. دا انا زي الغرب بعرف اخبارك من السوشيال ميد يا
وياريتها اخبار عدلة!
تحول انتباه الجميع إلى مصدر الصوت الذكوري الأجش القادم من مدخل الباب فى حين تأوه باسم متفاجئا للحظة ثم قال بتعبير متجهم على تدخله في الحديث عمرك ما هتبطل سخا فتك دي ولا هتتغير يا باشمهندس عز !
تقدم عز إلى الأمام ثم جلس على أحد الكراسي وقال هازئا بغرور من بعض ما عندكم يا ابن عمي
ظل التجهم محتل قسمات وجه باسم ليروي موضحا هعيد تاني .. الصحافة والاخبار مابيصدقو ينشروا خبر مفبرك ويعملوا ضجة من الهوا .. عشان يبقو تر ند والغلابة بس اللي بيصدقوا
لم يعلق كلا من صلاح وفخر الدين متابعين الحوار في صمت فيما صدر عن عز قهقهات بغير إقتناع مغمغما باستفزاز حيث كان واضحا أنه كان يبحث عن سوء تفاهم ليشاكسه يا مظلوم ..
مال عز برأسه إلى الجانب اليسار ثم إستأنف حديثه بسخرية تامة خبر مفبرك دا مرة .. اتنين .. مش كل اسبوع اشاعتين تلاتة علي سيادتك مع بنات .. الله اعلم طينتهم ايه وجايين من انهي صفيحة زبا!!
استشا طت نظرات باسم حنقا مم سمعه ليتمتم بعدا ئية يتخللها البرود ماتدخلش انت في حاجة ماتخصكش
صدح صوت عز فى أرجاء المكتب متفاجئ بامتعاض ماتخصنيش !! انتو سامعين بيقول ايه .. !
أدار فخر الدين رأسه إلى صلاح الذي كان يراقب ما يجري دون رد فعل ظاهرا على وجهه منتظرا تدخله قبل تصاعد النقاش بين الاثنين فيما استأنف عز الدين حديثه بنبرة اتها مية عالية لا يخصني ونص .. عشان عمايلك القذ دي مع البنات بقت بتأثر بالسلب علي الشركة واسهمنا في السوق .. وكدا بنخسر ثقة العملاء فينا وسمعة الشركة بتضر من تحت راسك
إنكمش وجهه پغضب بينما يرمقه عز بنظرات متحدية فتقدم منه باسم هاتفا بسخط شديد وبعدين بقي سكتلك كتير .. ما تحترم نفسك علي الصبح!
همهم صلاح بجمود عاقفا كلتا يداه الى صدره موجها نظراته نحو عز ثم تحدث ببرود انت ليه لسه قاعد يا باشمهندس ماتقوم

تتخا نق معاه وتضر بوا بعض قدامنا بالمرة ..
إنتفض صلاح إلى الأمام بحركة مفاجئة وضړب بقبضته على سطح المكتب بقوة ثم صړخ بصرامة شديدة مفيش احترام للمكان اللي واقفين فيه منك له .. احنا مش في سوق خضار .. فاهمين!!
لم يشاء فخر الدين أن يقف كجماد أخر ق لا يعرف كيف يتصرف أو يساعد معلقا بنبرته الدبلوماسية الهادئة اللي بيقوله عز مظبوط يا باسم بس هو التعبير خانه .. انت مخرج ناجح محدش انكر دا وحملاتك الاعلانية اعلي تر ند في السوشيال ميد يا وافكار كل اعلان اجمد من التاني .. بس بلاش التصرفات بتاعتك دي انت كبير عليها وماتليقش بيك خلاص
إستطرد فخر الدين كلامه وهو يرفع يده مشيرا نحو الجالس خلف المكتب وبعدين صلاح سابك تقعد في بيت لوحدك عشان تكون عندك خصوصيتك يا سيدي زي ماكنت عايز .. بس معلش حاليا لازم تهدي اللعب شوية عشان نفسك و لمصلحة الشركة كمان
علق عز بصوت ساخر انت بتقول ايه لمين يا عمي !! هو دا يهمو حاجة رامي الدنيا ورا ضهره ومش سائل عن حاجة
تشدق باسم بابتسامة لم تصل عينيه بينما نظر إليه فخر الدين غاضبا لعله يتراجع عن استفزازه لكن لا حياة لمن ينادي لذا هتف بصوت مرتفع اسكت انت يا عز ..
صمت عز على مضض بينما تجاهل صلاح هذا الهراء ليقول بنبرة آمره ذات مغزى قصر الكلام يا باسم .. كلمتي لازم تنفذها وبكرا تكون في البيت معانا انا وامك ومفيش قعاد لوحدك .. لحد ما نشوف موضوعك اللي كلمتني فيه!!
زفر باسم الهواء بقوة متمتما ببرود ظاهرى جاهد للحفاظ عليه
طيب عن اذنكو عشان عندي مشوار ضروري
انهى باسم كلامه مغادرا المكتب
صلاح الشندويلى يمتلك والد باسم شركة عقارية كبيرة عيناه بنيتان شعره مصبوغ باللون الأسود ولحيته سوداء يتخللها البياض وهو طويل وواسع الصدر وله حضور مهيب ولافت للنظر شخصيته تبرز بين الجميع لديه جانب عاطفي وحنون يحب الرومانسية والكلام الرومانسي ولا يحب أن يخطئ أمام الناس حفاظا على شخصيته الجذابة وصورته المثالية أمامهم
فخر الدين الشقيق الاصغر لصلاح

الشندويلي عاشق إلى الهدوء لذا يسكن في الفيوم حيث تعيش والدة الاخوين هناك بعد ۏفاة زوجها وأيضا فخر الذين وزوجته يعيشون هناك وله ابنتان لميس وكنزي وهو المسؤول عن مزرعة الخيول.
خارج المكتب
ايه الموضوع اللي اكلم عنه عمي صلاح
هتف بها عز بفضول من خلف باسم في أحد أروقة الشركة وكأنه لم يكن منذ لحظات يستفزه وكاد يتشاجر معه فى حين لم يظهر على باسم الدهشة مطلقا فهو اعتاد على ذلك منه منذ الصغر حيث يتميز عز بطابع حاد لا يكتفي برؤية الخطأ دون انتقاده لكنه يروق بسرعة.
أدار باسم رأسه إلى الجانب مبتسما من زاوية فمه بينما عز يمشي موازيا له واضعا كلتا يديه داخل جيوبه ليرد عليه ببرود سمج بطل تحشر نفسك في خصوصياتي
رمقه عز بإمتعاض وصاح بضجر عبو ا بو ا م دي خصوصيات يا جدع
رد باسم ضاحكا ھتموت وتعرف هو انا مش حافظك..
انقطعت عباراته التالية بصوت رنين هاتفه فأخرجه من جيبه الأمامي ليرى اسم ريهام يومض على الشاشة فإنعقد حاجبيه بضجر وقام بتجاهل المكالمة مم أثار دهشة عز الذى يمشى بجانبه وسأله مازحا بشما تة شكلها مز ة راحت عليها و اتحطت في بلاك ليست مخك
توقف باسم عن السير ليفك أزرار قميصه الأولى حيث يشعر بالضيق وليت الأزرار في صدره أيضا ثم نفى بهدوء بارد لا يا خفيف .. وخليك في اللي يخصك
أتى صوت رجولى لاهث من خلفهم استاذ باسم كويس اني لحقت حضرتك!
سأله باسم بغرابة ايه الحكاية يا استاذ شريف
صمت شريف عدة ثوان يلتقط أنفاسه ثم استطرد يقول بإحترام في مدام من العملاء المميزين للشركة طلبت تقابل حضرتك بالأسم..
قال عز بهدوء طيب انا نازل علي الموقع
أماء باسم له بالإيجاب ثم تحدث بلهجة عملية مشيرا إلى شريف ماشي .. يلا تعالي
بقلم نورهان محسن
عند ريهام
فى مكان أخر فى القاهرة
تحديدا فى مقهى عصرى الشكل وهادئ
ريهام تجلس بتعبير عابس على وجهها على إحدى الطاولات برفقة امرأة ذات ملامح جميلة بشرتها خمري شعرها بني غامق وبرقبة طويلة بينما الأخرى رمت جوالها على الطاولة پغضب إستغربت منه الأخرى لتوضح لها بإستهجان انا هجنن من عمايل اخوكي يا كارما .. عجبك كدا كل يوم خبر عليه مع بنت جديدة
استمعت كارما ببرود كما لو أن أذنيها معتادتان على تكرار تلك العبارة منها فأجابت بلا مبالاة تبسط يدها إلى الأمام دي حاجة مش جديدة علي باسم يا ريهام
اعتدلت ريهام فى جلستها هاتفة بإنفعال هو مش انتي اخته الكبيرة!! دبريني اعمل معاه ايه!! دبريني يا كارما انا خلاص غلبت..
عقدت كارما ذراعيها أمام صدرها لتسألها بنبرة باردة انا اللي مش قادرة افهم!! ايه سر اصرارك الغريب من تقربك منه اللي ظهر فجأة دا
هزت ريهام رأسها نافية ثم تكلمت بثقة مين اللي قالك فجأة!! انا وباسم كنا بنحب بعض من واحنا صغيرين بس ماحصلش نصيب بينا..
قالت كارما بنبرة ثابتة مصححة لها مدافعة عن شقيقها وهى تميل بجذعها نحوها أمام الطاولة ريكا .. انا اخته وصحبتك مش وحدة غريبة عنكو .. هو اللي كان بيحبك ومتعلق بيكي .. كلنا كنا واخدين بالنا من تصرفاته وانتي اللي رفضتيه وفضلتي عليه دكتور الجامعة الناضج التقيل ولا نسيتي!
أنهت كارما جملتها بسؤال معاتب فابتسمت ريهام من زاوية فمها لتردد بصوت ساخر دكتور الجامعة !! مش عارفة ازاي كنت غبي ة لما كنت فاكرة اني بحبه 
ظهر الندم جليا فى مقلتيها بينما كارما ترمقها بنظرات صامتة فإستطردت موضحة كان با رد .. منظم بشكل هستير ي .. مش قادرة اوصفلك الحياة مع واحد حاططلك مواعيد للنوم وللصحيان وللأكل والعلا قة .. وحتي لو خرجنا لازم يكون عارف المطعم اللي هنروحه .. لا ويفضل يحط في احتمالات ممكن نقابل مين هناك .. واول ماندخل هنتصرف ازاي وهنقعد فين .. انسان معندوش ذرة مشاعر .. بجد معرفش ازاي استحملت عشر سنين من عمري عايشة معاه
ربتت كارما على ظهر كفها بخفة فوق الطاولة وقالت بجدية اهدي طيب يا ريكا .. وانا معاكي ..انتي خرجتي من تجربة صعبة من وقت مش طويل وطبيعي تبقي مش فاهمة مشاعرك
دعت ريهام تنهيدة تخرج من شفتيها وكانت موقنة من أنه لن تجعلها تقنع بمكنونات مشاعرها القوية تجاهه باسم لذا غيرت مجرى الحديث لتتجنب الجدال معها أثناء احتسائها قهوتها طيب يا كارما وانتي عاملة ايه مع ظافر!
كارما الشندويلى
الأخت باسم الكبيرة تبلغ من العمر 33 عاما صديقة ريهام منذ الطفولة متزوجة ولديها طفلين ثامر وتيا لديها حس المرهف بالمسؤولية تجاه أطفالها فهي مثالا يحتذى به للأمومة تعتبر أسرتها أغلى ما تملك حبها لأطفالها حب قوي جدا تحب وتلتزم بالاهتمام الدقيق بكل تفاصيل الرعاية بأطفالها تتصف بحدسها القوي تقول الآراء القاسېة أحيانا دون مراعاة مشاعر الغير تسعى بكل قوتها لتجعل زواجها ناجحا رغم شكها تلك الفترة بتصرفات زوجها الغريبة.
نهاية الفصل الخامس
رواية_جوازة_ابريل
نورهان_محسن
الفصل السادس سقط عن أنظارها رواية جوازة ابريل ج
صدق من قال أن الكلمات تلمس وټغرق وتنقذ وتدفء تجعلك تطير وتتسع وأحيانا أخرى تلصقك في الأرض لتتمزق بلا رحمة.
عند باسم
داخل شركة الشندويلى
فى مكتب عصرى الأثاث
خطى باسم خطوات ثابتة إلى الداخل ورأى امرأة فائقة الجمال تجلس على الكرسى أمام المكتب وتضع قدما فوق الأخرى وتحدق شاردة في الفراغ فتنحنح منبها إياها لحضوره وقال بهدوء مساء الخير
استفاقت على صوته الجذاب وتدحرجت نظراتها إلى وجهه حيث نهضت من مقعدها لتقف فى مواجهته قائلة بصوتها الأنثوي الناعم مساء النور .. انا هيام جبران .. ابقى حرم عزمي ابو المكارم
قدمت هيام نفسها له بلهجة واثقة وهي تمد يدها لمصافحة يده بينما عقب الآخر بلباقة تشرفت بحضرتك وجوزك اكيد غني عن التعريف
أضاء وجهها الفاتن بإبتسامة أظهرت أسنانها وتابعت بصدق مبسوطة اني قدرت اقابلك
بادلها باسم البسمة وهو يشير إليها في انتظار جلوسها ثم قعد مقابلها مباشرة ليسألها بسرعة تحت امرك .. بس علي ما اظن ان حضرتك مش جاية بخصوص اعلان لمعارض سيارات جوزك ولا انا غلطان
ضحكت هيام بخفة وأجابته مؤكدة بالعكس مش غلطان .. انا عايزة الاعلانات بخصوص فروع البيوتي سنتر بتاعي انا
أردفت هيام مسرعة بعد أن ألقت نظرة على ساعة معصمها سوري مضطرة امشي لاني مرتبطة بمواعيد مهمة .. ممكن نكمل باقي كلامنا وقت تاني
كان يتمنى أن تبقى لفترة أطول حتى يتمكن من فحص كل ملامحها حيث أنها حازت على إهتمامه بنظراتها الغامضة لكنه أومأ برأسه بالموافقة متمتما اوي .. اوي
استأنف باسم حديثه حيث التقط قلما وقطعة صغيرة من الورق من على المكتب وحنى ظهره قليلا ودون عليها بعض الأرقام دا رقمي الخاص .. هستني اتصالك عشان نحدد معاد للمقابلة الجاية
أنهى باسم كلماته تزامنا مع إلتفاته نحو المرأة الجالسة التى تتابع حركاته بتمعن أما هو أعطاها الورقة فأخذتها من بين أصابعه قائلة بإيجاز ميرسي جدا علي وقتك .. عن اذنك
قامت من مقعدها بمجرد أن أنهت عباراتها القصيرة ممسكة بحقيبة يدها من فوق الطاولة الصغيرة ليصافح يدها مرة أخرى وتمتم بابتسامة جذابة اتفضلي .. مع السلامة
اكتفت هيام بالإبتسام فقط وهي تلاحظ نظرات الإعجاب تنبعث من رماديتيه ثم وزعت نظراتها بين يدها التي احتفظ بها في يده لفترة أطول من الطبيعى وبين عينيه الداكنتين المثبتة على ملامحها مم جعلها تشعر بالارتباك حتى أفرج عن كفها بعد ثوان لتسير نحو باب المكتب في صمت قاطع سكونه صوت الكعب العالي الذي ترتديه أمام عيني الأخر الذي ينقش تفاصيلها في ذاكرته.
وصلت هيام إلى باب الغرفة وهى تشعر بنظرته مثبتة عليها لذلك ألقت نظرة خاطفة عليه من الجانب بابتسامة لطيفة زينت ثغرها قبل أن تغادر المكان تماما.
بقلم نورهان محسن
عند ابريل
خرجت ابريل في الفناء الخلفي للمطعم لتغمض عينيها بانزعاج من أشعة الشمس القوية فوقها حيث كانت الساعة قرابة الثالثة عصرا مم دفعها للذهاب إلى إحدى الأشجار لتقف متكئة عليها تحت ظلها ثم خفضت نظرتها نحو الهاتف الذي كان لا يزال يرن بإلحاح فتلقت المكالمة بتردد حيث أن للقلب أسبابه التي لا يعرفها العقل قائلة بصوت خاڤت جدا محاولة التحكم في إيقاع قلبها السريع لكنها فشلت ايوه!!!
أتاها صوت أحمد العميق ازيك يا ابريل!
بدلا من رد التحية بمثلها وجدت لسانها يسأل متلهفا بدون مقدمات ستي حصلها حاجة!
أجابها أحمد مسرعا لا اطمني .. ماتتخضيش كدا .. هي

كويسة .. محدش حصله حاجة
زفرت ابريل أنفاسها براحة شديدة قبل أن تتمتم بخفوت الحمدلله
عاد أحمد يسألها بلطف طمنيني .. صحتك اخبارها ايه
أجابته ابريل تلك المرة لكن بتكلف شديد كويسة الحمدلله
إستفسر أحمد بإستفهام غير مكترث له كثيرا وباباكي صحته اتحسنت
اقتصرت إبريل في الأجابة بقي كويس
سرعان ما إنعقد حاجبيها بتعجب من معرفته هذا الأمر أقرنته فى تساؤل بس انت عرفت منين انه كان تعبان ..
لم تنتظر إجابته حيث أن عقلها أضاء بها فغمغمت بتبرم خالتي صابرين اللي قالتلك
قال أحمد مؤكدا إستنتاجها اكيد يا ابريل .. اخبارك كلها بتوصلني وعلي طول بسأل عنك
تجاهلت عمدا نبرة صوته المثقلة بالمشاعر قائلة بنبرة جافة شكرا يا احمد .. عامل ايه في الجواز
إرتفع جانب فمه بإبتسامة ثم سألها ساخرا بتسأليني كدا ببساطة .. وكأن ماكنش بينا حب سنين طويلة يا بنت خالى
أجابت ابريل ببساطة حيث لم تكذب عليه ولم تجيبه بحقيقة مشاعرها أيضا دا كان
ماضي واتقفل .. يا ابن خالي .. وصلة القرابة اللي بينا مانقدرش نتنكر منها
همس أحمد بصوت مخټنق يملأه الحنين وحشتيني يا توته .. وحشتني مكابرتك ومناكفتك فيا .. كل حاجة فيكي وحشتني
إضطرب قلبها من حديثه غير المريح ونبرته الحانية لذلك وجدت أن أفضل طريقة للدفاع هي الھجوم لتهتف بإستنكار وحشتك !! انت بأي حق بتقول الكلام دا !! وايه سبب اتصالك بيا من الاساس يا احمد!!
وصل إلى مسامعها صوته المندهش بإبتسامة حزينة انتي كمان زعلانة اني بكلمك !! خلاص نسيتيني ومابقتيش عايزة تسمعي حتي صوتي يا ابريل!
نبرته جعلت مشاعر متضاربة تتدفق بداخلها لم تكن ترغب في الشعور بها لكن يبدو أنها عالقة في ذاكرتها ولم تستطع التخلص منها بعد لكنها قاومت ذلك قائلة بجفاء مالوش لازمة الكلام دا يا احمد .. ماتسألش اسئلة عارف ردها هيكون شكله ايه!!
أطلق تأوه غير مقتنع بما يسمعه منها ليردد بإصرار وانا مش مصدق انك قدرتي تنسيني يا ابريل بالسهولة دي ..
رددت ابريل كلماتها السابقة بآلية علاقتنا ببعض موضوع قديم واتقفل من سنين
سرعان ما هربت الكلمات من فمه مستغلا الفرصة التي أتيحت له من ردودها عليه انا مقفلتوش .. انتي اللي نهتيه
خرجت تنهيدة بطيئة من جوفها فمن الواضح أن الحديث معه لا جدوى منه وهي لا تعرف ما يريد منها الآن فقالت بنبرة باردة ماتقلبش في القديم .. كل واحد فينا اختار طريقه وانا هتجوز..
شعر أحمد مع كلمتها الأخيرة بمرارة تسرى في عروقه لينطق سؤالا بصوت منخفض يشوبه عدم التصديق بكل بساطة كدا هتقدري تتجوزي واحد غيري!!
اصبحت ملامحها حادة من سؤاله لتقرن أفكارها بإجابتها المستاءة اكيد مش متوقع مني اتر هبن مثلا!
رد أحمد بتريث اكيد مش هتتر هبني .. بس مين كان سبب فركشة خطوبتنا ! مش انتي !! مع ان ابسط حقوقي اننا نقرر دا مع بعض يا ابريل
ألم قليل نمى في داخلها اثناء إستماعها كلماته فابتلعت ريقها بصعوبة ثم عقبت ساخرة الكلام دا عمره أربع سنين .. والحق للي بتقول عليه انت ضيعته علي نفسك .. عشان الراجل اللي بيوافق ان علاقته مع بنت بيحبها تنتهي .. ايا كان السبب ايه كأنه بيقولها بالفم المليان .. انا موافق انك تروحي تتجوزي راجل غيري
خاطبها أحمد بصوت غاضب مكبوت يحمل بين طياته خبايا كثيرة وطبعا مش هتتجوزي اي راجل والسلام .. انا سمعت ان خطيبك مركزه كبير وعنده فلوس كتير .. يعني صبرتي ونولتي في الاخر .. مش بس كدا دا انتي كمان اتخطبتيلوا وانتي في اخر سنة في الكلية رغم ان دراستك اهم حاجة عندك بس طبعا متحبيش تضيعيه من ايدك .. وحتي لو هتتجوزيه وانتي ماتعرفيش عنه حاجة .. والاكيد مابتحبيهوش .. بس طالما عنده للي يشبعك هت....
بترت ابريل سيل كلماته المسمو مة هاتفة بنبرة رادعة محذرة ماتكملش كلامك الفارغ دا .. والزم حدودك يا احمد
صاح أحمد بصوت محتد كلامي مش فارغ .. بس انتي منا فقة يا ابريل وعمرك ماحبتيني زي ماحبيتك
بقيت ابريل صامتة تلهث بقوة وعضلات صدرها ألمتها بسبب قوة حركته من تنفسها السريع واحمر وجهها من فرط إستيائها وبدلا من إنكار اتها مه ردت بسؤال ساخر مرير بأمارة ايه حبتني ! اقولك انت اصلا خسارة فيك حتي اني ارد عااا...
قاطعها صائحا پغضب نابع من قلبه الثائر وانتي وحدة معندكيش قلب يا ابريل وانا نية .. بتحبي الفلوس زيك زي ابوكي اللي رمي امك وهي حامل فيكي عشان مراته الاولانية ماتطردوش من جنتها .. حتي امك فضلت عيالها اللي خلفتهم بعدك عليكي .. وابوكي فضل عاش مع مراته وولاده ونسيكي
استمعت أبريل لسيل كلماته التي خرجت من فمه دون وعي بملامح جامدة وعيون دامعة جراء الذكريات المؤلمة التي اجتاحت رأسها فصدق من قال أن الكلمات تلمس وټغرق وتنقذ وتدفء تجعلك تطير وتتسع وأحيانا أخرى تلصقك في الأرض لتتمزق بلا رحمة بينما أدرك أنه يؤذي مشاعرها لكنه لم يستطع الصمت واستمر في كلماته بنبرة أقل حدة زي ما انتي نسيتي اني كنت ليكي كل حاجة .. تنكري اني عوضتك عن الدنيا وللي فيها .. مش دا كان كلامك ليا!!
رددت أبريل خلفه بتهكم متحشرج أثناء احتضان ساعدها المتدلي بيدها الأخرى في حركة تلقائية تدعمها دائما على تهدئة أعصابها التالفة اه عوضتني .. وفي الاخر عملت ايه يا احمد ! طلعت ماتتخيرش عنهم وكل اللي كان همك انك تمشي كلام امك .. حتي لو من جواك عارف ان حجتها ماكنتش مقنعة .. يمكن لو كان قرار جوازنا بسرعة دا نابع منك انت .. كان ممكن نلاقي حل وسط اقدر بيه اكمل مشوار بدأته وتعبت عشان اوصله واخلص تعليمي وانا في بيتك .. بس انت أمنت علي كلام مامتك حتي لو كانت غلط .. لمجرد انك
تفرض كلامك عليا وتثبت رجولتك .. ودلوقتي بكل بجا حة بتقولي اني انا اللي انا نية
بقى صامتا كأنه يحاول تجميع الكلمات المناسبة لكنه فشل بينما ابريل اصبحت لهجتها اكثر صرامة حينما أضافت بقوة بس دي حجة خايبة بتقنع بيها نفسك عشان تريح ضميرك .. مطلع نفسك الضحېة قدامه عشان مايفكركش انك مابتمسكتش بيا واتخليت عني
الجملة ترددت في رأسه عدة مرات ليهدر بخشونة مبررا موقفه ماتخليتش عنك يا ابريل .. انتي اللي ماستنيش الموضوع يهدي عشان نفتحو تاني ونرجع لبعض .. ماصدقتي تسمعي كلام ابوكي اللي قالك تعالي عيشي معايا قومتي سافرتي معاه القاهرة ومابصتيش وراكي
رسمت شفتيها ابتسامة كبيرة معزولة عن المرح وظهرت في لهجتها نوعا من التساؤل الساخر انت لسه بتقاوح في ايه بعد اربع سنين !
أخذت ابريل نفسا عميقا ثم واصلت حديثها بثقة تامة ونبرة مليئة بالإزدراء انا سافرت القاهرة ماهجرتش .. ولو فارقة معاك كنت حاولت تكلمني زي مابتقول .. ماكنش رد فعلك هيبقي انك تروح تتجوز صحبتي .. بس انت جبا ن يا احمد وضعيف .. وانا من لحظة ما اخدت رأي امك في موضوع دراستي وهي قررتلك وانت وافقت .. عرفت ان مهما باعوا واشتروا فيا انت مش هتكونلي ضهر يعرف يحميني وياخد حقي .. ولا ليك صوت من دماغك دايما مستني الناس تقررلك
أخبرها أحمد بنبرة أجش مدافعا عن نفسه لا يا ابريل انتي فاهمة الحكاية غلط .. انا محدش حبك في الدنيا وخاف عليكي قدي .. ولسه بحبك و ربنا يعلم ازاي حالتي وانتي بعيدة عني
صمتت ابريل أو بالأحرى إنعقد لسانها عن الرد ولم تعرف ماذا تجيب عليه أما أحمد شعر بأفكارها تتعثر فاستأنف الحديث بصوت مرتجفا لوعة ولهفة انا تعبان يا ابريل .. ذكرياتنا مع بعض .. صورتك مابتفرقنيش حتي وانا مع نادية...
أوصدت فيروزيتها بقوة محاولة السيطرة على ڠضبها قدر المستطاع فكلماته تجعلها تائهة بين الصواب والخطأ حيث يحثها جزء من قلبها على الاستماع إليه لكن عقلها أوقظها عندما سمعته ينطق اسم نادية لتعود إلى الواقع المؤلم.
ومض بريق في عينيها بمجرد أن فتحهما وحاولت جاهدة أن تكتم دموعها فكان عليها أن تبقى صامدة حتى النهاية لتزفر ببطء وهى توقف سيل كلماته قائلة بتقطع مصاحبا لها عند الإنفعال لو سمحت .. كفاية لحد كدا .. الكلام دا مالوش داعي .. انت دلوقتي واحد متجوز .. وانا خلاص هتجوز .. فاهم يعني ايه هتجوز
شددت ابريل على الكلمة الأخيرة بقوة لتؤكد له مصداقيتها مم أثار بداخله مشاعر متأججة صائحا بصوت يملأه العڈاب انا مخڼوق يا ابريل .. مش متخيلك تكوني مع واحد غيري .. هيكون له كل الحق فيكي .. بعد ما كنت انا اللي هتعيشي معاه بقية عمرك .. انتي فاهمة
هدر أحمد بأخر كلمة بصوت مرتفع بينما ابريل تساءلت بصوت مبحوح حانقا مين اللي بيكلم معلش ! احب افكرك ان انت اللي رحت تتجوز بعد كام شهر من فسخ خطوبتنا .. وجوازي امر كان هيحصل هيحصل .. وانت من لحظة ماسيبتني وانت عارف اني مصيري اتجوز
صمت أحمد لوهلة ثم سألها مستنكرا وانتي فاكراني عايش مبسوط ومستريح .. انا بعض صوابعي من الندم عشان ضيعتك مني يا ابريل ..
سحب أحمد نفسا عميقا وأضاف هامسا بنبرة رجاء يستوطنها الوهن ماتتجوزيهوش يا ابريل .. فكري كويس عشان خاطري .. انتي كمان مش هتعرفي تعيشي مع حد غيري .. محدش هيقدر يفهمك وېخاف عليكي قدي
إمتعضت معالمها استنكارا ثم همست بحدة من بين أسنانها وبصوت دل على مدى نفورها انت ازاي انا ني بالمنظر دا !! بأي حق دلوقتي بتقول الكلام دا !! انا مش هقبل علي نفسي اكون درة وحدة مالهاش ذنب انها اتجوزت واحد زيك .. عايز كل حاجة في الدنيا رضا امك وعايز تتجوز خطيبتك القديمة وعايز مراتك وبنتك كمان .. انت مخلوق من ايه يا اخي!!
قالت جملتها الأخيرة بصوت حاد لكن شيئا واحدا فقط لفت انتباهه تلاه رده السريع انا علي استعداد اطلقها ونتجوز يا ابريل وامي مش هتعترض انتي خلاص خلصتي دراستك ومابقاش في مشكلة قدمنا
ارتجف جسد أبريل من الصدمة وهزت رأسها دون وعي مستنكرة ما سمعته وهي تتمتم بإنشداه تطلق مراتك .. انت اكيد اجننت !!
أخبرها أحمد مؤكدا ببرود وفيها ايه !! انا مش هظلمها وكل حقوقها هتاخدها
ازداد نشيج صدرها نتيجة الضيق الذي أجتاحها فهذه هي المرة الثانية التي تشعر فيها بخيبة أمل فيه لتخرج كلماتها متقطعة مليئة بالفتور قد كدا سهل .. عندك تبيع وتشتري في الناس !!

مش مهم عندك لا مشاعرهم ولا حياتهم .. المهم راحتك انت .. مش كدا بجد خسارة يا ابن خالي .. عشان رغم اننا متربين مع بعض وكبرت قدام عينك .. بس ماقدرتش تعرفني كويس..
أغلقت المكالمة دون
إعطائه فرصة للرد عليها فلا يمكنها سماع المزيد من هذا الهر اء بعد الآن إذ أنه عاد بأنانية إلى فتح ستائر الماضي والتي مهما حاولت نسيانه لا تزال هناك بقايا مظلمة تطارد روحها الضائعة بين الطرقات متسائلة بمرارة ما الخطأ الذي ارتكبته منذ أن جاءت إلى العالم بين أب وأم تركوها وحيدة ولم يهتموا بها
تغضن حاجبيها فى تساؤلات كثيرة هل سيصبح هذا مصير إبنة أحمد أيضا هل ستدفع هذه الطفلة البريئة ثمن أنانية والدها وضعف والدتها كيف يصور له عقله أنها ستسمح لنفسها بجعل هذه الطفلة تخوض ما تعاني منه حتى لو هناك بقايا مشاعر في قلبها تخصه لكن بعد هذا النقاش فقد سقط عن أنظارها تماما.
أطلقت ابريل تنهيدة حارة من صدرها وهي تمسح العرق حول جبهتها محاولة قدر الإمكان إبعاد حديثه عن أفكارها لتسير وقدماها ترتجفان وكأنهما لا تستطيعان حملها حتى دخلت المقهى.
بقلم نورهان محسن
عند أحمد
فى المنصورة
حدق أحمد في شاشة الهاتف للحظات بملامح لا تنذر بالخير ثم ألقى هاتفه بقوة على السرير وأخرج سي من جيبه بتوتر ليضعها بين شفتيه ناظرا للخارج من خلال نافذة غرفته القديمة حيث أنه نزل يجلس فى شقة والدته بعد الظهيرة ثم تمتم بنبرة خشنة غير مصدق بتقفلي في وشي يا ابريل ماشي .. بس انا خلاص رجعت .. والجوازة دي مش هتم!!!
خرجت كلماته قوية وواثقة رغم أنه تمنى أن تعود الأمور معها إلى سابق عهدها إلا أنه توقع رد فعلها على الأمر حيث أن عنادها لن يتغلب عليه بسهولة لذا عليه تنفيذ ما يدور فى ذهنه بأقرب وقت.
بقلم نورهان محسن
خلال ذلك الوقت
داخل نفس المطعم الذى تعمل به إبريل
على إحدى الطاولات
باسم يجلس بصحبة فتاة أقل ما يقال أنها بارعة الجمال فسمار بشرتها يجعلها جميلة ومميزة ولديها أيضا عيون عسلية داكنة تشع منها الرقة وتتميز بجسمها ممشوق القوام.
سألته رزان بنبرة ناعمة متعجبة من صمته مالك يا باسم .. في حاجة شغلاك!
خرج باسم من أفكاره على صوتها لينزع نظارته السوداء كاشفا عن رماديتيه العميقة مثبتا إياها بعينيها وأجاب سؤالها بالنفى لا .. عادي
أخبرته رزان بنوع من الملل وهى تداعب أظافرها اصلك من وقت ما قعدنا وانت مقولتش حاجة
اقترب باسم منها عبر الطاولة وخاطبها بنبرة خاڤتة بلطف معلش يا روز .. سرحت شوية في جمالك .. كالعادة كل ما بشوفك بتبهريني اكتر
أعطاها ابتسامة صياد مخادع عندما تأكد من ملامحها الخجولة أنها ابتلعت الطعم الذي ألقاه لها بينما طرقت الأخرى رأسها وحمحمت بابتسامة مرتبكة عادي .. المهم تكون مستريح
خاطبها باسم بنبرة رجولية عميقة يضرب علي الحديد وهو ساخن عايز اقولك حاجة معرفش هتصدقيها ولالا .. !
اعتدلت رزان تسأله والفضول يطغى عليها كونه لا يتحدث عن شيئا يخصه كثيرا ايه هي
ازداد باسم قربا وعيناه الرمادية الثاقبتان تحدقان بعمق في عسليتها ثم همس بصوت جعله عميقا وصادقا بإتقان محترف انا مبكونش مستريح وانا قاعد مع اي حد .. زي بكون مستريح معاكي انتي يا روز
أعجبها نطقه اسمها بنبرة صوته الجذابة لذلك لم تمنع ابتسامتها من التسلل لأطراف ثغرها وقبل أن تتمكن من الرد جاءت النادلة لتقطع حديثهما وهي تضع بعض المشروبات أمامهم بإبتسامة لطيفة.
وضع باسم يده تحت خده ناظرا إلى عبوة مشروب البيبسي الغازي التي مددت رزان يدها لتمسكها ليسألها بحيرة مش عارف فيها ايه لو تسيبهم يفتحوهالك ويجيبوهالك جاهزة في الكوباية 
تخلت رزان عما في يدها بضحكة محرجة بعد كلام باسم قبل أن تزيح خصلات شعرها إلى وراء أذنها لتجيب عليه بكل بساطة وصدق هو انا كدا .. طبع فيا سميها وسوسة او حرص بالزيادة .. بس برتاح لما افتحها بنفسي
لم باسم يعير كلامها انتباه ليتحدث بصوته العميق الخاڤت تعرفي انك حلوة ومميزة اوي في عيني .. اكيد وصلك احساسي وقد ايه معجب بيكي ولما بكون معاكي ببقي مبسوط ومرتاح جدا
رمقته رزان بعسليتها المتسعة مندهشة من تغدقه لها بتلك الكلمات الرقيقة بينما انتظر الآخر ردها لكنها بقيت صامتة فسألها بنوع من الإصرار وهو يمد يده ممسكا بيدها بحنان عبر الطاولة وانتي ايه شعورك من نحيتي 
شعرت رزان بالأدرينالين يرتفع في دماءها من لمسته لأصابعها لتجيبه بنعومة انا كمان بحس نفس احساسك
نظر باسم لها بطريقة تجعل أي أنثى ټغرق برماديتيه الذائبة عشقا قبل أن يعقب بهدوء عارفة اني من وقت طويل وانا رافض موضوع الارتباط ومش حابب افتح قلبي لحد .. بس لما عرفتك اتغيرت نظرتي للدنيا وبقيت بحس براحة وسعادة لما بتكوني معايا
أخذ باسم نفسا عميقا ثم تابع بنفس الهدوء وهو يمسح بإبهامه على أصابعها متحسسا جلدها الناعم مم أرسل ذبذبات لطيفة في جسدها فأسدلت رموشها بصمت تستمع إليه معرفش هتصدقيني ولالا .. بس انا حقيقي حاسس بمشاعر قوية جوايا بقي صعب اسيطر عليها .. انا بحبك يا رزان
ونفسي اقضي باقي عمري كله معاكي انتي .. نفسي تشاركيني كل حياتي ونكون لبعض كل حاجة
أضاف باسم بنفس اللهجة الخاڤتة وهو يلقي نظرة خاطفة عليها ويدرس تغيراتها التعبيرية وكفه لا يزال ملفوفا فوق يدها اقبلي بحبي واوعدك هخليكي اسعد انسانة في العالم .. تتجوزيني يا رزان!!
رفعت رزان رأسها بعيون واسعة بتفاجئ من طلبه الغير متوقع وشهقة خاڤتة فلتت من فمها الشبه مغلق.
رزان من أصل لبناني لكنها ترعرعت في مصر مع عائلتها التي انتقلت إلى كندا منذ سنوات و بقيت فى في القاهرة لتحقق حلمها بالعمل كعارضة أعلانات وهى تطمح بأن تصبح ممثلة مشهورة.
بقلم نورهان محسن
على الجانب الأخر فى نفس المطعم
عند ابريل
اعتدلت رضوى فى وقفتها بمجرد أن رأت أبريل قادمة تجاههم متسائلة والفضول يطغى عليها ايه عملتي ايه !!
ردت ابريل بنظرات ساهمة ولا حاجة
سألتها رضوى مستمرة في إتباع فضولها الرهيب خاصة عندما لاحظت آثار الإرهاق الواضحة على ملامحها باين علي وشك انكو اتخا نقتو .. مش كدا!!
نفخت ابريل خديها مللا من إلحاحها وهتفت بتبرم بعدين هحكيلك يا ژنا نة .. مالك يا اميرة مش واقفة علي بعضك ليه
قالت أبريل ذلك بدهشة وهي تراها واقفة صامتة تقضم أظافرها بطريقة عصبية سبقتها رضوى وقالت بصوت خاڤت وهي تدنو برأسها إلى مستواها وكأنها ستخبرها بأحد أسرار الدولة الخطېر ة اصل حصلت حاجة زي الطين من شوية وانتي برا فأخدتها تهدي علي جنب
زوت ابريل بين حاجبيها بعدم فهم ثم هتفت متسائلة بصوت متحشرج ايه يعني اللي حصل .. ماتكلموا قلقتوني!
ألقت رضوى نظرة سريعة على أميرة تنتظر ردها لكن الأخيرة أشارت إليها نظرة حزينة لتجيب بدلا عنها فتنحنحت رضوى قبل أن ترد عليها بفم ملتوي اصل اللي مايتسمي حازم هنا
إرتسمت التساؤل على وجه إبريل وهي تلوح بكفها وتوجه سبابتها إلى الأسفل مستفسرة بهمس هنا فين في الريسترو!!
أومأت رضوى برأسها مؤكدة لها فتوالت في ذهنها عدة تساؤلات حول سر هذه الزيارة غير المتوقعة لتسأل بسخرية لاذعة وايه اللي جاب الوات ي دا هنا هما بيتحدفوا كلهم مرة واحدة كدا